ರಾಮನಗರ : ರಾಜ್ಯದ ಮುಖ್ಯಮಂತ್ರಿಗಳಾದ ಸಿದ್ದರಾಮಯ್ಯ ಅವರು ಇದೇ ಮಾರ್ಚ್ 1ರಂದು ಜಿಲ್ಲೆಯ ಕನಕಪುರ ತಾಲೂಕಿನಲ್ಲಿ ಪ್ರವಾಸ ಕೈಗೊಂಡಿದ್ದು, ನೂತನವಾಗಿ ನಿರ್ಮಿಸಲಾಗಿರುವ ಮಿನಿ ವಿಧಾನಸೌಧ, ನಗರಸಭೆ ಭವನ, ಡಾ. ಬಿ.ಆರ್. ಅಂಬೇಡ್ಕರ್ ಭವನ ಸೇರಿದಂತೆ ಹಲವಾರು ಭವನ, ಕಟ್ಟಡಗಳನ್ನು ಲೋಕಾರ್ಪಣೆ ಮಾಡುವರು ಅಂದಾಜು ಒಂದು ಸಾವಿರ ಕೋಟಿ ರೂ.ಗಳಿಗೂ ಹೆಚ್ಚಿನ ಮೊತ್ತದ  ವಿವಿಧ ಅಭಿವೃದ್ಧಿ ಕಾರ್ಯಕ್ರಮಗಳಿಗೆ ಚಾಲನೆ ನೀಡುವರು ಎಂದು ಜಿಲ್ಲಾಧಿಕಾರಿ ಡಾ. ಬಿ.ಆರ್. ಮಮತಾ ಅವರು ತಿಳಿಸಿದರು.
ಬುಧವಾರ ನಗರದ ಜಿಲ್ಲಾಧಿಕಾರಿಯವರ ಕಚೇರಿ ಸಭಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿದ್ದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದರು.
ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿಗಳು, 500 ಕೋಟಿಗಳ ವೆಚ್ಚದಲ್ಲಿ ನಂದಿನಿ ಹಾಲಿನ ಉತ್ಪನ್ನಗಳ ಸಂಕೀರ್ಣದ (ಮೆಗಾ ಡೈರಿ) ಮೊದಲನೆ ಹಂತದ ಕಟ್ಟಡ ಉದ್ಘಾಟನೆ, 152 ಕೋಟಿ ರೂ.ಗಳ ಶಿಂಷ ನದಿಯಿಂದ ಸಾತನೂರು, ಕೈಲಾಂಚ ಮೊದಲ ಹಂತದ ಏತ ನೀರಾವರಿ ಯೋಜನೆ ಉದ್ಘಾಟನೆ, 19.67 ಕೋಟಿ ರೂ.ಗಳ ತಾಲ್ಲೂಕು ಕಚೇರಿ (ಮಿನಿ ವಿಧಾನಸೌಧ) ನೂತನ ಕಟ್ಟಡ ಉದ್ಘಾಟನೆ, 8.30 ಕೋಟಿ ರೂ.ಗಳ ನಗರಸಭೆ ನೂತನ ಭವನ ಉದ್ಘಾಟನೆ, 10.56 ಕೋಟಿ ರೂ.ಗಳ ಕನಕಪುರ ತಾಲ್ಲೂಕು ಅಂಬೇಡ್ಕರ್ ಭವನ ಉದ್ಘಾಟನೆ, 3.5 ಕೋಟಿ ರೂ.ಗಳ ವಾಲ್ಮೀಕಿ ಭವನ ಉದ್ಘಾಟನೆ, 2.9 ಕೋಟಿ ರೂ.