ಮಕ್ಕಳಿಗೆ ಅಕ್ಷರ ಹೇಳಿಕೊಟ್ಟವನು ಗುರು, ಹೆತ್ತ ಮಕ್ಕಳಿಗೆ ತಾಯಿಯೇ ಗುರು, ಭೂಮಿ ಮೇಲಿರುವ ಪ್ರತಿಯೊಂದು ಜೀವಿಗೂ ದೇಶದ ಬೆನ್ನೆಲುಬು, ಅನ್ನದಾತನೇ ಗುರು ಎಂದು ವಿಶ್ರಾಂತ ಪ್ರಾದ್ಯಾಪಕ ಹಾಗೂ ಕೃಷಿ ವಿಶ್ವವಿದ್ಯಾಲಯ ದ ತಾಂತ್ರಿಕ ಅಧಿಕಾರಿಗಳಾದ ಡಾ ಪುಟ್ಟರಾಜುರವರು ಅಭಿಪ್ರಾಯಪಟ್ಟರು.

ಅವರು ಭಾರತ ವಿಕಾಸ ಪರಿಷತ್ತು ಕಣ್ವ ಶಾಖೆ ಚನ್ನಪಟ್ಟಣ ಇವರು ಒಕ್ಕಲಿಗರ ಸಾರ್ವಜನಿಕ ವಿದ್ಯಾರ್ಥಿ ನಿಲಯದಲ್ಲಿ ಏರ್ಪಡಿಸಿದ್ದ ಶಿಕ್ಷಕರ ದಿನಾಚರಣೆಯಲ್ಲಿ ಮುಖ್ಯ ಭಾಷಣಕಾರರಾಗಿ ಭಾಗವಹಿಸಿ ಮಾತನಾಡಿದರು.

 

ಇಂದು ರೈತ ಸಂಕಷ್ಟದಲ್ಲಿದ್ದು ಸರ್ಕಾರವಾಗಲಿ ಜನಪ್ರತಿನಿಧಿಗಳಾಗಲಿ ಅವರ ಸಹಾಯಕ್ಕೆ ನಿಲ್ಲದೆ ಅವನ ಬದುಕಿನಲ್ಲಿ ದಿನೆದಿನೇ ಸಂಕಷ್ಟ ಹೆಚ್ಚಾಗುತ್ತಲೇ ಇದೆ. ಅವನು ವ್ಯವಸಾಯ ಮಾಡಲು ತರುವ ಸಲಕರಣೆಗಳು ಮತ್ತು ರಾಸಾಯನಿಕಗಳಿಗೂ  ಅವರು ಹೇಳಿದ ಬೆಲೆ ತೆತ್ತು ತಂದು ವ್ಯವಸಾಯ ಮಾಡುತ್ತಾನೆ. ಆದರೆ ಅವನು ಬೆಳೆದ ಬೆಳೆಗೆ ತನ್ನದೇ ಆದ ಬೆಲೆ ನಿಗದಿ ಮಾಡಿ ಅದನ್ನು ಮಾರಾಟ ಮಾಡಲು ಅವಕಾಶ ಇಲ್ಲದೆ ಬೆಳೆದ ಬೆಳೆಯನ್ನು ಗಿಡದಲ್ಲೇ ಬಿಡುವುದು ಇಲ್ಲಾ ರಸ್ತೆಗೆ ಸುರಿಯುವುದು ಮಾಡುವುದರ ಜೊತೆಗೆ ಆತ ಸಾಲಗಾರನಾಗಿ ಬೆಂದು ಬಸವಳಿದು ಆತ್ಮಹತ್ಯೆಗೆ ಶರಣಾಗುತ್ತಿದ್ದಾನೆ‌.

ಪ್ರತಿನಿತ್ಯ ಅನ್ಮ ನೀಡುವ ರೈತನನ್ನು ಕೇವಲ ಸರ್ಕಾರವಷ್ಟೇ ಅಲ್ಲದೆ ಫಲಾನುಭವಿಯಾದ ಎಲ್ಲರೂ ಆತನನ್ನು ಗುರುವಾಗಿ ಸ್ವೀಕರಿಸಿ ಉತ್ತಮ ಬೆಲೆ ಕೊಟ್ಟು ರೈತರನ್ನು ಉಳಿಸಲು ಕೈಜೋಡಿಸಬೇಕೆಂದು ಕರೆ ನೀಡಿದರು.

 

ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ತಾಲ್ಲೂಕು ಕ್ಷೇತ್ರ ಶಿಕ್ಷಣಾಧಿಕಾರಿ ಆರ್ ಎಸ್ ಸೀತಾರಾಮು ರವರು ಮಕ್ಕಳಿಗೆ ತಾಯಿಯೇ ಮೊದಲ ಗುರುವಾದರೂ ಆ ವಿದ್ಯಾರ್ಥಿಗಳನ್ನು ಒಂದು ಶಿಲ್ಪವನ್ನಾಗಿ ತಯಾರು ಮಾಡುವುದು ಶಿಕ್ಷಕ. ಕೂಲಿ ಕಾರ್ಮಿಕ ಅವಿದ್ಯಾವಂತ ದಂಪತಿಗಳ ಪುತ್ರರಾದ ಡಾ ಸರ್ವಪಲ್ಲಿ ರಾಧಾಕೃಷ್ಣನ್ ರವರು ಸ್ವತಂತ್ರ ಭಾರತದ ಮೊದಲ ರಾಷ್ಟ್ರಪತಿಯಾದರೆಂದರೆ ಅದಕ್ಕೆ ಅವರ ಶ್ರಮ ಹಾಗೂ ನನ್ನ ಮಗನನ್ನು ವಿದ್ಯಾವಂತನನ್ನಾಗಿ ಮಾಡಬೇಕೆಂಬ ಹೆಬ್ಬಯಕೆಯ ಜೊತೆಗೆ ಅವರಿಗೆ ಅಕ್ಷರಾಭ್ಯಾಸ ಮಾಡಿಸಿದ ಗುರುಗಳ ಪಾತ್ರ ದೊಡ್ಡದಿದೆ ಎಂದರು.

