Subscribe

ಯುವ ಪೀಳಿಗೆಯ ಆದರ್ಶಪ್ರಾಯ ಮಾರ್ಗದರ್ಶಕ ವ್ಯಕ್ತಿತ್ವದ ವ್ಯಕ್ತಿ ಎಸ್. ರುದ್ರೇಶ್ವರ

ಮಾಜದಲ್ಲಿಂದು ಸ್ವಾರ್ಥ  ಮೇರೆ ಮೀರಿದೆ. ನಾಗರಿಕತೆ ಮರೆಯಾಗಿ ಸದಾಚಾರ ಸಂಸ್ಕೃತಿ ನೀತಿ ನಡವಳಿಕೆಗಳು ಮಾಯವಾಗಿವೆ. ಮನುಷ್ಯತ್ವ ಇಲ್ಲವಾಗಿ ಮೃಗತ್ವ ವಿಜೃಂಭಿಸುತ್ತಿದೆ, ಸಜ್ಜನರಿಗಿಂತ ದುರ್ಜನರು ಮೆರೆಯುತ್ತಿದ್ದಾರೆ,.ಎಲ್ಲರಿಗಾಗಿ ನಾನು ಎಂಬ ಭಾವ ಕೊನೆಯಾಗಿ ನನಗಾಗಿ ನಾನು ಎಂಬ ಮಂತ್ರವೇ ಮೇಲಾಗಿದೆ. ಒಟ್ಟಾರೆ ಮನುಷ್ಯತ್ವವೇ ಮರೆಯಾಗಿದೆ.

ಹುಲ್ಲಾಗು  ಬೆಟ್ಟದಡಿ
ಮನೆಗೆ ಮಲ್ಲಿಗೆಯಾಗು
ಕಲ್ಲಾಗು ಕಷ್ಟಗಳ ಮಳೆ ವಿಧಿ ಸುರಿಯೇ
ಬೆಲ್ಲ ಸಕ್ಕರೆಯಾಗು ದೀನ ದುರ್ಬಲರಿಗೆ
ಎಲ್ಲರೊಳಗೊಂದಾಗು ಮಂಕುತಿಮ್ಮ\'
ಎಂಬ ಡಿ.ವಿ.ಜಿ.ಯವರ ನುಡಿ ಮಾಣಿಕ್ಯದಂತೆ ಇಂದು ಬಡವರ, ದೀನದುರ್ಬಲರ, ಅಸಹಾಯಕರ ಪರವಾಗಿ ಮಿಡಿಯುವ ಮನಸ್ಸುಗಳು ಬೇಕಾಗಿವೆ. ಸಾಮಾಜಿಕ ಕಳಕಳಿ, ದಯೆ, ಅನುಕಂಪ, ಕರುಣೆ, ತ್ಯಾಗ, ಸಹಾನುಭೂತಿ, ಪರೋಪಕಾರದಂತಹ ಮಾನವೀಯ ಮೌಲ್ಯಗಳುಳ್ಳ ಸಂವೇದನಾಶೀಲ ವ್ಯಕ್ತಿಗಳು ಈ ಸಮಾಜಕ್ಕೆ ಬೇಕಾಗಿದ್ದಾರೆ.

\'ಸರ್ವೇ ಜನೋ ಸುಖಿನೋ ಭವಂತು\' ಎಂಬ ತತ್ವವನ್ನು ಕೇವಲ ಬಾಯಿಯಲ್ಲಿ ಪಠಿಸುವವರಿಗಿಂತ ಆಚರಣೆಯಲ್ಲಿ ಪಾಲಿಸುವವರು ಬೇಕಾಗಿದ್ದಾರೆ. ಇದಕ್ಕೆ ಪೂರಕವೆಂಬಂತೆ  ಅಪರೂಪದ ಮಾನವೀಯ ಮೌಲ್ಯಗಳುಳ್ಳ ಸಾಂಸ್ಕೃತಿಕ ಅಭಿರುಚಿಯ ಸಾಮಾಜಿಕ ಚಿಂತಕರಾಗಿ, ಸಮಾಜಮುಖಿ ಕೆಲಸಗಳಲ್ಲಿ ದುಡಿಯುತ್ತಿರುವ ವ್ಯಕ್ತಿಗಳಲ್ಲಿ ರಾಮನಗರದ ಎಸ್. ರುದ್ರೇಶ್ವರ ಅವರು ಪ್ರಮುಖರು. ಪತ್ರಕರ್ತರಾಗಿ ಮಾತ್ರವಲ್ಲದೆ, ಸಾಂಸ್ಕೃತಿಕ ಸಂಘಟಕರಾಗಿ, ಜನಪದ ಕಲಾವಿದರ ಆಶಾಕಿರಣವಾಗಿ, ನವ ಯುವಪ್ರತಿಭೆಗಳ ನೈತಿಕ ಸ್ತಂಭವಾಗಿ, ಸಾಮಾಜಿಕ  ಹೋರಾಟಗಾರರ ಬೆಂಬಲಿಗರಾಗಿ, ಸ್ವತಃ ಲೇಖಕರಾಗಿ, ಅಂಕಣಕಾರರಾಗಿ, ಅದ್ಯಯನಶೀಲ ವಿದ್ಯಾರ್ಥಿಯಾಗಿ ಹೀಗೆ ಹತ್ತು ಹಲವು ರಂಗಗಳಲ್ಲಿ ಬಹುಮುಖ ಪ್ರತಿಳೆಯುಳ್ಳ ಸಹೃದಯಿ.
      ಜಾತ್ಯಾತೀತ ಮನೋಧರ್ಮ, ಸಾಮಾಜಿಕ ಕಳಕಳಿ ಮತ್ತು ಸಾಂಸ್ಕೃತಿಕ ಅಭಿರುಚಿಯ ಸಮ್ಮಿಳಿತದ ವ್ಯಕ್ತಿತ್ವ ಹೊಂದಿರುವ ಎಸ್. ರುದ್ರೇಶ್ವರ ಅವರು ರೇಷ್ಮೆ ನಾಡು ರಾಮನಗರದಲ್ಲಿ 03-02-1983 ಜನಿಸಿದವರು. ಇವರ ತಂದೆ ಕೆ.ಎಸ್. ಶಿವಮೂರ್ತಿ, ತಾಯಿ ಸುಮಿತ್ರ, ಕಡುಬಡತನದ ಕುಟುಂಬದಲ್ಲಿ ಜನಿಸಿ ಜೀವನದಲ್ಲಿ ಏನಾದರೂ ಸಾಧಿಸಬೇಕೆಂಬ ಹಂಬಲವನ್ನು ಬಾಲ್ಯದಲ್ಲೇ ಹೊಂದಿದವರು. ತಮ್ಮ ಪ್ರಾಥಮಿಕ ಹಂತದಿಂದ ಪದವಿವರೆಗಿನ ಶಿಕ್ಷಣವನ್ನು ರಾಮನಗರದ ಸರ್ಕಾರಿ ಶಾಲಾ ಕಾಲೇಜುಗಳಲ್ಲಿ ಮುಗಿಸಿ,  ಕನ್ನಡ ಭಾಷಾ ವಿಷಯದಲ್ಲಿ ಸ್ನಾತಕೋತ್ತರ ಪದವಿಯನ್ನು ಚನ್ನಪಟ್ಟಣದ ಕೆಂಗಲ್ ನ ಕುವೆಂಪು ಮಹಾವಿದ್ಯಾಲಯದಲ್ಲಿ ಮುಗಿಸಿದರು. ಕನ್ನಡ ಸಾಹಿತ್ಯದಲ್ಲಿ ಹಾಗೂ ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮ ವಿಷಯಗಳಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿರುವ ಇವರು ``ರಾಮನಗರ ಜಿಲ್ಲೆಯ ಸ್ಥಳನಾಮಗಳು\'\' ಎಂಬ ವಿಯಷದ ಮೇಲೆ ಸಂಶೋಧನಾ ಪ್ರಬಂಧ ಮಂಡಿಸಿ ಆಂದ್ರಪ್ರದೇಶದ ಕುಪ್ಪಂನಲ್ಲಿರುವ ದ್ರಾವಿಡ ವಿಶ್ವವಿದ್ಯಾನಿಲಯದಿಂದ ಎಂ.ಫಿಲ್ ಪದವಿಯನ್ನು ಪಡೆದಿದ್ದಾರೆ. ಈಗ ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ``ರಾಮನಗರ ಜಿಲ್ಲೆಯ ಬುಡಕಟ್ಟುಗಳ ಸಾಂಸ್ಕೃತಿಕ ಸ್ಥಿತ್ಯಂತರಗಳು\'\' ಎಂಬ ವಿಷಯವನ್ನು ಕುರಿತು ಸಂಶೋಧನೆ (ಪಿಎಚ್.ಡಿ) ಕೈಗೊಂಡಿದ್ದಾರೆ. ಶಿಕ್ಷಕಿ ಡಿ.ಆರ್. ನೀಲಾಂಬಿಕ ಇವರ ಪತ್ನಿಯಾಗಿದ್ದು, ಆರ್. ಯಶಿಕಾ (ನೀರು) ಎಂಬ ಮಗಳಿದ್ದಾಳೆ. ಸುಂದರ ಸಾಂಸಾರಿಕ ಜೀವನವನ್ನು ನಡೆಸುತ್ತಿದ್ದಾರೆ.