ಗಳ ಮೆಟ್ರಿಕ್ ನಂತರದ ಮಹಿಳಾ ವಿದ್ಯಾರ್ಥಿಗಳ ಹಾಸ್ಟೆಲ್ ಮತ್ತು ವೃತ್ತಿಪರ ಮಹಿಳಾ ವಿದ್ಯಾರ್ಥಿ ನಿಲಯದ ನೂತನ ಕಟ್ಟಡ ಉದ್ಘಾಟನೆ, 16 ಕೋಟಿ ರೂ.ಗಳ ಕಿತ್ತೂರು ರಾಣಿ ಚನ್ನಮ್ಮ ಶಾಲಾ ಸಮುಚ್ಛಯ ಉದ್ಘಾಟನೆ, 1.68 ಕೋಟಿ ರೂ.ಗಳ ಬೀದಿ ವ್ಯಾಪಾರಿಗಳಿಗಾಗಿ ಹೂ, ಹಣ್ಣು, ತರಕಾರಿ ಚಿಲ್ಲರೆ ವ್ಯಾಪಾರ ಮಾರುಕಟ್ಟೆ ಉದ್ಘಾಟನೆ, 2.35 ಕೋಟಿ ರೂ.ಗಳ ಕನಕಪುರ ನಗರಸಭೆ, ಕನಕ ವಾಣಿಜ್ಯ ಸಂಕೀರ್ಣ ಉದ್ಘಾಟನೆ, 8 ಕೋಟಿ ರೂ.ಗಳ ಕೂನೂರು ಏತ ನೀರಾವರಿ ಯೋಜನೆ ಉದ್ಘಾಟನೆ, 4 ಕೋಟಿ ರೂ.ಗಳ ಕನಕ ಕಾವೇರಿ ಉದ್ಯಾನವನ ಉದ್ಘಾಟನೆ, 2.58 ಕೋಟಿ ರೂ.ಗಳ ಕಾನಕಾನಹಳ್ಳಿ ಉದ್ಯಾನವನ ಉದ್ಘಾಟನೆ, 100 ಕೋಟಿ ರೂ.ಗಳ ದೊಡ್ಡಾಲಹಳ್ಳಿ ಸೋಲಾರ್ ಪವರ್ ಯೋಜನೆ ಉದ್ಘಾಟನೆ, 50 ಲಕ್ಷ ರೂ.ಗಳ ಮಳಗಾಳು ಸಮುದಾಯ ಭವನ ಉದ್ಘಾಟನೆ, 50 ಲಕ್ಷ ರೂ.ಗಳ ಕುರುಪೇಟೆ ಸಮುದಾಯ ಭವನ ಉದ್ಘಾಟನೆ, 50 ಲಕ್ಷ ರೂ.ಗಳ ಮೆಳೇಕೋಟೆ ಸಮುದಾಯ ಭವನ ಉದ್ಘಾಟನೆ, 1 ಕೋಟಿ ರೂ.ಗಳ ಸಾತನೂರು ಆರೋಗ್ಯ ಇಲಾಖೆ ವಸತಿ ಗೃಹ ಉದ್ಘಾಟನೆ, 8 ಕೋಟಿ ರೂ.ಗಳ ತೇರಿನದೊಡ್ಡಿ ಏತನೀರಾವರಿ ಯೋಜನೆ ಉದ್ಘಾಟನೆ, 6.63 ಕೋಟಿ ರೂ.ಗಳ ಛತ್ರ 66/11 ಕೆ.ವಿ ವಿದ್ಯುತ್ ಉಪಕೇಂದ್ರ ಉದ್ಘಾಟನೆ, 5.41 ಕೋಟಿ ರೂ.ಗಳ ಹಳ್ಳಿಮಾರನಹಳ್ಳಿ 66/11 ಕೆ.ವಿ ವಿದ್ಯುತ್ ಉಪಕೇಂದ್ರ ಉದ್ಘಾಟನೆ, 2 ಕೋಟಿ ರೂ.ಗಳ ಪಡುವಣಗೆರೆ ನೀರು ತುಂಬಿಸುವ ಪೈಪ್‍ಲೈನ್ ಮುಂದುವರೆದ ಕಾಮಗಾರಿ ಶಂಕುಸ್ಥಾಪನೆ, 2.91 ಕೋಟಿ ರೂ.ಗಳ ಕನಕಪುರದ ವಿದ್ಯುತ್ ಚಿತಾಗಾರ ಶಂಕುಸ್ಥಾಪನೆ, 3.59 ಕೋಟಿ ರೂ.ಗಳ ಕನಕಪುರ ಪೌರಕಾರ್ಮಿಕರಿಗೆ ಗೃಹ ಭಾಗ್ಯ ಯೋಜನೆ ಶಂಕುಸ್ಥಾಪನೆ, 10 ಕೋಟಿ ರೂ.