Tel: 7676775624 | Mail: info@yellowandred.in

Language: EN KAN

    Follow us :


ಕೋಟೆಯಲ್ಲಿನ ಓವರ್ ಹೆಡ್ ಟ್ಯಾಂಕ್ ನ ಪೈಪಿನಲ್ಲಿ ಮನುಷ್ಯನ ಕಾಲು ಪತ್ತೆ. ಕೊಲೆಯ ಶಂಕೆ !?

Posted date: 09 Oct, 2021

Powered by:     Yellow and Red

ಕೋಟೆಯಲ್ಲಿನ ಓವರ್ ಹೆಡ್ ಟ್ಯಾಂಕ್ ನ ಪೈಪಿನಲ್ಲಿ ಮನುಷ್ಯನ ಕಾಲು ಪತ್ತೆ. ಕೊಲೆಯ ಶಂಕೆ !?

ಚನ್ನಪಟ್ಟಣ:ಅ/09/21. ನಗರದ ಕೋಟೆ ಪ್ರದೇಶದಲ್ಲಿರುವ, ಹೊಸ ನ್ಯಾಯಾಲಯದ ಬಳಿಯ ದೊಡ್ಡ ನೀರಿನ ಟ್ಯಾಂಕ್ ನ ಪೈಪಿನಲ್ಲಿ ಸ್ವಲ್ಪ ಕೊಳೆತ ಸ್ಥಿತಿಯಲ್ಲಿ ಮನುಷ್ಯನ ತೊಡೆ ಸಮೇತ ಕಾಲಿನ ಭಾಗ ದೊರೆತಿದ್ದು, ಹಲವು ಅನುಮಮಾನಗಳು ಹುಟ್ಟಿಕೊಂಡಿವೆ.


ಕಳೆದ ಮೂರ್ನಾಲ್ಕು ದಿನಗಳಿಂದ 8, 9 ಮತ್ತು 10 ನೇ ವಾರ್ಡ್ ಗಳ ನಿವಾಸಿಗಳು ನೀರಿನಲ್ಲಿ ಗಬ್ಬು ವಾಸನೆ ಬರುತ್ತಿದೆ ಎಂದು ದೂರುಗಳನ್ನು ಹೇಳಿದ ನಂತರ ಜಲಮಂಡಳಿಯವರು ಮತ್ತು ನಗರಸಭೆಯವರು ಇಂದು ಮುಂಜಾನೆ 06:30 ಸಮಯದಲ್ಲಿ ಟ್ಯಾಂಕ್ ಬಳಿ ವೀಕ್ಷಿಸಿದ್ದಾರೆ. ಟ್ಯಾಂಕ್ ಕೆಳಗಿನ ಹತ್ತು ಇಂಚಿನ ಪೈಪಿನ ವಾಲ್ವ್ ಬಳಿ ಮುಂಗಾಲು ಕಾಣಿಸಿದ ನಂತರ, ಕಾರ್ಯಾಚರಣೆಗೆ ಇಳಿದಿದ್ದು ಜೆಸಿಬಿ ಮೂಲಕ ಅಗೆದು, ಪೈಪ್ ತುಂಡರಿಸಿದಾಗ ತೊಡೆ ಸಮೇತ ಒಂಟಿ ಕಾಲು ದೊರೆತಿದೆ.


ಇದೇ ವೇಳೆ ಟ್ಯಾಂಕ್ ನ ಮೇಲಿನ ಭಾಗದಲ್ಲಿ ಒಂದು ಚೂಡಿದಾರ್, ಒಳಲಂಗ, ವೇಲ್, ಟಾಪ್ ಮತ್ತು ಒಂದು ಜೊತೆ ಚಪ್ಪಲಿ ದೊರೆತಿದ್ದು ಟ್ಯಾಂಕ್ ನ ಕೆಳಭಾಗದಲ್ಲಿ ಒಂದು ಛತ್ರಿ (ಕೊಡೆ) ದೊರೆತಿದೆ.


