ಮಾಗಡಿ: ತಾಲೂಕಿನ ಮುತ್ತಸಾಗರ ಗೊಲ್ಲರಹಟ್ಟಿ ಗ್ರಾಮದ  ಪೂಜಾರಿ ರಾಜಣ್ಣ ಎಂಬುವರ ಪುತ್ರ ನಾಗರಾಜು [30], ಜ್ಯೋತಿ [35], ಲಕ್ಷ್ಮೀ [22] ಕುರಿ ಮೈತೊಳೆಯುತ್ತಿದ್ದಾಗ ಕೆರೆಯಲ್ಲಿದ್ದ ಆಳವಾದ ಕಮರಿಯಲ್ಲಿ ಮುಳುಗಿ ಸಾವನ್ನಪಿದ ಮೃತ ದುರ್ದೈವಿಗಳಾಗಿದ್ದಾರೆ.

ಜಳಜಳ ಬಿಸಿಲಿನ ತಾಪದ ಹಿನ್ನಲೆಯಲ್ಲಿ ತಾವು ಸಾಕಿರುವ ಕುರಿಗಳನ್ನು  ಗ್ರಾಮದ ಬಳಿಯ ಹೊಸ ಕೆರೆಯಲ್ಲಿ  ಶನಿವಾರ ಮಧ್ಯಾಹ್ನ ಕುರಿ ತೊಳೆಯಲು ಮುಂದಾದ ವೇಳೆ ಕೆರೆಯ ಒಳಗೆ ಪ್ರಥಮವಾಗಿ ನಾಗರಾಜು ಮುಂದಾದ ವೇಳೆ ಕೆರೆಯಲ್ಲಿನ ಗುಂಡಿಗೆ ಬಿದಿದ್ದಾರೆ. ನಾಗರಾಜು ರವರನ್ನು ರಕ್ಷಣೆ ಮಾಡಲು ಮುಂದಾದ ಅಕ್ಕ ಜ್ಯೋತಿಯೂ ಸಹ ಕಮರಿಗೆ ಬಿದ್ದು ಕೂಗಿಕೊಂಡಿದ್ದಾರೆ. ಈ ವೇಳೆ ನಾಗರಾಜು ಮತ್ತು ಜ್ಯೋತಿ ರಕ್ಷಣೆಗೆಗಾಗಿ ಕೂಗಾಡಿದ್ದಾರೆ. ತಕ್ಷಣ ಯಾರು ಬಾರದಿದ್ದರಿಂದ ನಾಗರಾಜು ಮತ್ತು ಜ್ಯೋತಿ ರವರ ಮತ್ತೋರ್ವ ಅಕ್ಕನ ಮಗಳು ಲಕ್ಷ್ಮೀ ಅವರಿಬ್ಬರನ್ನೂ ರಕ್ಷಿಸಲು ಮುಂದಾಗಿದ್ದಾರೆ. ಅವರಿಗೂ ಈಜು ಬಾರದ ಹಿನ್ನಲೆಯಲ್ಲಿ ಮೂರು ಮಂದಿಯೂ ಮೃತಪಟ್ಟಿದ್ದಾರೆ.

 ನಾಗರಾಜು ಅವರ ಅಕ್ಕ ಜ್ಯೋತಿ ಯಾಗಿದ್ದು ಲಕ್ಷ್ಮೀ ನಾಗರಾಜು ಅವರ ಹಿರಿಯ ಅಕ್ಕನ ಮಗಳಾಗಿದ್ದಾರೆ.

 ಜ್ಯೋತಿ ಎಂಬುವರನ್ನು  ಕಾಮಾಕ್ಷಿ ಪಾಳ್ಯದ ನಿವಾಸಿಗೆ ಮದುವೆ ಮಾಡಿಕೊಡಲಾಗಿದ್ದು ಒಂದು ಗಂಡು, ಒಂದು ಹೆಣ್ಣು ಮಕ್ಕಳಿದ್ದಾರೆ. ನಾಗರಾಜು ಎಂಬುವರಿಗೆ ಒಂದು ಗಂಡು, ಒಂದು ಹೆಣ್ಣು ಮಕ್ಕಳಿದ್ದಾರೆ.

ಅಗ್ನಿ ಶಾಮಕ ಸಿಬ್ಬಂದಿಗಳು ಹಾಗೂ ಕುದೂರು ಪೊಲೀಸರು ಆಳದ ಕಮರಿಯಲ್ಲಿ ಬದಿಗೆ ಕಚ್ಚಿಕೊಂಡಿದ್ದ ಮೃತ ದೇಹಗಳನ್ನು ಹೊರತೆಗೆದು ಮಾಗಡಿ ಸಾರ್ವಜನಿಕ ಸರಕಾರಿ ಆಸ್ಪತ್ರೆ ಶವಾಗಾರಕ್ಕೆ ಕೊಂಡೊಯ್ದು ಮರಣೋತ್ತರ ಪರೀಕ್ಷೆ ನಡೆಸಿದ ನಂತರ ಕುಟುಂಬಸ್ಥರಿಗೆ ಮೃತ ದೇಹಗಳನ್ನು ನೀಡಿದರು.

ಕೆರೆಯ ಬಳಿ ಹಾಗೂ ಆಸ್ಪತ್ರೆಯ ಮುಂದೆ ಕುಟುಂಬಸ್ಥರ ರೋದನೆ ಮುಗಿಲು ಮುಟ್ಟಿದ್ದು ತಹಶೀಲ್ದಾರ್ ಜಿ.ಸುರೇಂದ್ರ ಮೂರ್ತಿ ಸರಕಾರಿ ಆಸ್ಪತ್ರೆಯ ಬಳಿ ತೆರಳಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದ್ದಾರೆ. 

ತಾಲೂಕಿನಾದ್ಯಂತ ಇಟ್ಟಿಗೆ ಪ್ಯಾಕ್ಟರಿಗಳಿಗೆ ಹಾಗೂ ಬಲಾಢ್ಯರು ವ್ಯವಹಾರ ದೃಷ್ಟಿಯಿಂದ ಕೆರೆಗಳಲ್ಲಿ ಅನಧಿಕೃತವಾಗಿ ಹೂಳು ಎತ್ತುವ ನೆಪದಲ್ಲಿ, ಅವರಿಗೆ ಅನುಕೂಲವಾಗುವ ಕಡೆ ಆಳವಾದ ಗುಂಡಿಗಳನ್ನು ಮಾಡಿ, ಮಣ್ಣು ತೆಗೆದು ಎಲ್ಲೆಂದರಲ್ಲಿ ಗುಂಡಿ ತೆಗೆಯುತ್ತಿರುವುದರಿಂದ ಇಂಥಹ ದುರ್ಘಟನೆಗಳು ನಡೆಯುತ್ತಿವೆ ಇದಕ್ಕೆ ಕಡಿವಾಣ ಹಾಕಬೇಕಾದ ಕಂದಾಯ  ಅಧಿಕಾರಿಗಳು, ಸ್ಥಳೀಯ ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳು, ಸದಸ್ಯರುಗಳು ಕಣ್ಣುಮುಚ್ಚಿ ಕುಳಿತಿದ್ದಾರೆ. ಇದರಿಂದ ಅಮಾಯಕ ಜೀವಗಳು ಬಲಿಯಾಗುತ್ತಿವೆ. ಇವರ ವಿರುದ್ಧ ಸರ್ಕಾರವು ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.