ಗಳ ಅರ್ಕಾವತಿ ನದಿಗೆ ಅಡ್ಡಲಾಗಿ ದೇಗುಲ ಮಠ ವಿರೂಪಾಸಂದ್ರ ಸೇತುವೆ ಶಂಕುಸ್ಥಾಪನೆ, 10 ಕೋಟಿ ರೂ.ಗಳ ಅರ್ಕಾವತಿ ನದಿಗೆ ಅಡ್ಡಲಾಗಿ ಕನಕಪುರ-ಮಳಗಾಳು ಸೇತುವೆ ಶಂಕುಸ್ಥಾಪನೆ, 1.5 ಕೋಟಿ ರೂ.ಗಳ ಪೇಟೆಕೆರೆ ಉದ್ಯಾನವನ ಅಭಿವೃದ್ಧಿ ಯೋಜನೆ ಶಂಕುಸ್ಥಾಪನೆ, 2.5 ಕೋಟಿ ರೂ.ಗಳ ಸಂಗಮ ಪ್ರವಾಸಿ ಮಂದಿರ ಶಂಕುಸ್ಥಾಪನೆ, 220 ಕೋಟಿ ರೂ.ಗಳ ಸಂಗಮ ಕಾವೇರಿ ನದಿಯಿಂದ ಕೋಡಿಹಳ್ಳಿ, ಉಯ್ಯಂಬಳ್ಳಿ, ಕಸಬಾ ಹೋಬಳಿಗಳ 227 ಹಳ್ಳಿಗಳಿಗೆ ಕುಡಿಯುವ ನೀರಿನ ಯೋಜನೆ ಶಂಕುಸ್ಥಾಪನೆ, 25 ಕೋಟಿ ರೂ.ಗಳ ಕನಕಪುರ ನಗರೋತ್ಥಾನ ಯೋಜನೆ ಶಂಕುಸ್ಥಾಪನೆ, 81 ಕೋಟಿ ರೂ.ಗಳ ಕೊಳಚೆ ನಿರ್ಮೂಲನ ಮಂಡಳಿಯಿಂದ ಕನಕಪುರದಲ್ಲಿ 1881 ಮನೆಗಳ ಶಂಕುಸ್ಥಾಪನೆ, 1 ಕೋಟಿ ರೂ.ಗಳ ಕನಕಪುರ ಇಂದಿರಾ ಕ್ಯಾಂಟೀನ್‍ನ ಗುದ್ದಲಿ ಪೂಜೆ, 15 ಕೋಟಿ ರೂ.ಗಳ ದೊಡ್ಡಆಲಹಳ್ಳಿ ಮೊರಾರ್ಜಿ ಶಾಲಾ ಶಂಕುಸ್ಥಾಪನೆ, 1.5 ಕೋಟಿ ರೂ.ಗಳ ದೊಡ್ಡಆಲಹಳ್ಳಿ ಐ.ಟಿ.ಐ ಕಾಲೇಜು ಕಟ್ಟಡ ಶಂಕುಸ್ಥಾಪನೆ, 40 ಕೋಟಿ ರೂ.ಗಳ ನಾರಾಯಣಪುರ ಏತನೀರಾವರಿ ಯೋಜನೆ ಶಂಕುಸ್ಥಾಪನೆ, 7.59 ರೂ.ಗಳ ಕನಕಪುರ ತ್ಯಾಜ್ಯ ವಸ್ತು ಸಂಸ್ಕರಣಾ ಘಟಕ ಶಂಕುಸ್ಥಾಪನೆ, 29 ಕೋಟಿ ರೂ.ಗಳ ಏಳಗಳ್ಳಿ, ಹೆಗ್ಗನೂರು, ಕುಪ್ಪೆದೊಡ್ಡಿ, ಕಾಡುಶಿವನಹಳ್ಳಿ ಮತ್ತು ಆಲ್ಕುಳಿ ಗ್ರಾಮಗಳ ರೈತರ ಜಮೀನಿಗೆ ಎಸ್.ಸಿ.ಪಿ/ಟಿ.ಎಸ್.ಪಿ ಯೋಜನೆಯಡಿ ಮೈಕ್ರೋ ಡ್ರಿಪ್ ಯೋಜನೆ ಶಂಕುಸ್ಥಾಪನೆ, 7.2 ಕೋಟಿ ರೂ.ಗಳ ಹಾರೋಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಕಾವೇರಿ ಕುಡಿಯುವ ನೀರು ಯೋಜನೆ ಶಂಕುಸ್ಥಾಪನೆ, 9 ಕೋಟಿ ರೂ.