ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ರಾಜ್ಯದಾದ್ಯಂತ ಕುತೂಹಲ ಕೆರಳಿಸಿರುವ ಬಹು ಮುಖ್ಯ ಜಿಲ್ಲೆ ಎಂದರೆ ಅದು ರಾಮನಗರ ಜಿಲ್ಲೆ.

ಚನ್ನಪಟ್ಟಣ ವಿಧಾನಸಭಾ ಕ್ಷೇತ್ರದಲ್ಲಿ ಜನತಾದಳ ದ ನಾಯಕರಲ್ಲಿ ಒಮ್ಮತವಿರದ ಕಾರಣ ಹಾಗೂ ಪದೆಪದೇ ಬಹುತೇಕ ನಾಯಕರು ಅನಿತಾ ಕುಮಾರಸ್ವಾಮಿ ಯವರನ್ಬೇ ಅಭ್ಯರ್ಥಿ ಮಾಡಿ ಎಂದು ಹೈಕಮಾಂಡ್ ಗೆ ಒತ್ತಡ ಹಾಕುತ್ತಿರುವುದನ್ನು ಸಹಿಸಲಾಗದೆ ಹೆಚ್ ಡಿ ಕುಮಾರಸ್ವಾಮಿ ಯವರು ಕೋಪದಲ್ಲಿ ನಮ್ಮ ಕುಟುಂಬದಲ್ಲಿ ಇಬ್ಬರೇ ಸ್ಪರ್ಧಿಗಳು ಎಂದೇಳಿದರು ನೀವು ಕೇಳುತ್ತಿಲ್ಲ, ನಿಮ್ಮಲ್ಯಾರು ಸ್ಪರ್ಧಿಸುವುದಿಲ್ಲವೆನ್ನುವುದಾದರೆ ಅನಿತಾ ರವರನ್ನು ನಿಲ್ಲುಸುವುದಿಲ್ಲ, ರಾಮನಗರ ಮತ್ತು ಚನ್ನಪಟ್ಟಣ ಎರಡು ಕ್ಷೇತ್ರದಲ್ಲಿಯೂ ನಾನೆ ಸ್ಪರ್ಧಿಸುತ್ತೇನೆ ಎಂದು ಕೋಪದಲ್ಲಿ ಹೇಳಿದ ಮಾತು ಅವರಿಗೆ ತಿರುಗುಬಾಣವಾಗುವಂತಿದೆ.

ಬಹುತೇಕ ನಾಯಕರು ಮತ್ತು ಕಾರ್ಯಕರ್ತರು ಅವರು ಎರಡು ಕಡೆ ನಿಲ್ಲುವುದಿಲ್ಲ ಎನ್ನುವ ಭರವಸೆಯಲ್ಲಿದ್ದರೂ ಸಹ ಚನ್ನಪಟ್ಟಣದ ಕೆಲವು ನಾಯಕರು ಅವರ ಕುಟುಂಬದವರೇ ಸ್ಪರ್ಧಿಸಬೇಕೆಂದು ಹಠ ಹಿಡಿದು ಕುಳಿತಿರುವುದು ಅಷ್ಟೇ ಸತ್ಯ.

ಈ ಹಿನ್ನೆಲೆಯ ಜಾಡನ್ನು ಅರಿತ ಮಾಜಿ ಸಚಿವ ಪಿ‌ ಜಿ ಆರ್ ಸಿಂಧ್ಯಾ ರವರ ಅಭಿಮಾನಿಗಳು ಹೆಚ್ ಡಿ ಕುಮಾರಸ್ವಾಮಿ ಯವರು ಚನ್ನಪಟ್ಟಣದಲ್ಲಿ ಸ್ಪರ್ಧಿಸಿದರೆ ಪಿ ಜಿ ಆರ್ ಸಿಂಧ್ಯಾ ರವರನ್ನು ರಾಮನಗರ ಕ್ಷೇತ್ರದ ಅಭ್ಯರ್ಥಿಯನ್ನಾಗಿ ಮಾಡಬೇಕೆಂದು ವರಿಷ್ಠರಲ್ಲಿ ಮನವಿ ಮಾಡಿದ್ದಾರಂತೆ !

ಅದಕ್ಕೆ ಅವರು ಕೊಡುತ್ತಿರುವ ಕಾರಣಗಳು ಸಹ ಸದ್ಯ ಒಪ್ಪಿಕೊಳ್ಳುವಂತಿವೆ ಎಂದು  ಹಿರಿಯ ಮುಖಂಡರು ಒಪ್ಪಿದ್ದಾರೆ ಎನ್ನುವ ಸುದ್ದಿಗಳು ಹರಿದಾಡುತ್ತಿವೆ.

ಆರು ಬಾರಿ ಶಾಸಕರಾಗಿದ್ದ ಪಿ ಜಿ ಆರ್ ಸಿಂಧ್ಯಾ ರವರು ಕನಕಪುರ ಕ್ಷೇತ್ರದಲ್ಲಿ ಈಗಲೂ ತಕ್ಕಮಟ್ಟಿಗೆ ತಮ್ಮದೇ ಹಿಡಿತ ಹೊಂದಿದ್ದಾರೆ, ಹಾಗೂ ಮರಳವಾಡಿ ಮತ್ತು ಹಾರೋಹಳ್ಳಿ ಹೋಬಳಿಗಳು ರಾಮನಗರ ಕ್ಷೇತ್ರಕ್ಕೆ ಸೇರಿಕೊಂಡಿರುವುದರಿಂದ ಅವರ ಗೆಲುವು ನಿಶ್ಚಿತ ಎನ್ನುವುದು ಅವರ ಅಭಿಮಾನಿಗಳ ಸ್ಪಷ್ಟನೆ.

ಹಾಗೆನಾದರೂ ಆದರೆ ಕುಮಾರಸ್ವಾಮಿ ಯವರು ಎರಡು ಕಡೆ ಸ್ಪರ್ಧಿಸುವುದು ತಪ್ಪುತ್ತದೆ, ಸಾರ್ವಜನಿಕರ ಟೀಕೆಯೂ ಇರುವುದಿಲ್ಲ, ಶ್ರಮ ಹಾಕಿದರೆ ಎರಡೂ ಕ್ಷೇತ್ರಗಳನ್ನೂ ಗೆಲ್ಲಬಹುದು ಎನ್ನುವುದು ಈಗ ಬಿಸಿಬಿಸಿಯ ಚರ್ಚೆ.