ಸಾಹಿತ್ಯ ಮತ್ತು ಸಾಂಸ್ಕೃತಿಕ ಅಭಿರುಚಿಯುಳ್ಳ ವ್ಯಕ್ತಿ :
ಶೈಕ್ಷಣಿಕ ಸಾಧನೆಯ ಜೊತೆಜೊತೆಗೆ ಸಾಹಿತ್ಯ ಕ್ಷೇತ್ರದಲ್ಲಿ  ತೊಡಗಿಸಿಕೊಂಡಿರುವ ಎಸ್. ರುದ್ರೇಶ್ವರ ಅವರು ವಿದ್ಯಾಭ್ಯಾಸದ ದಿನಗಳಿಂದಲೇ ಸಾಂಸ್ಕೃತಿಕ, ಸಾಮಾಜಿಕ, ಸಾಹಿತ್ಯಕ ಅಭಿರುಚಿಯನ್ನು ಬೆಳೆಸಿಕೊಂಡಿರುವ ಸಹೃದಯ  ವ್ಯಕ್ತಿ. ನಾಡಿನ ಹಲವು ಪತ್ರಿಕೆಗಳಿಗೆ ಲೇಖನಗಳನ್ನು ಬರೆಯುವುದರ ಜೊತೆಗೆ ಕಥೆ ಕವಿತೆಗಳನ್ನು ಕಟ್ಟುತ್ತಾ ತಮ್ಮನ್ನು ಸಾಹಿತ್ಯ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಕನ್ನಡ ಸಾಹಿತ್ಯ ಪರಿಷತ್ ಸೇರಿದಂತೆ ವಿವಿಧ ಸಂಘ ಸಂಸ್ಥೆಗಳು ಹಮ್ಮಿಕೊಳ್ಳುವ ವಿಚಾರ ಗೋಷ್ಠಿಗಳು ಕಾವ್ಯ ಕಮ್ಮಟಗಳು ಶಿಬಿರಗಳಲ್ಲಿ ಪಾಲ್ಗೊಂಡಿದ್ದಾರೆ. ನಾಡಿನ ವಿವಿಧ ಕಡೆಗಳಲ್ಲಿ ನಡೆಯುವ ರಾಜ್ಯ ಮಟ್ಟದ ಜಿಲ್ಲಾ ಮಟ್ಟದ ಕವಿಗೋಷ್ಠಿಗಳಲ್ಲಿ ಭಾಗವಹಿಸಿದ್ದಾರೆ. ಸಾಮಾಜಿಕ ಕಳಕಳಿ ಜಾತ್ಯತೀತ ಮನೋಧರ್ಮದ ವ್ಯಕ್ತಿತ್ವವನ್ನು ರೂಢಿಸಿಕೊಂಡು ತಮ್ಮ ಸಂವೇದನೆಗಳನ್ನು ಸಾಹಿತ್ಯದ ಮೂಲಕ ಸಮರ್ಥವಾಗಿ ಪ್ರತಿಬಿಂಬಿಸುತ್ತಾ ಬಂದಿದ್ದಾರೆ. ಆ ಮೂಲಕ ರಾಮನಗರ ಜಿಲ್ಲೆಯ ಜನಮಾನಸದಲ್ಲಿ ಸಾಹಿತ್ಯ ವಲಯದಲ್ಲಿ  ವಿಶಿಷ್ಟ ಸ್ಥಾನಗಳಿಸಿದ್ದಾರೆ.

