ರಾಮನಗರ: ಸ್ಪರ್ಧಾತ್ಮಕ ಜಗತ್ತಿನಲ್ಲಿ ವಿದ್ಯಾರ್ಥಿಗಳಿಗೆ ಮೌಲ್ಯಯುತ ಶಿಕ್ಷಣ ಮತ್ತು ಉತ್ತಮ ಪರಿಸರವನ್ನು ನಿರ್ಮಾಣ ಮಾಡುವ ಹೊಣೆ ಶಿಕ್ಷಕರು ಮತ್ತು ಪೋಷಕರದ್ದಾಗಿದೆ ಎಂದು ತಾಲ್ಲೂಕು ಕ್ಷೇತ್ರ ಶಿಕ್ಷಣಾಧಿಕಾರಿ ಮರೀಗೌಡ ತಿಳಿಸಿದರು.
ಬಿಡದಿಯ ಎಸ್‍ಎಲ್‍ಎನ್ ಶಾಲೆಯಲ್ಲಿ ನಡೆದ ಸಂಭ್ರಮ-2018ರ ವಾರ್ಷಿಕೋತ್ಸವನ್ನು ಉದ್ಘಾಟಿಸಿ ಮಾತನಾಡಿದ ಅವರು ಇಂದು ಪೋಷಕರು ಶಿಕ್ಷಣ ಸಂಸ್ಥೆಗಳಿಗೆ ಮಕ್ಕಳನ್ನು ಹಾಜರಾತಿ ಪಡಿಸಿದರೆ ಅಷ್ಟೆ ಸಾಲದಾಗಿದ್ದು, ಮಕ್ಕಳ ಬೌದ್ಧಿಕ ಗುಣ ಮಟ್ಟವನ್ನು ಆಗಾಗೆ ತಿಳಿದುಕೊಳ್ಳುವ ಅಗತ್ಯತೆಯಿದೆ. ಪ್ರತಿಯೊಬ್ಬ ಮಗುವಿನಲ್ಲಿ ತನ್ನದೆ ಆದ ಪ್ರತಿಭೆಯಿದೆ. ಆ ಪ್ರತಿಭೆಗೆ ತಂದೆತಾಯಿಯರು ನೀರೆರೆದು ಪೋಷಿಸಬೇಕು. ಆಗ ಮಗು ತಾನು ಹಾಕಿಕೊಂಡಿರುವ ಗುರಿ ಸಾಧಿಸಲು ಮತ್ತು ಉತ್ತಮ ಶಿಕ್ಷಣ ಪಡೆದು ಸಮಾಜದಲ್ಲಿ ಉತ್ತಮ ಪ್ರಜೆಯಾಗಲು ಸಾಧ್ಯವಾಗುತ್ತದೆ ಎಂದು ಅಭಿಪ್ರಾಯಪಟ್ಟರು.
ಜಿಲ್ಲಾ ಪಂಚಾಯಿತಿ ಸದಸ್ಯ ಎ.ಮಂಜು ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ ವಿತರಿಸಿ ಮಾತನಾಡಿ ವಿದ್ಯಾರ್ಥಿ ಜೀವನ ಅತ್ಯಮೂಲ್ಯವಾದ ದಿನಗಳಾಗಿದ್ದು, ಹುಟ್ಟಿನಿಂದ ಸಾಯುವವರೆಗೆ ನಾವು ಸಮಾಜಕ್ಕೆ ಕೊಡಬೇಕಾದ ಕೊಡುಗೆಯನ್ನು ನೀಡಲು ಗುರಿಯನ್ನು ಹಾಕಿಕೊಳ್ಳುವ ಸುವರ್ಣ ದಿನಗಳಾಗಿವೆ. ವಿದ್ಯಾರ್ಥಿಗಳು ಓದಿನ ಜೊತೆಗೆ ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಬರೆಯುವ ಆಶಕ್ತಿ ಬೆಳೆಸಿಕೊಂಡು ಗುರುಗಳು ಮತ್ತು ಪೋಷಕರ ಮಾರ್ಗದರ್ಶನ ಪಡೆದು ಹಾಕಿಕೊಂಡ ಗುರಿ ಸಾಧಸಿ ಪೋಷಕರು ಮತ್ತು ಶಿಕ್ಷಣ ಸಂಸ್ಥೆಗೆ ಉತ್ತಮ ಹೆಸರು ತರುವಂತೆ ಇದೆ ಸಂಧರ್ಭದಲ್ಲಿ ಮನವಿ ಮಾಡಿದರು.