ಟ್ಯಾಂಕ್ ಮೇಲಿನ ಭಾಗದಿಂದ ಭೂಮಿಯವರೆಗೆ ಹತ್ತು ಇಂಚಿನ ಪೈಪ್ ಇದ್ದು ಒಂದು ವಾಲ್ವ್ ಇದೆ. ಅದೇ ಪೈಪು ಮೂವತ್ತು ಅಡಿಯಷ್ಟು ದೂರ ಹೋಗಿದ್ದು, ಅಲ್ಲಿಂದ ಮೂರು ಇಂಚಿನ ಪೈಪುಗಳಿವೆ. ಸಿಬ್ಬಂದಿಗಳು ಹತ್ತು ಇಂಚಿನ ಪೈಪ್ ಹೋಗಿರುವ ತನಕವೂ ಅಗೆದು ಸೋಸಿದ್ದಾರೆ. ಓವರ್ ಹೆಡ್ ಟ್ಯಾಂಕ್ ನ್ನು ಪೂರ್ಣ ಪ್ರಮಾಣದಲ್ಲಿ ಸ್ವಚ್ಚ ಮಾಡಿದರೂ ಸಹ ಯಾವುದೇ ಅಂಗ ದೊರೆಯದ ಕಾರಣ ಪೋಲೀಸರು ಮತ್ತು ಸಾರ್ವಜನಿಕರು ಇದು ಆತ್ಮಹತ್ಯೆ ಅಲ್ಲಾ, ಎಲ್ಲೋ ಕೊಲೆ ಮಾಡಿ ಪೋಲೀಸರನ್ನು ಮತ್ತು ವಾರಸುದಾರರನ್ನು ದಿಕ್ಕು ತಪ್ಪಿಸಲು ಒಂದೊಂದು ಅಂಗವನ್ನು ಬೇರೆಬೇರೆಯಾಗಿ ಎಸೆದು ಹೋಗಿರಬಹುದು ಎಂದು ಅನುಮಾನಗೊಂಡಿದ್ದಾರೆ.


ಈ ಸಂದರ್ಭದಲ್ಲಿ ತಹಶಿಲ್ದಾರ್ ನಾಗೇಶ್ ರವರು ಮಾತನಾಡಿ, ನಿವಾಸಿಗಳ ದೂರಿನ ಮೇರೆಗೆ ತಪಾಸಣೆ ನಡೆಸಲಾಗಿದೆ. ಈ ಸಂದರ್ಭದಲ್ಲಿ ಒಂದು ಕಾಲು ಮಾತ್ರ ದೊರೆತಿದ್ದು, ಅದನ್ನು ನಗರದ ಸಾರ್ವಜನಿಕ ಆಸ್ಪತ್ರೆಗೆ ಕಳುಹಿಸಿದ್ದೇವೆ. ಶವದ ಕಾಲಿನ ಪರೀಕ್ಷೆ ಯ ನಂತರ ಪೂರ್ವಾಪರ ತಿಳಿಯಬೇಕಾಗಿದೆ. ನೀರು ಸರಬರಾಜು ಮಾಡಲು ಗುತ್ತಿಗೆ ಪಡೆದಿರುವವರು, ಇದನ್ನೆಲ್ಲಾ ದಿನನಿತ್ಯವೂ ಪರೀಕ್ಷಿಸಬೇಕು. ಅವರಿಗೂ ಸಹ ನೋಟೀಸ್ ನೀಡುತ್ತವೆ ಎಂದರು.