ಸಾಮಾಜಿಕ ಕಳಕಳಿಯುಳ್ಳ ಭರವಸೆಯ ಪತ್ರಕರ್ತನಾಗಿ ರುದ್ರೇಶ್ವರ :
ಪತ್ರಿಕೋದ್ಯಮದಲ್ಲಿ ತಮ್ಮದೇ ಆದ ಛಾಪನ್ನು ಮೂಡಿಸಿರುವ  ಎಸ್. ರುದ್ರೇಶ್ವರ ಅವರು ಪ್ರಾರಂಭದಲ್ಲಿ ಸ್ವತಃ `ಸನ್ಮಿತ್ರ\' ದಿನಪತ್ರಿಕೆಯನ್ನು ಪ್ರಾರಂಭಿಸಿ ಅದರ ಸಂಪಾದಕರಾಗಿ ಕರ್ತವ್ಯ ನಿರ್ವಹಿಸಿದ್ದಾರೆ. ಸಂಜೆ ಸಮಾಚಾರ, ಬೆಂಗಳೂರು ಖಡ್ಗ, ವಾರ್ತಾಭಾರತಿ ದಿನಪತ್ರಿಕೆಗಳ ವರದಿಗಾರರಾಗಿ ಕಾರ್ಯನಿರ್ವಹಿಸಿದ್ದಾರೆ. ಪತ್ರಿಕೋದ್ಯಮದ ಮೂಲಕ  ಸಮಾಜವನ್ನು ತಿದ್ದುವ  ಅರಿತವಾದ ಲೇಖನಗಳನ್ನು ಬರೆದು ಉದಯೋನ್ಮುಖ ಪತ್ರಕರ್ತರಾಗಿ ಹೊರಹೊಮ್ಮಿದ್ದಾರೆ . ತಮ್ಮದೇ ವಿಶಿಷ್ಟ  ಬರವಣಿಗೆಯ ಶೈಲಿಯ ಮೂಲಕ ಸಮಾಜದ ಅಸಮಾನತೆಯ ಕಿಡಿಯಾಗಿ, ದೀನ ದುರ್ಬಲರ ನೋವು ಸಂಕಟಗಳಿಗೆ ದನಿಯಾಗಿ, ಮಾನವೀಯ ಮೌಲ್ಯಗಳಿಗೆ ಬೆಲೆ ಕೊಡುತ್ತಾ , ದಲಿತರು ಮತ್ತು ಶೋಷಿತರ ಪರವಾಗಿ ಪತ್ರಿಕೆಗಳಲ್ಲಿ ಲೇಖನಗಳನ್ನು ಬರೆದು ಅವರಿಗೆ ಬೆಂಬಲವಾಗಿ ನಿಂತಿದ್ದಾರೆ.
ಸಾಮಾಜಿಕ ಸಮಾನತೆ, ಧರ್ಮ ಸಾಮರಸ್ಯಗಳು ಕುರಿತಂತೆ ತಮ್ಮ ಬರಹಗಳಲ್ಲಿ ಪ್ರಭುತ್ವವಾಗಿ ಚಿಂತಿಸಿದ್ದಾರೆ. ಜಾತೀಯತೆ ಅಳಿಯಬೇಕು, ಶೋಷಣೆ ಕೊನೆಯಾಗಬೇಕು, ಸಮಾನತೆಯ ಸಮಾಜ ನಿರ್ಮಾಣವಾಗಬೇಕು ಎಂಬ ನಿಲುವುಗಳನ್ನು ನಿರ್ಭಯವಾಗಿ ಪ್ರಕಟಿಸುತ್ತಾ ಬಂದಿದ್ದಾರೆ .ಅಷ್ಟೇ ಅಲ್ಲದೆ ಪತ್ರಕರ್ತನಾಗಿ ತಮ್ಮ ಲೇಖನಗಳ ಮೂಲಕ ರಾಮನಗರ ಜಿಲ್ಲೆಯ ಸಾಧಕರನ್ನು, ಸಮಾಜಮುಖಿ ಚಿಂತಕರನ್ನು, ರಂಗಭೂಮಿ ಕಲಾವಿದರನ್ನು, ಜನಪದ ಕಲಾವಿದರನ್ನು ಸಮಾಜಕ್ಕೆ ಪರಿಚಯಿಸುವ ಕೆಲಸ ಮಾಡುತ್ತಿದ್ದಾರೆ.
ಬುಡಕಟ್ಟು ಜನರ ದೀನ ದಲಿತರ ನೋವುಗಳನ್ನು ಸಂಕಟಗಳನ್ನು ಸಮಾಜದ ಮುಂದೆ  ತೆರೆದಿಡುವ ಮೂಲಕ ಅವರಿಗೆ ಪರಿಹಾರಗಳನ್ನು ದೊರಕಿಸಿಕೊಡುವ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದಾರೆ. ತಮ್ಮ ಮೌಲ್ಯಯುತವಾದ ಲೇಖನಗಳ ಮೂಲಕ ಜಿಲ್ಲೆಯ ಅಭಿವೃದ್ಧಿಯ ಬಗ್ಗೆ, ನಾಗರಿಕರ ಸಮಸ್ಯೆಗಳ ಬಗ್ಗೆ, ಸಾಧಕರ ಪ್ರತಿಭಾವಂತಿಕೆಯ ಬಗ್ಗೆ, ಸಂಘ ಸಂಸ್ಥೆಗಳ ಕ್ರಿಯಾಶೀಲತೆಯ ಬಗ್ಗೆ ಬೆಳಕು ಚೆಲ್ಲಿದ್ದಾರೆ. ಬರವಣಿಗೆಯನ್ನೇ ಬದುಕನ್ನಾಗಿ ಸ್ವೀಕರಿಸಿರುವ ರಾಮನಗರ ಜಿಲ್ಲೆಯ ಹಲವಾರು ವಿಷಯಗಳ ಬಗ್ಗೆ ಚೆನ್ನಾಗಿ ಬಲ್ಲ ವಿಷಯ ತಜ್ಞರಾಗಿದ್ದಾರೆ ಎಂದರೆ ತಪ್ಪಾಗಲಾರದು. ಒಟ್ಟಿನಲ್ಲಿ ಇವರೊಬ್ಬ ಪತ್ರಿಕೋದ್ಯಮವನ್ನು ಸಾಂಸ್ಕೃತಿಕ ನೆಲೆಯಲ್ಲಿ ಶ್ರೀಮಂತ ಗೊಳಿಸುತ್ತಿರುವ ಅಪ್ರತಿಮ ಬರಹಗಾರರಾಗಿದ್ದಾರೆ.

ಜನಪರ ಕಾಳಜಿಯುಳ್ಳ ಸಾಮಾಜಿಕ ಚಿಕಿತ್ಸಕ :
\'ಪರ ಹಿತಾರ್ಥಕಿದಂ ಶರೀರಂ\' ಎಂಬ ನುಡಿಮುತ್ತನ್ನು ತಮ್ಮ ಜೀವನದಲ್ಲಿ  ಆಚರಿಸಿಕೊಂಡು ಬರುತ್ತಿರುವ ಎಸ್. ರುದ್ರೇಶ್ವರ ತಮ್ಮ ಅಜ್ಜಿ ತಾತಂದಿರಾದ \'ಪಾರ್ವತಮ್ಮ ಮತ್ತು ಸಿದ್ಧವೀರಯ್ಯ\' \'ಜಯಮ್ಮ ಮತ್ತು ಶಾಂತಯ್ಯ\' ಅವರ ನೆನಪಿನಲ್ಲಿ ಇಲ್ಲದವರಿಗೆ, ಬಡವರಿಗೆ, ನಿರ್ಗತಿಕರಿಗೆ ತಮ್ಮ ಶಕ್ತಾನುಸಾರ ನೆರವು ನೀಡುತ್ತಾ ಬರುತ್ತಿದ್ದಾರೆ. ಕಳೆದ ವರ್ಷ ಸರ್ಕಾರಿ ಆಸ್ಪತ್ರೆಯಲ್ಲಿ ಸ್ವಚ್ಛತಾ ಕಾರ್ಯ ಮಾಡುವ ಸಿಬ್ಬಂದಿಗಳಿಗೆ ತಮ್ಮ ಸ್ವಂತ ದುಡಿಮೆಯ ಹಣದಿಂದ ಸ್ವೆಟರ್ ಖರೀದಿಸಿ ಹಂಚಿದ್ದಾರೆ. ಕೈಲಾಂಚ ಹೋಬಳಿಯ ಹಲವು ಗ್ರಾಮಗಳಲ್ಲಿ ಮತದಾನದ ಮಹತ್ವ ಸಾರುವ ಜಾಗೃತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವ ಮೂಲಕ ತಮ್ಮ ಮಗಳ ಹುಟ್ಟುಹಬ್ಬವನ್ನು ವಿಶಿಷ್ಟವಾಗಿ ಆಚರಿಸಿದ್ದಾರೆ. ಹಿಂದುಳಿದ ವರ್ಗದ ಮಹಿಳೆಯರನ್ನು ಗೌರಿ ಹಬ್ಬಕ್ಕೆಂದು ತಮ್ಮ ಮನೆಗೆ ಆಹ್ವಾನಿಸಿ ಬಾಗಿನ ಅರ್ಪಿಸುತ್ತಾ ಬಂದಿದ್ದಾರೆ.

