ಚನ್ನಪಟ್ಟಣ: ಸಂಗೀತ ಸೌರಭ ವಾದ್ಯಗೋಷ್ಠಿ ವತಿಯಿಂದ ನಗರದ ಜೆಸಿ ರಸ್ತೆಯಲ್ಲಿರುವ ಒಕ್ಕಲಿಗರ ಸಾರ್ವಜನಿಕ ವಿದ್ಯಾರ್ಥಿನಿಲಯದ ಆವರಣದಲ್ಲಿ ಜು.17 ರ ಭಾನುವಾರ ಮಧ್ಯಾಹ್ನ 4  ಗಂಟೆಗೆ ಎಂದೂ ಮರೆಯದ ಕನ್ನಡ ಚಲನಚಿತ್ರಗಳ ಸಂಗೀತ ರಸಸಂಜೆ ಹಾಗೂ ಕಲಾ ಪ್ರೋತ್ಸಾಹಕರಿಗೆ ಗೌರವಾರ್ಪಣೆ ಆಯೋಜಿಸಲಾಗಿದೆ ಎಂದು ಗಾಯಕ ಹಾಗೂ ಸಂಘಟಕರಾದ ಡಾ ರಾ.ಬಿ.ನಾಗರಾಜ್ ತಿಳಿಸಿದ್ದಾರೆ.

ಈ ಕುರಿತು ಪತ್ರಿಕಾ ಪ್ರಕಟಣೆ ನೀಡಿರುವ ಅವರು, ಕಳೆದ ಮೂರು ದಶಕಗಳಿಂದ ವಾದ್ಯಗೋಷ್ಠಿ ರಂಗದಲ್ಲಿ ಗಾಯಕರಾಗಿ ತಂಡ ಕಟ್ಟಿಕೊಂಡು ರಾಜ್ಯಾದ್ಯಂತ ಸುಮಾರು ಐದು ಸಾವಿರಕ್ಕೂ ಹೆಚ್ಚು ಕಾರ್ಯಕ್ರಮಗಳನ್ನು ನೀಡಲಾಗಿದೆ. ವಾದ್ಯಗೋಷ್ಠಿ ರಂಗದಲ್ಲಿನ ತಮ್ಮ ಮೂರು ದಶಕಗಳ ಸಾರ್ಥಕ ಕಲಾ ಸೇವೆಯ ಸವಿ ನೆನಪಿಗಾಗಿ ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಸಂಗೀತ ಸೌರಭ ವಾದ್ಯಗೋಷ್ಠಿಗೆ ವೇದಿಕೆಗಳನ್ನು ಕೊಟ್ಟಂತಹ ಕಲಾ ಪೋಷಕರಿಗೆ ಗೌರವಾರ್ಪಣೆ ಹಾಗೂ ಎಂದೂ ಮರೆಯದ ಚಲನಚಿತ್ರ ಗೀತೆಗಳ ಸಂಗೀತ ಸಂಜೆ ನಡೆಯಲಿದೆ ಎಂದು ತಿಳಿಸಿದ್ದಾರೆ.

ಕನ್ನಡ ಜನಶಕ್ತಿ ಕೇಂದ್ರದ ಅಧ್ಯಕ್ಷರಾದ ಸಿ.ಕೆ ರಾಮೇಗೌಡ ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಕಸ್ತೂರಿ ಕರ್ನಾಟಕ ಜನಪರ ವೇದಿಕೆ ರಾಜ್ಯಾಧ್ಯಕ್ಷ ಎಲ್. ರಮೇಶ್‍ಗೌಡ ಅಧ್ಯಕ್ಷತೆ ವಹಿಸಲಿದ್ದಾರೆ. ಸಾಂಸ್ಕೃತಿಕ ಚಿಂತಕ ಹಾಗೂ ಕನ್ನಡಪರ ಹೋರಾಟಗಾರರಾದ ಗೋವಿಂದಹಳ್ಳಿ ಕೃಷ್ಣೇಗೌಡರವರು ಕಲಾ ಪೋಷಕರನ್ನು ಸನ್ಮಾನಿಸಲಿದ್ದಾರೆ. ಸಮಾಜ ಸೇವಕರು, ಜೆ.ಡಿ.ಎಸ್. ಮುಖಂಡರಾದ ಗೋವಿಂದಹಳ್ಳಿ ನಾಗರಾಜು, ಐ.ಟಿ.ಐ ಕಾಲೇಜುಗಳ ಸಂಘದ ರಾಜ್ಯಾಧ್ಯಕ್ಷರಾದ ಮಂಜುನಾಥ್, ಮಾಜಿ ತಾಲ್ಲೂಕು ಪಂಚಾಯಿತಿ ಸದಸ್ಯರು ಹಾಗೂ ರಂಗಭೂಮಿ ಕಲಾವಿದರಾದ ಕೂಡ್ಲೂರು ವೆಂಕಟೇಶ್, ಪದ್ಮಭೂಷಣ ಡಾ.ರಾಜ್ ಕಲಾಬಳಗದ ಪ್ರಧಾನ ಕಾರ್ಯದರ್ಶಿ, ರಂಗಭೂಮಿ ಕಲಾವಿದರಾದ ತಿಮ್ಮರಾಜು, ಚಲನಚಿತ್ರ ಹಾಗೂ ಕಿರುತೆರೆ ಕಲಾವಿದರಾದ ಮಂಡ್ಯ ಸತ್ಯ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.

ಕಾರ್ಯಕ್ರಮದಲ್ಲಿ ತಮಗೆ ಹೆಚ್ಚು ಕಾರ್ಯಕ್ರಮಗಳನ್ನು ನೀಡಿದ ಕೇಬಲ್ ನಾಗರಾಜು, ನೀಲಕಂಠನಳ್ಳಿ ಜಿ.ಗುರುಮೂರ್ತಿ, ಮಂಗಳವಾರ ಪೇಟೆಯ ದಿನೇಶ್, ಎಂ.ಕೆ.ಬಾಬು, ಚೇತನ್ ಕೀಕರ್, ಪಿ.ನಾಗೇಂದ್ರ, ಬೇವೂರು ಯೋಗೇಶ್ ಗೌಡ, ತಿಟ್ಟಮಾರನಹಹಳ್ಳಿ ಅಭಿಲಾಷ್, ಹೊಂಗನೂರು ರಾಧಾಕೃಷ್ಣ ರಾಜೇಅರಸು, ಮಾಳಗಾಳು ಅಂಕಯ್ಯ, ರವರುಗಳನ್ನು ಕಾರ್ಯಕ್ರಮದಲ್ಲಿ ಗೌರವಿಸಲಾಗುತ್ತಿದೆ. ಖ್ಯಾತ ಗಾಯಕ ಹಾಗೂ ಗಾಯಕಿಯರು ಕನ್ನಡದ ಎಂದೂ ಮರೆಯದ ಚಲನಚಿತ್ರ ಗೀತೆಗಳನ್ನು ಹಾಡಿ ರಂಜಿಸಲಿದ್ದಾರೆ. ಈ ಸಂಗೀತ ಸುಧೆಯನ್ನು ತಾಲೂಕಿನ ಜನತೆ ಆಸ್ವಾದಿಸಬೇಕು ಎಂದು ರಾ.ಬಿ.ನಾಗರಾಜು ಮನವಿ ಮಾಡಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:984585619.