 

ಕರ್ನಾಟಕ ದಕ್ಷಿಣ ಪ್ರಾಂತ್ಯದ ಭಾವಿಪ ಅಧ್ಯಕ್ಷರಾದ ಡಿ ಪಿ ಸ್ವಾಮಿಯವರು ಮಾತನಾಡಿ ಇಡೀ ದಕ್ಷಿಣ ಕರ್ನಾಟಕ ದಲ್ಲಿ ಚನ್ನಪಟ್ಟಣದ ಕಣ್ವ ಶಾಖೆಯು ಅತ್ಯುತ್ತಮ ಕಾರ್ಯಕ್ರಮಗಳನ್ನು ಏರ್ಪಡಿಸುತಿದ್ದು ಶ್ಲಾಘನೀಯ. ಆದರೆ ಇಷ್ಟು ವರ್ಷಗಳಾದರೂ ಸಹ ಸಂಘಕ್ಕೆ ಒಂದು ಸ್ವಂತ ಕಟ್ಟಡ ಇಲ್ಲದಿರಿವುದು ಬೇಸರವಿದೆ, ಈ ನಿಟ್ಟಿನಲ್ಲಿ ಸಂಘದ ಪದಾಧಿಕಾರಿಗಳು ಗಮನಹರಿಸಬೇಕು ಎಂದು ಸೂಚಿಸಿದರು.

 

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಭಾವಿಪ ತಾಲ್ಲೂಕು ಅಧ್ಯಕ್ಷ ವಸಂತಕುಮಾರ್ ರವರು ಸಂಘದ ಕಟ್ಟಡ, ರೈತರಿಗಾಗುತ್ತಿರುವ ಅನ್ಯಾಯ ಮತ್ತು ಶಿಕ್ಷಕರಿಗೆ ಬೋಧನಾ ವೃತ್ತಿಗಿಂತ ಇಲಾಖೆಯ ಕೆಲಸಗಳೇ ಹೆಚ್ಚಾಗುತ್ತಿರುವ ಬಗ್ಗೆ ತಮ್ಮ ಅಸಮಾಧಾನವನ್ನು ಹೊರಹಾಕಿದರು.

 

ನಿವೃತ್ತ ಮುಖ್ಯ ಶಿಕ್ಷಕಿ ಎಂ ಸಿ ಗೌರಮ್ಮನವರ ಸ್ಮರಣಾರ್ಥ ಶ್ರೀಮತಿ ಸಂಧ್ಯಾಮಹೇಶ್ ರವರು ಊಟದ ವ್ಯವಸ್ಥೆ ಏರ್ಪಡಿಸಿದ್ದರು.

ಇದೆ ಸಮಯದಲ್ಲಿ ಆರೋಗ್ಯ ತಪಾಸಣಾ ಶಿಬಿರವನ್ನು ಹಮ್ಮಿಕಳ್ಳಲಾಗಿತ್ತು.

 

ಕಾರ್ಯಕ್ರಮದಲ್ಲಿ ಕರವೇ ಜಿಲ್ಲಾ ಕಾರ್ಯದರ್ಶಿ ಎಂ ಎನ್ ಸತ್ಯನಾರಾಯಣ, ನಿವೃತ್ತ ಶಿಕ್ಷಕಿ ಸರೋಜಮ್ಮ, ಸಾರ್ವಜನಿಕ ವಿದ್ಯಾಸಂಸ್ಥೆಯ ಉಪಪ್ರಾಂಶುಪಾಲ ದೊಡ್ಡೇಗೌಡ, ಭಾವಿಪ ದ ಉಪಾಧ್ಯಕ್ಷ ಕೆ ಬಿ ಉಮೇಶ್, ಸಹ ಕಾರ್ಯದರ್ಶಿ ಎಸ್ ಶಿವಲಿಂಗಯ್ಯ, ಪ್ರಧಾನ ಕಾರ್ಯದರ್ಶಿ ಬಿ ಎನ್ ಕಾಡಯ್ಯ, ಕೋಶಾಧ್ಯಕ್ಷ ತಿಪ್ರೇಗೌಡ, ಉಪಾಧ್ಯಕ್ಷೆ ರಾಧಿಕಾರವಿಕುಮಾರಗೌಡ, ಪತ್ರಿಕಾ ಕಾರ್ಯದರ್ಶಿ ಗೋ ರಾ ಶ್ರೀನಿವಾಸ, ಹಾಗೂ ಪದಾಧಿಕಾರಿಗಳು, ಕಾರ್ಯಕಾರಿ ಸಮಿತಿ ಸದಸ್ಯರು ಭಾಗವಹಿಸಿದ್ದರು.

 

ಗೋ ರಾ ಶ್ರೀನಿವಾಸ...

ಪತ್ರಿಕಾ ಕಾರ್ಯದರ್ಶಿ.

ಭಾವಿಪ ಕಣ್ವ ಶಾಖೆ ಚನ್ನಪಟ್ಟಣ.

ಮೊ; 9845856139.