ರಾಮನಗರದ ಸರ್ಕಾರಿ ಶಾಲೆಗೆ ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ಬ್ಯಾಂಡ್ ಸೆಟ್ ವಿತರಿಸಿದ್ದಾರೆ. ರಾಮನಗರದ ಕೆ.ಪಿ ದೊಡ್ಡಿಯಲ್ಲಿರುವ \'ದಾರಿದೀಪ\' ವೃದ್ದಾಶ್ರಮದಲ್ಲಿ ಹಿರಿಯ ಜನಪದ ಕಲಾವಿದರಿಗೆ ಸನ್ಮಾನ ಮಾಡುವ ಮೂಲಕ ವೃದ್ಧರೊಂದಿಗೆ ತಮ್ಮ ವಿವಾಹ ವಾರ್ಷಿಕೋತ್ಸವವನ್ನು ವಿನೂತನವಾಗಿ ಆಚರಿಸಿಕೊಂಡಿದ್ದಾರೆ. ಹಲವಾರು  ವರ್ಷಗಳಿಂದ ನಿರ್ಲಕ್ಷ್ಯಕ್ಕೆ ಒಳಗಾಗಿದ್ದ  ರಾಮನಗರದ ಕೂಟಗಲ್ ಗ್ರಾಮದ ಈರುಳಿಗರ ಸಮುದಾಯದ  ಬಡಕುಟುಂಬಗಳಿಗೆ  ಸ್ವೆಟರ್ ಹಂಚಿದ್ದಾರೆ.

ಇರುಳಿಗರು ನಿವೇಶನ ಸೇರಿದಂತೆ ಹಲವು ಮೂಲಭೂತ ಅವಶ್ಯಕತೆಗಳಿಗಾಗಿ ನಡೆಸುತ್ತಿರುವ ನಿರಂತರ ಹೋರಾಟ ಸುಮಾರು  ಒಂದು ತಿಂಗಳು ಮುಂದುವರಿದಾಗ ಇರುಳಿಗ ಬುಡಕಟ್ಟು ಜನರ ಸಂಕಷ್ಟಕ್ಕೆ ನೆರವಾದ ಸಾಮಾಜಿಕ ಕಾರ್ಯಕರ್ತರಾಗಿರುವ ಎಸ್. ರುದ್ರೇಶ್ವರ  ನೆರವಾಗಿದ್ದಾರೆ. ಇವೆಲ್ಲದರ ಜೊತೆಗೆ ಸಮಾಜದ ಅಸಮಾನತೆ ವಿರುದ್ಧ ಸಮರ ಸಾರುವ ಹೋರಾಟಗಾರರಿಗೆ ಬೆನ್ನೆಲುಬಾಗಿ  ನಿಲ್ಲುತ್ತಾ ದೀನದುರ್ಬಲರ ನೋವು, ಸಂಕಟಗಳಿಗೆ ಪ್ರಾಮಾಣಿಕ ದನಿಯಾಗಿದ್ದಾರೆ.

ನವ ಯುವ ಪ್ರತಿಭೆಗಳ ನೈತಿಕ ಸ್ತಂಭವಾಗಿ ರುದ್ರೇಶ್ವರ :
    ತಾನೊಬ್ಬನೆ ಬೆಳೆದರೆ ಸಾಲದು ತನ್ನೊಟ್ಟಿಗೆ ಇರುವ ತನ್ನ ಸಮಕಾಲೀನ ಎಲ್ಲ ಯುವಕರು ಸಾಮಾಜಿಕವಾಗಿ ಮುಂದೆ ಬರಬೇಕು ಎಂಬ  ಸದಾಶಯ ಉಳ್ಳವರು  ಎಸ್. ರುದ್ರೇಶ್ವರ. ಅದಕ್ಕಾಗಿ ಅವರು ಉದಯೋನ್ಮುಖ ಬರಹಗಾರರಿಗೆ, ಚಳುವಳಿಗಾರರಿಗೆ, ಹೋರಾಟಗಾರರಿಗೆ, ಸಾಮಾಜಿಕ ಕಳಕಳಿ ಇರುವವರಿಗೆ ಸ್ಪೂರ್ತಿ ತುಂಬುತ್ತಾ, ಜನರಲ್ಲಿ ಸಾಮಾಜಿಕ ಕಳಕಳಿಯ ಹಾಗೂ ಸಾಹಿತ್ಯ ಪ್ರಜ್ಞೆಯನ್ನು ಹೆಚ್ಚಿಸುವುದರಲ್ಲಿ ತಮ್ಮದೇ ಆದ ರೀತಿಯಲ್ಲಿ ಶ್ರಮಿಸುತ್ತಿದ್ದಾರೆ.  ಇವರ ಪ್ರೇರಣೆಯಿಂದ ಅದೆಷ್ಟೋ ಯುವ ಸಮುದಾಯ ತಮ್ಮ ಹುಟ್ಟುಹಬ್ಬಗಳನ್ನು ತಮ್ಮ ಮನೆಯ ಸಮಾರಂಭಗಳನ್ನು ಅರ್ಥಪೂರ್ಣವಾಗಿ ಸಮಾಜಕ್ಕೆ ಉಪಯೋಗವಾಗುವ ರೀತಿಯಲ್ಲಿ ಸಮಾಜಮುಖಿಯಾಗಿ ಆಚರಿಸಿಕೊಳ್ಳುತ್ತಿದ್ದಾರೆ.
ಹೀಗಾಗಿ ಎಸ್. ರುದ್ರೇಶ್ವರ  ಯುವ ಸಮುದಾಯವನ್ನು  ಸಾಮಾಜಿಕ ಕೆಲಸಗಳ ಕಡೆ ಸೆಳೆಯುವ ಸ್ಫೂರ್ತಿಯ ಸೆಲೆಯಾಗಿದ್ದಾರೆ.  ಇವೆಲ್ಲದರ ಜೊತೆಗೆ ಸಮಾಜದ ಅಸಮಾನತೆ ವಿರುದ್ಧ ಸಮರ ಸಾರುವುದರ ಮೂಲಕವಾಗಿ ದೀನದುರ್ಬಲರ ನೋವು, ಸಂಕಟಗಳಿಗೆ ಪ್ರಾಮಾಣಿಕ ದನಿಯಾಗಿದ್ದಾರೆ.

