ರಾಂಪುರ ಗ್ರಾಮಕ್ಕೆ ಬಂದ ಚಿರತೆ. ಹತ್ತು ಕುರಿಗಳ ಸಾವು. ಹದಿನೈದು ಕುರಿಗಳು ಪ್ರಾಣಾಪಾಯದಲ್ಲಿ

Posted date: 12 Aug, 2021

ರಾಂಪುರ ಗ್ರಾಮಕ್ಕೆ ಬಂದ ಚಿರತೆ. ಹತ್ತು ಕುರಿಗಳ ಸಾವು. ಹದಿನೈದು ಕುರಿಗಳು ಪ್ರಾಣಾಪಾಯದಲ್ಲಿ

ಚನ್ನಪಟ್ಟಣ ತಾಲ್ಲೂಕಿನಲ್ಲಿ ಚಿರತೆ ಹಾವಳಿ ಸದ್ಯಕ್ಕೆ ನಿಲ್ಲುವ ಲಕ್ಷಣ ಕಾಣುತ್ತಿಲ್ಲ. ‍ಚನ್ನಪಟ್ಟಣ ತಾಲ್ಲೂಕಿನ ರಾಂಪುರ ಗ್ರಾಮಕ್ಕೆ ತಡರಾತ್ರಿ ನುಗ್ಗಿದ ಚಿರತೆ ಏಕಾಏಕಿ ದಾಳಿ ನಡೆಸಿ 25 ಕ್ಕೂ ಹೆಚ್ಚು ಕುರಿಗಳು ಸಾವನ್ನಪ್ಪಿದರುವ ಘಟನೆ ಜರುಗಿದೆ.

ಒಂದೆಡೆ ಕಾಡಾನೆ ಮತ್ತೊಂಡೆಡೆ ಚಿರತೆ ದಾಳಿಯಿಂದ ಮಾತ್ರ ರೇಷ್ಮೆನಗರಿ ಮತ್ತು ಬೊಂಬೆನಾಡುಗಳು ಮಾತ್ರ ಸದ್ಯಕ್ಕೆ ಮುಕ್ತಿ ದೊರೆಯುವ ಲಕ್ಷಣ ಮಾತ್ರ ಕಾಣುತ್ತಿಲ್ಲ. ಚನ್ನಪಟ್ಟಣ ತಾಲ್ಲೂಕಿನ ರಾಂಪುರ ಗ್ರಾಮದಲ್ಲಿ‌ ಚಿರತೆ ದಾಳಿ ನಡೆಸಿ‌ ಸುಮಾರು ಹತ್ತು ಕುರಿಗಳು ಸ್ಥಳದಲ್ಲೇ ಅಸುನೀಗಿದರೆ ಹದಿನೈದಕ್ಕೂ ಹೆಚ್ಚು ಕುರಿಗಳನ್ನ ಪ್ರಾಣಾಪಾಯದಲ್ಲಿರುವುದಾಗಿ ಮಾಲೀಕ ನಂಜುಂಡಯ್ಯ ಅಳಲು ತೋಡಿಕೊಂಡಿದ್ದಾರೆ.

ಈ ಎಲ್ಲಾ ಕುರಿಗಳು ಗ್ರಾಮದ ನಂಜುಂಡಯ್ಯ ಉರುಫ್ ಬೋಳೇಗೌಡ ಎಂಬುವವರಿಗೆ ಸೇರಿದ್ದು ಒಂದೊಂದು ಕುರಿ ಸರಿಸುಮಾರು 10 ಸಾವಿರ ರೂ ಬೆಲೆ ಬಾಳುವ ಕುರಿಗಳಾಗಿದ್ದವು. ಚಿರತೆ ದಾಳಿಯಿಂದ ಲಕ್ಷಾಂತರ ರೂ ಹಾನಿಯಾಗಿದೆ ಎಂದು ತಮ್ಮ ಅಳಲು ತೋಡಿಕೊಂಡಿದ್ದಾರೆ.

*ಅರಣ್ಯಾಧಿಕಾರಿಗಳ ವಿರುದ್ಧ ಆಕ್ರೋಶ *

ಕಾಡಾನೆ ಹಾಗೂ ಚಿರತೆ ದಾಳಿಗೆ ಶಾಶ್ವತ ಪರಿಹಾರ ನೀಡುವಲ್ಲಿ ಅರಣ್ಯಾಧಿಕಾರಿಗಳು ಎಡವಿದ್ದಾರೆ. ಪದೇ ಪದೇ ದಾಳಿ ಮಾಡುತ್ತಿದ್ದರು ಕೂಡ ಅರಣ್ಯಾಧಿಕಾರಿಗಳು ಮಾತ್ರ ಜಾಣ ಕುರುಡು ಪ್ರದರ್ಶನ ಮಾಡುತ್ತಿದ್ದಾರೆ. ಈ ಕೂಡಲೆ ಅಧಿಕಾರಿಗಳು ಸೂಕ್ತ ಕ್ರಮ ಜರುಗಿಸಬೇಕೆಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.