ರಾಮನಗರ:ಚನ್ನಪಟಣ; ಜಮೀರ್ ಅಹ್ಮದ್ ಕೊಡುಗೈ ದಾನಿ, ಮುಸ್ಲಿಂ ಸಮುದಾಯ ಅಷ್ಟೇ ಅಲ್ಲದೆ ಎಲ್ಲಾ ಸಮುದಾಯದ, ಸಮಾಜದಲ್ಲಿರುವ ಪ್ರತಿಯೊಬ್ಬರ ಕಷ್ಟಸುಖಗಳಿಗೆ ಸ್ಪಂದನೆ ಮಾಡುವುದರ ಮುಖಾಂತರ ಸರ್ವಜನಾಂಗದ ಸಮಾಜ ಸೇವಕ ಎಂದು ಗುರುತಿಸಿಕೊಂಡಿರುವ ಸಚಿವ ಬಿ ಜಡ್ ಜಮೀರ್ ಅಹದ್‌ ರವರ ಬಗ್ಗೆ ಹಗುರವಾಗಿ ಮಾತನಾಡಿರುವವರು ತಮ್ಮ ಕೀಳುಮಟ್ಟವನ್ನು ಪ್ರದರ್ಶವ ಮಾಡಿದ್ದಾರೆಂದು, ಸಮಾಜಸೇವಕ ಬಿ ಜಡ್ ಜಮೀರ್‌ ಅಹದ್ ಅಭಿಮಾನಿ ಬಳಗದ ಅಧ್ಯಕ್ಷ ಅಲ್ಪಸಂಖ್ಯಾತ ಹಿರಿಯ ಮುಖಂಡ ಪೈಲ್ವಾನ್ ಅಕ್ರಂ ಉಸ್ಮಾನಿ ತಮ್ಮ ಅಕ್ರೋಶವನ್ನು ವ್ಯಕ್ತಪಡಿಸಿದರು.

ಅವರು ನಗರದ ಪ್ರವಾಸಿಮಂದಿರದಲ್ಲಿ ಆಯೋಜನೆ ಮಾಡಲಾಗಿದ್ದ ಪತ್ರಿಕಾಗೋಷ್ಟಿಯಲ್ಲಿ ಮಾತನಾಡಿ, ಅಲ್ಪಸಂಖ್ಯಾತ ಜೆಡಿಎಸ್ ತಾಲ್ಲೂಕು ಘಟಕದ ಅಧ್ಯಕ್ಷ ಫಾಜೀಲ್, ಸಚಿವ ಬಿ ಜಡ್ ಜಮೀರ್ ಅಹದ್‌ ಖಾನ್ ರವರನ್ನು ಒಬ್ಬ ಡ್ರೈವರ್ ಹಾಗೂ ಬಿಜೆಪಿಯವರ ಜೊತೆ ಚಡ್ಡಿ ಹಾಕಿ ಕೊಂಡಿದ್ದಾರೆಂದು ಅವರ ಬಗ್ಗೆ ಹಗುರವಾಗಿ ಮಾತನಾಡಿರುವುದು ಫಾಜೀಲ್‌ಗೆ ಬುದ್ದಿ ಭ್ರಮಣೆಯಾಗಿದೆ ಎಂದು ಕಿಡಿಕಾರಿದರು.

    ಕೆಲ ತಿಂಗಳ  ಹಿಂದೆ ರಾಜಕೀಯಕ್ಕೆ ಬಂದಿರುವ ಫಾಜೀಲ್ ಯಾರು? ನಮ್ಮ ನಾಯಕ ಬಿ ಜಡ್ ಜಮೀರ್ ಅಹದ್‌ ರವರ ಬಗ್ಗೆ ಏನು ತಿಳಿದುಕೊಂಡಿದ್ದಾರೆ, ಅವರ ರಾಜಕೀಯ ಜೀವನ, ಅವರಲ್ಲಿರುವ ಅಂತಕುರಣೆ, ಸೇವಾಮನೋಭಾವ, ನೊಂದವರ ಕಷ್ಟಕ್ಕೆ ಒಂದಾಗುವ ಮೃದು ಮನಸ್ಸಿನ ಹೃದಯವಂತನ ಬಗ್ಗೆ ಏಕವಚನದಲ್ಲಿ ಅವನೊಬ್ಬ ಡ್ರೈವರ್, ಚಡ್ಡಿ ಹಾಕೊಂಡಿದ್ದಾನೆ ಎಂದು ತಮ್ಮ ನಾಲಿಗೆಯನ್ನು ಹರಿ ಬಿಟ್ಟಿರುವ ಫಾಜೀಲ್ ಮೊದಲು ನಿನ್ನ ಬಗ್ಗೆ ತಿಳಿದುಕೋ ಅನಂತರ ಬೇರೆಯವರ ಬಗ್ಗೆ ಮಾತನಾಡುವೆ ಎಂದು ಚಾಟಿ ಬೀಸಿದರು.