ವಿವಿಧ ಸಂಘ ಸಂಸ್ಥೆಗಳ ಪದಾಧಿಕಾರಿಯಾಗಿ ಎಸ್. ರುದ್ರೇಶ್ವರ:
ವಿಭಿನ್ನ ಹಾಗೂ ವಿಶಿಷ್ಟ ವ್ಯಕ್ತಿತ್ವದೊಂದಿಗೆ ವೈಚಾರಿಕ ಚಿಂತನೆಯನ್ನು ಹೊಂದಿರುವ ಎಸ್. ರುದ್ರೇಶ್ವರ ತಮ್ಮ ಚಿಂತನೆಗಳನ್ನು ಸಮರ್ಥವಾಗಿ ಕಾರ್ಯರೂಪಕ್ಕೆ ತರಲು ಹಾಗೂ ಸಾಮಾಜಿಕವಾಗಿ ಒಂದಷ್ಟು ಒಳ್ಳೆಯ ಕೆಲಸಗಳನ್ನು ಮಾಡುವ ಸದುದ್ದೇಶದಿಂದ  ವಿವಿಧ ಸಂಘ ಸಂಸ್ಥೆಗಳಲ್ಲಿ ತಮ್ಮನ್ನು ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾರೆ.
ಕರ್ನಾಟಕ ಜಾನಪದ ಪರಿಷತ್ತಿನ ರಾಮನಗರ ತಾಲ್ಲೂಕು ಘಟಕದ ಅಧ್ಯಕ್ಷರಾಗಿ, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಸಂಘಟನಾ ಕಾರ್ಯದರ್ಶಿಯಾಗಿ, ಜಿಲ್ಲಾ ಲೇಖಕರ ವೇದಿಕೆಯ ಪ್ರಧಾನ ಕಾರ್ಯದರ್ಶಿಯಾಗಿ, ನಾಗರಿಕ ವೇದಿಕೆಯ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಜಿಲ್ಲೆಯಾದ್ಯಂತ ಒಳ್ಳೆಯ ಸಾಹಿತ್ಯ  ಸಂಘಟಕರು , ಸಂಸ್ಕೃತಿಯ ಪರಿಚಾರಕರು ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಎಲ್ಲರ ಒಳಿತಿಗೆ ಮಿಡಿಯುವ ಹೃದಯವಂತ :
ಇಷ್ಟೊಂದು ಸಾಮಾಜಿಕ, ಸಾಹಿತ್ಯಿಕ, ಸಾಂಸ್ಕೃತಿಕ ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಂಡು ಸಮಾಜದ ಎಲ್ಲರ ಒಳಿತಿಗಾಗಿ ಮಿಡಿಯುತ್ತಿರುವ ಎಸ್. ರುದ್ರೇಶ್ವರ ಅವರು  ಶ್ರೀಮಂತ ವ್ಯಕ್ತಿಯೇನೂ ಅಲ್ಲ, ಅವರು ಕೌಟುಂಬಿಕವಾಗಿ, ವೈಯಕ್ತಿಕವಾಗಿ ಸಾಕಷ್ಟು ಆರ್ಥಿಕ ಸಮಸ್ಯೆಯನ್ನು  ಎದುರಿಸುತ್ತಿದ್ದಾರೆ. ತನ್ನ ಕಷ್ಟವನ್ನು ಯಾರೊಂದಿಗೂ ಹಂಚಿಕೊಂಡವರಲ್ಲ, ನನ್ನ ಕಷ್ಟವೇ ಬೆಟ್ಟದಷ್ಟು ಊರ ಉಸಾಬರಿ ನನಗೇಕೆ ಎಂದು ತನ್ನ ಸುತ್ತಾ ಬೇಲಿ ಹಾಕಿಕೊಂಡವರಲ್ಲ, ಮೈಯನ್ನೆ ಹಿಂಡಿ ನೊಂದರು ಕಬ್ಬು ಸಿಹಿಯ ಕೊಡುವುದು  ಎಂಬ ನುಡಿಮುತ್ತಿಗೆ  ಅನುಗುಣವಾಗಿ ತನ್ನ ಕಷ್ಟಗಳು ಎಷ್ಟೇ ಇದ್ದರೂ ಅದನ್ನು ಮರೆತು  ತನ್ನ ಸುತ್ತಮುತ್ತಲಿರುವ ಎಲ್ಲಾ ಜನರು ಸಮಾನತೆಯಿಂದ ಸಂತೋಷದಿಂದ ಇರಬೇಕು ಎಂಬುದು ಅವರ ಅಭಿಲಾಷೆ. ಅದಕ್ಕಾಗಿ ತಾವು ದುಡಿದಿದ್ದರಲ್ಲಿ  ಸಮಾಜಕ್ಕೆ ಕೈಲಾದ ಮಟ್ಟಿಗೆ ಸಹಾಯ ಮಾಡುತ್ತಾ ಬರುತ್ತಿದ್ದಾರೆ, ಅವರ ಗುಣಕ್ಕೆ ಅವರೇ ಸಾಟಿ.
ನಲ್ಮೆಯ ಎಸ್. ರುದ್ರೇಶ್ವರರವರೇ  ನೀವು ಒಬ್ಬ ಪತ್ರಕರ್ತರಾಗಿ ಮಾತ್ರವಲ್ಲದೆ, ಮಾನವೀಯ ಅಂತಃಕರಣವುಳ್ಳ ಮನುಷ್ಯರಾಗಿ ಸಮಾಜಮುಖಿ ಚಿಂತಕರಾಗಿ ಸಾಂಸ್ಕೃತಿಕ ಸಂಘಟಕರಾಗಿ,  ಕಲಾವಿದರ ಆಶಾಕಿರಣವಾಗಿ, ಯುವಪ್ರತಿಭೆಗಳ ಮಾರ್ಗದರ್ಶಕರಾಗಿ, ಸಾಮಾಜಿಕ  ಹೋರಾಟಗಾರರರಾಗಿ, ಲೇಖಕರಾಗಿ, ಅಂಕಣಕಾರರಾಗಿ, ಅಧ್ಯಯನಶೀಲ ವಿದ್ಯಾರ್ಥಿಯಾಗಿ ಹೀಗೆ ಹತ್ತು ಹಲವು ರಂಗಗಳಲ್ಲಿ ರಾಮನಗರ ಜಿಲ್ಲೆಯ  ಬಹುಮುಖ ಪ್ರತಿಭೆಯುಳ್ಳ ಸಹೃದಯಿ ಸಂಪನ್ಮೂಲ ವ್ಯಕ್ತಿ ಹಾಗೂ ಶಕ್ತಿಯಾಗಿ ಹೆಜ್ಜೆ ಇಡುತ್ತಿದ್ದೀರಿ, ನಿಮ್ಮ ಬಹುಮುಖ ಪ್ರತಿಭೆ ವಿಸ್ತರಿಸುವಂತಾಗಲಿ. ನಿಮ್ಮ ಆಲೋಚನೆಗಳು, ಆದರ್ಶಗಳು , ಚಿಂತನೆಗಳು ಇಂದಿನ ಯುವ ಪೀಳಿಗೆಗೆ ಆದರ್ಶಪ್ರಾಯವಾಗಲಿ,  ನಿಮ್ಮಿಂದ ಸ್ವಲ್ಪ ಮಟ್ಟಿಗಾದರೂ ಬಡವರು ನಿರ್ಗತಿಕರು ದೀನ ದುರ್ಬಲರ ಬಾಳಿಗೆ ಬೆಳಕು ಬರುವಂತಾಗಲಿ, ಸಮ ಸಮಾಜದ ಕಲ್ಪನೆ ಸಾಕಾರವಾಗಲಿ ಎಂದು ಶುಭ ಹಾರೈಸುತ್ತೇನೆ.

-ಯೋಗೇಶ್ ಚಕ್ಕೆರೆ,

ಸಾಹಿತಿ, ಕನ್ನಡ ಅಧ್ಯಾಪಕರು, ಚನ್ನಪಟ್ಟಣ.