ನಗರಸಭೆಯ ಪೌರಾಯುಕ್ತ ಶಿವನಂಕಾರಿಗೌಡ ಮಾತನಾಡಿ, ಇದು ಸಂಪೂರ್ಣವಾಗಿ ಜಲಮಂಡಳಿ ವ್ಯಾಪ್ತಿಗೆ ಬರುತ್ತದೆ. ನಮ್ಮ ಇಲಾಖಾ ವತಿಯಿಂದ ಸ್ವಚ್ಚತೆಯನ್ನು ಮಾಡುತ್ತೇವೆ. ಜಲಮಂಡಳಿಯ ಸಿಬ್ಬಂದಿಗಳೊಂದಿಗೆ ಇಂದು ನಮ್ಮ ಇಲಾಖೆಯು ಸೇರಿ ಕಾರ್ಯಾಚರಣೆ ನಡೆಸಿದ್ದೇವೆ. ಒಂದು ಕಾಲು ಹೊರತುಪಡಿಸಿ ಮತ್ತೇನು ಸಿಕ್ಕಿಲ್ಲ. ಶಾಸಕ ಕುಮಾರಸ್ವಾಮಿ ಯವರ ಸೂಚನೆ ಮೇರೆಗೆ ಸಂಬಂಧಿಸಿದ ವಾರ್ಡ್ ಗಳಿಗೆ ಟ್ರ್ಯಾಕ್ಟರ್ ಮೂಲಕ ನೀರು ಸರಬರಾಜು ಮಾಡಲಾಗುತ್ತದೆ ಎಂದರು.


ಶಾಸಕ ಕುಮಾರಸ್ವಾಮಿ ಯವರು ಚನ್ನಪಟ್ಟಣ ನಗರದ ಜನತೆಗೆ ಧೈರ್ಯ ತುಂಬುವ ಮಾತುಗಳನ್ನಾಡಿರುವ ವೀಡೀಯೋ ಒಂದನ್ನು ಕಳುಹಿಸಿದ್ದು, ನಿವಾಸಿಗಳಿಗೆ ಧೈರ್ಯ ತುಂಬಿ, ಸೂಕ್ತ ಕ್ರಮಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

ಸತತ ಮೂರು ಗಂಟೆಗಳ ಕಾಲ ಮೊದಲು ಕಾರ್ಯಾಚರಣೆ ನಡೆಸಿದ್ದು, ಪೈಪ್ ಗಳ ಕಾರ್ಯಾಚರಣೆ ತಡರಾತ್ರಿವರೆಗೂ ನಡೆಯಿತು. ಈ ವೇಳೆ ಸಾರ್ವಜನಿಕರು ಕುತೂಹಲದಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಸೇರಿದ್ದು, ಅವರನ್ನು ನಿಯಂತ್ರಿಸಲು ಪೋಲೀಸರು ಹರಸಾಹಸ ಪಡಬೇಕಾಯಿತು.


ಈ ಘಟನೆಯಿಂದ ಆತಂಕಗೊಂಡ ನಿವಾಸಿಗಳು ತಂತಮ್ಮ ಮನೆಯ ಸಂಪುಗಳು, ಮೇಲಿನ ಟ್ಯಾಂಕ್ ಗಳನ್ನ ಸ್ವಚ್ಚಗೊಳಿಸುವ ಕಾರ್ಯ ಸರ್ವೇಸಾಮಾನ್ಯವಾಗಿತ್ತು. ಸೇರಿದ್ದ ಜನಸ್ತೋಮ ಮತ್ತು ನಿವಾಸಿಗಳು ಬಹಿರಂಗವಾಗಿ ಹಿಡಿಶಾಪ ಹಾಕುತ್ತಿದ್ದ ದೃಶ್ಯ ಕಂಡುಬಂದಿತು. ಸ್ಥಳೀಯವಾಗಿ ನ್ಯಾಯಾಲಯ ಮತ್ತು ಅಬಕಾರಿ ಕಛೇರಿ ಇದ್ದರೂ ಸಹ ಅಲ್ಲೆಲ್ಲೂ ಸಿಸಿ ಟಿವಿ ಇಲ್ಲದಿರುವುದು ದುಷ್ಕರ್ಮಿಗಳಿಗೆ ವರದಾನವಾಗಿದೆ ಎಂಬುದು ನಾಗರೀಕರ ಆರೋಪವಾಗಿದೆ.


