ರಾಮನಗರ : ಕನ್ನಡ ಮತ್ತು ಸಂಸ್ಕøತಿ ಇಲಾಖೆ ವತಿಯಿಂದ ಜಿಲ್ಲೆಯ ರಾಮನಗರ ತಾಲ್ಲೂಕಿನ ಕೃಷ್ಣಾಪುರ ದೊಡ್ಡಿಯಲ್ಲಿ ತಾನೀನ ರಂಗದಂಗಳದಲ್ಲಿ ಇತ್ತೀಚೆಗೆ ಸಾಂಸ್ಕøತಿಕ ಸೌರೌಭ 2017-18 ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. 
ರಾಮನಗರ ತಹಶೀಲ್ದಾರ್ ಮಾರುತಿ ಪ್ರಸನ್ನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಭಾರತೀಯ ಸಂಸ್ಕøತಿಯಲ್ಲಿನ ವಿವಿಧ ರೀತಿಯ ಸಾಂಸ್ಕøತಿಕ ಕಾರ್ಯಕ್ರಮಗಳು ಸಮಾಜವನ್ನು ಬೆಸೆಯುವ ಕೆಲಸಗಳು ಮಾಡುತ್ತವೆ.  ಆದರೆ ಇತ್ತೀಚೆಗೆ ಟಿ.ವಿ ವಾಹಿನಿಗಳಲ್ಲಿ ಪ್ರಸಾರವಾಗುವ ವಿವಿಧ ರೀತಿಯ ಕೆಲವು ಕಾರ್ಯಕ್ರಮಗಳು ಇದಕ್ಕೆ ತದ್ವಿರುದ್ದವಾಗಿವೆ, ಸಮಾಜದಲ್ಲಿ ಮನಸ್ಸು ಮನಸ್ಸುಗಳು ಕೂಡಬೇಕಿದ್ದರೆ ಅವು ಜನಪದ ಕಾರ್ಯಕ್ರಮಗಳಿಂದ ಸಾಧ್ಯ ಎಂದರು.
ಹಿರಿಯ ಪತ್ರಕರ್ತ ತ್ಯಾಗರಾಜ್ ಮಾತನಾಡಿ, ಜನಪದ ಕಲೆಗಳು ಮನರಂಜನೆಯೊಂದಿಗೆ ಉತ್ತಮ ಸಂದೇಶಗಳು ನೀಡುತ್ತವೆ ಆದರೆ ಅವುಗಳನ್ನು ಆಧುನಿಕತೆ ಹೆಸರಿನಲ್ಲಿ ನಿರ್ಲಕ್ಷಿಸಲಾಗುತ್ತಿದೆ ಎಂದರು.
ಶಾಂತಲಾ ಚಾರಿಟಬಲ್ ಟ್ರಸ್ಟ್‍ನ್ ಕಾರ್ಯದರ್ಶಿ ಕವಿತಾರಾವ್ ಮಾತನಾಡಿದರು. 
ಚಾಲನೆ: ಕೃಷ್ಣಾಪುರದೊಡ್ಡಿ ಶ್ರೀಕೃಷ್ಣ ದೇವಾಲಯದ ಆವರಣದಿಂದ ತಾನಿನಾ ರಂಗದಂಗಳದವರೆಗೆ ನಡೆದ ಜಾನಪದ ಕಲೆಗಳ ಪ್ರದರ್ಶನಕ್ಕೆ ಹಿರಿಯ ಪತ್ರಕರ್ತ ತ್ಯಾಗರಾಜ್ ಚಾಲನೆ ನೀಡಿದರು. 
ಸಂಗೀತ ವಿದ್ವಾನ್  ಶಿವಾಜಿರಾವ್ ಮತ್ತು ತಂಡದವರು ಕರ್ನಾಟಕ ಶಾಸ್ತ್ರೀಯ ಸಂಗೀತ ಹಾಡುಗಾರಿಕೆ, ಗಣೇಶ್ ಪ್ರಸಾದ್ ಮತ್ತು ತಂಡದವರು ಕರ್ನಾಟಕ ಶಾಸ್ಟ್ರೀಯ ಸಂಗೀತ ವಾದ್ಯ, ಅನುರಾಗ್ ಗದ್ದಿ ಮತ್ತು ತಂಡದವರು ಸುಗಮ ಸಂಗೀತ, ಬೇವೂರು ರಾಮಯ್ಯ ಮತ್ತು ತಂಡದವರು ಜಾನಪದ ಗೀತೆಗಳು, ದಿವ್ಯಾ ಮತ್ತು ತಂಡದವರು ಸಮೂಹ ನೃತ್ಯ ಪ್ರತಾಪ್ ಮತ್ತು ತಂಡದವರು ಜಾನಪದ ಕಲಾ ಪ್ರದರ್ಶನ, ಅರುಣ್ ಮತ್ತು ತಂಡದವರು ಪೂಜಾ ಕುಣಿತಾ, ಡೊಳ್ಳು ಕುಣಿತ, ಗುರುಸಿದ್ದಯ್ಯ ಮತ್ತು ತಂಡ ತತ್ವಪದ, ರಮೇಶ್ ಮತ್ತು ತಂಡದವರು ಸಮೂಹ ಕಾರ್ಯಕ್ರಮ ನಡೆಸಿಕೊಟ್ಟರು.
ಕನ್ನಡ ಮತ್ತು ಸಂಸ್ಕøತಿ ಇಲಾಖೆಯ ಸಹಾಯಕ ನಿರ್ದೇಶಕರ ಎಂ. ರಾಜು, ಪತ್ರಕರ್ತ ಎ.ಸಿ ರಾಜಶೇಖರ್, ಹಿರಿಯ ಕಲಾವಿದ ಗುರುಸಿದ್ದಯ್ಯ ಹಾಗೂ ಇತರರು ಉಪಸ್ಥಿತರಿದ್ದರು.