ಮೊ: 9620479970

ಅಭಿವೃದ್ಧಿಗೆ ಸುರಕ್ಷತೆ ಮತ್ತು ಸುಸ್ಥಿರತೆ ಅಗತ್ಯ: ಜಿಲ್ಲಾಧಿಕಾರಿ

ರಾಮನಗರ: ಸುರಕ್ಷತೆ ಮತ್ತು ಸುಸ್ಥಿರತೆ ಎಲ್ಲರ ಆದ್ಯತೆಯಾಗಬೇಕು. ರಸ್ತೆ ಸುರಕ್ಷೆಯ ಬಗ್ಗೆ ಸಮಾಜವನ್ನು ಜಾಗೃತಗೊಳಿಸಲು ಅಗತ್ಯವಿದೆ ಎಂದು ಜಿಲ್ಲಾಧಿಕಾರಿ ಡಾ.ಅವಿನಾಶ್ ಮೆನನ್ ರಾಜೇಂದ್ರನ್ ಅವರು ಹೇಳಿದರು.

ಭಾನುವಾರ ಬಿಡದಿಯ ಟೊಯೊಟಾ ಕಿರ್ಲೋಸ್ಕರ್ ಮೋಟಾರ್, ಬಿಐಎ ಫೌಂಡೇಶನ್ ಸಹಯೋಗದೊಂದಿಗೆ ಟೊಯೊಟಾ ಗ್ರೇಟರ್ ಬೆಂಗಳೂರು ಬಿಡದಿ ಹಾಫ್ ಮ್ಯಾರಥಾನ್ 2024ನಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.

ಸುರಕ್ಷತೆ ಕುರಿತು ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲು ಟೊಯೋಟಾ, ಬಿಐಎ ಪೌಂಡೇಶನ್ ಹಮ್ಮಿಕೊಂಡಿರುವ ಮ್ಯಾರಥಾನ್ ಸಾಕಷ್ಟು ಸಹಕಾರಿಯಾಗಲಿದೆ. ಮ್ಯಾರಥಾನ್ ನಲ್ಲಿ ಸಾವಿರಾರು ಮಂದಿ ಉತ್ಸಾಹದಿಂದ ಭಾಗವಹಿರುವುದು ಆಶಾದಾಯಕ ಬೆಳವಣಿಗೆ ಎಂದರು.

ಟಿಕೆಎಂನ ಹಿರಿಯ ಉಪಾಧ್ಯಕ್ಷ ಸುದೀಪ್ ಎಸ್ ದಾಲ್ವಿ ಅವರು ಮಾತನಾಡಿ ಮ್ಯಾರಥಾನ್ ಸುರಕ್ಷತೆ, ಸುಸ್ಥಿರತೆ ಮತ್ತು ಸಮುದಾಯ ಅಭಿವೃದ್ಧಿಗೆ ನೆರವಾಗಲಿದೆ. ನಾವು ಫಿಟ್ನೆಸ್ ಮತ್ತು ಆರೋಗ್ಯಕರ ಜೀವನವನ್ನು ಉತ್ತೇಜಿಸುವುದಲ್ಲದೆ, ಸಮುದಾಯದಲ್ಲಿ ಸುರಕ್ಷತೆ ಮತ್ತು ಸುಸ್ಥಿರತೆಯನ್ನು ಉತ್ತೇಜಿಸಲು ಏಕತೆಯ ಪ್ರಜ್ಞೆಯನ್ನು ಬೆಳೆಸುವ ವೇದಿಕೆಯನ್ನು ರಚಿಸಿದ್ದೇವೆ ಎಂದರು.

ಮ್ಯಾರಥಾನ್ 16 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನವರಿಗೆ 21 ಕಿ.ಮೀ, 10 ಕಿ.ಮೀ ಮತ್ತು 5 ಕಿ.ಮೀ ಮತ್ತು 8 ರಿಂದ 15 ವರ್ಷದೊಳಗಿನ ಮಕ್ಕಳಿಗೆ 3 ಕಿ.ಮೀ ವಿಶೇಷ ವಿಭಾಗದಲ್ಲಿ ನಡೆಯಿತು. ಗುರಿಯನ್ನು ತಲುಪಿದ ಎಲ್ಲಾ ಓಟಗಾರರಿಗೆ ಪದಕಗಳು ಮತ್ತು ಇ-ಪ್ರಮಾಣಪತ್ರಗಳನ್ನು ಪಡೆದರೆ, ಉತ್ತಮ ಪ್ರದರ್ಶನ ನೀಡಿದವರಿಗೆ ನಗದು ಬಹುಮಾನಗಳನ್ನು ನೀಡಲಾಯಿತು.

ಕರ್ನಾಟಕ ಸರ್ಕಾರದ ವಾಣಿಜ್ಯ ಮತ್ತು ಕೈಗಾರಿಕಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಡಾ.ಎಸ್.ಸೆಲ್ವ ಕುಮಾರ್, ಕಿರ್ಲೋಸ್ಕರ್ ಸಿಸ್ಟಮ್ಸ್ ಪ್ರೈವೇಟ್ ಲಿಮಿಟೆಡ್ ನ ಅಧ್ಯಕ್ಷರಾದ ಗೀತಾಂಜಲಿ ಕಿರ್ಲೋಸ್ಕರ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಾರ್ತಿಕ್ ರೆಡ್ಡಿ, ಬಿಐಎ ಹಿರಿಯ ಅಧಿಕಾರಿಗಳು ಮತ್ತು ಟೊಯೊಟಾ ಕಿರ್ಲೋಸ್ಕರ್ ಮೋಟಾರ್ ನ ಹಿರಿಯ ನಾಯಕರು ಭಾಗವಹಿಸಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.

ಅಣ್ಣನ ನೆನಪು ನಾಟಕ ಅದ್ಭುತ, ವಿಚಾರ ಹಂಚುವಲ್ಲಿ ವಿಫಲ

ರಾಮನಗರ/ಚನ್ನಪಟ್ಟಣ: (ವಿಮರ್ಶಾತ್ಮಕ ಲೇಖನ)

ನಗರದ ಶತಮಾನೋತ್ಸವ ಭವನದಲ್ಲಿ ಬೆಂಗಳೂರಿನ ಪ್ರವರ ಹವ್ಯಾಸಿ ನಾಟಕ ತಂಡವು ನಡೆಸಿಕೊಟ್ಟ ಪೂರ್ಣ ಚಂದ್ರ ತೇಜಸ್ವಿ ರವರ "ಅಣ್ಣನ ನೆನಪು" ನಾಟಕವು ಅದ್ಭುತವಾಗಿ ಪ್ರದರ್ಶನ ಕಂಡಿತು. ಇನ್ನಷ್ಟು ಉತ್ತಮಗೊಳ್ಳಲು ಶತಮಾನೋತ್ಸವ ಭವನದ ತಾಂತ್ರಿಕತೆಯ ವಿಫಲತೆಯಿಂದ ಪೇಲವವಾಯಿತು.