ಕಾರ್ಯಾಚರಣೆ ವೇಳೆ ಜಲಮಂಡಳಿಯ ಇಂಜಿನಿಯರ್ ಗಳು, ಡಿವೈಎಸ್ಪಿ ರಮೇಶ್, ನಗರ ವೃತ್ತ ನಿರೀಕ್ಷಕ ದಿವಾಕರ್, ಪುರ ಠಾಣೆಯ ಉಪ ನಿರೀಕ್ಷಕಿ ಮಮತಾ, ಸಂಚಾರಿ ಠಾಣೆಯ ಉಪ ನಿರೀಕ್ಷಕಿ ಶುಭಾಂಬಿಕಾ ಮತ್ತು ಸಿಬ್ಬಂದಿಗಳು ಉಪಸ್ಥಿತರಿದ್ದರು.


ಗೋ ರಾ ಶ್ರೀನಿವಾಸ...

ಮೊ:9845856139.

??????????????

  • ????? ???????? ??????????? ???? ??????????.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Recent news in ramanagara »

ಮಾಹಿತಿ ನೀಡಬೇಕಾದ ಅಧಿಕಾರಿಗಳೇ ಗ್ರಾಮಸಭೆಗೆ ಗೈರು
ಮಾಹಿತಿ ನೀಡಬೇಕಾದ ಅಧಿಕಾರಿಗಳೇ ಗ್ರಾಮಸಭೆಗೆ ಗೈರು

ಮಂಡ್ಯ:ಅ/27/21. ಗ್ರಾಮಸಭೆಯಲ್ಲಿ ತಮ್ಮ ಇಲಾಖಾ ಮಾಹಿತಿ ನೀಡಬೇಕಾದ ಅಧಿಕಾರಿಗಳೇ ಗೈರು ಹಾಜರಾದ ಹಿನ್ನಲೆಯಲ್ಲಿ ಗ್ರಾಮ ಸಭೆ ರದ್ದಾದ ಘಟನೆ ಮಂಡ್ಯ

ನಗರದ ನೀರಿನ ಪೈಪಿನಲ್ಲಿ ಶವದ ಅಂಗ ಮತ್ತೊಮ್ಮೆ ಪತ್ತೆ. ಆಕ್ರೋಶಗೊಂಡ ನಗರಿಗರು
ನಗರದ ನೀರಿನ ಪೈಪಿನಲ್ಲಿ ಶವದ ಅಂಗ ಮತ್ತೊಮ್ಮೆ ಪತ್ತೆ. ಆಕ್ರೋಶಗೊಂಡ ನಗರಿಗರು

ಚನ್ನಪಟ್ಟಣ:ಅ/27/21. ಚನ್ನಪಟ್ಟಣ ನಗರದಲ್ಲಿ ಮತ್ತೊಮ್ಮೆ ಸದ್ದು ಮಾಡಿದ ಅಪರಿಚಿತ ಮೃತ ದೇಹದ ಅಂಗಗಳು. ಅಧಿಕಾರಿಗಳ ವಿರುದ್ಧ ಆಕ್ರೋಶಗೊಂಡ ನಗರವಾಸಿಗಳು.  ನಗರದ ಮಂಗಳವಾರಪೇಟೆಯ 10 ನೇ ಕ್ರಾಸ್ ನ

ಕರುಳ ಕುಡಿಯನ್ನೇ ಬೀದಿಗೆಸೆದ 'ಮಹಾತಾಯಿ !?'
ಕರುಳ ಕುಡಿಯನ್ನೇ ಬೀದಿಗೆಸೆದ 'ಮಹಾತಾಯಿ !?'

ಚನ್ನಪಟ್ಟಣ:ಅ/27/21. ಮಾನವೀಯತೆಯನ್ನೇ ಮರೆತ ಹೆತ್ತತಾಯಿಯಿಬ್ಬಳು ಆಗ ತಾನೆ ಜನಿಸಿದ ತನ್ನ ನವಜಾತ ಶಿಶುವನ್ನು ಬೀದಿಗೆಸೆದ ಘಟನೆ ನಗರದ ಸಾತನೂರು ಮುಖ್ಯ ರಸ್ತೆಯಲ್ಲಿನ ನಗರಸಭೆ ವ್ಯಾಪ್ತಿಯಲ್ಲಿ ನಿನ್ನೆ ತ

