*ಹೆಣ್ಣು ಸಮಾಜದ ಕಣ್ಣು ಸೃಷ್ಠಿಯ ಅದ್ಬುತದಲ್ಲಿ ಮಹಿಳೆಯೇ ಪ್ರಥಮ*
ಮೊದಲಿಗೆ ವಿಶ್ವ ಮಹಿಳಾ ದಿನಾಚರಣೆಯ ಈ ದಿನದಂದು *ಡಾ|| ಅಂಬೇಡ್ಕರ್ ಪೀಪಲ್ಸ್ ಪಾರ್ಟಿಯು* ವಿಶ್ವದ ಎಲ್ಲಾ ಮಹಿಳೆಯರಿಗೂ ಶುಭಾಶಯವನ್ನು ಕೋರುತ್ತದೆ.
ಮಹಿಳೆಯರು ರಾಜಕೀಯವಾಗಿ ಬೆಳೆಯಬೇಕೆಂದು ಮೊದಲಿಗೆ ಅಭಿಪ್ರಾಯಪಟ್ಟು ಎಲ್ಲಾ ವರ್ಗದ ಮಹಿಳೆಯರಿಗೆ ಮತದಾನದ ಹಕ್ಕನ್ನು ಜಾರಿಗೊಳಿಸಿದವರು *ಡಾ|| ಬಿ ಆರ್ ಅಂಬೇಡ್ಕರ್* ರವರು.ಆದರೂ ಇಂದಿನ ದಿನಗಳಲ್ಲಿ ಮಹಿಳೆಯರು ರಾಜಕೀಯವಾಗಿ ಹಿಂದುಳಿದಿರುವುದು ನಮ್ಮ ಸಮಾಜದ ಅವ್ಯವಸ್ಥೆ ಹಾಗೂ ಅಧಿಕಾರ ನೆಡೆಸುತ್ತಿರುವ ರಾಜಕಾರಣಿಗಳ ಮನೋಸ್ಥಿತಿಯನ್ನು ಸ್ಪಷ್ಟವಾಗಿ ಬಿಂಬಿಸುತ್ತಿದೆ. ಯಾವುದೇ ಪಕ್ಷವಾಗಲೀ ಮಹಿಳೆಯರಿಗಾಗಿ ಮೀಸಲಿರುವ ಕ್ಷೇತ್ರ ಹಾಗೂ ಸ್ಥಾನಗಳಿಗೆ ಮಾತ್ರ ಅವರವರ ಅಗತ್ಯಕ್ಕೆ ತಕ್ಕಂತೆ ಮಹಿಳೆಯರಿಗೆ ಪ್ರಾತಿನಿಧ್ಯವನ್ನು ಕೊಟ್ಟು ರಾಜಕೀಯವಾಗಿ ಕೇವಲ ಸೀಮಿತ ರಾಜಕೀಯ ಚೌಕಟ್ಟಿನಲ್ಲಿ ಅವರನ್ನು ಬಂಧಿಯನ್ನಾಗಿಟ್ಟಿದ್ದಾರೆ. ಸಮರ್ಥವಾಗಿ ಒಂದು ಕುಟುಂಬವನ್ನು ನೆಡೆಸುವ ಮಹಿಳೆ ರಾಜ್ಯ ಅಥವಾ ರಾಷ್ಟ್ರದ ಆಡಳಿತವನ್ನು ಸಹ ಸಮರ್ಥವಾಗಿ ನಿಭಾಯಿಸುವ ಸಾಮರ್ಥ್ಯ ಹೊಂದಿರುತ್ತಾರೆ ಅದರೆ ಒಂದು ಹೆಣ್ಣಿಗೆ ಅಧಿಕಾರ ನೀಡಿ ಅವರ ಕೈಯಾಳು ಆಗಿ ದುಡಿಯಬೇಕೆಂಬ ಆಲೋಚನೆಗಳಿಂದ ಪಟ್ಟ ಭದ್ರ ಹಿತಾಶಕ್ತಿಗಳು ಸ್ತ್ರೀಯರನ್ನು ಅಧಿಕಾರದಿಂದ ದೂರವಿಟ್ಟಿದ್ದಾರೆ. ಪುರಾತನ ಕಾಲದಿಂದಲೂ ಸ್ತ್ರೀ ಯಾವ ಪುರುಷನಿಗಿಂತಲೂ ಕಮ್ಮಿ ಇಲ್ಲ ಎಂದು ನಿರೂಪಿಸುತ್ತಾ ಬಂದಿದ್ದರು ಸಹ ಮಹಿಳೆಯರನ್ನು ಇಂದಿಗೂ ಕೇವಲವಾಗಿ ಕಾಣುತ್ತಿರುವುದು ದುರದೃಷ್ಟಕರವಾದುದು. ಎಲ್ಲಾ ಮಹಿಳೆಯರು ಧೀರರಾಗಿ ನಾಲ್ಕು ಕೋಣೆಗಳ ನಡುವೆ ಕೇವಲ ಮಕ್ಕಳನ್ನು ಹೇರುವ ಯಂತ್ರವಾಗದೇ ಪುರುಷನಂತೆ ಅಧಿಕಾರ ನೆಡೆಸಿ ರಾಜ್ಯ ಹಾಗೂ ರಾಷ್ಟ್ರದ ಅಭಿವೃದ್ಧಿಗೆ ಸಹಕಾರಿಯಾಗುವಂತಹ ದಿನಗಳು ಸೃಷ್ಟಿಸಲು *ಡಾ|| ಅಂಬೇಡ್ಕರ್ ಪೀಪಲ್ಸ್ ಪಾರ್ಟಿಯು* ಆಶಿಸುತ್ತದೆ.  1951 ರಲ್ಲಿ *ಮಹಿಳಾ ಸಬಲೀಕರಣಕ್ಕಾಗಿ ಹಾಗೂ ಮಹಿಳಾ ಆಸ್ತಿ ವಿಚಾರದಲ್ಲಿ ಸಂಸತ್ ನಲ್ಲಿ ಪ್ರಪ್ರಥಮವಾಗಿ ಧ್ವನಿ ಎತ್ತಿದವರು  *ಬಾಬಾ ಸಾಹೇಬರು* ಇಂದು ಅವರ ಹೆಸರಿನಲ್ಲಿ ಸ್ಥಾಪನೆಯಾಗಿರುವ *ಡಾ|| ಅಂಬೇಡ್ಕರ್ ಪೀಪಲ್ಸ್ ಪಾರ್ಟಿಯು* ಸಬಲೀಕರಣ ಹಾಗೂ ಅವರಿಗೆ ರಾಜಕೀಯದ ಶಿಕ್ಷಣದ ಜೊತೆಗೆ ಅವರನ್ನು ರಾಜಕೀಯರನ್ನಾಗಿ ಶಕ್ತಗೊಳಿಸುವ ಉದ್ದೇಶವನ್ನು ಹೊಂದಿದೆ.
*ಬಾಬಾ ಸಾಹೇಬರು ಮಹಿಳೆಯರಿಗಾಗಿ ಕೊಟ್ಟ ಹಕ್ಕುಗಳು*
1)  ಸ್ವಾತಂತ್ರ್ಯದ ಹಕ್ಕು
2) ಸಮಾನತೆಯ ಹಕ್ಕು
3) ಶೈಕ್ಷಣಿಕ ಹಕ್ಕು
4) ಶಿಕ್ಷಣದ ಹಕ್ಕು
5) ಉದ್ಯೋಗದ ಹಕ್ಕು
6) ರಾಜಕೀಯ ಹಕ್ಕು
7) ಆಸ್ತಿಯ ಹಕ್ಕು
8) ಸ್ವಂತ ನಿರ್ಧಾರದ ಹಕ್ಕು
9) ಮಾನವ ಸಂಪನ್ಮೂಲದ ಹಕ್ಕು
10) ಹೋರಾಟದ ಹಕ್ಕು
11) ಮತದಾನದ ಹಕ್ಕು