ಕುವೆಂಪು ಮತ್ತು ತೇಜಸ್ವಿ ರವರ ವಿಚಾರಧಾರೆಯನ್ನು ಸಂಪೂರ್ಣವಾಗಿ ಬಳಸಿಕೊಳ್ಳುವಲ್ಲಿ ತಂಡ ವಿಫಲವಾಯಿತೆನ್ನಲಡ್ಡಿಯಿಲ್ಲ. ಬ್ರಾಹ್ಮಣ್ಯವಿರಲಿ ತುಳಿತಕ್ಕೊಳಗಾದ ಶೂದ್ರರೇ ನಮ್ಮ ಮೇಲೆ ಮುಗಿ ಬೀಳುತ್ತಾರೇನೋ ಎಂಬ ಭಯ ಕಾಡಿದೆ ಎನ್ನುವುದರಲ್ಲಿ ಯಾವುದೇ ಅನುಮಾನಗಳು ಉಳಿಯಲಿಲ್ಲ.

ನಾಟಕದ ನಿರೂಪಣೆಯನ್ನು ಪೂಚಂತೇ ರವರ ಪಾತ್ರಧಾರಿಯೇ ನಿರ್ವಹಿಸಿಕೊಂಡು ನಾಟಕದಲ್ಲಿ ಅಭಿನಯಿಸಿದ್ದು ಚಂದವಾಗಿತ್ತು, ಮನೆಗೆಲಸದ ಬೋರಮ್ಮ ನ ಧ್ವನಿ ಹೊರತುಪಡಿಸಿ ಮಿಕ್ಕೆಲ್ಲಾ ಪಾತ್ರಧಾರಿಗಳ ಧ್ವನಿ ಕ್ಷೀಣವಾಗಿತ್ತು. ಅದಕ್ಕೆ ಭವನದ ತಾಂತ್ರಿಕತೆಯೇ ಕಾರಣ ಎಂಬುದನ್ನು ಆಯೋಜಕರು, ನಾಟಕ ತಂಡ ಹಾಗೂ ಭವನದ ಆಡಳಿತ ಮಂಡಳಿ ಒಪ್ಪಿಕೊಂಡಿದೆ.

ದಾನಿಗಳ ಹಾಗೂ ಟಿಕೆಟ್ ಮಾರಾಟದಿಂದ ಮುನ್ನೂರಕ್ಕೂ ಹೆಚ್ಚು ಜನ ಸೇರಿಸುವಲ್ಲಿ ಆಯೋಜಕರಾದ ಅಂಕಯ್ಯ ನಾಗವಾರ ಸರ್, ಡಾ ಕೂಡ್ಲೂರು ವೆಂಕಟಪ್ಪ ಸರ್ ಸೇರಿದಂತೆ ವಿಚಾರವಾದ ಮಂಡಿಸುವ ಕೆಲ ಯುವಕರು ಸೇರಿ ಯಶಸ್ವಿಯಾಗಿ ನಿರ್ವಹಿಸಿದ್ದಾರೆ ಎನ್ನುವುದಕ್ಕಿಂತ ಹೆಚ್ಚಾಗಿ ಕುವೆಂಪು ಮತ್ತು ಪೂಚಂತೇ ರವರ ನಾಟಕಕ್ಕೆ ಹೆಚ್ಚು ಜನ ಸೇರಲಿಲ್ಲವಲ್ಲಾ ಎಂಬುದೇ ದೊಡ್ಡದಾಗಿದೆ.

*ವಿಚಾರ ಎಂಬುದನ್ನು ಹರಿಯಬಿಡಬೇಕೆ ವಿನಹ ಕಟ್ಟಿಹಾಕಬಾರದು*

ಉತ್ತರದ ಜೆಪಿ, ಲೋಹಿಯಾ ರವರಂತೆ ದಕ್ಷಿಣದ ಪೆರಿಯಾರ್, ಕುವೆಂಪು, ಪೂಚಂತೇ, ಪ್ರೊ ನಂಜುಂಡಸ್ವಾಮಿ ಸೇರಿದಂತೆ ಹಲವಾರು ಮಹನೀಯರು ವಿಚಾರವನ್ನು ಸಾರಿದ್ದಾರೆ. ಅವರ ವಿಚಾರಧಾರೆಗಳು ಈಗಾಗಲೇ ಮರೆತು ಹೋಗುತ್ತಿವೆ. ಇವರ ವಿಚಾರಧಾರೆಗಳನ್ನು ಯುವ ಸಮುದಾಯಕ್ಕೆ ಮುಟ್ಟಿಸಬೇಕು. ಇದಕ್ಕೆ ಹಲವಾರು ಮುಖ್ಯವಾಹಿನಿಗಳ ಜೊತೆಗೆ ಸಾಮಾಜಿಕ ಜಾಲತಾಣ ಬಹಳ ಮುಖ್ಯವಾಹಿನಿಯಾಗಿದೆ. ಇದರ ಮುಖೇನ ಯುವ ಸಮುದಾಯವನ್ನು ವಿಚಾರವಂತಿಕೆಗೆ ಕರೆತರಬೇಕಾಗಿದೆ.

ನಗರದಲ್ಲಿ ನಡೆದ ಅಣ್ಣನ ನೆನಪು ನಾಟಕದಲ್ಲಿದ್ದ ಮುನ್ನೂರಕ್ಕೂ ಹೆಚ್ಚು ಮಂದಿಯಲ್ಲಿ, ಹದಿನೆಂಟರಿಂದ ಇಪ್ಪತ್ತೈದು ವಯಸ್ಸಿನ ವಿದ್ಯಾರ್ಥಿಗಳು ಬೆರಳೆಣಿಕೆಯಷ್ಟಿದ್ದರೆ, ಇಪ್ಪತ್ತೈದರಿಂದ ನಲವತ್ತು ವಯಸ್ಸಿನ ಯುವಸಮೂಹ ಕಣ್ಣಳತೆಯಲ್ಲಿ ಲೆಕ್ಕ ಹಾಕುವಷ್ಟಿತ್ತು. ಇನ್ನುಳಿದವರೆಲ್ಲರೂ ನೆರೆತವರಾಗಿದ್ದರು. ಅಂದರೆ ಇವರೆಲ್ಲರೂ ಕುವೆಂಪು, ಪೂಚಂತೆ ಸಮೇತ ಒಂದಷ್ಟು ವಿಚಾರಗಳನ್ನು ಮೈಗೂಡಿಸಿಕೊಂಡವರಿದ್ದರು. ತಿಳುವಳಿಕೆವುಳ್ಳವರಾಗಿದ್ದರು. ಇವರ ಜೊತೆಗೆ ಅಥವಾ ಮುಂದಿನ ಸರದಿ ಯಾರಿಗೆ ಎಂಬುದು ಇಲ್ಲಿ ಬಹಳ ಮುಖ್ಯ. ಆದರೆ ಇದಾಗದಿರುವುದು. ನಾಟಕ ನಮ್ಮ ತಂಡಕ್ಕೆ ಮಾತ್ರ ಸೀಮಿತ, ಬೇಕಾದವರು ಇಲ್ಲಿಯೇ ಬಂದು ನೋಡಲಿ ಎಂಬುದು ಸರಿಯಲ್ಲಾ ಎಂಬುದು ನನ್ನ ನಿರ್ವಿವಾದ.

