ಚನ್ನಪಟ್ಟಣ:ಸೆ 11. ಹುರುಳಿ ಚೆಲ್ಲಿರುವ ಜಮೀನಿನ ಮೇಲೆ ಉಳುಮೆ ಮಾಡಲು ಟ್ರ್ಯಾಕ್ಟರ್ ಹರಿಸಿಕೊಂಡು 

ಹೋಗುತ್ತಿರುವುದನ್ನು ಪ್ರಶ್ನಿಸಿದ ನನ್ನ ಪತಿ ಶಿವರಾಜು ಮೇಲೆ ಪಕ್ಕದ ಜಮೀನಿನ ಚಂದ್ರಶೇಖರ್ ಸಿ.ಎಸ್. ಮತ್ತು ಟ್ರ್ಯಾಕ್ಟರ್ 

ಮಾಲೀಕ ಮತ್ತು ಚಾಲಕ ಕನ್ನಮಂಗಲ ಗ್ರಾಮದ ಹೊನ್ನೇಗೌಡ ಬಿನ್ ಕೆಂಚೇಗೌಡ ಎಂಬುವರು ಅವಾಚ್ಯ ಶಬ್ಧಗಳಿಂದ ನಿಂದಿಸಿ, ದೊಣ್ಣೆ 

ಮತ್ತು ಕಬ್ಬಿಣದ ರಾಡಿನಿಂದ ಕೊಲೆ ಮಾಡುವ ಉದ್ದೇಶದಿಂದ ನನ್ನ ಪತಿಯ ತಲೆಗೆ ಹೊಡೆದು ಗಾಯಗೊಳಿಸಿ ಮರಣಾಂತಿಕ ಹಲ್ಲೆ 

ನಡೆಸಿರುತ್ತಾರೆ ಎಂದು ಹಲ್ಲೆಗೊಳಗಾದ ಶಿವರಾಜು ಅವರ ಪತ್ನಿ ಕನ್ನಮಂಗಲ ಗ್ರಾಮದ ಶೈಲಜಾ ಅವರು ಆರೋಪ ಮಾಡಿದ್ದಾರೆ. ಅವರು

ಸ್ವಗ್ರಾಮದಲ್ಲಿ ಕರೆದಿದ್ದ ಸುದ್ದಿಗೋಷ್ಠಿಯಲ್ಲಿ ಘಟನೆಯ ವಿವರವನ್ನು ತಿಳಿಸಿದರು.

ತಾಲ್ಲೂಕಿನ ಕನ್ನಮಂಗಲ ಸರ್ವೆ ನಂ.149 ರಲ್ಲಿ 

ಸರ್ಕಾರಿ ಗೋಮಾಳದಲ್ಲಿ ಸುಮಾರು 1 ಎಕರೆ ಜಮೀನಿನಲ್ಲಿ ಕಳೆದ 20 ವರ್ಷಗಳಿಂದ ನನ್ನ ಪತಿ ಶಿವರಾಜು ರವರು ಸಾಗುವಳಿ ಮಾಡಿಕೊಂಡು ಬರುತಿದ್ದು ಸೆ.8 ರಂದು ಬೆಳಿಗ್ಗೆ ನನ್ನ ಪತಿ 

ಎಂದಿನಂತೆ ಜಮೀನಿನ ಬಳಿ ಹೋಗಿದ್ದಾಗ, ನಮ್ಮ ಜಮೀನಿನ ಪಕ್ಕದಲ್ಲಿ ಸಾಗುವಳಿ ಅರ್ಜಿ ಸಲ್ಲಿಸಿ ಜಮೀನನ್ನು ಅಭಿವೃದ್ಧಿ ಪಡಿಸಿತ್ತಿರುವ

ರಾಮನಗರ ಜಿಲ್ಲಾ ಎಸ್.ಪಿ.ಕಛೇರಿಯಲ್ಲಿ 

ಕ್ಯಾಷಿಯರ್ ಆಗಿ ಕಾರ್ಯನಿರ್ವಹಿಸುತ್ತಿರುವ ತಿಟ್ಟಮಾರನಹಳ್ಳಿ ಚಂದ್ರಶೇಖರ್ ಸಿ.ಎಸ್. ಮತ್ತು ಕನ್ನಮಂಗಲ ಗ್ರಾಮದ ಟ್ರ್ಯಾಕ್ಟರ್ ಮಾಲೀಕ ಮತ್ತು ಚಾಲಕ ಹೊನ್ನೇಗೌಡ ಬಿನ್ ಕೆಂಚೇಗೌಡ 

ಎಂಬುವರು ಹುರುಳಿ ಚೆಲ್ಲಿರುವ ನಮ್ಮ ಜಮೀನಿನ ಮೇಲೆ ಹಾದು ಹೋಗುತ್ತಿರುವುದನ್ನು ಪ್ರಶ್ನಿಸಿದ್ದಕ್ಕೆ ಆ ಇಬ್ಬರೂ ವ್ಯಕ್ತಿಗಳು ಹಳೇ ದ್ವೇಷದಿಂದ ನನ್ನ ಪತಿಗೆ ಅವಾಚ್ಯ ಶಬ್ಧಗಳಿಂದ ನಿಂದಿಸಿ, ಕಬ್ಬಿಣ 

ಮತ್ತು ದೊಣ್ಣೆಯಿಂದ ಕೊಲೆ ಮಾಡುವ ಉದ್ದೇಶದಿಂದ ತಲೆಗೆ ಹೊಡೆದು ರಕ್ತಮಯ ಗಾಯಗೊಳಿಸಿ ಕೈ ಕಾಲುಗಳ ಮೇಲೆ ತುಳಿದು 

ಮಾರಣಾಂತಿಕ ಹಲ್ಲೆ ನಡೆಸಿ, ಜಮೀನಿನ ವಿಚಾರಕ್ಕೆ ಮತ್ತು ನಮ್ಮ ತಂಟೆಗೆ ಬಂದರೆ ನಿನ್ನನ್ನು ಮತ್ತು ನಿಮ್ಮ ಕುಟುಂಬವನ್ನು ಕೊಲೆ ಮಾಡಿ ಹೂತುಬಿಡುತ್ತೇನೆ ಎಂದು ಬೆದರಿಕೆ ಹಾಕಿದ್ದಾರೆ ಎಂದು ಅವಲತ್ತುಗೊಂಡಿದ್ದಾರೆ.

ಘಟನೆ ನಡೆದ ದಿನ ನಾನು ಮತ್ತು ನನ್ನ ಕುಟುಂಬದವರು ಮಹದೇಶ್ವರ ದೇವಸ್ಥಾನಕ್ಕೆ ಹೋಗಿದ್ದೆವು. ಗ್ರಾಮದಲ್ಲಿ ಈ ಸುದ್ದಿ 

ತಿಳಿದು ಗ್ರಾಮದ 7-8 ಮಂದಿ ಸ್ಥಳಕ್ಕೆ ಹೋಗಿ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದ ನನ್ನ ಪತಿ ಶಿವರಾಜು ಅವರನ್ನು ನಗರದ ಸಾರ್ವಜನಿಕ 

ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿದ್ದಾರೆ. ವೈದ್ಯರ ಸಲಹೆ ಮೇರೆಗೆ ಮಂಡ್ಯ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ 

ತಪಾಸಣೆ ಮಾಡಿಸಿಕೊಂಡು ಬಂದು ಸಾರ್ವಜನಿಕ 

ಆಸ್ಪತ್ರೆಯಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. 

ಎಂ.ಕೆ.ದೊಡ್ಡಿ ಪೊಲೀಸರಿಗೂ ಈ ಬಗ್ಗೆ ದೂರು ನೀಡಿದ್ದೇವೆ. ಆದರೆ ನನ್ನ ಗಂಡನ ಮರಣಾಂತಿಕ ಹಲ್ಲೆ ನಡೆಸಿದವರೇ ನಮ್ಮ ಮೇಲೆ ಮತ್ತು 

ಆಸ್ಪತ್ರೆಗೆ ಸೇರಿಸಿದವರ ಮೇಲೆ ಪೊಲೀಸರಿಗೆ ದೂರು ನೀಡಿದ್ದಾರೆ. ಹಲ್ಲೆಗೊಳಗಾಗಿ ಆಸ್ಪತ್ರೆಗೆ ದಾಖಲಾಗಿದ್ದೇನೆ ಎನ್ನುವವರು ಗ್ರಾಮದಲ್ಲಿ ರಾಜಾರೋಷವಾಗಿ ಟ್ರ್ಯಾಕ್ಟರ್ ಓಡಾಡಿಸಿಕೊಂಡು 

ಇದ್ದಾರೆ. ಪೊಲೀಸರು ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಅವಲತ್ತುಗೊಂಡರು.

