ರಾಮನಗರ: ರಾಮನಗರ ಪಿರಮಿಡ್ ಧ್ಯಾನ ಕೇಂದ್ರದ 1ನೇ ವಾರ್ಷಿಕೋತ್ಸವವನ್ನು 13-04-2018ರಂದು ಹಮ್ಮಿಕೊಳ್ಳಲಾಗಿದೆ ಎಂದು ಪಿರಮಿಡ್ ನಿರ್ವಾಹಕ ಹಾಗೂ ನಿವೃತ್ತ ಪೊಲೀಸ್ ಸಹಾಯಕ ಉಪ ನಿರೀಕ್ಷಕರಾದ ಎನ್.ಕೃಷ್ಣಪ್ಪ ಹೇಳಿದರು.

ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿದ ಅವರು ನಗರದ ಚಾಮುಂಡೇಶ್ವರಿ ಬಡಾವಣೆಯಲ್ಲಿ ನಿರ್ಮಿಸಲಾಗಿರುವ ಪಿರಮಿಡ್ ಧ್ಯಾನ ಕೇಂದ್ರದ 1ನೇ ವಾರ್ಷಿಕೋತ್ಸವವನ್ನು ಶ್ರೀ ಬ್ರಹ್ಮರ್ಷಿ ಸುಭಾಷ್ ಪತ್ರೀಜೀರವರ ಮಾರ್ಗದರ್ಶನದಲ್ಲಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ದಿನಾಂಕ 13-04-2018ನೇ ಶುಕ್ರವಾರ ಬೆಳಿಗ್ಗೆ 8-30ಕ್ಕೆ ಧ್ಯಾನಮಂದಿರದಿಂದ ಸಸ್ಯಾಹಾರ ಜನಜಾಗೃತಿ ಜಾಥಾದೊಂದಿಗೆ ನಗರದ ಮುಖ್ಯ ಬೀದಿಗಳಲ್ಲಿ ಸಂಚರಿಸಿ ಕಾಯಿಸೊಪ್ಪಿನ ಬೀದಿ, ಅರಳಿಮರ ಶ್ರೀ ರಾಮ ಚಿತ್ರಮಂದಿರ, ವಾಟರ್ ಟ್ಯಾಂಕ್ ಸರ್ಕಲ್, ಮತ್ತು ಎಂ.ಜಿ.ರಸ್ತೆ, ಮಂಡಿಪೇಟೆ, ಹಳೇ ಬಸ್‍ಸ್ಟಾಂಡ್ ಸೇರಿದಂತೆ ಛತ್ರದ ಬೀದಿ ಮತ್ತು ಅಗ್ರಹಾರ ಮುಖಾಂತರ ಶ್ರೀ ಲಕ್ಷ್ಮೀನಾರಾಯಣ ಕಲ್ಯಾಣಮಂಟಪದಲ್ಲಿ ಕೊನೆಗೊಳ್ಳುವುದು.

ವೇದಿಕೆ ಕಾರ್ಯಕ್ರಮ ಮಧ್ಯಾಹ್ನ 12 ಗಂಟೆಗೆ ಸಾಮೂಹಿಕ ಧ್ಯಾನ, ಸತ್ಸಂಗ ಇದ್ದು ಪ್ರಾರ್ಥನೆಯನ್ನು ಕೆ.ಎನ್.ಗಂಗಾಧರಯ್ಯ ನೆರವೇರಿಸುವರು. ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಬೇಲಿಮಠ ಮಹಾಸಂಸ್ಥಾನದ ಪರಮಪೂಜ್ಯ ಶ್ರೀ ನಿ.ಪ್ರ ಶಿವಾನುಭವ ಚರಮೂರ್ತಿ ಶಿವರುದ್ರ ಮಹಾಸ್ವಾಮಿಗಳು, ಪಿ.ಎಸ್.ಎಸ್.ಎಂ. ಸ್ವರ್ಣಮಾಲಾ ಪತ್ರೀಜಿ, ಕೆ.ಪಿ.ಡಿ.ಪಿ.ಟಿ. ಅಧ್ಯಕ್ಷರಾದ ವರಹಮೂರ್ತಿ ವಿಶ್ವ ಪ್ರಾಣಿ ದಯಾ ಸಂಘ ಅಧ್ಯಕ್ಷರಾದ ಶ್ರೀ ದಯಾನಂದ ಸ್ವಾಮೀಜಿಗಳು ಕಾರ್ಯಕ್ರಮಕ್ಕೆ ಅತಿಥಿಗಳಾಗಿ ಆಗಮಿಸುವರು.

