ರಾಮನಗರ : ವೃಷಭಾವತಿ ಕಣಿವೆ ಮತ್ತು ಬೈರಮಂಗಲ ಕೆರೆ ವ್ಯಾಪ್ತಿಯ ಪ್ರದೇಶಗಳಿಗೆ ಲೋಕಾಯುಕ್ತ ನ್ಯಾಯಮೂರ್ತಿ ವಿಶ್ವನಾಥ ಶೆಟ್ಟಿ ಖುದ್ಧು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
    ಸ್ವಾತಂತ್ರ್ಯ ಹೋರಾಟಗಾರ ಎಚ್ .ಎಸ್ .ದೊರೆಸ್ವಾಮಿ ನೇತೃತ್ವದ  ನಮ್ಮ ಬೆಂಗಳೂರು ಫೌಂಡೇಶನ್ ವತಿಯಿಂದ ಕರ್ನಾಟಕ ಲೋಕಾಯುಕ್ತಕ್ಕೆ ದೂರು ನೀಡಿದ್ದ ಹಿನ್ನೆಲೆಯಲ್ಲಿ ಲೋಕಾಯುಕ್ತ ನ್ಯಾಯಮೂರ್ತಿ ವಿಶ್ವನಾಥ ಶೆಟ್ಟಿರವರು ಬಿಬಿಎಂಪಿ, ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ಹಾಗೂ ಇನ್ನಿತರ ಇಲಾಖೆಗಳ ಅಧಿಕಾರಿಗಳೊಂದಿಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಂಡರು.
    ಈ ವೇಳೆ ಹಾಜರಿದ್ದ ಬೈರಮಂಗಲ ಕೆರೆ ಪ್ರದೇಶದ ಸುತ್ತಮುತ್ತಲ ಗ್ರಾಮದ ಮುಖಂಡರು, ಬೆಂಗಳೂರಿನ ಮ¯್ಲÉೀಶ್ವರಂ, ಪೀಣ್ಯ ಪ್ರದೇಶಗಳ ಆದಿಯಾಗಿ ಕೆಂಗೇರಿ, ಬಿಡದಿ ಕೈಗಾರಿಕಾ ಪ್ರದೇಶಗಳಿಂದ ವೃಷಭಾವತಿ ಕಣಿವೆಯಲ್ಲಿ ಹರಿದು ಬೈರಮಂಗಲ ಕೆರೆಯಲ್ಲಿ  ಶೇಖರಣೆಯಾಗುವ ಕಲ್ಮಷ ನೀರಿನಿಂದ ಹತ್ತಾರು ಹಳ್ಳಿಗಳಲ್ಲಿ ಉಂಟಾಗಿರುವ ದುಷ್ಪರಿಣಾಮಗಳು. ಕೊಳಚೆ ನೀರು ಮತ್ತು ಸೊಳ್ಳೆಗಳ ಹಾವಳಿಯಿಂದ ಅನುಭವಿಸುತ್ತಿರುವ ನಕರಯಾತನೆಗೆ ಅಂತ್ಯ ಹಾಡುವಂತೆ ಲೋಕಾಯುಕ್ತರಲ್ಲಿ ಮನವಿ ಮಾಡಿದರು. 
    ಬೈರಮಂಗಲ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಜಿ.ರಾಮಯ್ಯ ಮಾತನಾಡಿ, ಜಲಾಶಯದ ಪಕ್ಕದಲ್ಲಿ ಯಾಕಾದರೂ ನೆಲೆಸಿz್ದÉೀವೊ ಎಂಬ ಚಿಂತೆ ನಮ್ಮನ್ನು ಕಾಡುತ್ತಿದೆ. ಜನ ಜಾನುವಾರುಗಳ ಆರೋಗ್ಯಕ್ಕೆ ಮಾರಕವಾಗಿರುವ ಕೊಳಚೆ ನೀರು ಸಂಸ್ಕರಣೆಗೆ ಸೂಕ್ತ ಕ್ರಮ ವಹಿಸುವಂತೆ ಸರ್ಕಾರಕ್ಕೆ ಮತ್ತು ಸಂಬಂಧಪಟ್ಟ ಇಲಾಖೆಗಳಿಗೆ ಸೂಚನೆ ನೀಡಬೇಕು ಎಂದು ಕೋರಿದರು.
    ಆಸಿಡ್ ಮಿಶ್ರಿತ ನೊರೆ ಮನುಷ್ಯರ ಕೈ ಮೇಲೆ ಬಿದ್ದರೆ ಚರ್ಮ ಸುಡುತ್ತದೆ. ಅಲ್ಲದೆ ರೈತರ ಬೆಳೆಗಳ ಮೇಲೆ ಬಿದ್ದು ಬೆಳೆ ನಾಶವಾಗುತ್ತಿದೆ. ಕೈಗಾರಿಕೆಗಳಿಂದ ಕೊಳಚೆ ನೀರು ಹರಿಯ ಬಿಡುವ ಮೂಲವನ್ನು ಪತ್ತೆಮಾಡಿ ಕಡಿವಾಣ ಹಾಕಬೇಕು.
