ಸಾರ್ವಜನಿಕ ಶಿಕ್ಷಣ ಇಲಾಖೆ, ರಾಮನಗರ ಮತ್ತು ಬಾಷ್ ಲಿಮಿಟೆಡ್ ಇವರ ಸಹಯೋಗದೊಂದಿಗೆ ಬಾಷ್ ಇಂಡಿಯಾ ಪ್ರತಿಷ್ಠಾನ, ಯೆಲ್ಲೊ ಆಂಡ್ ರೆಡ್ ಫೌಂಡೇಷನ್ಸ್, ಅಗಸ್ತ್ಯ ಫೌಂಡೇಷನ್ ಸಹಯೋಗದಿಂದ ಶ್ಯಾನುಮಂಗಲ, ಜೋಡಿಕರೇನಹಳ್ಳಿ  ಮತ್ತು ಅರಳಾಳುಸಂದ್ರದ ಸರ್ಕಾರಿ ಪ್ರೌಢ ಶಾಲೆಯಲ್ಲಿ ಕಳೆದ  ೨೦ ದಿನಗಳಿಂದ ಆಯೋಜಿಸಲಾಗಿದ್ದ ಬೇಸಿಗೆ ಶಿಬಿರದ  ಮುಕ್ತಾಯ ಸಮಾರಂಭವು ಅರಳಾಳುಸಂದ್ರ ಶಾಲೆಯಲ್ಲಿ ದಿನಾಂಕ: ೨೨/೦೫/೨೦೧೯ ರಲ್ಲಿ ಜರುಗಿತು.  

ಈ ಕಾರ್ಯಕ್ರಮಕ್ಕೆ ಬಿಡದಿ ಇಂಡಸ್ಟ್ರಿಯಲ್ ಅಸೋಸಿಯೇಷನ್ ನ  ಶ್ರೀಧರ್,   ಇಂಡಿಯಾ  ಫೌಂಡೇಶನ್ ನ  ಕ್ಷೇತ್ರ ನಿರ್ದೇಶಕರಾದ ಪುಂಡಲೀಕ ಕಾಮತ್ ರವರು,  ಗೇಲ್ ಇಂಡಿಯಾ ಲಿಮಿಟೆಡ್ ನ ಡೆಪ್ಯೂಟಿ ಮ್ಯಾನೇಜರ್ ಆದಂತಹ  ರಾಜೀವ್ ಶರ್ಮ, ಯೆಲ್ಲೊ ಅಂಡ್   ರೆಡ್   ಫೌಂಡೇಷನ್ಸ್ ನ ಆನಂದ ಶಿವ ಹಾಗೂ ಅರಳಾಳುಸಂದ್ರ ಶಾಲೆಯ  ಹಿರಿಯ ಶಿಕ್ಷಕರಾದ ಅನಿಲ್ , ಎಸ್ ಡಿ ಎಂ ಸಿ ಅಧ್ಯಕ್ಷರು ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದರು. 

ಕಾರ್ಯಕ್ರಮವನ್ನು ಉದ್ಘಾಟನೆ ಮಾಡಿದ ನಂತರ ಮಾತನಾಡಿದ ಬಿಡದಿ ಇಂಡಸ್ಟ್ರಿಯಲ್ ಅಸೋಸಿಯೇಷನ್ ನ  , ಶ್ರೀಧರ್  ರವರು ಈ ಬೇಸಿಗೆ ಶಿಬಿರವು ಕೇವಲ ಮಕ್ಕಳಿಗೆ ಚಟುವಟಿಕೆಗಳನ್ನು ಕಲಿಸುವುದು ಮಾತ್ರವಲ್ಲದೆ ಜಾನಪದ ಕಲೆಗಳ ಮಹತ್ವವನ್ನು ಮಕ್ಕಳಿಗೆ  ತಿಳಿಸಿ, ಜಾನಪದ ಕಲೆಗಳನ್ನು  ಉಳಿಸಿ ಬೆಳೆಸುವ ಒಂದು ಸದುದ್ದೇಶವನ್ನು ಇಟ್ಟುಕೊಂಡು ಈ ಬೇಸಿಗೆ ಶಿಬಿರವನ್ನು ಆಯೋಜಿಸಿರುವ ಬಾಷ್  ಇಂಡಿಯಾ  ಫೌಂಡೇಷನ್ಸ್  ಹಾಗೂ ಯೆಲ್ಲೊ ಅಂಡ್   ರೆಡ್   ಫೌಂಡೇಷನ್ಸ್  ಕಾರ್ಯ ವೈಖರಿಯು ಶ್ಲ್ಯಾಘನೀಯವಾದದ್ದು ಎಂದರು . 

