ರಾಮನಗರ: ಕನ್ನಡ ಸಾಹಿತ್ಯ ಪರಿಷತ್ ಜ.31 ರಂದು 6ನೇ ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನ ಹಮ್ಮಿಕೊಂಡಿದೆ.
ತಾಲೂಕಿನ ಕೂಟಗಲ್ ಹೋಬಳಿಯ ಶ್ಯಾನುಭೋಗನಹಳ್ಳಿಯ ಸರಕಾರಿ ಪ್ರೌಢಶಾಲೆ ಆವರಣದಲ್ಲಿ ಸಮ್ಮೇಳನಾಧ್ಯಕ್ಷರಾದ ಡಾ.ಎಲ್.ಸಿ. ರಾಜು ಅವರ ಅಧ್ಯಕ್ಷತೆಯಲ್ಲಿ ಸಾಹಿತ್ಯ ಸಮ್ಮೇಳನ ನಡೆಯಲಿದೆ ಎಂದು ಕಸಾಪ ತಾಲೂಕು ಘಟಕದ ಅಧ್ಯಕ್ಷ ಬಿ.ಟಿ ದಿನೇಶ್ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಸಮ್ಮೇಳನದ ಮಹಾ ಮಂಟಪಕ್ಕೆ ಭೈರವೈಕ್ಯ ಶ್ರೀ ಬಾಲಗಂಗಾಧರನಾಥ ಸ್ವಾಮಿ, ಪ್ರಧಾನ ವೇದಿಕೆಗೆ ಜಿ.ಪಿ ರಾಜರತ್ನಂ,  ಮಹಾದ್ವಾರಕ್ಕೆ ಕೆಂಗಲ್ ಹನುಮಂತಯ್ಯ ಹಾಗೂ ದ್ವಾರಕ್ಕೆ ವೀರಯೋಧ ತಿರುಮಲೇಶ್ ಅವರ ಹೆಸರನ್ನು ಇಡಲಾಗಿದೆ ಎಂದರು.
ಅಂದು ಬೆಳಿಗ್ಗೆ 8ಕ್ಕೆ ತಾಲೂಕು ದಂಡಾಧಿಕಾರಿ ಮಾರುತಿ ಪ್ರಸನ್ನ ರಾಷ್ಟ್ರಧ್ವಜ, ಕಸಾಪ ಜಿಲ್ಲಾಧ್ಯಕ್ಷ ಸಿಂ.ಲಿಂ.ನಾಗರಾಜು ಅವರು ಕನ್ನಡ ಧ್ವಜ ಆರೋಹಣ ಮಾಡಲಿದ್ದಾರೆ.
8.30ಕ್ಕೆ ಸಮ್ಮೇಳಾಧ್ಯಕ್ಷರ ಮೆರವಣಿಗೆ ಅರುಣೋದಯ ಶಾಲಾ ಮುಂಭಾಗದಿಂದ ವಿದ್ಯಾರ್ಥಿಗಳ ಪೂರ್ಣ ಕುಂಭ ಮತ್ತು ವಿವಿಧ ಸಾಂಸ್ಕøತಿ ಕಲಾ ತಂಡಗಳೊಂದಿಗೆ ವೇದಿಕೆಯವರೆಗೆ ನಡೆಯಲಿದೆ. ಮೆರವಣಿಗೆಯನ್ನು ತಾಲೂಕು ಪಂಚಾಯಿತಿ ಸದಸ್ಯ ಎಸ್.ಪಿ. ಜಗದೀಶ್ ಉದ್ಘಾಟಿಸಲಿದ್ದಾರೆ. ಬಿಡದಿ ಕೈಗಾರಿಕಾ ಪ್ರದೇಶ ಹಿತರಕ್ಷಣಾ ಸಮಿತಿ ಅಧ್ಯಕ್ಷ ಎಲ್.ಚಂದ್ರಶೇಖರ್ ಯೋಧ ತಿರುಮಲೇಶ್ ಪ್ರತಿಮೆಗೆ ಮಾಲಾರ್ಪಣೆ ಮಾಡಲಿದ್ದಾರೆ.
