ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

*ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ*

ಷಟ್ ದರ್ಶನಗಳು ಯಾವುವು ?

ದರ್ಶನಗಳು ವಿಶ್ವ ತತ್ವವನ್ನು ಅರ್ಥ ಮಾಡಿಕೊಂಡು‌ ಸತ್ಯಾ ಸತ್ಯಗಳನ್ನು, ನಿತ್ಯಾ ನಿತ್ಯಗಳನ್ನು ಗುರುತಿಸಿ ವಿಶ್ವ ರಹಸ್ಯಗಳನ್ನು ಮಾನವರಿಗೆ ನೀಡಬೇಕು. ಇಂತಹ ಆರು ಸಿದ್ಧಾಂತಗಳು ಪ್ರಾಮುಖ್ಯತೆಯನ್ನು ಹೊಂದಿರುವವು. ಇವುಗಳನ್ನು ಅವಗಾಹನೆ ಮಾಡಿಕೊಂಡು ತಕ್ಕ ದರ್ಶನವನ್ನು ಅನುಷ್ಠಿಸಿಕೊಂಡು ಮಾನವನು ತನ್ನ ಜೀವನವನ್ನು ಸಾರ್ಥಕ ಪಡಿಸಿಕೊಳ್ಳಬೇಕು.

ವಿಶ್ವವನ್ನು ಶಾಸ್ತ್ರೀಯವಾದ ದೃಷ್ಟಿಯಲ್ಲಿಟ್ಟುಕೊಂಡು ಅವಲೋಕಿಸಿದಾಗ, ಭೌತಿಕ ಮತ್ತು ಅಭೌತಿಕ ಸತ್ಯದಂತಹ ಭಾವಗಳನ್ನು ದರ್ಶನಗಳು ಪ್ರತಿಪಾದಿಸುವವು. ಭೌತಿಕವಾದ ಈ ಜಗತ್ತು ಶಾಶ್ವತವಾದುದಲ್ಲ. ಅಜ್ಞಾನದಿಂದ ನಮ್ಮನ್ನು ಶಾಶ್ವತವಾದ ಪರಮ ಪದದೊಳಗೆ ನೂಕುತ್ತದೆ ಎಂದು ದರ್ಶನಗಳು ತಿಳಿಸುತ್ತವೆ.

ಪ್ರಾಚೀನ ಭಾರತದ ಆರು ದರ್ಶನಗಳು ಯಾವುವೆಂದರೆ *೧). ಕಪಿಲ ಮಹರ್ಷಿಯ ಸಂಖ್ಯಾ ದರ್ಶನ. ೨). ಕಣಾದನನ ವೈಶೀಷಿಕ ದರ್ಶನ. ೩). ಗೌತಮ ಋಷಿಯ ನ್ಯಾಯ ದರ್ಶನ. ೪). ಪತಂಜಲಿ ಮಹಾಮುನಿಯ ಯೋಗ ದರ್ಶನ. ೫). ಜೈಮುನಿ ಮಹರ್ಷಿಯ ಮೀಮಾಂಸ ದರ್ಶನ. ೬). ಬಾದರಾಯಣನ ವೇದಾಂತ ದರ್ಶನ.* ಇವೆಲ್ಲವೂ ಸಹ ಉಪನಿಷತ್ತುಗಳ ಮೂಲದಿಂದ ಉಂಟಾಗಿ ತಮ್ಮ ಶೈಲಿಯಲ್ಲಿ ವಿಶ್ವ ರಚನೆಯನ್ನು ತಿಳಿಸುತ್ತವೆ. ಈ ಷಟ್ ದರ್ಶನಗಳು ಸೃಷ್ಟಿಯನ್ನು ಮುಖ್ಯವಾಗಿ ಮೂರು ಸಿದ್ಧಾಂತಗಳಲ್ಲಿ ತಿಳಿಸುತ್ತದೆ.

