ಚನ್ನಪಟ್ಟಣ: ಜಿಲ್ಲಾ ಪಂಚಾಯತಿಯ ಪ್ರೊಬೆಷನರಿ ಕಿರಿಯ ಇಂಜಿನಿಯರ್ ಆಗಿದ್ದ *ಶಂಕರ್* ಜಿಲ್ಲಾ ಪಂಚಾಯತಿ ಅನುದಾನದ ಬಳಕೆಯ ಹಣವನ್ನು ತಾಲ್ಲೂಕಿನ ತುಂಡು ಗುತ್ತಿಗೆ ಕಾಮಗಾರಿಗಳ ಹೆಸರಿನಲ್ಲಿ ಲೂಟಿ ಹೊಡೆದಿರುವುದು ಒಂದೊಂದಾಗಿ ಬೆಳಕಿಗೆ ಬರುತ್ತಿವೆ, ಅಂದಿನ ಗ್ರಾಮೀಣ ಕುಡಿಯುವ ನೀರು ಉಪ ವಿಭಾಗದ ಕಿರಿಯ ಇಂಜಿನಿಯರ್ *ಚಿಕ್ಕ ವೆಂಕಟೇಶ್, ಅಭಿಯಂತರ ಕುಮಾರಸ್ವಾಮಿ* ಈರ್ವರನ್ನೂ ಮೀರಿಸಿ ಲೂಟಿ ಹೊಡೆಯುವುದನ್ನೇ ಕಾಯಕ ಮಾಡಿಕೊಂಡಿದ್ದಾನೆ.* *ಮಹಾನ್ ಇಂಜಿನಿಯರ್ ವಿಶ್ವ ವಿಖ್ಯಾತ, ಭಾರತ ರತ್ನ ಸರ್ ಎಂ ವಿಶ್ವೇಶ್ವರಯ್ಯ ಹೆಸರಿನಲ್ಲಿ ಇಂಜಿನಿಯರ್ ದಿನ ಆಚರಿಸುವ ಸುಸಂದರ್ಭದಲ್ಲಿ ಇಂತಹ ಇಂಜಿನಿಯರ್ ಗಳನ್ನು ನೆನೆಸಿಕೊಳ್ಳುವುದೇ ಪಾಪದ ಕೆಲಸ ಎಂದೆನಿಸುತ್ತದೆ.* ತಾಲ್ಲೂಕಿನ ಹೊಂಗನೂರು ಜಿಲ್ಲಾ ಪಂಚಾಯತಿ ವ್ಯಾಪ್ತಿಯ ನೀಲಸಂದ್ರ ಗ್ರಾಮ ಪಂಚಾಯತಿ ಯ ನೀಲಕಂಠನಹಳ್ಳಿ ಗ್ರಾಮದಿಂದ ಕೂಡ್ಲೂರು ರಸ್ತೆಗೆ ಸಂಪರ್ಕಿಸುವ ರಸ್ತೆಯ ಅಭಿವೃದ್ಧಿ ಕಾಮಗಾರಿಯ ಹೆಸರಿನಲ್ಲಿ *ಗುತ್ತಿಗೆದಾರ ಶ್ರೀನಿವಾಸ* ನ ಬ್ಯಾಂಕ್ ಖಾತೆಗೆ ಕೆಲಸವನ್ನು ಮಾಡದೇ *೩,೯೯,೯೩೪ ರೂಪಾಯಿಗಳನ್ನು* ಅಕ್ರಮವಾಗಿ ಪಡೆದುಕೊಂಡಿದ್ದಾರೆ ಎಂದು ಮಾಹಿತಿ ಹಕ್ಕು ಕಾರ್ಯಕರ್ತ ವಿ ಜಿ‌ ಕೃಷ್ಣೇಗೌಡ ದೂರಿದ್ದಾರೆ. ೨೦೧೬/೧೭ ರ ಸಾಲಿನ ಕಾವೇರಿ ನೀರಾವರಿ ನಿಗಮದ ಅನುದಾನದಲ್ಲಿ‌ ಇಡೀ ನೀಲಕಂಠನಹಳ್ಳಿ ಗ್ರಾಮದ ರಸ್ತೆ ಅಭಿವೃದ್ಧಿ ಮಾಡಿದ್ದು ಅದರ ಒಂದು ಭಾಗವಾದ ನೀಲಕಂಠನಹಳ್ಳಿ ರಸ್ತೆಯಿಂದ ಕೂಡ್ಲೂರು ರಸ್ತೆ ಸಂಪರ್ಕ ರಸ್ತೆ ಅಭಿವೃದ್ಧಿ ಪಡಿಸಿರುವುದಾಗಿ ಸುಳ್ಳು ದಾಖಲೆ ಸೃಷ್ಟಿಸಿ ಬಿಲ್ ಪಡೆದುಕೊಂಡಿರುವುದು ಮೇಲ್ನೋಟಕ್ಕೆ ಸಾಬೀತಾಗಿದ್ದು ಜಿಲ್ಲಾ ಪಂಚಾಯತಿ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಗಳಿಗೆ ದೂರು ನೀಡಿರುವುದಾಗಿ ತಿಳಿಸಿದರು. *ಸುಳ್ಳು ದಾಖಲೆ ಸೃಷ್ಟಿ;* ಕ್ರಮಸಂಖ್ಯೆ ೧ ರಿಂದ ೫ ರವರೆಗೆ ಇರುವ ಕಾಮಗಾರಿಯಲ್ಲಿ ೪೫೦ ಮೀಟರ್ ಉದ್ದದ ರಸ್ತೆ ಅಭಿವೃದ್ಧಿ ಮೆಟ್ಲಿಂಗ್ ಕಾಮಗಾರಿ ನಡೆದಿರುವ ಬಗ್ಗೆ ಯಾವುದೇ ಸಣ್ಣ ಕುರುಹುಗಳು ಕಂಡುಬಂದಿರುವುದಿಲ್ಲ. ಕ್ರಮಸಂಖ್ಯೆ ೨ ರಲ್ಲಿ ತೋರಿಸಿರುವ ಪೋಟೋ ನಂಬರ್ ೧ ರ ಪೋಟೋ ಮಲ್ಲುಂಗೆರೆ ಗ್ರಾಮದಿಂದ ಲಕ್ಕೋಜನಹಳ್ಳಿ ಗ್ರಾಮಕ್ಕೆ ಹೋಗುವ ರಸ್ತೆ ಅಭಿವೃದ್ಧಿ ಕಾಮಗಾರಿ ಯ ಪೋಟೋಗಳನ್ನು ಕ್ರಮಸಂಖ್ಯೆ ೩ ರಲ್ಲಿ ತೋರಿಸಲಾಗಿದೆ. ಹಾಗೂ ಕ್ರಮಸಂಖ್ಯೆ ೪ ರಲ್ಲಿ ತೋರಿಸಿರುವ ಪೋಟೋ ಕುಂತೂರುದೊಡ್ಡಿ ಗ್ರಾಮದ ಎಸ್ ಸಿ ಕಾಲೋನಿಯಿಂದ ರಾಂಪುರಕ್ಕೆ ಹೋಗುವ ರಸ್ತೆ ಅಭಿವೃದ್ಧಿ ಕಾಮಗಾರಿಯ ಪೋಟೋಗಳನ್ನು ಕ್ರಮಸಂಖ್ಯೆ ೨ ರಲ್ಲಿ ತೋರಿಸಿ ಬಿಲ್ ಮಾಡಿಕೊಂಡಿರುವುದು ಸಾಬೀತಾಗಿದ್ದು, *ಅಭಿಯಂತರ ಕುಮಾರಸ್ವಾಮಿ, ಕಿರಿಯ ಇಂಜಿನಿಯರ್ ಶಂಕರ್, ಗುತ್ತಿಗೆದಾರ ಶ್ರೀನಿವಾಸ ಸೇರಿದಂತೆ ಸಂಬಂಧಿಸಿದ ಅಧಿಕಾರಿಗಳ ಮೇಲೆ* ಕಾನೂನಿನ ಪ್ರಕಾರ ಕ್ರಮ ಕೈಗೊಳ್ಳಲಿ ಎಂದು ಅವರು ಒತ್ತಾಯಿಸಿದ್ದಾರೆ. *ಈ ಬಗ್ಗೆ ಹೊಂಗನೂರು ಜಿಲ್ಲಾ ಪಂಚಾಯತಿ ಸದಸ್ಯೆ ಜಿ ಡಿ ವೀಣಾಕುಮಾರಿ ಯವರನ್ನು ದೂರವಾಣಿ ಮೂಲಕ ಸಂಪರ್ಕಿಸಿದಾಗ ನಾನು ಅಧಿಕಾರಿಗಳ ಬಳಿ ಮಾಹಿತಿ ಮತ್ತು ಸಲಹೆ ಪಡೆದು ನಂತರ ಪ್ರತಿಕ್ರಿಯಿಸುವುದಾಗಿ ತಿಳಿಸಿದರು!* ಗೋ ರಾ ಶ್ರೀನಿವಾಸ... ಮೊ:9845856139.