10.30ಕ್ಕೆ ಸಮ್ಮೇಳನವನ್ನು ಶಾಸಕ ಎಚ್.ಡಿ. ಕುಮಾರಸ್ವಾಮಿ ಉದ್ಘಾಟಿಸಲಿದ್ದಾರೆ ಡಿ.ಕೆ.ಸುರೇಶ್ ಸ್ಮರಣ ಸಂಚಿಕೆ ಬಿಡುಗಡೆ ಮಾಡಲಿದ್ದಾರೆ. ಶಾಸಕ ಎಚ್.ಸಿ. ಬಾಲಕೃಷ್ಣ ಕವನ ಸಂಕಲನ ಬಿಡುಗಡೆ ಮಾಡಲಿದ್ದಾರೆ. ಪುಸ್ತಕ ಮಳಿಗೆಯನ್ನು ವಿಧಾನ ಪರಿಷತ್ ಸದಸ್ಯ ಸಿ.ಎಂ. ಲಿಂಗಪ್ಪ, ಮಹಾ ಮಂಟಪವನ್ನು ಎಂಎಲ್‍ಸಿ ಸೈಯದ್ ಮುದೀರ್ ಆಗಾ, ಮುಖ್ಯದ್ವಾರವನ್ನು ಎ.ಮಂಜುನಾಥ್ ಉದ್ಘಾಟಿಸಲಿದ್ದಾರೆ.
1:30ಕ್ಕೆ ನಡೆಯುವ ಕಾವ್ಯ ವಾಹಿನಿ ಅಧ್ಯಕ್ಷತೆಯನ್ನು ಸಾಹಿತಿ ವಿ.ಎಚ್. ರಾಜಶೇಖರ್ ವಹಿಸಲಿದ್ದು, ಸಾಹಿತಿ ಎಂ. ಶಿವನಂಜಯ್ಯ ವಿಶೇಷ ಅತಿಥಿಯಾಗಿ ಭಾಗವಹಿಸಲಿದ್ದಾರೆ. ಸಂಗೀತ ವಿದ್ಯಾಂಸರಾದ ಶಿವಾಜಿರಾವ್ ಆಶಯ ನುಡಿಗಳನ್ನು ಆಡಲಿದ್ದಾರೆ.
3 ಗಂಟೆಗೆ ನಡೆಯುವ ವಿಚಾರ ವಾಹಿನಿಯ ಅಧ್ಯಕ್ಷತೆಯನ್ನು ಚಿಂತಕರಾದ ಸು.ಚಿ.ಗಂಗಾಧರಯ್ಯ ವಹಿಸಲಿದ್ದು, ಸರಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜು ಪ್ರಾಂಶುಪಾಲರಾದ ರಾಜಣ್ಣ ವಿಶೇಷ ಅತಿಥಿಯಾಗಿ ಭಾಗವಹಿಸಲಿದ್ದಾರೆ. ಡಾ.ಎಲ್.ಸಿ ರಾಜು ಸಾಹಿತ್ಯಾವಲೋಕನ ಕುರಿತು ಉಪನ್ಯಾಸಕರಾದ ಜಿ.ಶಿವಣ್ಣ ಕೊತ್ತೀಪುರ, ಭವಿಷ್ಯದ ರಾಮನಗರ ಕುರಿತು ಆರಂಭ ಪತ್ರಿಕೆ ಸಂಪಾದಕರಾದ ಅಬ್ಬೂರು ರಾಜಶೇಖರ ಅವರು ಪ್ರಬಂಧ ಮಂಡಿಸಲಿದ್ದಾರೆ.
ಸಂಜೆ 4 ಗಂಟೆಗೆ ನಡೆಯುವ ರೈತ-ವಿಜ್ಞಾನಿ ಸಂವಾದದ ಅಧ್ಯಕ್ಷತೆಯನ್ನು ಪ್ರಗತಿಪರ ರೈತ ಕಾಂತರಾಜ್ ಪಟೇಲ್ ಅವರು ವಹಿಸಲಿದ್ದು, ಜಾನಪದ ವಿದ್ವಾಂಸ ಡಾ. ಕುರುವ ಬಸವರಾಜು ಅವರು ಪ್ರಧಾನ ನಿರ್ವಹಣೆ ಮಾಡಲಿದ್ದಾರೆ.