ಐಷಾರಾಮಿ ಕಳ್ಳನನ್ನು ಬಂಧಿಸಿದ ಮಾಗಡಿ ಪೋಲಿಸರು
ಐಷಾರಾಮಿ ಕಳ್ಳನನ್ನು ಬಂಧಿಸಿದ ಮಾಗಡಿ ಪೋಲಿಸರು

ರಾಮನಗರ:ಅ/26/21. ಒಂಟಿ ಮನೆಗಳನ್ನೇ ಗುರಿ ಮಾಡಿಕೊಂಡು ಕನ್ನ ಹಾಕಿ ಐಷಾರಾಮಿ ಜೀವನ ನಡೆಸುತ್ತಿದ್ದ ಕುಖ್ಯಾತ ಮನೆಗಳ್ಳನನ್ನು ಬಂಧಿಸಿರುವ ಮಾಗಡಿ

ನಗರದಲ್ಲಿ ತುಂಬಿತುಳುಕುತ್ತಿದೆ ಕಸದ ರಾಶಿ. ಇಚ್ಚಾಶಕ್ತಿ ಕಳೆದುಕೊಂಡ ಜನಪ್ರತಿನಿಧಿಗಳು, ಜಾಗವಿಲ್ಲದೆ ಕೈಚೆಲ್ಲಿದ ಅಧಿಕಾರಿಗಳು
ನಗರದಲ್ಲಿ ತುಂಬಿತುಳುಕುತ್ತಿದೆ ಕಸದ ರಾಶಿ. ಇಚ್ಚಾಶಕ್ತಿ ಕಳೆದುಕೊಂಡ ಜನಪ್ರತಿನಿಧಿಗಳು, ಜಾಗವಿಲ್ಲದೆ ಕೈಚೆಲ್ಲಿದ ಅಧಿಕಾರಿಗಳು

ಚನ್ನಪಟ್ಟಣ:ಅ:25/21. ಚನ್ನಪಟ್ಟಣ ಎಂದಾಕ್ಷಣ ಜಪ್ತಿಗೆ ಬರುವುದು ಸಾಂಪ್ರದಾಯಿಕ ಗೊಂಬೆಗಳ ತವರು ಎಂದು, ಜೊತೆಗೆ ಪುರಾಣೇತಿಹಾಸಗಳ ಹಾಗೂ ಹೋರಾಟಗಳ

ಕೊರೊನಾ ನಿಯಮ ಪಾಲನೆಯೊಂದಿಗೆ ರಾಜ್ಯೋತ್ಸವ ಕಾರ್ಯಕ್ರಮ. ತಹಶಿಲ್ದಾರ್ ನಾಗೇಶ್
ಕೊರೊನಾ ನಿಯಮ ಪಾಲನೆಯೊಂದಿಗೆ ರಾಜ್ಯೋತ್ಸವ ಕಾರ್ಯಕ್ರಮ. ತಹಶಿಲ್ದಾರ್ ನಾಗೇಶ್

  • ಚನ್ನಪಟ್ಟಣ:ಅ:25/21. ಕೊರೊನಾ ನಿಯಮ ಪಾಲಿಸಿಕೊಂಡು ನಗರದ ಬಾಲಕರ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ಸಾಧ್ಯವಾದಷ್ಟು ಅದ್ದೂರಿಯಾಗಿ ನವೆಂಬರ್ 1 ನೇ ತಾರೀಖಿನಂದು ನಾಡಹಬ್ಬವಾದ ಕನ್ನಡ ರಾಜ್ಯೋತ್ಸವ ವನ್ನು ಆಚರಿಸಲಾಗುವುದು ಎಂದು ದಂಡಾಧಿಕಾ