ಇಷ್ಟೆಲ್ಲಾ ಹಕ್ಕುಗಳನ್ನೂ ನೀಡಿ 70 ವರುಷಗಳು ಕಳೆದರೂ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ರಾಜಕೀಯವಾಗಿ ಮುಂದುವರೆಯದಿರುವುದು ಶೋಚನಿಯವಾಗಿದೆ...

ಮಹಿಳೆಯರ ಹಕ್ಕುಗಳು ಹಾಗೂ ಅವರ ಅಧಿಕಾರಕ್ಕಾಗಿ ಮುಕ್ತ ಅವಕಾಶವನ್ನು ಕಲ್ಪಿಸಿ ಕೊಡುವುದು ಡಾ|| ಅಂಬೇಡ್ಕರ್ ಪೀಪಲ್ಸ್ ಪಾರ್ಟಿಯ ಉದ್ದೇಶ ಹಾಗೂ ಧ್ಯೇಯವಾಗಿದೆ..

ಮಹಿಳಾ ದಿನಾಚರಣೆಯ ಶುಭಾಶಯಗಳು

ಲೇಖನ
ಸುನೀಲ್ ಎನ್
ಜಿಲ್ಲಾಧ್ಯಕ್ಷರು ( ಯುವಘಟಕ)
ಡಾ|| ಅಂಬೇಡ್ಕರ್ ಪೀಪಲ್ಸ್ ಪಾರ್ಟಿ
ರಾಮನಗರ ಜಿಲ್ಲೆ