ಸಂವಾದದಲ್ಲಿ ಚಂದೂರಾಯನಹಳ್ಳಿ ಕೃಷಿ ವಿಜ್ಞಾನ ಕೇಂದ್ರದ ತೋಟಗಾರಿಕೆ ವಿಭಾಗದ ವಿಜ್ಞಾನಿ ಡಾ.ಬಿ.ಜಿ ಹನುಮಂತರಾಯ ಅವರೊಂದಿಗೆ ರೈತರಾರ ಬಿ.ಸಿ.ವಾಸು, ರವಿ, ಗೌತಮ್ ಗೌಡ, ರಾಮು, ಚಿಕ್ಕಪುಟ್ಟಯ್ಯ, ಪ್ರಕಾಶ್, ಸುಶೀಲಮ್ಮ, ಸದಾನಂದ ಅವರು ಭಾಗವಹಿಸಲಿದ್ದಾರೆ.
ಸಂಜೆ 5 ಗಂಟೆಗೆ ನಡೆಯುವ ಬಹಿರಂಗ ಅಧಿವೇಶನದ ಅಧ್ಯಕ್ಷತೆಯನ್ನು ಕಸಾಪ ತಾಲೂಕು ಅಧ್ಯಕ್ಷ ಬಿ.ಟಿ.ದಿನೇಶ್ ಬಿಳಗುಂಬ ವಹಿಸಲಿದ್ದು, ಗೌರವ ಕಾರ್ಯದರ್ಶಿ ಜಿ.ಟಿ ಕೃಷ್ಣ ನಿರ್ಣಯಗಳನ್ನು ಮಂಡಿಸಲಿದ್ದಾರೆ.
5:10 ಸಮ್ಮೇಳಾಧ್ಯಕ್ಷರೊಂದಿಗೆ ಸಂವಾದ ಕಾರ್ಯಕ್ರಮದಲ್ಲಿ ರುದ್ರೇಶ್ವರ, ರಾಣಿ ಕಿರಣ್, ಪಿ. ಶ್ರೀನಿವಾಸ್, ಜಯದೇವ್, ಪೂರ್ಣಚಂದ್ರ, ಶ್ವೇತಮಣಿ ಭಾಗವಹಿಸಲಿದ್ದು, ರಂಗ ನಿರ್ದೇಶಕ ಬೈರ್ನಳ್ಳಿ ಶಿವರಾಂ ಅವರು ಸಂವಾದದ ಪ್ರಧಾನ ನಿರ್ವಹಣೆ ಮಾಡಲಿದ್ದಾರೆ.
5.30ಕ್ಕೆ ನಡೆಯುವ ಸನ್ಮಾನ ಮತ್ತು ಸಮಾರೋಪ ಸಮಾರಂಭದಲ್ಲಿ ಮೈಸೂರು ಎಲೆಕ್ಟ್ರೀಕಲ್ ಇಂಡಸ್ಟ್ರೀಸ್ ನಿಗಮದ ಅಧ್ಯಕ್ಷರಾದ ಕೆ. ಶೇಷಾದ್ರಿ ಅವರು ಸಮ್ಮೇಳನಾಧ್ಯಕ್ಷರಿಗೆ ಗೌರವ ಅರ್ಪಣೆ ಮಾಡಲಿದ್ದು, ಕೆ.ಎಂ.ಎಫ್ ಅಧ್ಯಕ್ಷ ಪಿ.ನಾಗರಾಜು ಸನ್ಮಾನಿಸಲಿದ್ದಾರೆ.