ರಾಮನಗರ ಪಿರಮಿಡ್ ಯೋಗ ಮತ್ತು ಧ್ಯಾನ ಕೇಂದ್ರವನ್ನು 13-04-2017ರಂದು ಕೃಷ್ಣಪ್ಪರವರ ನೇತೃತ್ವದಲ್ಲಿ ನಿರ್ಮಾಣಗೊಂಡು ಲೋಕಾರ್ಪಣೆಯಾಗಿರುತ್ತದೆ. ಈ ಧ್ಯಾನ ಕೇಂದ್ರವು ಪಿರಮಿಡ್ ಸ್ಪಿರಿಚ್ಯುವಲ್ ಸೊಸೈಟೀನ್ ಮೂವ್‍ಮೆಂಟ್(ಇಂಡಿಯಾದ) ಸಂಸ್ಥಾಪಕರಾದ ಬ್ರಹ್ಮರ್ಷಿ ಸುಭಾಷ್ ಪತ್ರೀಜಿರವರ ಮೂಲ ಉದ್ದೇಶವಾದ ಅಹಿಂಸೆ, ಧ್ಯಾನ ಮತ್ತು ಪಿರಮಿಡ್ ಶಕ್ತಿಯನ್ನು ಉಚಿತವಾಗಿ ನಿರಂತರ ರಾಮನಗರದ ಜನತೆಗೆ ತಲುಪಿಸುವ ಸದುದ್ದೇಶದಿಂದ ನಿರ್ಮಾಣಗೊಂಡು ಯಶಸ್ವಿಯಾಗಿ ಒಂದು ವರ್ಷವನ್ನು ಪೂರೈಸಿರುತ್ತದೆ. ಪ್ರತಿ ದಿನ ಈ ಧ್ಯಾನ ಕೇಂದ್ರದಲ್ಲಿ ಸುಮಾರು 80 ರಿಂದ 100 ಮಂದಿ ಅನಾಪನಸತಿ ಧ್ಯಾನವನ್ನು ಸಾಧನೆ ಮಾಡಿ ಶಾರೀರಿಕ ಮತ್ತು ಮಾನಸಿಕ ಪ್ರಶಾಂತತೆ ಮತ್ತು ಆರೋಗ್ಯವನ್ನು ಪಡೆದಿರುತ್ತಾರೆ. 

ಪ್ರತಿಯೊಬ್ಬ ಮನುಷ್ಯನೂ ಧ್ಯಾನಿ ಆಗಬೇಕು, 5 ವರ್ಷದಿಂದ ಕೊನೆ ಉಸಿರು ಇರುವವರೆಗೂ ಧ್ಯಾನ ಮಾಡಬಹುದು, ಧ್ಯಾನಕ್ಕೆ ಮತ ಬೇಧ, ಬಡವ ಶ್ರೀಮಂತ, ಜಾತಿ ಬೇಧವಿಲ್ಲ,  ಮಾನಸಿಕ ದೈಹಿಕ ಸಮಸ್ಯೆಗಳಿಗೆ ಒಂದೇ ಪರಿಹಾರ ಅದುವೇ ಧ್ಯಾನ. ಧ್ಯಾನದಿಂದ ಸಕ್ಕರೆ ಕಾಯಿಲೆ, ರಕ್ತದೊತ್ತಡ, ಕ್ಯಾನ್ಸರ್, ಇನ್ನಿತರ ಹಲವು ಕಾಯಿಲೆಗಳನ್ನು ಗುಣಮುಖ ಮಾಡುವ ಶಕ್ತಿ ಇದೆ. 

ಪ್ರತಿ ದಿನ ಬೆಳಗ್ಗೆ 5 ರಿಂದ 7ರವರೆಗೆ ಪತಾಂಜಲಿ ಯೋಗ, 6 ರಿಂದ 8ರವರೆಗೆ ಅಯ್ಯಂಗಾರಿ ಯೋಗ, ಪ್ರತಿ ಭಾನುವಾರ ಸತ್ಸಂಗ ಕಾರ್ಯಕ್ರಮಗಳು ನಡೆಯುತ್ತಿದ್ದು ಉಚಿತವಾಗಿ ರಾಮನಗರ ಜನತೆಗೆ ಇದರ ಸದುಪಯೋಗ ಪಡೆದುಕೊಂಡು ಮಾನಸಿಕ ದೈಹಿಕ ರೋಗ ರುಜಿನಗಳಿಲ್ಲದೆ ಬದುಕಬೇಕೆಂದು ಧ್ಯಾನ ಕೇಂದ್ರದ ಆಯೋಜಕರು ಮನವಿ ಮಾಡಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: 9449980224, 8310810645.¬