Tel: 7676775624 | Mail: info@yellowandred.in

Language: EN KAN

    Follow us :


ಮಣಪ್ಪುರಂ ಗ್ರಾಹಕರೇ ಎಚ್ಚರ! ಕಂಪನಿಯ ಕೆಲ ಉದ್ಯೋಗಿಗಳಾಗಿದ್ದಾರೆ ಖದೀಮರು ?

Posted date: 14 Nov, 2020

Powered by:     Yellow and Red

ಮಣಪ್ಪುರಂ ಗ್ರಾಹಕರೇ ಎಚ್ಚರ! ಕಂಪನಿಯ ಕೆಲ ಉದ್ಯೋಗಿಗಳಾಗಿದ್ದಾರೆ ಖದೀಮರು ?

ಚನ್ನಪಟ್ಟಣ:ನ/14/20/ಸೋಮವಾರ. ನಗರದ ರೈಲ್ವೆ ನಿಲ್ದಾಣದ ರಸ್ತೆಯಲ್ಲಿರುವ ಮಣಪ್ಪುರಂ ಗೋಲ್ಡ್ ಫೈನಾನ್ಸ್ ಕಂಪನಿಯ ಕೆಲ ಉದ್ಯೋಗಿಗಳಿಂದಲೇ ಗ್ರಾಹಕರಿಗೆ ದೋಖಾ ಆಗಿರುವ ಸಂಗತಿ ಬೆಳಕಿಗೆ ಬಂದಿದೆ.


ಇತ್ತೀಚಿಗೆ ನಾಗವಾರ ಗ್ರಾಮದ ಗ್ರಾಹಕರೊಬ್ಬರು ಬಿಜೆಪಿ ಮುಖಂಡರೊಡಗೂಡಿ ಪ್ರತಿಭಟನೆ ನಡೆಸಿದ ನಂತರ ಅದರ ಜಾಡು ಹಿಡಿದು ಹೊರಟಾಗ ಹಲವಾರು ಗ್ರಾಹಕರಿಗೆ ಕೆಲ ಉದ್ಯೋಗಿಗಳೇ ದೋಖಾ ಮಾಡಿರುವುದು, ಅದು ಅವರಿಗೆ ತಿಳಿದ ನಂತರ ರಾಜಿ ಸಂಧಾನದ ಮೂಲಕ ಬಗೆಹರಿಸಿಕೊಳ್ಳುವುದು. ಅವರು ಒಪ್ಪದಿದ್ದರೆ ಅವರಿಗೆ ಆತ್ಮೀಯರಾಗಿರುವವರ ಜೊತೆ ಸಂಧಾನ, ಅದಕ್ಕೂ ಗ್ರಾಹಕರು ಒಪ್ಪದಿದ್ದಾಗ ಆತ್ಮಹತ್ಯೆ ಮಾಡಿಕೊಳ್ಳುವ ಬೆದರಿಕೆ ಒಡ್ಡುವ ತಂತ್ರ ಬಳಸುತ್ತಿದ್ದಾರೆ ಎಂಬುದನ್ನು ಗ್ರಾಹಕರು ತಿಳಿಸಿದ್ದಾರೆ.


ನಾಗವಾರ ಗ್ರಾಮದ ಇಬ್ಬರು, ರಾಂಪುರ ಗ್ರಾಮದ ಓರ್ವ, ಸೋಮನಾಥಪುರ ಒಬ್ಬರು ಸೇರಿದಂತೆ ಇನ್ನೂ ಹೆಸರೇಳಲಿಚ್ಚಿಸದ ಕೆಲವು ಗ್ರಾಹಕರು ಈ ರೀತಿಯ ಮೋಸಕ್ಕೊಳಗಾಗಿರುವುದಾಗಿ ನಮ್ಮ ಕಛೇರಿಗೆ ಕೆಲ ದಾಖಲೆಗಳೊಂದಿಗೆ ಖುದ್ದು ಬಂದು ಹೇಳಿಕೆ ನೀಡಿದ್ದಾರೆ.


ತಮ್ಮ ಒಡವೆಗಳನ್ನು ಗಿರವಿ ಇಡಲು ಬಂದ ಗ್ರಾಹಕರ ಕಷ್ಟದ ಹಿನ್ನೆಲೆ, ಅವರ ಅಮಾಯಕತನವನ್ನು ದುರುಪಯೋಗ ಪಡಿಸಿಕೊಳ್ಳುವ ಕೆಲ ಸಿಬ್ಬಂದಿಗಳು ಗ್ರಾಹಕರಿಗೆ ಕೊಡುವ ಮೊತ್ತವೇ ಬೇರೆಯಾದರೆ, ಮೊಬೈಲ್ ಓಟಿಪಿ ಪಡೆದು ನಮೂದಿಸುವ ಮೊತ್ತವೇ ಬೇರೆಯಾಗಿರುತ್ತದೆ. ಇನ್ನೂ ಆಶ್ಚರ್ಯವೆಂದರೆ ಕೆಲ ಗ್ರಾಹಕರು ಗಿರವಿ ಇಟ್ಟ ಒಡವೆಗಳನ್ನು ಕಂಪ್ಯೂಟರ್ ನಲ್ಲಿ ದಾಖಲಾಗಿರುವ ದಾಖಲೆಗಳ ನಕಲು ಮಾಡಿ ಗ್ರಾಹಕರ ಸಹಿಯನ್ನು ಸಹ ನಕಲು ಮಾಡಿ ಇವರೇ ಬಿಡಿಸಿಕೊಂಡು ಉಂಡೆನಾಮ ತಿಕ್ಕಿರುವ ಉದಾಹರಣೆಗಳೂ ಸಹ ಸಾಕಷ್ಟಿವೆಯೆಂದು ಬಲ್ಲ ಮೂಲಗಳು ದೃಢಪಡಿಸಿವೆ.


