ಮೈಸೂರು :  ಜಾತಿ, ಧರ್ಮ ಹೇಳದೆ ಕಾಯಕ ನಿಷ್ಠೆಯಿಂದ ವರ್ಣಬೇಧ ಧಿಕ್ಕರಿಸಿ ಕಾಯಕದಿಂದಲೇಜನರಲ್ಲಿ ಬೆಳಕು ಚೆಲ್ಲಿಗುರು, ಜಂಗಮ, ಲಿಂಗ ಕಂಡುಕೊಂಡವರು ದಲಿತ ವಚನಕಾರರು ಎಂದು ಸಾಹಿತಿ ಪರಶಿವ ನಡುಬೆಟ್ಟಅವರು ತಿಳಿಸಿದರು. 
ಜಿಲ್ಲಾಡಳಿತ, ಕನ್ನಡ ಮತ್ತು ಸಂಸ್ಕøತಿ ಇಲಾಖೆ ಮತ್ತು ಜಿಲ್ಲಾದಲಿತ ವಚನಕಾರರ ಜಯಂತೋತ್ಸವ ಸಮಿತಿ ವತಿಯಿಂದ ಆಯೋಜಿಸಿದ್ದ ದಲಿತ ವಚನಕಾರರ ಜಯಂತಿಯಲ್ಲಿಅವರು ಮಾತನಾಡಿದರು.
ಮಾದಾರಚನ್ನಯ್ಯ, ಮಾದಾರ ದೂಳಯ್ಯ, ಡೋಹರಕಕ್ಕಯ್ಯ, ಸಮಗಾರ ಹರಳಯ್ಯ ಹಾಗೂ ಉರಿಲಿಂಗಿ ಪೆದ್ದಿ ಸೇರಿದಂತೆ 200ಕ್ಕೂ ಹೆಚ್ಚು ವಚನಕಾರರು 12ನೇ ಶತಮಾನದಲ್ಲಿ ಮಾನವೀಯ ಮೌಲ್ಯ ರೂಪಿಸಿಕೊಂಡು ತಮ್ಮಕಾಯಕದ ಮೂಲಕ ಮನುಷ್ಯ ಸಂಬಂಧಗಳನ್ನು ಗಟ್ಟಿಗೊಳಿಸಿ ಹೊಸ ಯುಗವನ್ನು ಸೃಷ್ಟಿಸಿದರು ಎಂದರು.
ಭಕ್ತಿ ಬಸವಣ್ಣನವರು ದಲಿತ ವಚನಕಾರ ಕಂಬಳಿನಾಗಿದೇವನ ಮನೆಯಲ್ಲಿ ಪ್ರಸಾದ ಸ್ವೀಕರಿಸಿ ಮನುಷ್ಯ ಸಂಬಂಧವನ್ನು ಬೆಸದರು.ಈ ಕಾರಣಕ್ಕೆ ಬಸವಣ್ಣನವರು ಕುಲವನ್ನು ಮಲಿನಗೊಳಿಸಿದರು ಎಂದು ಕೆಲವರು ನಿಂದಿಸಿದಾಗ ಅದನ್ನು ಲೆಕ್ಕಿಸದೆಅವರು ನಾಗಿದೇವನನ್ನು ಪಲ್ಲಕ್ಕಿ ಮೇಲೆ ತಂದು ಅವನ ಕಾಯಕವನ್ನು ಮೆರೆದರು ಎಂದು ತಿಳಿಸಿದರು.
ದಲಿತ ಉರಿಲಿಂಗಪೆದ್ದಿ ಲಿಂಗತ್ವ ಸ್ವೀಕರಿಸಿ ದೀಕ್ಷೆ ಪಡೆಯಲು 48 ದಿನಗಳು ಆಹಾರ ಬಿಟ್ಟು ತಪಸ್ಸು ಮಾಡಿದರು. ಬಸವಣ್ಣನವರು ಬಿಸಾಡಿದ ಕಲ್ಲನ್ನೆ ಉರಿಲಿಂಗಪೆದ್ದಿಯವರು ಲಿಂಗವೆಂದು ಪೂಜಿಸಿದರು. ಅವರ ಭಕ್ತಿ ನೋಡಿ ಬಸವಣ್ಣನವರು ದೀಕ್ಷೆಕೊಟ್ಟರು. ಮಾದಾರಚೆನ್ನಯ್ಯ ಬಸವಣ್ಣನವರಿಂದ ದೀಕ್ಷೆ ಪಡೆದು ಮಾದಿಗ ಕುಲ ಎಂಬುದನ್ನು ದೂರ ಮಾಡಿ ನಾವೆಲ್ಲರೂ ಒಂದೇ ಎಂಬ ತತ್ವವನ್ನು ಸಮಾಜಕ್ಕೆ ಸಾರಿದರುಎಂದರು.
ಹರಳಯ್ಯ ಬಸವಣ್ಣನವರ ಶರಣು ತತ್ವಗಳನ್ನು ಅಳವಡಿಸಿಕೊಂಡು ಬಂದವರು. ನಿನ್ನನ್ನು ನೀನು ಅರಿತರೆಅದೇದೇವರು, ಅಲ್ಲೇದೇಗುಲ ಎಂದು ತಮ್ಮ ವಚನಗಳ ಮೂಲಕ ತಿಳಿಸಿಕೊಟ್ಟವರು. ದಲಿತ ವಚನಗಾರ್ತಿಯರಾದ ಆಯ್ದಕ್ಕಿ ಲಕ್ಕಮ್ಮ, ದುರ್ಗಮ್ಮ, ಸೂಳೆ ಶಂಕಮ್ಮನವರು ತಮ್ಮ ಕಾಯಕ ಮತ್ತು ವಚನಗಳ ಮೂಲಕ ಸಮಾಜದ ಅನಿಷ್ಠ ಪದ್ದತಿಗಳ ವಿರುದ್ಧ ಹೋರಾಡಿದರು ಎಂದು ತಿಳಿದರು. 
ಕಾರ್ಯಕ್ರಮದಲ್ಲಿ ಮೈಸೂರು ಮಹಾನಗರ ಪಾಲಿಕೆ ಮಹಾಪೌರರಾದ ಬಿ.ಭಾಗ್ಯವತಿ, ಮೈಸೂರು ಉಪವಿಭಾಗಾಧಿಕಾರಿ ಶಿವೇಗೌಡ, ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷೆ ಕಾಳಮ್ಮ ಕೆಂಪರಾಮಯ್ಯ, ಕನ್ನಡ ಮತ್ತು ಸಂಸ್ಕøತಿ ಇಲಾಖೆ ಸಹಾಯಕ ನಿರ್ದೇಶಕ ಹೆಚ್.ಚೆನ್ನಪ್ಪ, ಜಿಲ್ಲಾಕನ್ನಡ ಸಾಹಿತ್ಯ ಪರಿಷತ್‍ಅಧ್ಯಕ್ಷ ವೈ.ಡಿ.ರಾಜಣ್ಣ ಹಾಗೂ ಸಂಘಟನೆಗಳ ಮುಖಂಡರುಗಳು ಇನ್ನಿತರ ಗಣ್ಯರು ಉಪಸ್ಥಿತರಿದ್ದರು.