ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

*ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ*

ಸಾಯಂಕಾಲ ಯಾವ ರೀತಿಯಾಗಿ ದೈವಾರಾಧನೆ ಮಾಡಬೇಕು ?

 

ಸೂರ್ಯಾಸ್ ಆದ ೨೪ ನಿಮಿಷಗಳ ನಂತರ ದೀಪವನ್ನು ಬೆಳಗಿಸಬೇಕು. ಹಾಗೆ ಬೆಳಗಿಸಿದ ಸಮಯದಲ್ಲಿ ಅದಕ್ಕೆ ಸಂಬಂಧಿಸಿದ ಮಂತ್ರವನ್ನು ಹೇಳಬೇಕು ಕುಟುಂಬ ಸಭ್ಯರು ನಿಂತುಕೊಂಡು ಲಕ್ಷ್ಮೀ ಸ್ವರೂಪವಾದ ದೀಪಕ್ಕೆ ನಮಸ್ಕರಿಸಬೇಕು. 

ಅಂತಹ ದೀಪವನ್ನು ದಕ್ಷಿಣ ಮತ್ತು ಪೂರ್ವ ದಿಕ್ಕಿನಿಂದ ದರ್ಶಿಸಬೇಕು. ತುಳಸಿ ದಳಗಳನ್ನು ದೀಪದ ಕೆಳಗಿಟ್ಟು, ದೀಪ ಸ್ತಂಭವನ್ನು ಅದರ ಮೇಲೆ ಇಡುವುದು ಶುಭಕರವು. ಅಂತಹ ದೀಪವನ್ನು ಅಷ್ಟ ದಿಕ್ಕುಗಳಿಗೆ ತೋರಿಸಿ ಹಾಗೆಯೇ ಮನೆಯ ಮುಂದಿರುವ ಮರಗಳಿಗೆ ತೋರಿಸಬೇಕು. 

ದನದ ಕೊಟ್ಟಿಗೆ ಇದ್ದರೆ ಆ ಕಡೆಯೂ ಸಹ ತೋರಿಸಬೇಕು. ಆನಂತರ ಆ ದೀಪವನ್ನು  ದೇವರ ಸನ್ನಿಧಿಯಲ್ಲಿ ಇಡಬೇಕು. 

ಹೀಗೆ ದೀಪಾರಾಧನೆಯನ್ನು ಮನೆಯಲ್ಲಿ ಮಾಡುವುದಕ್ಕೆ ಮೊದಲು ಸ್ನಾನವನ್ನು ಮಾಡಿಕೊಂಡು ಇಲ್ಲವೆ ಶರೀರದ ಭಾಗಗಳನ್ನು ಶುಭ್ರ ಪಡಿಸಿಕೊಂಡು ಪವಿತ್ರ ವಿಭೂತಿ ಯನ್ನು ಹಾಗೂ ತಿಲಕವನ್ನು ಧರಿಸಬೇಕು. ಉಪಯೋಗಿಸಿದ ಅಶುದ್ಧ ತೈಲವನ್ನು ಹಾಗೂ ಬತ್ತಿಯನ್ನು  ಬಳಸಬಾರದು.

ದೀಪದ ಕಾಂತಿ ಅತೀ ಹೆಚ್ಚಾಗಿಯಾಗಲಿ ಅಥವಾ ಅತೀ ಕಡಿಮೆಯಾಗಿ ಆಗಲಿ ಉರಿಯಬಾರದು. ದೀಪದಲ್ಲಿನ ಬೆಂಕಿ ಹಾಗೆ ಹೀಗೆ ಗಾಳಿಗೆ ಆಡದಿರದಂತೆ ಹಾಗೆ ನೋಡಿಕೊಳ್ಳಬೇಕು. ದೀಪದ ಮುಖವನ್ನು ಮಾತ್ರ ದಕ್ಷಿಣ ದಿಕ್ಕಿಗೆ ಆಡದ ಹಾಗೆ ಎಚ್ಚರಿಕೆ ವಹಿಸಬೇಕು. 

ಇಂತಹ ಪೂಜೆಯಲ್ಲಿ ಕುಟುಂಬ ಸಭ್ಯರೆಲ್ಲರೂ ಶುಚಿ ಶುಭ್ರತೆಗಳಿಂದ ಇದ್ದು, ವಿಭೂತಿ ಹಾಗೂ ಕುಂಕುಮ ಚಂದನ ದೊಂದಿಗೆ ಪೂಜೆಗೆ ಉಪಯೋಗಿಸುವ ವಸ್ತ್ರಗಳನ್ನು ಧರಿಸಬೇಕು. ಋತುಸ್ರಾವ ಇರುವ ಸ್ತ್ರೀಯರು ಈ ಪೂಜೆಯಲ್ಲಿ ಭಾಗವಹಿಸ ಬಾರದು ಪೂಜೆ ನಡೆಯುತ್ತಿರುವ ಸಮಯದಲ್ಲಿ  ಅತಿಥಿಗಳು ಬಂದರೆ ಅವರೂ ಸಹ ಪೂಜೆಯಲ್ಲಿ ಭಾಗವಹಿಸುವಂತೆ ನೋಡಿಕೊಳ್ಳಬೇಕು. 

ಇಂತಹ ದೀಪಾರಾಧನೆಯಿಂದ ಕೂಡಿದ ದೈವಾರಾಧನೆ ಮಾಡುವ ಮನೆಯು ಅನೇಕ ಶುಭಗಳನ್ನು ಹೊಂದುವುದು.

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*