ಗಳ ಹಾರೋಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿ ದೊಡ್ಡಬಾದಗೆರೆ ಮೊರಾರ್ಜಿ ಶಾಲೆ ಶಂಕುಸ್ಥಾಪನೆ, 3.9 ಕೋಟಿ ರೂ.ಗಳ ಹಾರೋಹಳ್ಳಿ ಯು.ಜಿ.ಡಿ ಯೋಜನೆ ಶಂಕುಸ್ಥಾಪನೆ, 9 ಕೋಟಿ ರೂ.ಗಳ ಸುವರ್ಣಮುಖಿಯಿಂದ ಚುಳಕನಕೆರೆಗೆ ಏತನೀರಾವರಿ ಯೋಜನೆ, 8.22 ಕೋಟಿ ರೂ.ಗಳ ಕೂನೂರು 66/11 ಕೆ.ವಿ ವಿದ್ಯುತ್ ಉಪಕೇಂದ್ರ ಶಂಕುಸ್ಥಾಪನೆ, 7.8 ಕೋಟಿ ರೂ.ಗಳ ಅಚ್ಚಲು 66/11 ಕೆ.ವಿ ವಿದ್ಯುತ್ ಉಪಕೇಂದ್ರ ಶಂಕುಸ್ಥಾಪನೆ, 6.01 ಕೋಟಿ ರೂ.ಗಳ ಶಿವನಹಳ್ಳಿ 66/11 ಕೆ.ವಿ ವಿದ್ಯುತ್ ಉಪಕೇಂದ್ರ ಶಂಕುಸ್ಥಾಪನೆ, 1.5 ಕೋಟಿ ಬಾಬು ಜಗಜೀವನ್ ರಾಂ ಭವನ ಶಂಕುಸ್ಥಾಪನೆ, 4.5 ಕೋಟಿ ರೂ.ಗಳ ಹರಿಹರ ಏತನೀರಾವರಿ ಯೋಜನೆ ಶಂಕುಸ್ಥಾಪನೆ, 4.5 ಕೋಟಿ ರೂ.ಗಳ ಬೆಸ್ಕಾಂ ವಸತಿ ಗೃಹಗಳು ಶಂಕುಸ್ಥಾಪನೆ, 3.10 ಕೋಟಿ ರೂ.ಗಳ ಅರಳಾಳುಸಂದ್ರ ಗ್ರಾಮದ ಸಮೀಪ ಅರ್ಕಾವತಿ ನದಿಗೆ ಅಡ್ಡಲಾಗಿ ಬ್ಯಾರೇಜು ಮತ್ತು ಸೇತುವೆ ನಿರ್ಮಾಣ ಕಾಮಗಾರಿ ಶಂಕುಸ್ಥಾಪನೆ ಹಾಗೂ 27 ಕೋಟಿ ರೂ.ಗಳ ಕಸಬಾ ಹೋಬಳಿ ಶ್ರೀನಿವಾಸನಹಳ್ಳಿ, ನಾರಾಯಣಪುರ, ಕೆರಳಾಸಂದ್ರ ಗ್ರಾಮಗಳ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆಗೆ ಶಂಕುಸ್ಥಾಪನೆ ನೆರವೇರಿಸುವರು ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ರಾಜ್ಯದ ಇಂಧನ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಡಿ.ಕೆ. ಶಿವಕುಮಾರ್ ಅವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸುವರು.
