ಮಂಡ್ಯ: ಕ್ಷುಲ್ಲಕ ಕಾರಣಕ್ಕೆ ಹಸುಗೂಸೊಂದನ್ನು, ತಾಯಿಯಿಂದ ಬೇರ್ಪಡಿಸಿ, ತಂದೆಯ ಮನೆಯಲ್ಲಿ ಇರಿಸಿಕೊಂಡಿದ್ದಾರೆ ಎಂಬ ತಾಯಿಯ ಮನವಿ ಮೇರೆಗೆ ಧ್ವನಿ ಮಹಿಳಾ ಅಧ್ಯಕ್ಷೆ ರಜನಿರಾಜ್ ರವರು ಕೆ ಎಂ ದೊಡ್ಡಿ ಪೋಲೀಸರು ಹಾಗೂ ಶಿಶು ಅಭಿವೃದ್ಧಿ ಇಲಾಖೆಯ ಸಹಯೋಗದಲ್ಲಿ ತಾಯಿ ಮಡಿಲಿಗೆ ಮಗು ಸೇರಿಸಿದ ಅಪರೂಪದ ಪ್ರಕರಣವೊಂದು ಮದ್ದೂರು ತಾಲೂಕಿನ ಮಡೇನಹಳ್ಳಿ ಗ್ರಾಮದಲ್ಲಿ ಜೂ.05ರ ಸೋಮವಾರ ಬೆಳಕಿಗೆ ಬಂದಿದೆ.

ಧ್ವನಿ ಮಹಿಳಾ ಸಂಸ್ಥೆಯ ಅಧ್ಯಕ್ಷೆ ರಜನಿರಾಜ್ ಅವರಿಗೆ ಕರೆ ಮಾಡಿದ ಮಗು ವಂಚಿತ ತಾಯಿ ಭವಾನಿ ರವರು ದೂರವಾಣಿ ಮೂಲಕ ತನ್ನ ಮನದಾಳದ ಅಳಲನ್ನು ವ್ಯಕ್ತಪಡಿಸಿದ್ದಾರೆ ಎಂದು ಹೇಳಲಾಗಿದೆ. ನನ್ನ ಪತಿ, ಅವರ ತಾಯಿ (ಅತ್ತೆ) ಮನೆಯವರು ದೌರ್ಜನ್ಯ ಮಾಡಿ ನನ್ನ ನಾಲ್ಕು ತಿಂಗಳ ಮಗುವನ್ನು ಕಸಿದುಕೊಂಡು ತಮ್ಮ ಮನೆಯಲ್ಲೇ ಇರಿಸಿಕೊಂಡಿದ್ದಾರೆ. ಮಗುವಿನ ಮುಖವನ್ನು ತೋರಿಸುತ್ತಿಲ್ಲ. ನನಗೆ ನ್ಯಾಯ ಕೊಡಿಸಿ ನನ್ನ ಮಗುವನ್ನು ನನ್ನ ಮಡಿಲಿಗೆ ಕೊಡಿಸಿ ಎಂದು ದೂರವಾಣಿ ಮೂಲಕ ವಿನಂತಿ ಮಾಡಿದ್ದ ತಾಯಿಯ ನೋವಿಗೆ ಸ್ಪಂದಿಸಿ ಹೋರಾಟಕ್ಕೆ ಮುಂದಾದ ರಜನಿರಾಜ್ ಅವರು ಕೂಡಲೇ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳು ಮದ್ದೂರು ಹಾಗೂ ಪೊಲೀಸ್ ಠಾಣೆಯ ಮುಖಾಂತರ ಮಡೇನಹಳ್ಳಿ ಗ್ರಾಮಕ್ಕೆ ಹೋಗಿ ಗ್ರಾಮದ ಮುಖಂಡರ ಸಮ್ಮುಖದಲ್ಲಿ ಕಾನೂನು ತಿಳುವಳಿಕೆಯನ್ನು ಪತಿಗೆ ಹಾಗೂ ಅತ್ತೆಗೆ ಹೇಳಿ ಮಗುವನ್ನು ಕೆ.ಎಂ ದೊಡ್ಡಿ ಠಾಣೆಯ ಮುಖಾಂತರ ತಾಯಿ ಮಡಿಲಿಗೆ  ಸೇರಿಸಿದರು.

ತಾಯಿ ಭವಾನಿ ಮತ್ತು ಮಗು ಸುರಕ್ಷಿತಾಗಿದ್ದು, ತವರು ಮನೆ ಮೈಸೂರಿನಲ್ಲಿ ವಾಸವಾಗಿದ್ದಾರೆ, ಮೂರು ದಿನದ ಹಿಂದೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದರೂ ಇತ್ಯರ್ಥವಾಗಿರಲಿಲ್ಲ, ಅಧಿಕಾರಿಗಳು, ಪೊಲೀಸರ ಸಮ್ಮುಖದಲ್ಲಿ ಪ್ರಕರಣಕ್ಕೆ ಸೋಮವಾರ ಅಂತ್ಯ ಹಾಡಲಾಗಿದೆ.

ಗೋ ರಾ ಶ್ರೀನಿವಾಸ...

ಮೊ:9845856139.