ಗೇಲ್ ಇಂಡಿಯಾ ಲಿಮಿಟೆಡ್ ನ ರಾಜೀವ್ ಶರ್ಮ ರವರು ಮಕ್ಕಳು  ಬೇಸಿಗೆ ರಜೆಯಲ್ಲಿ ಹೆಚ್ಚಾಗಿ  ಮೊಬೈಲ್ ನ್ನು  ಬಳಸುವಲ್ಲಿ ಮಗ್ನರಾಗುತ್ತಿದ್ದಾರೆ  ಇದರಿಂದ  ಮಕ್ಕಳ ಸೃಜನಾತ್ಮಕವಾಗಿ ಚಿಂತನೆ ಮಾಡುವ ಶಕ್ತಿ ಕಡಿಮೆಯಾಗುತ್ತಿದೆ  ಈ ಸಂದರ್ಭದಲ್ಲಿ ಬೇಸಿಗೆ ಶಿಬಿರದ ಆಯೋಜನೆಯು  ಮಕ್ಕಳ ಸೃಜನಾತ್ಮಕ ಹಾಗೂ ಕ್ರಿಯಾತ್ಮಕ ಬೆಳವಣಿಗೆಗೆ ಉತ್ತಮ ವೇದಿಕೆಯಾಗಿದೆ ಮತ್ತು ರಜೆ ಸಮಯದಲ್ಲಿ ಮಕ್ಕಳು ಸ್ವಲ್ಪ ಸಮಯವಾದರೂ ಮೊಬೈಲ್ನಿಂದ  ದೂರ ಉಳಿದು ಎಲ್ಲಾ ಮಕ್ಕಳ  ಜೊತೆಗೂಡಿ ಸಂತೋಷದಿಂದ ಕಲಿಕೆಯಲ್ಲಿ ಪಾಲ್ಗೊಂಡಿರುವುದು ಎಲ್ಲಾ ಪೋಷಕರಿಗೂ ಖುಷಿಯ ವಿಷಯವಾಗಿದೆ ಎಂದು ತಮ್ಮ ಅಭಿಪ್ರಾಯ ವ್ಯಕ್ತ ಪಡಿಸಿದರು. 

ಶಿಬಿರದಲ್ಲಿ ಪಾಲ್ಗೊಂಡು ಮಕ್ಕಳೇ ತಯಾರಿಸಿದ ಕರ ಕುಶಲ  ಮತ್ತು ವಿಜ್ಞಾನ ಮಾದರಿಗಳ ವಸ್ತು ಪ್ರದರ್ಶನ ಏರ್ಪಡಿಸಲಾಗಿತ್ತು. ನಂತರ ಕರಾಟೆ, ನವ ದುರ್ಗೆಯರ ನೃತ್ಯ, ನಾಟಕ , ಜಾನಪದ ಕಲೆಗಳಾದ, ಜಡೆಕೋಲಾಟ , ಕಂಸಾಳೆ , ಹಾಲಕ್ಕಿ ನೃತ್ಯ, ಪಟ್ಟಕುಣಿತ, ಡೊಳ್ಳು ನೃತ್ಯವನ್ನು ಪ್ರದಶನ ಮಾಡುವ ಮೂಲಕ ಮಕ್ಕಳು ೨೦ ದಿನಗಳಿದ ಪಡೆದ ತರಬೇತಿ ಸಾರ್ಥಕವಾಯಿತೆಂಬ ಸಂತೋಷ ಎಲ್ಲಾ ಮಕ್ಕಳಲ್ಲೂ ಕಾಣುತಿತ್ತು.  

ಇದೆ ಸಂಧರ್ಭದಲ್ಲಿ ಮಕ್ಕಳಿಗೆ ತರಬೇತಿ ನೀಡಿದ ಎಲ್ಲಾ ಸಂಪನ್ಮೂಲ ವ್ಯಕ್ತಿಗಳಿಗೆ, ಶಾಲೆಯಲ್ಲಿ  ಶಿಬಿರಕ್ಕೆ ಸಹಕಾರ ನೀಡಿದ ಎಲ್ಲಾ ಶಿಕ್ಷಕರಿಗೆ ಹಾಗೂ ಈ ಶಿಬಿರ ಯಶ್ವಸಿಯಾಗಲು ಕಾರಣರಾದ ಬಾಷ್ ಇಂಡಿಯಾ ಪ್ರತಿಷ್ಠಾನದ ಎಲ್ಲಾ ಗಣ್ಯರಿಗೂ , ಸದಸ್ಯರಿಗೂ  ಮತ್ತು ಯೆಲ್ಲೊ ಅಂಡ್   ರೆಡ್   ಫೌಂಡೇಷನ್ಸ್ ನ ಎಲ್ಲಾ ಸದಸ್ಯರಿಗೂ ಸನ್ಮಾನ ಮಾಡುವ ಮೂಲಕ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸಲಾಯಿತು. 

ಈ ಕಾರ್ಯಕ್ರಮದಲ್ಲಿ  ಬಾಷ್ ಇಂಡಿಯಾ ಫೌಂಡೇಶನ್ ನ  ಸುದರ್ಶನ್,   ಪ್ರಶಾಂತ್ ಹಾಗೂ ಎಲ್ಲಾ ಸದಸ್ಯರು,  ಶಿಬಿರದ  ರೂವಾರಿಯದಂತಹ ಯೆಲ್ಲೊ ಅಂಡ್   ರೆಡ್   ಫೌಂಡೇಷನ್ಸ್ ನ ಆನಂದ ಶಿವ ಹಾಗೂ ಎಲ್ಲಾ ಸದಸ್ಯರು ಮತ್ತು  ಅಗಸ್ತ್ಯ ಫೌಂಡೇಷನ್ ನ ಸದಸ್ಯರು, ಪಾಲ್ಗೊಂಡಿದ್ದರು.