ಅವುಗಳೆಂದರೆ *೧).ಆರಂಭವಾದ (ಸೃಷ್ಟಿ ಯಾವ ರೀತಿ ಪ್ರಾರಂಭವಾಯಿತು ಎನ್ನುವ ವಾದ) ೨). ಪರಿಣಾಮವಾದ (ಸೃಷ್ಟಿ ಯಾವ ರೀತಿ ಪರಿಣಮಿಸಿದೆ ಎನ್ನುವ ವಾದ) ೩). ವಿವರ್ತನಾ ವಾದ (ಎಂತಹ ಬದಲಾವಣೆ, ಅಂತಿಮ ಸತ್ಯ ಹಾಗೂ ನಿತ್ಯ ಅಲ್ಲಾ ಎನ್ನುವ ವಾದ)* ಶೂನ್ಯದಿಂದ ಯಾವುದೂ ಉದ್ಭವಿಸುವುದಿಲ್ಲ. ಒಂದರಿಂದ ಮತ್ತೊಂದನ್ನು ‍ಸೃಷ್ಠಿಸಿದೆಯೆಂದು ಆರಂಭವಾದ ತಿಳಿಸುತ್ತದೆ. ನ್ಯಾಯ ಹಾಗೂ ವೈಶೇಷಿಕ ದರ್ಶನಗಳು ಈ ಮೇಲಿನ ಭಾವವನ್ನು ಸಮರ್ಥಿಸುತ್ತವೆ.

ಮೂಲ ಪದಾರ್ಥವು ಬದಲಾಯಿಸುವುದರಿಂದ ಒಂದು ಮತ್ತೊಂದಾಗಿ ಮಾರ್ಪಾಟಾಗುತ್ತದೆ. ಎಂದು *ಪರಿಣಾಮವಾದ* ತಿಳಿಸುತ್ತಿದೆ. ಹಾಲು ಮೊಸರಾಗಿ, ಮೋಡವು ಮಳೆಯಾಗಿ ಪರಿಣಮಿಸಿದ ಹಾಗೆ ಸೃಷ್ಠಿಯೂ ಸಹ ಹಾಗೆಯೇ ಪರಿಣಮಿಸಿದೆ ಎಂದು ತಿಳಿಸುತ್ತಿದೆ. *ಪರಿಣಾಮ ವಾದ* ವನ್ನು ಸಂಖ್ಯಾ ಹಾಗೂ ಯೋಗ ದರ್ಶನಗಳು ಸಮರ್ಥಿಸುತ್ತಿವೆ.

ಭ್ರಾಂತಿ ಕಾರಣದಿಂದ ಒಂದು ಮತ್ತೊಂದಾಗಿ ಕಾಣಿಸುತ್ತದೆಂದು *ವಿವರ್ತನಾ ವಾದ*ವು ತಿಳಿಸುತ್ತಿದೆ. ಭಗವಂತನ ಕಾರಣ ಶರೀರವಾದ ಮಾಯಾಶಕ್ತಿ ವಾಸ್ತವವನ್ನು ಬಚ್ಚಿಟ್ಟು, ಅವಾಸ್ತವವನ್ನು ವಾಸ್ತವವಾಗಿ ತೋರಿಸಿ ಭ್ರಮಿಸುವಂತೆ ಮಾಡುತ್ತದೆ. *ಹಗ್ಗವನ್ನು ನೋಡಿ ಹಾವೆಂದು ಭಯಪಟ್ಟ ಹಾಗೆ* ಎಂದು ವಿವರ್ತನಾ ವಾದವೂ ತಿಳಿಸುತ್ತಿದೆ. ವೇದಾಂತ ದರ್ಶನವು ಈ ವಾದವನ್ನು ಸಮರ್ಥಿಸುವುದು.

ಯಾವುದು ಏನಾದರೂ ಈಶ್ವರಾರಾಧನೆಯಿಂದ ಕೂಡಿದ ಧ್ಯಾನ, ಯೋಗ ಸಾಧನೆಗಳ ಮುಖಾಂತರ ಆತ್ಮ ಜ್ಞಾನವನ್ನು ಪ್ರತ್ಯಕ್ಷವಾಗಿ ಹೊಂದಿ ಮುಕ್ತರಾಗುವುದು ನಮಗೆಲ್ಲರಿಗೂ ಬಹಳ ಅಗತ್ಯ.

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*