ಶಿಕ್ಷಣ ಕ್ಷೇತ್ರದಲ್ಲಿ ವೆಂಕಟಾಚಲಯ್ಯ, ರಂಗಭೂ ಅಪ್ಪಾಜಿ ಚನ್ನಮಾನಹಳ್ಳಿ, ಸಮಾಜಸೇವೆಯಲ್ಲಿ ಶಫೀಕ್ ಅಹಮದ್, ಸಂಗೀತ ರಮಣಿ, ಚಿತ್ರಕಲೆ ನಾರಾಯಣ್ ಭಂಡಾರಿ, ಪರಿಸರ ಶಶಿ ಕುಮಾರ್, ವೈದ್ಯಕೀಯ ಕ್ಷೇತ್ರದಲ್ಲಿ ಡಾ. ಮಧುಸೂಧನ್, ಸಾಹಿತ್ಯ ಜಿ.ಹೆಚ್. ರಾಮಯ್ಯ, ಜಾನಪದ ಮಾಯಮ್ಮ, ಪತ್ರಿಕೋದ್ಯಮದಲ್ಲಿ ಗಿರೀಶ್ ಕೊತ್ತೀಪುರ, ರೈತ ಕ್ಷೇತ್ರದಲ್ಲಿ ಸುರೇಂದ್ರ ಹಾಗೂ ವೀರಯೋಧನ ಪತ್ನಿ ಗಾಯಿತ್ರಮ್ಮ ಅವರಿಗೆ ರೇಷ್ಮೆ ನಾಡು ಪ್ರಶಸ್ತಿ ನೀಡಲಾಗುತ್ತಿದೆ.
ಕೂಟಗಲ್ ಹೋಬಳಿಯ ಎಲ್ಲ ಶಾಲಾ ಮಕ್ಕಳು ಭಾಗವಹಿಸಲು ಬಿಇಒ ಮರಿಗೌಡ ಅವರು ಅನುಮತಿ ನೀಡಿದ್ದು, ಕಾಲೇಜು ವಿದ್ಯಾರ್ಥಿಗಳು ಸಹ ಭಾಗವಹಿಸಲಿದ್ದಾರೆ. ಊಟ, ಶಾಮಿಯಾನ ವ್ಯವಸ್ಥೆಯನ್ನು ಶ್ಯಾನುಭೋಗನಹಳ್ಳಿ ಗ್ರಾಮಸ್ಥರೇ ಮಾಡಿಕೊಡುತ್ತಿದ್ದು, ಸಾಹಿತ್ಯಾಸಕ್ತರಿಂದ ದಿವ್ಯ ಆತಿಥ್ಯ ನೀಡಲಿದ್ದಾರೆ ಎಂದು ತಿಳಿಸಿದರು.
ಸುದ್ದಿಗೋಷ್ಠಿಯಲ್ಲಿ ಕೂಟಗಲ್ ಹೋಬಳಿ ಕಸಾಪ ಅಧ್ಯಕ್ಷ ಚಿನ್ನಗಿರಿಗೌಡ, ತಾಲೂಕು ಕಸಾಪದ ಗೌರವಾಧ್ಯಕ್ಷ ಶಿವಸ್ವಾಮಿ, ಗೌರವ ಕಾರ್ಯದರ್ಶಿ ಕೃಷ್ಣ ಗೌಡಯ್ಯನದೊಡ್ಡಿ, ನಗರ ಘಟಕದ ಅಧ್ಯಕ್ಷ ಡೈರಿ ವೆಂಕಟೇಶ್, ಸಂಚಾಲಕರಾದ ಕಿರಣ್ ಬಿಳಗುಂಬ, ಸಮದ್, ಮಹದೇವ್, ಕೋಶಾಧ್ಯಕ್ಷರಾದ ರಾಜೇಶ್ ಕವಣಾಪುರ, ಪದಾಧಿಕಾರಿಗಳಾದ ಕಾಂತರಾಜು, ನಂಜುಡಿ ಬಾನಂದೂರು, ಮಹಮದ್ ಅಲೀಂ, ಹರಿಹಾನ್ ಷರೀಫ್ ಮತ್ತಿತರು ಉಪಸ್ಥಿತರಿದ್ದರು.