ಚಂದ್ರಶೇಖರ್ ಸಿ.ಎಸ್. ಎಸ್.ಪಿ.ಕಛೇರಿಯಲ್ಲಿ ಕೆಲಸದಲ್ಲಿದ್ದು, ರಕ್ಷಣೆಗೆಂದು ಪೊಲೀಸ್ ಇಲಾಖೆಯಿಂದ ಲೈಸೆನ್ಸ್ ಪಡೆದು, ಗನ್ 

ಇಟ್ಟುಕೊಂಡಿದ್ದು , ನನ್ನ ವಿರುದ್ಧ ಮಾತನಾಡಿದರೆ ಗನ್‍ನಿಂದ ಸುಟ್ಟು ಹಾಕಿಬಿಡುತ್ತೇನೆ. ಎಸ್.ಪಿ. ಮತ್ತು ಪೊಲೀಸ್ ಅಧಿಕಾರಿಗಳು, 

ತಹಶೀಲ್ದಾರ್ ಅವರ ಬೆಂಬಲ ನನಗೆ ಇದೆ. ಯಾರೂ ಏನೂ ಮಾಡಲು ಆಗದು ಎಂದು ಗ್ರಾಮದಲ್ಲಿ ಆಗಾಗ್ಗೆ ಈ ರೀತಿಯ ದೌರ್ಜನ್ಯ ನಡೆಸುತ್ತಿದ್ದಾರೆ ಎಂದು ಆರೋಪಿಸಿದರು.

ಅವರ ಜಮೀನಿನ ಬಳಿ ಪೂರ್ವಿಕರ ಕಾಲದಿಂದಲೂ ಮುತ್ತುರಾಯ ಸ್ವಾಮಿ ದೇವಸ್ಥಾನವಿದೆ. ಪ್ರತಿ ವರ್ಷ ಗ್ರಾಮದ ಜನತೆ ಪೂಜೆ, ಅನ್ನದಾನ ಏರ್ಪಡಿಸಿಕೊಂಡು ಬರುತ್ತಿದ್ದಾರೆ. ಆ ಜಾಗವನ್ನು 

ಕಬಳಿಸುವ ದುರುದ್ದೇಶದಿಂದ ತನ್ನ ಜಮೀನು ಸೇರಿದಂತೆ ಆ ಜಾಗವನ್ನು ಹೊಂದಿಕೊಂಡಂತೆ ತಂತಿ ಬೇಲಿ ಹಾಕಿಕೊಳ್ಳುತ್ತಿದ್ದಾಗ 

ಗ್ರಾಮಸ್ಥರೆಲ್ಲಾ ಹೋಗಿ ತಡೆದು ಬಂದಿದ್ದೆವು. ಸಂಬಂಧಪಟ್ಟ ಅಧಿಕಾರಿಗಳಿಗೆಲ್ಲ ಲಿಖಿತವಾಗಿ ದೂರು ನೀಡಿದ್ದರೂ ಯಾವುದೇ 

ಪ್ರಯೋಜನವಾಗಿಲ್ಲ. ಸರ್ಕಾರಿ ಗೋಮಾಳದ ಜಮೀನನ್ನು ಕಬಳಿಸುವ ಹುನ್ನಾರದಿಂದ ತಮ್ಮ ಬೆಂಬಲಿಗರನ್ನು ಕಟ್ಟಿಕೊಂಡು ಈ ರೀತಿಯ ದೌರ್ಜನ್ಯ ನಡೆಸುತ್ತಿದ್ದಾನೆ. ದೌರ್ಜನ್ಯ, ಹಲ್ಲೆ ನಡೆಸಿರುವ ಸಿ.ಎಸ್.ಚಂದ್ರಶೇಖರ್ ಮತ್ತು ಹೊನ್ನೇಗೌಡರ ವಿರುದ್ಧ ಕಾನೂನು 

ರೀತಿ ಕ್ರಮ ಜರುಗಿಸಿ ನಮಗೆ ನ್ಯಾಯ ದೊರಕಿಸಿಕೊಡಬೇಕೆಂದು 

ಮಾಧ್ಯಮದ ಮೂಲಕ ಹಲ್ಲೆಗೊಳಗಾದ ಶಿವರಾಜುರವರ ಪತ್ನಿ ಶೈಲಜಾ, ಮಗ ಅಭಿಷೇಕ್, ಗ್ರಾಮದ ಹಿರಿಯರಾದ ಹೊನ್ನೇಗೌಡ, 

ಕಿರಣ್, ನಿಂಗೇಗೌಡ, ಹೊನ್ನೇಗೌಡ ಮುಂತಾದವರು ಮನವಿ ಮಾಡಿದರು.

ಗೋ ರಾ ಶ್ರೀನಿವಾಸ...

ಮೊ:9845856139.