ಫೆಬ್ರವರಿ ೦೯ ಕ್ಕೆ ಮತ್ತೀಕೆರೆ ತಾಲ್ಲೂಕು ಪಂಚಾಯತಿ ಚುನಾವಣೆ ನಿಗದಿ
ಚನ್ನಪಟ್ಟಣ: ತಾಲ್ಲೂಕಿನ ಮತ್ತಿಕೆರೆ ತಾಲ್ಲೂಕು ಪಂಚಾಯತಿ ಕ್ಷೇತ್ರಕ್ಕೆ ರಾಜ್ಯ ಚುನಾವಣಾ ಆಯೋಗ ಮುಂದಿನ ತಿಂಗಳು ೦೯ ರಂದು ಚುನಾವಣೆನ್ನು ಘೋಷಿಸಿದೆ.
ಫೆಬ್ರವರಿ ೦೯ ರಂದು ಚುನಾವಣೆ ನಡೆದು, ೧೧ ರಂದು ಫಲಿತಾಂಶ ಪ್ರಕಟವಾಗಲಿದೆ.
ಈ ಕ್ಷೇತ್ರದ ಸದಸ್ಯರಾಗಿದ್ದ ಚೆಕ್ಕೆರೆ ಯೋಗೇಶ್ ನಿಧನದಿಂದ ಈ ಕ್ಷೇತ್ರ ತೆರವಾಗಿತ್ತು. ಅವರು ನಿಧನರಾಗಿ ಒಂದು ವರ್ಷ ಕಳೆದಿದ್ದರೂ ಆಯೋಗ ಯಾವುದೇ ಕ್ರಮ ಕೈಗೊಂಡಿರಲಿಲ್ಲ.
ಉಪಚುನಾವಣೆ ನಡೆಸುವಂತೆ ಅಧ್ಯಕ್ಷ ಹೆಚ್. ರಾಜಣ್ಣ ನವರು ಆಯೋಗಕ್ಕೆ ಕೋರಿಕೆಯನ್ನು ಮಂಡಿಸಿದ್ದರು. ಮೂರು ಸಾರಿ ಪತ್ರ ಬರೆದಿದ್ದರೂ ಯಾವುದೇ ಕ್ರಮಕೈಗೊಂಡಿರಲಿಲ್ಲ.
ಈಗ ಆಯೋಗ ರಾಜ್ಯದ ೦೧ ಜಿ.ಪಂ, ೧೦ ತಾಲ್ಲೂಕು ಪಂಚಾಯ್ತಿ, ೦೪ ನಗರಸಭೆ, ೦೨ ಪುರಸಭೆ ಹಾಗೂ ೦೧ ಪಟ್ಟಣ ಪಂಚಾಯತ್ ಕ್ಷೇತ್ರ ಚುನಾವಣೆಗೆ ದಿನಾಂಕ ಪ್ರಕಟ ಮಾಡಿ ಆದೇಶ ಹೊರಡಿಸಿದೆ.
ಈ ಚುನಾವಣೆಯು ಇದೇ ತಿಂಗಳು ೨೫ ರಂದು ಚುನಾವಣಾ ಅಧಿಸೂಚನೆ ಹೊರಡಿಸಲಾಗುವುದು, ೨೮ ನೇ ತಾರೀಖು ನಾಮಪತ್ರ ಸಲ್ಲಿಸಲು ಕೊನೆಯ ದಿನವಾಗಿದ್ದು ನಾಮಪತ್ರ ಪರಿಶೀಲಿಸಲು ೨೯ ಕೊನೆಯ ದಿನ, ಹಿಂದಕ್ಕೆ ಪಡೆಯಲು ಈ ತಿಂಗಳು ೩೧ ಕೊನೆಯ ದಿನವಾಗಿದೆ.
ಗೋ ರಾ ಶ್ರೀನಿವಾಸ...
ಮೊ:9845856139.
ಪ್ರತಿಕ್ರಿಯೆಗಳು