ಚನ್ನಪಟ್ಟಣ: ಬಾಬು ಜಗಜೀವನ್ ರಾಂ ಅವರು ನಡೆದು ಬಂದ ಹಾದಿಯಲ್ಲಿ ನಾವೆಲ್ಲರೂ ನಡೆಯಬೇಕು ಹಾಗೂ ಅವರ ಆದರ್ಶ, ತತ್ವ ಸಿದ್ದಾಂತಗಳನ್ನು ಮೈಗೊಡಿಸಿಕೊಳ್ಳಬೇಕು, ಅವರ ಆದರ್ಶಗಳು ಇಂದು ಮತ್ತು ಮುಂದೆಯೂ ಸಹ ನಮಗೆಲ್ಲಾ ಮಾರ್ಗದರ್ಶಕವಾಗಿವೆ ಎಂದು ತಹಶೀಲ್ದಾರ್ ಮಹೇಂದ್ರ ಅಭಿಪ್ರಾಯಪಟ್ಟರು.

ನಗರದ ತಾಲೂಕು ಕಚೇರಿ ಸಭಾಂಗಣದಲ್ಲಿ ರಾಷ್ಟ್ರೀಯ ಹಬ್ಬಗಳ ಆಚರಣಾ ಸಮಿತಿ ವತಿಯಿಂದ ಆಯೋಜಿಸಿದ್ದ ಹಸಿರು ಕ್ರಾಂತಿಯ ಹರಿಕಾರ ಬಾಬು ಜಗಜೀವನ್ ರಾಂ ರವರ 37ನೇ ಪುಣ್ಯ ಸ್ಮರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ನಾವು ಆಚರಿಸುವ ಕಾರ್ಯಕ್ರಮಗಳು ಕೇವಲ ಆಚರಣೆಗೆ ಮಾತ್ರ ಸಿಮೀತವಾಗಿರದೆ, ಅವರು ನಮಗಾಗಿ ಬಿಟ್ಟುಹೋದ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡಾಗ ಮಾತ್ರ ಅವರ ಪುಣ್ಯ ಸ್ಮರಣೆಗೆ ಅರ್ಥ ಬರಲಿದೆ ಎಂದು ತಿಳಿಸಿದರು.

ಅಸ್ಪೃಶ್ಯ ರೆಂಬ ಕಾರಣಕ್ಕೆ ಅವಮಾನಿತರಾದರು ಅದನ್ನು ಲೆಕ್ಕಿಸದೆ ಸತತ ಹೋರಾಟ ಹಾಗೂ ಪರಿಶ್ರಮಗಳಿಂದ ಮೇಲೆ ಬಂದು ಇಂದು ನಾವು ನೀವೇಲ್ಲರೂ ಸ್ಮರಿಸುವಷ್ಟರ ಮಟ್ಟಿಗೆ ಸಾಧನೆಗೈದು ಹೋಗಿದ್ದು, ಇದು ನಮಗೆಲ್ಲರಿಗೂ ಸ್ಪೂರ್ತಿಯಾಗಬೇಕೆಂದರು.

ಹಿರಿಯ ದಲಿತ ಮುಖಂಡ ಸಿದ್ದರಾಮಣ್ಣ ಮಾತನಾಡಿ ಬಾಬಾ ಸಾಹೇಬ್ ಅಂತಾ ಕರೆಯುವುದು ಅಂಬೇಡ್ಕರ್ ರವರಿಗೆ ಮಾತ್ರ ಅದೇರೀತಿ ಬಾಬು ಎಂದು ಯಾರನ್ನಾದರೂ ಕರೆಯುವುದಿದ್ದರೇ ಅದು  ಜಗಜೀವನ್ ರಾವ್ ಅವರಿಗೆ ಮಾತ್ರ. ದಲಿತರಾಗಿ ಜನಿಸಿ ಇಡೀ ದೇಶದಲ್ಲಿ ದಲಿತರು ಸ್ವಾಭಿಮಾನಿಗಳಾಗಿ ಬದಕುಲು ಪ್ರೆರೇಪಣೆ ನೀಡಿದ ಇಬ್ಬರು ನಾಯಕರು ದೇಶದ ಮಹಾನ್ ಶಕ್ತಿಯೆಂದು ಬಣ್ಣಿಸಿದರು.

ಪುಣ್ಯಸ್ಮರಣೆ ಕಾರ್ಯಕ್ರಮದಲ್ಲಿ ಸಮಾಜ ಕಲ್ಯಾಣ ಇಲಾಖೆಯ ಸರೋಜಮ್ಮ, ಕ್ಷೇತ್ರ ಶಿಕ್ಷಣಾಧಿಕಾರಿ ಮರೀಗೌಡ, ಶಿರಸ್ತೇದಾರ್ ಸೋಮೇಶ್, ದಲಿತ ಮುಖಂಡರುಗಳಾದ ವೆಂಕಟೇಶ್(ಶೇಠು), ಮಂಗಳವಾರಪೇಟೆ ಕಿರಣ್ ಕುಮಾರ್, ಶಿವಮೂರ್ತಿ, ಮಲ್ಲುಂಗೆರೆ ಮಹದೇವು, ರಮೇಶ್, ಅಪ್ಪಗೆರೆ ಕುಮಾರಿ ಸೇರಿದಂತೆ ಇಲಾಖಾ ಅಧಿಕಾರಿಗಳು ಹಾಗು ದಲಿತ ಮುಖಂಡರು ಹಾಜರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.