ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಕ್ಕೆ ನಾಲ್ಕು ರನ್ ಜಯ
ನವದೆಹಲಿ: ಐಪಿಎಲ್ ಟಿ20 ಪಂದ್ಯಾವಳಿಯಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ ಡೆಲ್ಲಿ ಡೇರ್ ಡೆವಿಲ್ಸ್ ವಿರುದ್ಧ ನಾಲ್ಕು ರನ್ ಗಳ ಗೆಲುವು ದಾಖಲಿಸಿದೆ.
ಇಂದು ಫಿರೋಜ್ ಷಾ ಕೋಟ್ಲಾ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಪಂಜಾಬ್, ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 143 ರನ್ ಸೇರಿಸಿತು.
ಗೆಲುವಿಗೆ 144 ರನ್ ಟಾರ್ಗೆಟ್ ಬೆನ್ನತ್ತಿದ ಡೆಲ್ಲಿ, ನಿಗದಿತ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸುವ ಮೂಲಕ ಪಂಜಾಬ್ ವಿರುದ್ಧ ಸೋಲು ಅನುಭವಿಸಿತು.
ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ಪರ ಶ್ರೇಯಸ್ ಅಯ್ಯರ್ 57 ರನ್ ಗಳಿಸದರೂ ಜಯದ ಶ್ರೇಯಸ್ಸು ಮಾತ್ರ ಪಂಜಾಬ್ಗೆ ದಕ್ಕಿತು.
ಪಂಜಾಬ್ ತಂಡದ ಪರ ಕರುಣ್ ನಾಯರ್(34), ಡೇವಿಡ್ ಮಿಲ್ಲರ್(26), ಲೋಕೇಶ್ ರಾಹುಲ್ (23) ಹಾಗೂ ಮಯಾಂಕ್ ಅಗರ್ವಾಲ್(21) ರನ್ ಕಾಣಿಕೆ ನಿಡಿದರು.
ಡೆಲ್ಲಿ ಪರ ಲಯಾಮ್ ಪ್ಲಂಕೆಟ್ 3 ವಿಕೆಟ್ ಕಬಳಿಸಿದರೆ, ಟ್ರೆಂಟ್ ಬೌಲ್ಟ್ ಹಾಗೂ ಅವೇಶ್ ಖಾನ್ 2 ವಿಕೆಟ್ ಪಡೆದರು. ಉಳಿದಂತೆ ಡೇನಿಯಲ್ ಕ್ರಿಶ್ಚಿಯನ್ ಒಂದು ವಿಕೆಟ್ ಗಳಿಸಿದರು.
ಪ್ರತಿಕ್ರಿಯೆಗಳು