ಚನ್ನಪಟ್ಟಣ:ಮೇ/೨೯/೨೦/ಶುಕ್ರವಾರ. ತಾಲ್ಲೂಕಿನ ಈರ್ವ ಜನತಾ ದಳದ ನಾಯಕರು ಮಾಜಿ ಶಾಸಕರ ಬಣ್ಣದವರು ಎಂದೇ ಪರಿಚಿತರಾಗಿರುವ ಆಪ್ತನ ಸಹಾಯದಿಂದ ಮಾಜಿ ಶಾಸಕರ ಮನೆಗೋಗಿ ಬಿಜೆಪಿ ಪಕ್ಷಕ್ಕೆ ಸೇರಿಸಿಕೊಂಡು ನನ್ನ ಹಳೆಯ ಸ್ಥಾನವನ್ನಾದರೂ ಗಟ್ಟಿಗೊಳಿಸಕೊಡಬೇಕೆಂದು ಗೋಗರೆದಿದ್ದಾರೆ ಎಂದು ಜೆಡಿಎಸ್ ನ ಉಳಿದ ನಾಯಕರು ಚರ್ಚೆಯಲ್ಲಿ ತೊಡಗಿದ್ದು ಹಲವಾರು ಸ್ಥಳೀಯ ನಾಯಕರು ಮತ್ತು ಕಾರ್ಯಕರ್ತಲ್ಲಿ ಉತ್ಸಾಹ ತುಂಬಿರುವುದು ಕಂಡು ಬರುತ್ತಿದೆ.

ಬಣ್ಣದವರೊಬ್ಬರ ಮೂಲಕ ಬ್ಯಾಂಕ್ ನ ಮಾಜಿ ಅಧ್ಯಕ್ಷ ಹಾಗೂ ಅಂದಕಾಲದಲ್ಲೇ ಎಂಎಲ್ಎ ಸೀಟನ್ನು ಗಟ್ಟಿಗೊಳಿಸಿಕೊಂಡು ತಪ್ಪಿಸಿಕೊಂಡಿದ್ದ ನಾಯಕರಿಬ್ಬರೂ ಸ್ಥಳೀಯ ಮಾಜಿ ಶಾಸಕರೊಬ್ಬರ ಮನೆಗೋಗಿ ಬಿಜೆಪಿ ಗೆ ಸೇರಿಸಿಕೊಳ್ಳುವಂತೆ ದುಂಬಾಲು ಬಿದ್ದಿದ್ದು, ಅವರು ನಾನೇ ಈಗ ಅತಂತ್ರ ಸ್ಥಿತಿಯಲ್ಲಿದ್ದೇನೆ. ನಿಮ್ಮನ್ನು ದಡ ಸೇರಿಸುತ್ತೇನೆ ಎಂಬ ಭರವಸೆ ಇಲ್ಲ ಎಂಬುದಾಗಿ ಕೈಚೆಲ್ಲಿದರಂತೆ.

ನಂತರ ಈಗ ಮಂತ್ರಿಯಾಗಿರುವ ಸ್ಥಳೀಯ ನಾಯಕರೊಬ್ಬರ ಮನೆಗೆ ಭೇಟಿ ನೀಡಿ ಅವರ ಮುಂದೆಯೂ ಮಂಡಿಯೂರಿದ್ದರಂತೆ, ಆ ನಾಯಕರು ಅಳೆದು ತೂಗಿ, ಅವರ ಬೇಡಿಕೆಯನ್ನು ಗಮನಿಸಿ ನಾಯಕರ ಬಳಿ ಮಾತನಾಡಿ ತಿಳಿಸುತ್ತೇನೆ ಎಂದು ಅಭಯ ನೀಡಿದ್ದಾರಂತೆ !

