ಚನ್ನಪಟ್ಟಣ: ಸಣ್ಣಪುಟ್ಟ ಗಾಯಗಳಾದವರು, ಕೆಲ ಪೋಲಿಯೊ ಪೀಡಿತರು, ಕೆಲ ವಿಕಲಚೇತನರು, ವೃದ್ಧವೃದ್ದೆಯರು, ಒಟ್ಟಾರೆ ಸೋಮಾರಿಗಳು ಭಿಕ್ಷೆ ಬೇಡುವುದರಲ್ಲಿ ನಿಸ್ಸೀಮರು. ಇಂತಹ ಸೋಂಬೇರಿಗಳಿಗೆಲ್ಲ ಸಡ್ಡು ಹೊಡೆದು ಎಂಭತ್ತರ ಆಸುಪಾಸಿನ ವಯಸ್ಸಿನಲ್ಲಿಯೂ ಸ್ವಾಭಿಮಾನದಿಂದ ಊರೂರು ತಿರುಗಿ *ರಂಗೋಲಿ ಪುಡಿ (ಹುಡಿ) ಮಾರಿ ಜೀವನ ಸಾಗಿಸುತ್ತಿರುವ* ಈ ವೃದ್ದೆಯನ್ನು ತಮ್ಮ ಜೀವನದ ರೋಲ್ ಮಾಡೆಲ್ ಆಗಿ ತೆಗೆದುಕೊಳ್ಳಬೇಕೆ ವಿನಹ ಯಾವುದೋ ಚಿತ್ರ ನಟನನ್ನೋ, ಉದ್ಯಮಿಯನ್ನೋ ಅಥವಾ ಹೊಲಸು ರಾಜಕಾರಣಿಯನ್ನೋ‌ ಅಲ್ಲಾ ಎಂಬುದು ಈ ವೃದ್ದೆಯ ಬದುಕನ್ನು ನೋಡಿದಾಗ ಅನ್ನಿಸುವುದರಲ್ಲಿ ಅನುಮಾನವೇ ಇಲ್ಲ.

ಈ ವೃದ್ದೆಯ ಹೆಸರು ನರಸಮ್ಮ. ಈಕೆ ಮಂಡ್ಯದ ಬಳಿ ಇರುವ ಚಿಕ್ಕಮಂಡ್ಯದ ಬಳಿಯ ಸಾತನೂರು (ಬೆಟ್ಟದ ಸಾತನೂರು) ಗ್ರಾಮದವರು.

ಈಕೆಯ ಗಂಡ ಮರಣ ಹೊಂದಿದ್ದು ನಲವತ್ತು ವರ್ಷಗಳ ಹಿಂದೆ. ಇದ್ದೊಬ್ಬ ಮಗನೂ ಸತ್ತು ಇಪ್ಪತ್ತನಾಲ್ಕು ವರ್ಷಗಳು ಸಂದಿವೆ, ಅವನ ಪುತ್ರನೂ ಸಹ ಎಂಟು ವರ್ಷದವನಿದ್ದಾಗಲೇ ಮರಣ ಹೊಂದಿದ್ದಾನೆ. ಇದ್ದೊಬ್ಬ ಸೊಸೆಯೂ‌ ತನ್ನ ಅತ್ತೆಯ ಬಿಟ್ಟು ಅಪ್ಪನ ಮನೆ ಸೇರಿಕೊಂಡಿದ್ದಾಳೆ.

ಇಂತಹ ಸಂದರ್ಭದಲ್ಲಿಯೂ ಸಹ ಈ ವೃದ್ದೆಯೂ ಎದೆ ಗುಂದದೆ, ಭಿಕ್ಷೆ ಬೇಡದೆ, ಸ್ವಾಭಿಮಾನಕ್ಕಾಗಿ ದುಡಿದು ತಿನ್ನುತ್ತಿರುವುದು ಇಂದಿನ ಯುವಕರಿಗೆ, ನಿರುದ್ಯೋಗಿಗಳಿಗೆ, ಡಿಗ್ರಿ ಪಡೆದಿದ್ದೇನೆಂಬ ಅಹಂಕಾರದಿಂದ ಇಂತಹದೇ ಕೆಲಸ ಬೇಕೆಂದು‌, ಯಾವ ಕೆಲಸವೂ ಮಾಡದಿರುವವರಿಗೆಲ್ಲರಿಗೂ ಈ ಅಮ್ಮ ಮಾದರಿಯಾಗಿದ್ದಾರೆ.

ಮಂಡ್ಯದ ತನ್ನ ಊರಿನ ಬೆಟ್ಟದ ತಪ್ಪಲಿನಲ್ಲಿ ರಂಗೋಲಿ ಕಲ್ಲನ್ನು ಪುಡಿ ಮಾಡಿಸಿಕೊಂಡು ಊರು‌ಕೇರಿ ತಿರುಗಿ ಸಂಪ್ರದಾಯ ಗೃಹಿಣಿಯರ ಮನವೊಲಿಸಿ ರಂಗೋಲಿ ಮಾರಿ‌ ತನ್ನ ಜೀವನವನ್ನು ಯಾರ ಹಂಗಿಲ್ಲದೆಯೂ ಈ ಇಳಿವಯಸ್ಸಿನಲ್ಲೂ ಸ್ವಾಭಿಮಾನದಿಂದ ಸಾಗಿಸುತ್ತಿರುವುದು ಇಂದಿನ ಪೀಳಿಗೆಗೆ ಹಾಗೂ ಸೋಂಬೇರಿಗಳಿಗೆ ಮಾದರಿಯಾಗಿದ್ದಾರೆ.

ಇವರನ್ನು ಕಂಡು ಪೋಟೋ ತೆಗೆದು, ಮಾತನಾಡಿ ಮಾಹಿತಿ ಕಲೆ ಹಾಕಿ, ಸಹಾಯ ಹಸ್ತ ಚಾಚಿದ ವಿಜಯಕುಮಾರ್ ಗುಲೇಚಾ (ವನಿತಾ ಸ್ಯಾರಿ) ಅವರಿಗೂ‌ ಯುವಕರಿಗೆ ಮಾದರಿಯಾದ ಮಂಡ್ಯದ ನರಸಮ್ಮನವರಿಗೂ ಮನಸಾರೆ ವಂದಿಸುವುದರ ಜೊತೆಗೆ ಇಂತಹ ವಯೋವೃದ್ದರು ಬದುಕಿಗಾಗಿ ಹೋರಾಟ ಮಾಡಿ ಜೀವನಕ್ಕಾಗಿ‌ ವ್ಯಾಪಾರ ಮಾಡುತ್ತಾ ತಮ್ಮ ಬಳಿಗೆ ಬಂದಾಗ ಚೌಕಾಸಿ ಮಾಡದೇ ಖರೀದಿಸಿ ಅವರ ಸ್ವಾಭಿಮಾನದ ಜೀವನಕ್ಕೆ ಸ್ಪಂದಿಸಿರಿ ಎನ್ನುವ...

*ಗೋ ರಾ ಶ್ರೀನಿವಾಸ...*

*ಮೊ:9845856139.*