ಈ ಮೊದಲೇ ಹೇಳಿದಂತೆ ವಿಚಾರಧಾರೆಗಳು ಈಗ ಬೇಕಿರುವುದು ವಿದ್ಯಾರ್ಥಿಗಳಿಗೆ ಮತ್ತು ಯುವಕರಿಗೆ, ಎಲ್ಲರೂ ಆ ಸಮಯಕ್ಕೆ ಬರಲಾಗುವುದಿಲ್ಲ. ಹಾಗಂತ ಮುಂದೆ ಎಲ್ಲೋ ಪ್ರದರ್ಶನಗೊಳ್ಳುವ ತನಕ ಕಾಯಲಾಗುವುದಿಲ್ಲ. ಕಾದರೂ ದೂರ ಎನ್ನುವ ಕಾರಣಕ್ಕೆ ಹೋಗದೆ,ಈ ವಿಚಾರಗಳು, ತಿಳಿದುಕೊಂಡ, ನಿವೃತ್ತಿ ಹೊಂದಿದವರ ಜೊತೆಗೆ ನಾಲ್ಕು ಗೋಡೆಗಳ ಮಧ್ಯದಲ್ಲಿ ಯೇ ಉಳಿದುಕೊಂಡು ಬಿಡುತ್ತದೆ. ಅದಕ್ಕೆ ಅವಕಾಶ ಕೊಡದೆ ವಿಚಾರ ಅರಿಯದವರಿಗೆ ಮುಟ್ಟಿಸುವ ಪ್ರಯತ್ನ ಮಾಡಬೇಕೆಂದು ನನ್ನ ಮನದಿಚ್ಚೆಯಾಗಿದೆ.

-ಗೋ ರಾ ಶ್ರೀನಿವಾಸ...

ಮೊ:9845856139.

ವ್ಯವಹಾರಕ್ಕಾಗಿ ಆಸ್ಪತ್ರೆಯಲ್ಲಾ, ಸೇವೆಗಾಗಿ ನಮ್ಮ ಆಸ್ಪತ್ರೆ. ಕಾಂಗರೂ ಆಸ್ಪತ್ರೆಯ ಸಂಸ್ಥಾಪಕ ಡಾ ಶೇಖರ್ ಸುಬ್ಬಯ್ಯ

ರಾಮನಗರ: ನಾವು ಹಣಕ್ಕಾಗಿ ಆಸ್ಪತ್ರೆ ನಡೆಸುವುದಿಲ್ಲ, ಇದೊಂದು ಸೇವೆ ಎಂದು ಪರಿಗಣಿಸಿ ಆಸ್ಪತ್ರೆ ನಡೆಸುತ್ತಿದ್ದೇವೆ. ಬೆಂಗಳೂರು ಮೈಸೂರು ಸೇರಿದಂತೆ ನಾಲ್ಕು ಕಡೆಯಲ್ಲಿ ನಮ್ಮ 'ಕಾಂಗರೂ' ಆಸ್ಪತ್ರೆ ಈಗಾಗಲೇ ಕೆಲಸ ನಿರ್ವಹಿಸಿ ಹೆಸರುವಾಸಿಯಾಗಿದೆ. ಈ ಎರಡು ಬೃಹತ್ ನಗರಗಳ ನಡುವಿನ ರಾಮನಗರ ದಲ್ಲಿ "ರೋಟರಿ ಬಿಜಿಎಸ್ ಕಾಂಗರೂ" ಹೆಸರಿನಲ್ಲಿ ಐದನೇ ಆಸ್ಪತ್ರೆ ತೆರೆಯಲಾಗಿದೆ. ಇದನ್ನು ರೋಗಿಗಳು ಉಪಯೋಗಿಸಿಕೊಳ್ಳಬೇಕು ಎಂದು ಸಿಇಓ ಮತ್ತು ಸಂಸ್ಥಾಪಕರಾದ ಡಾ ಶೇಖರ್ ಸುಬ್ಬಯ್ಯ ತಿಳಿಸಿದರು.

ಅವರು ಆಸ್ಪತ್ರೆಯಲ್ಲಿ ಕರೆದಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದರು.

ನಮ್ಮದು ಜನರಲ್ ಆಸ್ಪತ್ರೆಯಲ್ಲಾ, ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆಯಾಗಿದ್ದು, ಸ್ತ್ರೀ ರೋಗ ತಜ್ಞರು, ಮಕ್ಕಳ ತಜ್ಞರು ದಿನದ ಇಪ್ಪತ್ನಾಲ್ಕು ಗಂಟೆಗಳು ಉಪಸ್ಥಿತರಿರುತ್ತಾರೆ. ಹೊರರೋಗಿಗಳಿಗೂ ಸಹ (ಓಪಿಡಿ) ಅದೇ ಸಮಯ ನಿಗದಿಯಾಗಿರುತ್ತದೆ. ರಾಮನಗರ ಅಷ್ಟೇ ಅಲ್ಲದೆ, ಸುತ್ತಮುತ್ತಲಿನ ರೋಗಿಗಳು ಇದನ್ನು ಸದುಪಯೋಗ ಪಡಿಸಿಕೊಳ್ಳಬೇಕೆಂದು ಕರೆ ನೀಡಿದರು.

*ಕರುನಾಡು ಟೈಮ್ಸ್ ಚಾನೆಲ್ ನಲ್ಲಿ ಸುದ್ದಿ ಮತ್ತು ಜಾಹೀರಾತಿಗಾಗಿ ಸಂಪರ್ಕಿಸಿ; ಮೊ:97 4242 4949*

ಸ್ತ್ರೀಯರು ಗರ್ಭಿಣಿಯರಾದ ಮೊದಲ ದಿನದಿಂದಲೂ ಹೆರಿಗೆಯಾಗುವ ತನಕ, ಶಿಶುವಿಗೆ ಯಾವ್ಯಾವ ಹಂತದಲ್ಲಿ ಏನೇನು ಚಿಕಿತ್ಸೆ ಅವಶ್ಯಕತೆ ಇದೆಯೋ ಅದೆಲ್ಲವನ್ನು ನಮ್ಮ ಆಸ್ಪತ್ರೆಯಲ್ಲೇ ನೀಡಲಾಗುವುದು. ಎಂತಹ ಸಂದರ್ಭದಲ್ಲೂ ಬೆಂಗಳೂರಿನ ಆಸ್ಪತ್ರೆಗೆ ಹೋಗುವ ಅವಶ್ಯಕತೆ ಇಲ್ಲಾ, ತಾಯಿ ಮತ್ತು ಮಗುವಿಗೆ ಬೇಕಾದ ಎಲ್ಲಾ ಚಿಕಿತ್ಸಾ ಸೌಲಭ್ಯಗಳನ್ನು ನಮ್ಮ ಆಸ್ಪತ್ರೆ ಹೊಂದಿದೆ ಎಂದರು.

ಶುಕ್ರವಾರ ಆಸ್ಪತ್ರೆಯನ್ನು ಅಧಿಕೃತವಾಗಿ ಉದ್ಘಾಟಿಸಿ ಕಾರ್ಯಾರಂಭ ಮಾಡಲಾಗುವುದು. ಸ್ವಾಮೀಜಿಗಳು, ಶಾಸಕರು, ಜಿಲ್ಲಾಧಿಕಾರಿಗಳು ಸೇರಿದಂತೆ ಸ್ಥಳೀಯ ಮುಖಂಡರು ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದು, ಸಾರ್ವಜನಿಕರು ಸಹ ಭಾಗವಹಿಸಬೇಕೆಂದು ಮನವಿ ಮಾಡಿದರು.

ಗೋ ರಾ ಶ್ರೀನಿವಾಸ...

ಮೊ:9845856139.