    ಸಂಪೂರ್ಣ ಕಲುಷಿತಗೊಂಡಿರುವ ವೃಷಭಾವತಿ ಕಣಿವೆ ಮತ್ತು ಬೈರಮಂಗಲ ಕೆರೆ ಪಾತ್ರದಲ್ಲಿರುವ ಹಳ್ಳಿಗಳ ಜನ ವಿವಿಧ ಸಾಂಕ್ರಾಮಿಕ ರೋಗಗಳಿಗೆ ತುತ್ತಾಗುತ್ತಿದ್ದು, ಗ್ರಾಮಗಳನ್ನು ತೊರೆಯುವ ಚಿಂತೆಯಲ್ಲಿz್ದÁರೆ ಎಂದು ತಿಳಿಸಿದರು.
    ಬೈರಮಂಗಲ ಗ್ರಾಮದ ನಿವಾಸಿ ಶಿವಣ್ಣ ಮಾತನಾಡಿ ಕೆರೆಯಲ್ಲಿ ಸಂಗ್ರಹವಾಗುವ ಕೊಳಚೆ ನೀರಿನಿಂದ ಆಸುಪಾಸಿನ ಸುಮಾರು 20 ಕೀ.ಮೀ ದೂರದವರೆಗೆ ಅಂತರ್ಜಲ ಕಲುಷಿತವಾಗಿದ್ದು, ಕೊಳವೆ ಬಾವಿ ನೀರು ಸಹ ಕುಡಿಯಲು ಯೋಗ್ಯವಲ್ಲದಂತಾಗಿದೆ. ನಮಗೆ ಕುಡಿಯಲು ಕಾವೇರಿ ನೀರು ಪೂರೈಕೆ ಮಾಡುವಂತೆ ಸಂಬಂಧಪಟ್ಟ ಇಲಾಖೆಗೆ ಸೂಚನೆ ನೀಡುವಂತೆ  ಲೋಕಾಯುಕ್ತರನ್ನು ಒತ್ತಾಯಿಸಿದರು.
    ಸ್ಥಳೀಯರ ಅಹವಾಲುಗಳನ್ನು ಆಲಿಸಿದ ಲೋಕಾಯುಕ್ತ ನ್ಯಾಯಮೂರ್ತಿಗಳು, ಆದಷ್ಟು ಬೇಗನೆ ಸುಧಾರಣಾ ಕ್ರಮಗಳನ್ನು ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚಿಸುತ್ತೇನೆ. ನಂತರ ನನ್ನ ದಾಟಿಯಲ್ಲಿ ಅವರಿಗೆ ಚುರುಕು ಮುಟ್ಟಿಸುವುದಾಗಿ ಭರವಸೆ ನೀಡಿದರು.
    ಇದಕ್ಕೂ ಮುನ್ನ ಬಿಡದಿ ಹೋಬಳಿ ಶ್ಯಾನುಮಂಗಲ ಗ್ರಾಮದ ಬಳಿ ಕೊಳಕು ನೀರಿನಿಂದ ಹರಿಯುವ ವೃಷಭಾವತಿ ಕಣಿವೆ ಸ್ಥಳಕ್ಕೆ ಲೋಕಾಯುಕ್ತ ನ್ಯಾಯಮೂರ್ತಿ ವಿಶ್ವನಾಥಶೆಟ್ಟಿರವರು ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
    ಲೋಕಾಯುಕ್ತ ರಿಜಿಸ್ಟ್ರಾರ್  ನಂಜುಂಡಸ್ವಾಮಿ, ಅಡಿಷನಲ್ ರಿಜಿಸ್ಟ್ರಾರ್  ಚಂದ್ರಮ¯್ಲÉೀಗೌಡ, ಬಿಬಿಎಂಪಿ ಮುಖ್ಯ ಅಭಿಯಂತರ ಬೆಟ್ಟೇಗೌಡ, ಸಹಾಯಕ ಅಭಿಯಂತರ ಸೂರ್ಯನಾರಾಯಣ, ಬಿಡಬ್ಲುಎಸ್‍ಎಸ್ಬಿ ಎಂಜಿನಿಯರ್  ರೇಣುಕುಮಾರ್ , ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯ ಪರಿಸರ ಅಧಿಕಾರಿ ಸಿದ್ಧರಾಮಯ್ಯ ಮುಂತಾದವರು ಉಪಸ್ಥಿತರಿದ್ದರು.