ಸರ್ಕಲ್ ನ ಒಂದು ಸಾಂದರ್ಭಿಕ ಚಿತ್ರ

ಚನ್ನಪಟ್ಟಣ: ಯುಗಾದಿ ಹಬ್ಬದ ಮಾರನೆಯ ದಿನ ನಡೆಯುವ ಹೊಸತೊಡಕು ಗಿಗೆ ಅನುಕೂಲವಾಗುವಂತೆ ಹಾಗೂ ಮಾಂಸ ಪ್ರಿಯರಿಗೆ ತೊಂದರೆಯಾಗದಂತೆ ಕಾರ್ಯನಿರ್ವಹಿಸಲು ಮಾಂಸ ಮತ್ತು ಕೋಳಿ ಅಂಗಡಿಗಳಿಗೆ ಅನುಮತಿ ನೀಡಲಾಗಿದೆ.

ನಗರದ ಬಹುತೇಕ ಮಾಂಸದಂಗಡಿಗಳ ಮನವಿ ಮೇರೆಗೆ ಅವಕಾಶ ನೀಡಿರುವ ತಾಲ್ಲೂಕು ಆಡಳಿತವು ಒಮ್ಮೆಲೆ ಗ್ರಾಹಕರು ಮುಗಿಬೀಳದಂತೆ, ಕನಿಷ್ಠ ಒಂದು ಮೀಟರ್ ವೃತ್ತ (ಸರ್ಕಲ್) ಹಾಕಿ ಕ್ಯೂ ನಿಂತು ಒಬ್ಬರ ನಂತರ ಒಬ್ಬರು ಮಾಂಸ ಖರೀದಿಸಬೇಕೆಂದು ಸೂಚಿಸಲಾಗಿದ್ದು ಈ ವೇಳೆ ಮಾಂಸದ ಮಾಂಸ ಕಡಿಯುವವರು ಮತ್ತು ತೆಗೆದುಕೊಳ್ಳುವ ಗ್ರಾಹಕರೂ ಸಹ ಮಾಸ್ಕ್ ಧರಿಸಬೇಕೆಂದು ಸೂಚಿಸಿದ್ದಾರೆ.

ಈ ರೀತಿಯ ಕಟ್ಟುನಿಟ್ಟಿನ ಆದೇಶ ಬರುತ್ತದೆ ಎಂದು ನಮಗೆ ಗೊತ್ತಿರಲಿಲ್ಲ. ಈಗಾಗಲೇ ಕುರಿ ಮತ್ತು ಮೇಕೆಗಳಿಗೆ ಹದಿನೈದು ಲಕ್ಷ ಬಂಡವಾಳ ಹೂಡಿದ್ದೇನೆ. ನಾಳೆ ಅನುಮತಿ ಸಿಕ್ಕಿರುವುದರಿಂದ ಗ್ರಾಹಕರಿಗೆ ಆದ್ಯತೆಯ ಮೇರೆಗೆ ಹಾಗೂ ಅಂತರ ಕಾಯ್ದುಕೊಂಡು ಮಾಂಸ ನೀಡುತ್ತೇವೆ. ಅಂತರ ಕಾಯ್ದುಕೊಳ್ಳಲು ಅಂಗಡಿಯ ಮುಂದೆ ಕಟ್ಟಣೆ ಕಟ್ಟುತ್ತಿದ್ದೇವೆ.

*ನಾಗೇಂದ್ರ ಮಟನ್ ಸ್ಟಾಲ್ ಮಾಲೀಕರು. ಮಳೂರು.*

ಕೋಳಿ ಮಾಂಸ ಪ್ರೋಟೀನ್ ಅಂಶವುಳ್ಳದಾಗಿದೆ ಎಂದು ವೈಜ್ಞಾನಿಕವಾಗಿ ತಿಳಿಸಿದರೂ ಸಹ ಈ ಹಿಂದೆ ಕೇಳುವವರಿಲ್ಲದೆ ಹೂಳಬೇಕಾದ ಪರಿಸ್ಥಿತಿ ಬಂದಿತು. ಈಗ ತಾಲ್ಲೂಕು ಆಡಳಿತ ಅನುಮತಿ ನೀಡಿರುವುದರಿಂದ ಅದನ್ನು ಒಳ್ಳೆಯ ರೀತಿಯಲ್ಲಿ ರೋಗಾಣು ಹರಡದಂತೆ ಸದುಪಯೋಗ ಪಡಿಸಿಕೊಳ್ಳುತ್ತೇವೆ.

*ಎ ಜಿ ಸ್ವಾಮಿ. ಎಜಿಎಸ್ ಕೋಳಿ ಅಂಗಡಿ ಮಾಲೀಕರು.*

*ಹಳ್ಳಿಗಳಲ್ಲಿಯೂ ಸಹ ಜನರು ಗುಂಪುಗೂಡದೇ ಒಬ್ಬರ ನಂತರ ಮತ್ತೊಬ್ಬರು ಅಂತರ ಕಾಯ್ದುಕೊಂಡು ಮಾಂಸ ಖರೀದಿಸುವ   ಮೂಲಕ ರೋಗಾಣು  ಹರಡದಂತೆ ಎಚ್ಚರವಹಿಸಬೇಕು. ಗುಂಪುಗೂಡಿರುವುದು ಕಂಡು ಬಂದರೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು.*

*ಸುದರ್ಶನ್, ದಂಡಾಧಿಕಾರಿಗಳು.*

*ಮಿನಿಸ್ಟ್ರಿ ಆಫ್ ಹೋಮ್ ಅಫೇರ್ಸ್ ಆರ್ಡರ್ ನಂ ೪೦-೩/೨೦ಡಿ ೪ ರ ಪ್ರಕಾರ ಮಾಂಸದಂಗಡಿಗಳಿಗೆ ಅನುಮತಿ ನೀಡಿದ್ದು, ಮಾಲೀಕರು ಗ್ರಾಹಕರಿಗೆ ಒಂದು ಮೀಟರ್ ಅಂತರದಲ್ಲಿ ವೃತ್ತ ಹಾಕಿ ನಿಲ್ಲಿಸಿ, ಒಬ್ಬರಾದ ನಂತರ ಮತ್ತೊಬ್ಬರಿಗೆ ನೀಡುವಂತೆ ಸೂಚಿಸಲಾಗಿದೆ. ಗ್ರಾಹಕರು ಸಹ ಅಂತರ ಕಾಯ್ದುಕೊಂಡು ಖರೀದಿಸಬೇಕು. ಜನರು ಗುಂಪುಗೂಡದಂತೆ ಎಚ್ಚರಿಕೆವಹಿಸಲಾಗುತ್ತದೆ.*

*ಶಿವನಂಕಾರಿಗೌಡ, ಪೌರಾಯುಕ್ತರು.*

*ಈಗಾಗಲೇ ನಮ್ಮ ಪೋಲೀಸರು ರೋಗಾಣು ತಡೆಯುವ ನಿಟ್ಟಿನಲ್ಲಿ ಜನ ಗುಂಪುಗೂಡದಂತೆ ಎಚ್ಚರಿಕೆ ವಹಿಸಿದ್ದಾರೆ. ನಾಳೆಯೂ ಸಹ ಎಚ್ಚರಿಕೆ ವಹಿಸಲಾಗುತ್ತದೆ.*

*ಓಂಪ್ರಕಾಶ್, ಡಿವೈಎಸ್ಪಿ.*

ಗೋ ರಾ ಶ್ರೀನಿವಾಸ...

ಮೊ:9845856139.