ಶ್ರವಣಬೆಳಗೊಳ :ಚಾವುಂಡರಾಯ ಮಂಟಪದಲ್ಲಿ ಜ್ಞಾನಪೀಠ ಪ್ರಶಸ್ತಿ ವಿಜೇತರೂ ಹಿರಿಯ ಸಾಹಿತಿ ಪ್ರೋ ಚಂದ್ರಶೇಖರರ ಕಂಬಾರರು ರಚಿಸಿದ ಗುಳ್ಳಕಾಯಜ್ಜಿ ನಾಟಕವನ್ನು ಬೆಂಗಳೂರಿನ ನಾಟಕ ಶಾಲಾ ಕಲಾವಿದರು ಅಭಿನಯಿಸಿದರು. 

ತನ್ನಲ್ಲಿದ್ದ ಅಹಂನ್ನು ಬಿಟ್ಟು ಗುಳ್ಳಕಾಯಿ ಅಜ್ಜಿಗೆ ನಮಿಸುತ್ತಿರುವ ಚಾವುಂಡರಾಯ. ಕಲಾವಿದರನ್ನು ಸನ್ಮಾನಿಸುತ್ತಿರುವ ಪರಮಪೂಜ್ಯ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿಯವರು. ಮಲ್ಲ ಯುದ್ಧದಲ್ಲಿ ಭರತನ್ನು ಸೋಲಿಸಿ ಎತ್ತಿ ಹಿಡಿದ ಬಾಹುಬಲಿ. ಗುಳ್ಳಕಾಯಿ ಅಜ್ಜಿ ಹಾಗೂ ಶಿಲ್ಫಿ ಚರ್ಚಿಸುತ್ತಿರುವುದು. 
ನಾಟಕವನ್ನು ಮುನಿಗಳು ಹಾಗೂ ಮುಖ್ಯ ಅತಿಥಿಗಳೊಂದಿಗೆ ವೀಕ್ಷಿಸಿದ ನಂತರ  ಪರಮ ಪೂಜ್ಯ ಸ್ವಸ್ತಿಶ್ರೀ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿಯವರು ಆಶೀರ್ವದಿಸುತ್ತಾ ಗುಳ್ಳಕಾಯಜ್ಜಿ ನಾಟಕ ಇತಿಹಾಸ, ಪುರಾಣ ಹಾಗೂ ಶಾಸನಗಳನ್ನೊಳಗೊಂಡಿದ್ದು ತನ್ನದೇ ಆದ ವಿಶೇಷ ಶೈಲಿಯಲ್ಲಿ ಮೂಡಿಬಂದಿದೆ. ನಾಟಕವನ್ನು ನೋಡುತ್ತಿದ್ದರೆ ಕ್ರಿ.ಶಕ. 981 ಮಾ 13 ರಂದು ಬಾಹುಬಲಿಗೆ ನಡೆದ ಅಭಿಷೇಕವನ್ನು ಜ್ಞಾಪಿಸುವಂತಿದೆ. ಈಗಾಗಲೇ ಈ ನಾಟಕ ಹಿಂದಿ ಹಾಗೂ ಇಂಗ್ಲೀಷ್‍ಗೆ ತರ್ಜಮೆಗೊಂಡಿದ್ದು ಮುಂದಿನವಾರ ದೆಹಲಿಯಲ್ಲಿ ಪ್ರದರ್ಶನಗೊಳ್ಳಲಿದೆ. 
ಜಗತ್ತಿಗೆ ತ್ಯಾಗ ಅಹಿಂಸೆಯ ಸಂದೇಶವನ್ನು ಸಾರಿದ ಬಾಹುಬಲಿಯ ಕುರಿತು ಅನೇಕ ಸಾಹಿತಿಗಳು ತಮ್ಮ ಬರವಣಿಗೆಯಲ್ಲಿ ಚಿತ್ರಿಸಿದ್ದಾರೆ.  7 ರಾಜ್ಯದ ಕಲಾವಿದರು ನಾಟಕವನ್ನು ಅಭಿನಯಿಸಿದ್ದು ಬಹಳ ಸಂತಸತಂದಿದೆ ಎಂದರು. 
ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷ ಮುಖ್ಯಮಂತ್ರಿ ಚಂದ್ರು ಮಾತನಾಡುತ್ತಾ ಈ ನಾಟಕದಲ್ಲಿ ಎಷ್ಟೇ ಎತ್ತರಕ್ಕೆ ಏರಿದರೂ ಅಹಂ ಇರಬಾರದು ಎಂಬುದು ಈ ನಾಟಕದಿಂದ ಗೊತ್ತಾಗುತ್ತದೆ. ಬಾಹುಬಲಿಯ ನಿರ್ಮಾಣ ಮಾಡಿದಂತಹ ಚಾವುಂಡರಾಯನಿಗೆ ಅಹಂ ಇತ್ತು. ಮೊದಲ ಸಲ ಅಭಿಷೇಕ ಮಾಡುವಾಗ ಬಾಹುಬಲಿಯ ಎದೆ ಭಾಗದಿಂದ ಅಭಿಷೇಕ ಕೆಳಗೆ ಬರುವುದಿಲ್ಲ ಆದರೆ ಗುಳ್ಳಕಾಯಿ ಅಜ್ಜಿ ಅಭಿಷೇಕ ಮಾಡಿದಾಗ ಅಭಿಷೇಕ ಪೂರ್ಣಗೊಳ್ಳುತ್ತದೆ. 
 ಈ ನಾಟಕದಲ್ಲಿ  7 ಭಾಷೆಯ ಕಲಾವಿದರು ಅಭಿನಯಿಸಿರುವುದು ಸೌಹಾರ್ದತೆಯ ಸಂಕೇತವಾಗಿದ್ದು ದೇಶ ವಿದೇಶಗಳಲ್ಲಿ ಹೆಚ್ಚು ಪ್ರದರ್ಶನಗೊಳ್ಳಲಿ  ಎಂದರು.
ನಾಟಕವನ್ನು ಸಿ.ಬಸವಲಿಂಗಯ್ಯ ನಿರ್ದೇಶಿಸಿ ವಸ್ತ್ರ ವಿನ್ಯಾಸವನ್ನು ಮಾಲತೇಶ್ ಬಡಿಗೇರ  ನಿರ್ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ನಾ.ದಾಮೋದರ ಶೆಟ್ಟಿ, ಬಿ.ಬಿ.ರಾಜಾರಾಂ. ಕಮಲಾ ಹಂಪನಾ,  ಹಂಪ ನಾಗರಾಜಯ್ಯ, ಗುಳ್ಳಕಾಯಿ ಅಜ್ಜಿ ಪಾತ್ರದಲ್ಲಿ ಚಾಮರಾಜ ನಗರದ  ಪುಷ್ಪಲತಾ ಅಭಿನಯಿಸಿದ್ದಾರೆ