ಕಂದಾಯ ಸಚಿವರಾದ ಕಾಗೋಡು ತಿಮ್ಮಪ್ಪ, ಲೋಕೋಪಯೋಗಿ ಸಚಿವರಾದ ಡಾ. ಎಚ್.ಸಿ ಮಹದೇವಪ್ಪ, ಗ್ರಾಮೀಣಾಭಿವೃದ್ಧಿ ಸಚಿವರಾದ ಎಚ್.ಕೆ ಪಾಟೀಲ್, ಬೃಹತ್ ನೀರಾವರಿ ಸಚಿವರಾದ ಎಂ.ಬಿ ಪಾಟೀಲ್, ಸಮಾಜ ಕಲ್ಯಾಣ ಸಚಿವರಾದ ಎಚ್. ಆಂಜನೇಯ, ಸಹಕಾರ ಸಚಿವರಾದ ರಮೇಶ್ ಎಲ್. ಜಾರಕಿಹೋಳಿ, ಪಶು ಸಂಗೋಪನಾ ಸಚಿವರಾದ ಎ. ಮಂಜು, ಸಾರಿಗೆ ಸಚಿವರಾದ ಎಚ್.ಎಂ. ರೇವಣ್ಣ, ಪೌರಾಡಳಿತ ಸಚಿವರಾದ ಈಶ್ವರ್ ಭೀಮಣ್ಣ ಖಂಡ್ರೆ, ಬೆಂಗಳೂರು ಗ್ರಾಮಾಂತರ ಲೋಕಸಭಾ ಸದಸ್ಯರಾದ ಡಿ.ಕೆ ಸುರೇಶ್, ಸ್ಥಳೀಯ ಶಾಸಕರು ಹಾಗೂ ಮಾಜಿ ಮುಖ್ಯಮಂತ್ರಿಗಳಾದ ಎಚ್.ಡಿ. ಕುಮಾರಸ್ವಾಮಿ, ವಿಧಾನ ಪರಿಷತ್ ಸದಸ್ಯರುಗಳಾದ  ಎಸ್. ರವಿ, ಸಿ.ಎಂ. ಲಿಂಗಪ್ಪ, ರಾಮಚಂದ್ರಗೌಡ, ಪುಟ್ಟಣ್ಣ, ಬೆಂಗಳೂರು ಹಾಲು ಒಕ್ಕೂಟದ ಅಧ್ಯಕ್ಷರಾದ ಅಪ್ಪಯ್ಯ, ಉಪಾಧ್ಯಕ್ಷರಾದ ಬಿ.ಡಿ ನಾಗಪ್ಪ, ಬೆಂಗಳೂರು ಹಾಲು ಒಕ್ಕೂಟದ ನಿರ್ದೇಶಕರಾದ ಎಚ್.ಪಿ. ರಾಜಕುಮಾರ್ ಅವರು ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು.
ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಸಿ.ಪಿ ರಾಜೇಶ್, ರಾಜ್ಯ ಕೃಷಿ ಕೈಗಾರಿಕಾ ನಿಗಮದ ಅಧ್ಯಕ್ಷರಾದ ಎಸ್.ಜೆ. ಜಯರಾಮೇಗೌಡ, ಜಿಲ್ಲಾ ಪಂಚಾಯತ್‍ನ ಉಪಾಧ್ಯಕ್ಷರಾದ ಶ್ರೀಮತಿ ದಿವ್ಯಾ ಗಂಗಾಧರ್, ಕನಕಪುರ ನಗರಸಭೆಯ ಅಧ್ಯಕ್ಷರಾದ ಕೆ.ಎನ್. ದಿಲೀಪ್, ಉಪಾಧ್ಯಕ್ಷರಾದ ಜಗನ್ನಾಥ್, ಕನಕಪುರ ತಾಲ್ಲೂಕು ಪಂಚಾಯತ್ ಅಧ್ಯಕ್ಷರಾದ ರಾಜಶೇಖರ್, ಉಪಾಧ್ಯಕ್ಷರಾದ ಗೀತಾ ಈಶ್ವರ್, ಕನಕಪುರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷರಾದ ಎಸ್.ಎಸ್. ಶಂಕರ್ ಸೇರಿದಂತೆ ಮತ್ತಿತರರು ಅತಿಥಿಗಳಾಗಿ ಭಾಗವಹಿಸುವರು ಎಂದು ತಿಳಿಸಿದರು. 
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರಮೇಶ್ ಹಾಗೂ ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಆರ್. ಲತಾ ಗೋಷ್ಠಿಯಲ್ಲಿದ್ದರು.
ಇಂದು ಮಿನಿ ವಿಧಾನಸೌಧ ಕಟ್ಟಡ ಉದ್ಘಾಟನೆ
ರಾಮನಗರ : ಕಂದಾಯ ಇಲಾಖೆ ವತಿಯಿಂದ ಮಿನಿವಿಧಾನಸೌಧ ಕಟ್ಟಡ ಉದ್ಘಾಟನೆಯನ್ನು ಇದೇ ಮಾರ್ಚ್ 1ರ ಗುರುವಾರ ಮಧ್ಯಾಹ್ನ 2.30ಕ್ಕೆ ಕನಕಪುರ ತಾಲ್ಲೂಕಿನಲ್ಲಿ ಹಮ್ಮಿಕೊಳ್ಳಲಾಗಿದೆ. 
ಸನ್ಮಾನ್ಯ ಮುಖ್ಯಮಂತ್ರಿಗಳಾದ ಶ್ರೀ ಸಿದ್ದರಾಮಯ್ಯನವರು ಕಾರ್ಯಕ್ರಮವನ್ನು ಉದ್ಘಾಟಿಸುವರು. ರಾಜ್ಯದ ಇಂಧನ ಸಚಿವರು ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವರಾದ ಡಿ.ಕೆ. ಶಿವಕುಮಾರ್ ಅವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸುವರು.