  ದೇವರು ಕೊಟ್ಟಿರುವ ನಾಲಿಗೆಯನ್ನು ಸಮರ್ಪಕವಾಗಿ  ಬಳಸಬೇಕು, ಅನವಶ್ಯಕವಾಗಿ ನಾಲಿಗೆಯನ್ನು ಹರಿ ಬಿಟ್ಟರೆ ಕಾಲವೇ ಉತ್ತರ ನೀಡುತ್ತದೆ, ಅಲ್ಪಸಂಖ್ಯಾತ ಜೆಡಿಎಸ್ ಘಟಕದ ಅಧ್ಯಕ್ಷರಾಗಿ ಕಚೇರಿ ತರೆದು ನಂತರ ಮುಚ್ಚಿರುವ ತಾವು ಒಂದು ಪಕ್ಷದ ಸಿದ್ದಾಂತದ ಬಗ್ಗೆ ಮಾತನಾಡುತ್ತೀರಿ ಎಂದು ಪಾಜೀಲ್ ಹೇಳಿಕೆಗೆ ತಿರುಗೇಟು ನೀಡಿದರು.

  ಮಾನ್ಯ ಫಾಜೀಲ್‌ರವರೇ ನಿಮ್ಮ ಬಗ್ಗೆ ನಮಗೆ ಸಂಪೂರ್ಣ ಅರಿವಿದೆ, ರಾಜ್ಯಮಟ್ಟದ ನಾಯಕ, ಸಮಾಜ ಸೇವಕ, ಬಿ ಜಡ್ ಜಮೀರ್ ಅಹಮ್ಮದ್ ರವರ ಬಗ್ಗೆ ಈ ರೀತಿ ಹಗುರವಾಗಿ ಹೇಳಿಕೆ ನೀಡಿರುವುದಕ್ಕೆ ಬಹಿರಂಗವಾಗಿ ಕ್ಷಮೆಯಾಚಿಸಬೇಕು, ಇಲ್ಲದಿದ್ದರೆ ಬೇರೆ ರೀತಿಯ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ ಎಂದು ಎಚ್ಚರಿಕೆ ನೀಡಿದರು.

    ಇದೇ ಸಂದರ್ಭದಲ್ಲಿ ಬಿ ಜಡ್ ಜಮೀರ್ ಅಭಿಮಾನಿಗಳ  ಬಳಗದ ಪ್ರಧಾನ ಕಾರ್ಯಧರ್ಶಿ ಕಿಝರ್ ಅಹಮ್ಮದ್ ಮಾತನಾಡಿ, ಸಚಿವರಾದ ಬಿ ಜಡ್ ಜಮೀರ್ ಅಹದ್‌ ರವರು ಒಂದು ಸಮುದಾಯಕ್ಕೆ ಸೀಮಿತವಲ್ಲ,ಅವರು ಸರ್ವಸಮುದಾಯಕ್ಕೆ ಬೇಕಾಗಿರುವ ಹೃದಯವಂತ ನಾಯಕ, ಅಂತಹ ನಾಯಕರ ಬಗ್ಗೆ ಕನಿಷ್ಟ ತಿಳಿದುಕೊಳ್ಳದ ಫಾಜೀಲ್‌ರವರು ಯಾರೋ ಹೇಳಿಕೊಟ್ಟ ಮಾತನ್ನು ಪತ್ರಿಕಾ ಹೇಳಿಕೆ ನೀಡಿರುವುದು ನಿಮಗೆ ತರವೇ ಎಂದು ಅವರ ಹೇಳಿಕೆಯನ್ನು ಖಂಡಿಸಿದರು.

      ಒಂದೇ ಮನೆಯಲ್ಲಿ ಎರಡೆರಡು ಪಕ್ಷಗಳ ಮುಖಂಡರಾಗಿರುವ ನೀವು ಯಾವ ನೈತಿಕತೆಯ ಆಧಾರದ ಮೇಲೆ ನಾಯಕ ಬಿ ಜಡ್ ಜಮೀರ್ ಅಹದ್‌ ರವರ ಬಗ್ಗೆ ಕೆಳಮಟ್ಟದ ಪದ ಬಳಕೆ ಮಾಡಿದ್ದೀರಿ, ತಾವು ಮಾದ್ಯಮದವರ ಜೊತೆ ಮಾತನಾಡುವಾಗ ನಿಮ್ಮ ಅನಿಸಿಕೆಗಳನ್ನು ತಿಳಿಸಿ ಅದನ್ನು ಬಿಟ್ಟು ಬೇರೆಯವರಿಂದ ಗಿಣಿ ಪಾಠಕೇಳಿ ಈ ರೀತಿಯ ಹೇಳಿಕೆಗಳನ್ನು ನೀಡಿ ನಗೆಪಾಟೀಲಿಗೆ ಗುರಿಯಾಗುವುದರ ಜೊತೆಗೆ ಬಿ ಜಡ್ ಜಮೀರ್ ಅಹದ್‌ ರವರ ಲಕ್ಷಾಂತರ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಬೇಕಾಗುತ್ತದೆ ಎಂದು ಎಚ್ಚರ ನೀಡಿದರು.

    ಪತ್ರಿಕಾ ಗೋಷ್ಟಿಯಲ್ಲಿ ಸಚಿವ ಬಿ ಜಡ್ ಜಮೀರ್ ಅಹಮ್ಮದ್ ಅಭಿಮಾನಿಬಳಗದ ಪದಾಧಿಕಾರಿಗಳಾದ ವಾಸಿಂ, ನವಾಜ್ ಅಹ್ಮದ್, ಫರೀದ್, ಬಸೀರ್, ಜೇಸ್ನಾ, ಫರೀದ್ ಅಹಮ್ಮದ್, ಸಲ್ಮಾನ್ ಮತ್ತಿತರರು ಹಾಜರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.