ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ ಯವರು ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ರಾಮನಗರ ಚನ್ನಪಟ್ಟಣ ಎರಡು ಕ್ಷೇತ್ರದಲ್ಲಿಯೂ ನಾನೇ ಸ್ಪರ್ಧಿಸುತ್ತೇನೆ ಎಂದು ಘೋಷಿಸಿಕೊಂಡಿದ್ದಾರೆ, (,ಮುಖ್ಯ ಮಂತ್ರಿ ಸಿದ್ದರಾಮಯ್ಯ ಸಹ ವರುಣಾ/ ಕೊಪ್ಪಳ, ಅಥವಾ ಚಾಮುಂಡೇಶ್ವರಿ/ಕೊಪ್ಪಳ ಈ ಎರಡು ಕ್ಷೇತ್ರಗಳಲ್ಲಿ ಸ್ಪರ್ಧಿಸುವ ಮುನ್ಸೂಚನೆ ಇದೆ)

ಜಾತ್ಯತೀತ ಜನತಾದಳದ ಕಾರ್ಯಕರ್ತರು ಹಾಗೂ ಮುಖಂಡರು ಬಹುತೇಕ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದರೆ ಕೆಲ ಮುಖಂಡರು ಮತ್ತು ಕಾರ್ಯಕರ್ತರ ಜೊತೆಗೆ ಅನ್ಯ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಅಸಮಧಾನ ವ್ಯಕ್ತಪಡಿಸುತ್ತಿರುವುದು ಗುಟ್ಟಾಗಿ ಉಳಿದಿಲ್ಲ.

ಕಾಂಗ್ರೆಸ್ ಮತ್ತು ಬಿಜೆಪಿ ಪಕ್ಷದ ನಾಯಕರು ರಾಜ್ಯಾದ್ಯಂತ ಕುಮಾರಸ್ವಾಮಿ ಯವರ ನಿರ್ಧಾರವನ್ನು ಬಹಿರಂಗವಾಗಿ ಟೀಕಿಸುತ್ತಿದ್ದರೆ ಆ ಪಕ್ಷಗಳ ಕಾರ್ಯಕರ್ತರು ವಾಟ್ಸಾಪ್ ಮತ್ತು ಫೇಸ್‌ಬುಕ್‌ ಗಳಲ್ಲಿ ನಾನೇ ಅಭ್ಯರ್ಥಿ ಅನ್ನುವಷ್ಟರ ಮಟ್ಟಿಗೆ ಟೀಕಾಪ್ರಕಾರಗಳಲ್ಲಿ ತೊಡಗಿರುವುದು ವಾಟ್ಸಾಪ್ ಮತ್ತು ಫೇಸ್‌ಬುಕ್‌ ನ ರಾಜಕೀಯೇತರರಿಗೆ ಮುಜುಗರ ಉಂಟು ಮಾಡುತ್ತಿರುವುದು ಅಷ್ಟೇ ಬಹಿರಂಗ ಸತ್ಯ.

ಕುಮಾರಸ್ವಾಮಿ ಯವರಿಗೆ ಹಾಗೂ ಯಾವುದೇ ರಾಜಕೀಯ ಮುಖಂಡರು ಎರಡೆರಡು ಕಡೆ ಅಭ್ಯರ್ಥಿಗಳಾಗಿ ಸ್ಪರ್ಧಿಸುವ ಎಲ್ಲರಿಗೂ ಪ್ರಜ್ಞಾವಂತ ಹಾಗೂ ಹುಟ್ಟು ಚಳುವಳಿಕಾರರ ಊರಾದ ವಿಶ್ವಪ್ರಸಿದ್ಧ ಗೊಂಬೆಗಳ ನಾಡಾದ ಚನ್ನಪಟ್ಟಣ ತಾಲ್ಲೂಕಿನ ಜನತೆಯ ನೇರ ಪ್ರಶ್ನೆ ಏನೆಂದರೆ ಚನ್ನಪಟ್ಟಣ ಕ್ಷೇತ್ರದಲ್ಲಿ ನಿಮ್ಮ ಪಕ್ಷಕ್ಕೆ ನಿಮಗೊಂದುವ ಹಾಗೆ ಒಬ್ಬ ಅಭ್ಯರ್ಥಿಯೂ ಸಿಗಲಿಲ್ಲವೇ ? ಅಥವಾ ಇಲ್ಲಿನ ಕಾಲೆಳೆಯುವ ನಾಯಕರನ್ನು ನಿಮ್ಮಗಳ ಕೈಯಲ್ಲಿ ಒಂದುಗೂಡಿಸಲು ಆಗಲಿಲ್ಲವೋ ಎನ್ನುವ ಗೊಂದಲದಲ್ಲಿ  ಜೆಡಿಎಸ್ ಪಕ್ಷದ ನಿಷ್ಠಾವಂತ ಮತದಾರರು ಜಿಜ್ಙಾಸೆಯಲ್ಲಿ ಬಿದ್ದು ಯೋಚನೆಯಲ್ಲಿ ತೊಡಗಿದ್ದಾರೆ.