ಕಂದಾಯ ಸಚಿವರಾದ ಕಾಗೋಡು ತಿಮ್ಮಪ್ಪ, ಸಾರಿಗೆ ಸಚಿವರಾದ ಎಚ್.ಎಂ. ರೇವಣ್ಣ ಹಾಗೂ ಗ್ರಾಮೀಣಾಭಿವೃದ್ಧಿ ಸಚಿವರಾದ ಎಚ್.ಕೆ ಪಾಟೀಲ್ ಅವರು ಘನ ಉಪಸ್ಥಿತಿ ವಹಿಸುವರು. 
ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಸಿ.ಪಿ. ರಾಜೇಶ್, ಬೆಂಗಳೂರು ಗ್ರಾಮಾಂತರ ಕ್ಷೇತ್ರದ ಲೋಕಸಭಾ ಸದಸ್ಯರಾದ ಡಿ.ಕೆ. ಸುರೇಶ್, ಚಿಕ್ಕಬಳ್ಳಾಪುರ ಕ್ಷೇತ್ರದ ಲೋಕಸಭಾ ಸದಸ್ಯರಾದ ಎಂ. ವೀರಪ್ಪಮೊಯ್ಲಿ ಅವರು ಕಾರ್ಯಕ್ರಮದ ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು.
ಸ್ಥಳೀಯ ಶಾಸಕರು ಹಾಗೂ ಮಾಜಿ ಮುಖ್ಯಮಂತ್ರಿಗಳಾದ ಎಚ್.ಡಿ. ಕುಮಾರಸ್ವಾಮಿ, ಮಾಗಡಿ ಕ್ಷೇತ್ರದ ವಿಧಾನಸಭಾ ಸದಸ್ಯರಾದ ಎಚ್.ಸಿ. ಬಾಲಕೃಷ್ಣ, ಚನ್ನಪಟ್ಟಣ ಕ್ಷೇತ್ರದ ವಿಧಾನಸಭಾ ಸದಸ್ಯರಾದ ಸಿ.ಪಿ. ಯೋಗೇಶ್ವರ್, ನೆಲಮಂಗಲ ಕ್ಷೇತ್ರದ ವಿಧಾನಸಭಾ ಸದಸ್ಯರಾದ ಡಾ. ಕೆ. ಶ್ರೀನಿವಾಸ ಮೂರ್ತಿ, ವಿಧಾನ ಪರಿಷತ್ ಸದಸ್ಯರುಗಳಾದ ರಾಮಚಂದ್ರೇಗೌಡ, ಪುಟ್ಟಣ್ಣ, ಸೈಯದ್ ಮುದೀರ್ ಆಗಾ, ಎಸ್. ರವಿ ಹಾಗೂ ಸಿ.ಎಂ. ಲಿಂಗಪ್ಪ, ರಾಜ್ಯ ಕೃಷಿ ಕೈಗಾರಿಕಾ ನಿಗಮದ ಅಧ್ಯಕ್ಷರಾದ ಎಸ್.ಜೆ. ಜಯರಾಮೇಗೌಡ, ಜಿಲ್ಲಾ ಪಂಚಾಯತ್‍ನ ಉಪಾಧ್ಯಕ್ಷರಾದ ಶ್ರೀಮತಿ ದಿವ್ಯಾ ಗಂಗಾಧರ್, ಕನಕಪುರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷರಾದ ಎಸ್.ಎಸ್. ಶಂಕರ್, ಕನಕಪುರ ನಗರಸಭೆಯ ಅಧ್ಯಕ್ಷರಾದ ಕೆ.ಎನ್. ದಿಲೀಪ್, ಉಪಾಧ್ಯಕ್ಷರಾದ ಜಗನ್ನಾಥ್, ಕನಕಪುರ ತಾಲ್ಲೂಕು ಪಂಚಾಯತ್ ಅಧ್ಯಕ್ಷರಾದ ರಾಜಶೇಖರ್ ಹಾಗೂ  ಉಪಾಧ್ಯಕ್ಷರಾದ ಗೀತಾ ಈಶ್ವರ್ ಅವರು ಅತಿಥಿಗಳಾಗಿ ಭಾಗವಹಿಸುವರು ಎಂದು ತಿಳಿಸಿದರು.