ಮುಖ್ಯ ವ್ಯವಸ್ಥಾಪಕಿಯ ಸಹೋದರಿ ಸೇರಿದಂತೆ ಆಕೆಯ ಆಪ್ತ ವರ್ಗದ ಕೆಲವರ ಹೆಸರಿನಲ್ಲಿ ಒಂದು ವರ್ಷದ ಅವಧಿಯಲ್ಲಿ 60 ಲಕ್ಷ ರೂಪಾಯಿಗಳಿಗೂ ಹೆಚ್ಚು ವಹಿವಾಟು ನಡದಿರುವುದು, ಇವರ ತಿಂಗಳ ಸಂಬಳವೇ 10 ಸಾವಿರ ದಿಂದ 25 ಸಾವಿರದೊಳಗಿದ್ದು ಲಕ್ಷಾಂತರ ವಹಿವಾಟು ನಡೆದಿರುವುದು ಇದಕ್ಕೆ ಪುಷ್ಟಿ ನೀಡುತ್ತದೆ.

ಕೆಲ ಗ್ರಾಹಕರ ದೂರಿನ ಮೇರೆಗೆ ಆಂತರಿಕ ತನಿಖೆ ಕೈಗೊಂಡ ಕಂಪನಿಯು ಬ್ರಾಂಚ್ ವ್ಯವಸ್ಥಾಪಕಿಯೊಬ್ಬರು ಸೇರಿದಂತೆ ಬಹುತೇಕ ಸಿಬ್ಬಂದಿಗಳನ್ನು ಹಿಂಬಡ್ತಿ ನೀಡಿ ಬೆಂಗಳೂರಿನ ಕಛೇರಿಗೆ ವರ್ಗಾಯಿಸಿರುವುದು ಈ ಮೇಲಿನ ದೋಖಾಗಳು ನಡೆದಿರುವಿದು ಸತ್ಯ ಎಂಬುದಕ್ಕೆ ಸಾಕ್ಷಿಯಾಗಿದೆ.


ಇದರ ಬಗ್ಗೆ ಏರಿಯಾ ಮ್ಯಾನೇಜರ್ ನ್ನು ದೂರವಾಣಿ ಮೂಲಕ ಹಲವಾರು ಬಾರಿ ಸಂಪರ್ಕಿಸಿ ಮಾಹಿತಿ ಕೇಳಿದ್ದು, ಈಗಾಗಲೇ ಬ್ರಾಂಚ್ ಮ್ಯಾನೇಜರ್ ಸುಮಲತಾ ಸಮೇತ, ಎಲ್ಲಾ ಸಿಬ್ಬಂದಿಗಳ ಮೇಲೆ ಕ್ರಮ ಕೈಗೊಂಡಿರುವುದಾಗಿಯೂ, ಕಂಪನಿಯ ಹಿತದೃಷ್ಟಿಯಿಂದ ಹೆಚ್ಚಿನ ಮಾಹಿತಿ ಒದಗಿಸಲಾಗುವುದಿಲ್ಲ ಎಂದು ಹೇಳಿದ್ದಾರೆ.


ಏನಾದರಾಗಲಿ ಗ್ರಾಹಕರೇ ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಒಡೆತನದ ಬ್ಯಾಂಕುಗಳಲ್ಲಿ ತಮ್ಮ ಒಡವೆಗಳನ್ನು ಅಡವಿಟ್ಟು ತಮ್ಮ ಒಡವೆಗಳನ್ನು ಜೋಪಾನವಾಗಿಸಿಕೊಳ್ಳಿ. ಇಲ್ಲವಾದರೆ ಒಡವೆಯನ್ನು ಕಳೆದುಕೊಳ್ಳಬೇಕಾದ ಸ್ತಿತಿ ನಿಮ್ಮದಾಗಬಹುದು ಜೋಪಾನ.


ಗೋ ರಾ ಶ್ರೀನಿವಾಸ...

ಮೊ:9845856139.


ಗೋ ರಾ ಶ್ರೀನಿವಾಸ...

ಮೊ:9845856139

ಪ್ರತಿಕ್ರಿಯೆಗಳು

  • ನಿಮ್ಮ ಅಭಿಪ್ರಾಯ ತಿಳಿಸುವಲ್ಲಿ ನೀವು ಮೊದಲಿಗರಾಗಿ.

ನಿಮ್ಮ ಅಭಿಪ್ರಾಯಗಳನ್ನು ಬರೆಯಿರಿ/ತಿಳಿಸಿ.

Top Stories »  


Top ↑