ತಾಳೆಯೋಲೆ ೧೫: ಇರುವೆಗಳನ್ನು ತಿನ್ನದಿದ್ದರೆ ಪಕ್ಷಿಗಳು ಹೆಚ್ಚು ಕಾಲ ಬದುಕಬಲ್ಲವೇ
ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ
*ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.
ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ*
ಇರುವೆಗಳನ್ನು ತಿನ್ನದಿದ್ದರೆ ಪಕ್ಷಿಗಳು ಹೆಚ್ಚು ಕಾಲ ಬದುಕಬಲ್ಲವೇ ?
ಇದು ಪ್ರಾಚೀನ ಕಾಲದಿಂದಲೂ ಇರುವ ನಂಬಿಕೆ. ಅದೇನೆಂದರೆ ಇರುವೆಗಳನ್ನು ತಿನ್ನದಿರುವ ಪಕ್ಷಿಗಳು ಹೆಚ್ಚು ಕಾಲ ಬದುಕುತ್ತವೆ ಎಂದು.
ಹಾಗೆಯೇ ಯಾವ ಮನುಷ್ಯನು ಇರುವೆಗಳನ್ನು (ತಕ್ಕುದಾದ) ತಿನ್ನುವನೋ ಅವನು ಹೆಚ್ಚು ದೀರ್ಘಾಯುಷ್ಯನಾಗಿರುತ್ತಾನೆ ಎಂಬುದೂ ನಂಬಿಕೆ. ಈ ನಂಬಿಕೆಯು ಹೆಚ್ಚು ನಂಬುವ ಹಾಗೆ ಕಾಣಿಸಿದರೂ ಕೆಲವು ಸಂಪ್ರದಾಯಸ್ಥರು ಈ ನಂಬಿಕೆಯನ್ನು ಈಗಲೂ ಹೊಂದಿದ್ದಾರೆ.
ನಮ್ಮ ದೇಶದಲ್ಲಿ ವಿವಿಧ ಪ್ರಾಂತ್ಯಗಳಿಗೆ ಸೇರಿದ ಹಲವು ಜನಾಂಗದವರು ಇರುವೆಗಳನ್ನು ತಿನ್ನುತ್ತಾರೆ. ಅವರು ಹೆಚ್ಚು ಕಾಲ ಬದುಕುವುದಲ್ಲದೆ ಅವರ ಕಣ್ಣಿನ ದೃಷ್ಟಿಯು ಸಹ ಚನ್ನಾಗಿರುತ್ತದೆ. ಇರುವೆಗಳ ಮೊಟ್ಟೆಗಳನ್ನು ತಿನ್ನುವವರು ಸಹ ದೀರ್ಘಾಯಸ್ಸನ್ನು ಮತ್ತು ಒಳ್ಳೆಯ ದೃಷ್ಟಿಯನ್ನು ಹೊಂದಿದವರಾಗಿರುತ್ತಾರೆ.
ಇರುವೆಗಳಲ್ಲಿ *ವಿಟಮಿನ್-ಎ* ಮತ್ತು ಮತ್ತಿತರ ರೀತಿಯ ಅನೇಕ ಪದಾರ್ಥಗಳ ತತ್ವಗಳು ಇರುತ್ತವೆ. ಆದ್ದರಿಂದ ಈ ರೀತಿಯಾದ ಫಲಿತವನ್ನು ಕೊಡುತ್ತವೆ. ಹಾಗಾದರೆ ಮಾನವರಿಗೆ ಒಳ್ಳೆಯ ಫಲಿತವನ್ನು ಉಂಟು ಮಾಡುವ ಇರುವೆಗಳ ಆಹಾರ ಪಕ್ಷಿಗಳ ವಿಷಯದಲ್ಲಿ ವಿರುದ್ದವಾಗಿ ಏಕೆ ಕೆಲಸ ಮಾಡುತ್ತವೆ ಎನ್ನುವುದು ಸಹಜ ಪ್ರಶ್ನೆ. ಕೆಲಕಾಲ ಈ ವಿಷಯವು ಮಾನವ ಮತ್ತು ಪಕ್ಷಿಶಾಸ್ತ್ರ ಪರಿಶೋಧಕರನ್ನು ತಬ್ಬಿಬ್ಬಾಗಿಸಿತ್ತು. ಈ ನಡುವೆ ಕೆಲವು ಪರೀಕ್ಷೆಗಳು ಮತ್ತು ಆಧಾರದ ಮೇಲೆ ಇರುವೆಗಳನ್ನು ತಿನ್ನದ ಪಕ್ಷಿಗಳು ಹೆಚ್ಚು ಕಾಲ ಬದುಕುತ್ತವೆ ಎಂದು ಸಾಬೀತು ಪಡಿಸಿದ್ದಾರೆ. ಈ ಪಕ್ಷಿಗಳು ಇರುವೆಗಳನ್ನು ತಿನ್ನದೆ ಅವುಗಳ ರೆಕ್ಕೆಗಳ ಕೆಳಗೆ ಇರುಬೆಗಳು ಇರುವ ಹಾಗೆ ನೋಡಿಕೊಳ್ಳುತ್ತವೆ.
ಸರಿಸುಮಾರು ಇನ್ನೂರಕ್ಕೂ ಹೆಚ್ಚು ಜಾತಿಗಳ ಪಕ್ಷಿಗಳು ಇರುವೆಗಳ ಗೂಡಿನ ಮೇಲೆ ಕುಳಿತು ತಮ್ಮ ರೆಕ್ಕೆಗಳ ಮೇಲೆ ಇರುವೆಗಳು ಹತ್ತುವ ರೀತಿಯಲ್ಲಿ ರೆಕ್ಕೆಗಳನ್ನು ಚಾಚುತ್ತವೆ. ಹೀಗೆ ರೆಕ್ಕೆಗಳ ಕೆಳಗೆ ಸೇರಿದ ಇರುವೆಗಳ ಶರೀರದಿಂದ ಹೊರಬರುವ *ಫಾರ್ಮಿಕ್ ಆಮ್ಲ* *(ಅಂಟು ರೋಗಗಳು ಸೋಕದಂತೆ ಮಾಡುವ ದ್ರವ)* ಪಕ್ಷಿಗಳ ರೆಕ್ಕೆಗಳ ಕೆಳಗೆ ಹಾಗೂ ಗರಿಗಳಲ್ಲಿರುವ ಹೇನುಗಳನ್ನು ಮತ್ತು ಇತರೆ ಹುಳುಗಳನ್ನು ನಾಶಪಡಿಸುತ್ತವೆ. ಈ ವಿಧಾನದಿಂದ ಆಯಾ ಪಕ್ಷಿಗಳು ಇರುವೆಗಳ ಸಹಕಾರದಿಂದ ದೀರ್ಘಾಯಸ್ಸನ್ನು ಹೊಂದುತ್ತವೆಂದು ಶಾಸ್ತ್ರಜ್ಞರು ಹೇಳುತ್ತಾರೆ.
ಸಂಗ್ರಹ ಮತ್ತು ಪ್ರಚಾರ;
ಗೋ ರಾ ಶ್ರೀನಿವಾಸ...
ಮೊ:9845856139.
ಪ್ರತಿಕ್ರಿಯೆಗಳು