ಜಿಲ್ಲೆಯಲ್ಲಿ ಅರ್ಥಪೂರ್ಣ ಕನ್ನಡ ರಾಜ್ಯೋತ್ಸವ ಆಚರಿಸಲಾಗುವುದು ಅಪರ ಜಿಲ್ಲಾಧಿಕಾರಿ
ಜಿಲ್ಲೆಯಲ್ಲಿ ಅರ್ಥಪೂರ್ಣ ಕನ್ನಡ ರಾಜ್ಯೋತ್ಸವ ಆಚರಿಸಲಾಗುವುದು ಅಪರ ಜಿಲ್ಲಾಧಿಕಾರಿ

ರಾಮನಗರ.ಅ.23:21. ಜಿಲ್ಲಾಡಳಿತದ ವತಿಯಿಂದ ನವೆಂಬರ್ 01 ರಂದು ಅರ್ಥಪೂರ್ಣವಾಗಿ ಕನ್ನಡ ರಾಜ್ಯೋತ್ಸವ ದಿನಾಚರಣೆ ಆಚರಿಸಲು ಇಂದು ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಅಪರ ಜಿಲ್ಲಾಧಿಕಾರಿ ಜವರೇಗೌಡ ಟ

ಕಾವೇರಿ ವಾಟರ್ ಬೋರ್ಡ್ ಸರ್ಕಲ್ ಗುಂಡಿಮಯ. ಪ್ರಯಾಣಿಕರ ಪರದಾಟ
ಕಾವೇರಿ ವಾಟರ್ ಬೋರ್ಡ್ ಸರ್ಕಲ್ ಗುಂಡಿಮಯ. ಪ್ರಯಾಣಿಕರ ಪರದಾಟ

ಚನ್ನಪಟ್ಟಣ:ಅ/22/21. ಚನ್ನಪಟ್ಟಣ ನಗರದ ಕಾವೇರಿ ನೀರು ಸರಬರಾಜು ಕಚೇರಿಯ ವೃತ್ತದಲ್ಲಿ ರಸ್ತೆ ಸಂಪೂರ್ಣ ಹಾಳಾಗಿದೆ. ಗುಂಡಿ ಬಿದ್ದು ವಾಹನಸವಾರರಿಗೆ ಬಹಳಷ್ಟು ತೊಂದರೆಯಾಗುತ್ತಿದೆ. ಸದ್ಯ ರಾಜ್ಯ ಹೆದ್ದ

ಕೆರೆಯಲ್ಲಿ ಈಜಲು ಹೋದ ಇಬ್ಬರು ಬಾಲಕರು ಸಾವು
ಕೆರೆಯಲ್ಲಿ ಈಜಲು ಹೋದ ಇಬ್ಬರು ಬಾಲಕರು ಸಾವು

ಬಿಡದಿ.ಅ.22/21: ರಾಮನಗರ ತಾಲೂಕಿನ ಕೆಂಚನಗುಪ್ಪೆ ಗ್ರಾಮದ ಕುಂಬಾರಕಟ್ಟೆಯಲ್ಲಿ ಈಜಲು ಹೋಗಿದ್ದ ಇಬ್ಬರು ಬಾಲಕರು ಸಾವಿಗೀಡಾಗಿರುವ ಘಟನೆ ನಡೆದಿದೆ

ಸರಗಳ್ಳರ ಸೆರೆ ಹಿಡಿದ ಎಂ ಕೆ ದೊಡ್ಡಿ ಪೋಲೀಸರು
ಸರಗಳ್ಳರ ಸೆರೆ ಹಿಡಿದ ಎಂ ಕೆ ದೊಡ್ಡಿ ಪೋಲೀಸರು

ಚನ್ನಪಟ್ಟಣ.ಅ.21/21: ತಾಲ್ಲೂಕಿನ ಎಂ ಕೆ ದೊಡ್ಡಿ ಪೋಲೀಸ್ ಠಾಣಾ ವ್ಯಾಪ್ತಿಯ ಬೊಮ್ಮನಾಯಕನಹಳ್ಳಿ ಬಳಿ ತಾಯಿ ಮಗಳು ದ್ವಿಚಕ್ರ ವಾಹನದಲ್ಲಿ ತೆರಳುವ

Top Stories »  


Top ↑