ಅರ್ಚಕರಹಳ್ಳಿ ಅಂಧರಶಾಲಾ ಮಠದ ಅನ್ನದಾನೇಶ್ವರ ಸ್ವಾಮೀಜಿ ಆರ್ಶೀವಚನ ನೀಡಿ ಮಾತನಾಡಿ ಬುದ್ಧಿ ಹೇಳದ ತಂದೆ, ವಿದ್ಯೆ ಕಲಿಸದ ಗುರು, ಬಿದ್ದಿರಲು ಬಂದು ನೋಡದ ತಾಯಿ, ಈ ಮೂರು ಪದಗಳು ಮನುಷ್ಯ ಕುಲದ ವೈರಿಗಳಾಗಿದ್ದು, ಸಮಾಜದ ಪರಿಪೂರ್ಣತೆಗಾಗಿ ಚಿಕ್ಕ ವಯಸ್ಸಿನ ಮಕ್ಕಳಲ್ಲಿ ಶಿಕ್ಷಣದ ಜೊತೆಗೆ ಸಂಸ್ಕಾರವನ್ನು ಕಲಿಸಬೇಕಿದೆ. ಸಂಸ್ಕಾರವಿಲ್ಲದವನ ಬದುಕು ನಾವಿಕನಿಲ್ಲದ ದೋಣಿಯಾದಂತಾಗುತ್ತದೆ. ಆದ್ದರಿಂದ ಹಿರಿಯರು ಮತ್ತು ಶಿಕ್ಷಕ ವರ್ಗ ಸಂಸ್ಕಾರ, ಧ್ಯಾನ ಮತ್ತು ಆಧ್ಯಾತ್ಮಿಕ ವಿಷಯಗಳ ಬಗ್ಗೆ ಮಕ್ಕಳಲ್ಲಿ ಮನದಟ್ಟು ಮಾಡುವಂತೆ ಕಿವಿ ಮಾತು ಹೇಳಿದರು. 
ಮುಖ್ಯ ಅತಿಥಿಗಳಾಗಿ ತಾಲ್ಲೂಕು ಪಂಚಾಯಿತಿ ಸ್ಥಾಯಿ ಸಮಿತಿ ಅಧ್ಯಕ್ಷ ಪ್ರಕಾಶ್, ಪುರಸಭಾ ಸದಸ್ಯರಾದ ದೇವರಾಜು, ಕನಕಪುರ ತಾಪಂ ಸದಸ್ಯ ಕೆ.ಎನ್ ರಾಮು, ಪ್ರೌಢಶಾಲಾ ಸಹ ಶಿಕ್ಷಕರ ಸಂಘÀದ ಜಿಲ್ಲಾ ಕಾರ್ಯದರ್ಶಿ ಎಂ,ಎನ್,ದೇವರಾಜು,  ಮುಖಂಡರಾದ ರಾಜಣ್ಣ, ಸುರೇಶ್, ಇಟ್ಟಮಡು ಗೋಪಾಲ್, ಮುತ್ತಯ್ಯ, ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಡಿ.ಚಿಕ್ಕಯ್ಯ, ಕಾರ್ಯದರ್ಶಿ ಪಾರ್ವತಿ, ಶಿಕ್ಷಕರಾದ ಟಿ.ಸಿ.ರಾಜು, ಬಸವರಾಜಯ್ಯ, ಗಿರೀಶ್ ಮತ್ತಿತರರು ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಶಾಲಾ ಮಕ್ಕಳಿಂದ ವಿವಿಧ ಸಾಂಸ್ಕøತಿಕ ಕಾರ್ಯಕ್ರಮಗಳು ನಡೆದವು.