ಈ ವಿಷಯ ತಿಳಿದ ಹಲವಾರು ದಳೀಯ ಮುಖಂಡರು ಹಾಗೂ ನಿಷ್ಠಾವಂತ ಕಾರ್ಯಕರ್ತರು ಕುಣಿದು ಕುಪ್ಪಳಿಸಿ, ಪಟಾಕಿ ಸಿಡಿಸಿ ಸಿಹಿ ಹಂಚಲು ಸಜ್ಜಾಗುತ್ತಿದ್ದಾರಂತೆ ! ?

ಈ ಈರ್ವರಿಂದ ಪಕ್ಷಕ್ಕೆ ನಷ್ಟವೇ ಹೊರತು, ಇವರಿಂದ ಲಾಭವಂತೂ ಇಲ್ಲ. ಕೇವಲ ಸ್ವಹಿತಕ್ಕಾಗಿ, ಪಕ್ಷದ ಮುಖಂಡರು ಬಂದಾಗ ಮಾತ್ರ ಬಗಲಲ್ಲಿ ನಿಂತು ಫೋಸ್ ಕೊಡುತ್ತಾರೆ. ಪ್ರತಿ ಎಲೆಕ್ಷನ್ ನಲ್ಲೂ ದುಡ್ಡು ಮಾಡಿಕೊಂಡು ಓಟ್ನೂ ಬೇರೆಯವರಿಗೆ ಕೊಡುಸ್ತಾನೆ ಎಂದು ಕುಹಕವಾಡ್ತಿದ್ದಾರಂತೆ.?

ಇತ್ತ ಬಿಜೆಪಿ ಪಕ್ಷದ ಸ್ಥಳೀಯ ನಾಯಕರೂ ಸಹ ಮೇಲ್ನೋಟಕ್ಕೆ ತತ್ವ ಸಿದ್ಧಾಂತಗಳನ್ನು ಒಪ್ಪಿ ಬರುವುದಾದರೆ ಅಪ್ಪಿಕೊಳ್ಳುತ್ತೇವೆ ಎಂದರೂ ಸಹ ಅವರಾರು ಎಂಬುದನ್ನು ಗಮನಿಸಿದ ನಂತರ ತಮ್ಮ ಬೇಗುದಿಯನ್ನು ಹೊರ ಹಾಕಲಾರದೆ ಪಕ್ಷದ ಮುಖಂಡರಿಗೆ ಬಿಟ್ಟಿದ್ದು ಎಂದು ಮಾತು ತೇಲಿಸುತ್ತಿರುವುದು ಕಂಡು ಬರುತ್ತಿದೆ.

ಆ ಪಕ್ಷದಲ್ಲಿ ಇದ್ದುಕೊಂಡೇ ಅದೇ ಪಕ್ಷದವರಿಗೆ ದ್ರೋಹ ಮಾಡುವ ಅವರು ನಮ್ಮನ್ನು ಬಿಟ್ಟಾರೆಯೇ ? ಎಂಬ ದುಗುಡ ವ್ಯಕ್ತಪಡಿಸುವ ಅವರು ರಾಜಕೀಯದಲ್ಲಿ ಶಾಶ್ವತವಾಗಿ ಯಾರೂ ಮಿತ್ರರೂ ಇಲ್ಲ, ಶತೃವೂ ಇಲ್ಲ. ರಾಜ್ಯ ಮತ್ತು ರಾಷ್ಟ್ರ ಮಟ್ಟದಲ್ಲಿ ಇವೆಲ್ಲವೂ ಈಗಾಗಲೇ ಸಾಧ್ಯವಾಗಿರುವುದರಿಂದ ನಮ್ಮಲ್ಲೂ ಇದು ಸಹಜ ಪ್ರಕ್ರಿಯೆ ಎಂದು ಮುಗುಮ್ಮಾಗಿ ಹೇಳಿ ಮೌನಕ್ಕೆ ಶರಣಾಗುತ್ತಿದ್ದಾರೆ.

*ಮುಂದಿನದನ್ನು ತೆರೆಯ ಮೇಲೇಯೇ ವೀಕ್ಷಿಸೋಣಾ !?*

ಗೋ ರಾ ಶ್ರೀನಿವಾಸ...

ಮೊ:9845856139.