ಒಂದು ಚುನಾವಣೆಗೆ ಸರ್ಕಾರ ಚುನಾವಣ ಆಯೋಗಕ್ಜೆ ಹತ್ತತ್ತರ ಸಾವಿರ ಕೋಟಿ ರೂಪಾಯಿಗಳನ್ನು ಬಿಡುಗಡೆ ಮಾಡುತ್ತದೆ,

ಒಂದೊಂದು ಕ್ಷೇತ್ರಕ್ಕೂ ಕೋಟ್ಯಾಂತರ ರೂಪಾಯಿಗಳನ್ನು ಖರ್ಚು ಮಾಡುತ್ತದೆ, ಅಭ್ಯರ್ಥಿಗಳಂತೂ ಹತ್ತಾರು ಕೋಟಿ ರೂಪಾಯಿಗಳನ್ನು ಲೆಕ್ಕವಿಲ್ಲದೆ ಖರ್ಚು ಮಾಡುವುದು ಬಹಿರಂಗ ಸತ್ಯ, ಆದರೆ ಸರ್ಕಾರ ಕೊಡ ಮಾಡುವ ಹಣ ಸಾರ್ವಜನಿಕರದ್ದು ಸ್ವಾಮಿ!

ನೀವೇನೋ ಎರಡು ಕಡೆ ನಿಂತು ಗೆಲ್ತಿರೀ ಅಂದ್ಕೊಳ್ಳೋಣಾ, ಎರಡನ್ನು ಉಳಿಸ್ಕೊಳ್ಳೋ ತಾಕತ್ತು ಎರಡು ಕಡೆ ಗೆದ್ದ ಯಾವ ನಾಯಕನಿಗೂ ಇಲ್ಲಾ ? ಒಂದು ಕ್ಷೇತ್ರಕ್ಕೆ ರಾಜಿನಾಮೆ ಕೊಡಲೇಬೇಕು ! ಮತ್ತೊಂದು ಚುನಾವಣೆ ನಡೆಯಲೇಬೇಕು, ಆಗ ಸರ್ಕಾರದ ಅಧಿಕಾರಿಗಳ ಸಮಯ, ಸಾರ್ವಜನಿಕರ ತೆರಿಗೆ ಹಣದ ಜೊತೆಗೆ ನಿಮ್ಮ ಶ್ರಮ ಮತ್ತು ನಿಮ್ಮ ವಯುಕ್ತಿಕ ಹಣವೂ ಹೋಗುವುದಿಲ್ಲವೇ ?

ಹೋಗಲಿ ಸ್ವಾಮಿ ಬಹುಶಃ ಜೆ ಹೆಚ್ ಪಟೇಲ್ ರ ಕಾಲದಲ್ಲಿ ಎರಡು ಕ್ಷೇತ್ರದಲ್ಲಿ ಗೆದ್ದ ಅಭ್ಯರ್ಥಿ ಒಂದು ಕ್ಷೇತ್ರಕ್ಕೆ ರಾಜಿನಾಮೆ ಸಲ್ಲಿಸಿದರೆ ಚುನಾವಣೆ ನಡೆಸದೇ ಎರಡನೆ ಅಭ್ಯರ್ಥಿಯನ್ನೇ (ಕಡಿಮೆ ಅಂತರದಿಂದ ಸೋತ ಅಭ್ಯರ್ಥಿ) ಆಯ್ಕೆ ಮಾಡಬೇಕೆಂಬ ಪ್ರಸ್ತಾವನೆ ಇತ್ತು, ಆದರೆ  ಆ ಪ್ರಸ್ತಾಪ ಏನಾಯಿತು ಎಂದು ಗೊತ್ತಿಲ್ಲ?

ಆ ಕಾನೂನನ್ನಾದರೂ ಜಾರಿಗೆ ತಂದು ಎರಡಲ್ಲದಿದ್ದರೇ ನಾಲ್ಕರಲ್ಲಿ ನಿಲ್ಲಿ ಸಾರ್ವಜನಿಕರಿಗೆ ಕಿರಿಕಿರಿ ಆಗುವುದಿಲ್ಲ.

ಸದ್ಯಕ್ಕೆ ಅದ್ಯಾವುದು ಆಗುವುದಿಲ್ಲ ಎನ್ನುವುದು ನಿಮಗೆ ಹಾಗೂ ಸಾರ್ವಜನಿಕರಿಗೆ ತಿಳಿದಿದೆ, ಹಾಗಾಗಿ ನೀವೇನಾದರೂ ಎರಡರಲ್ಲೂ ಗೆದ್ದರೆ ಯಾವ ಕ್ಷೇತ್ರಕ್ಕೆ ರಾಜಿನಾಮೆ ನೀಡಿ ಯಾವ ಕ್ಷೇತ್ರ ಉಳಿಸಿಕೊಳ್ಳುತ್ತೇನೆ ಎಂದು ನಿಖರವಾಗಿ ಹೇಳಿದರೆ ಸ್ಥಳೀಯರು ಎಚ್ಚೆತ್ತುಕೊಳ್ಳಲು ಅನುಕೂಲವಾಗುತ್ತದೆ, 

ಇದು ಕೇವಲ ಕುಮಾರಸ್ವಾಮಿ ಯವರಿಗೆ ಮಾತ್ರ ಸೀಮಿತವಲ್ಲ, ಎರಡು ಕ್ಷೇತ್ರಗಳಲ್ಲಿ ಸ್ಪರ್ಧಿಸುವ ಎಲ್ಲಾ ನಾಯಕರಿಗೂ ಅನ್ವಯ,

ನೀವುಗಳೇನಾದರು ಮೊಂಡಾಟದಲ್ಲಿ ಎರಡು ಕಡೆ ಸ್ಪರ್ಧಿಸಿದ್ದೀರೆಂದರೆ ಒಂದು ಕಡೆ ಸೋಲು ಕಟ್ಟಿಟ್ಟ ಬುತ್ತಿಯೇ ಸರಿ.

ಗೋ ರಾ ಶ್ರೀನಿವಾಸ...
ಮೊ:೯೮೪೫೮೫೬೧೩೯.