ಚನ್ನಪಟ್ಟಣ: ಹನ್ನೆರಡನೆಯ ಶತಮಾನದ ಕಾಲಜ್ಞಾನಿ ನಿಜ ಶರಣ ಅಂಬಿಗರ ಚೌಡಯ್ಯರವರ ಆದರ್ಶ ತತ್ವಗಳು ಇಪ್ಪತ್ತೊಂದನೆಯ ಶತಮಾನದಲ್ಲೂ ಪ್ರಸ್ತುತ  ಎಂದು ಮಳವಳ್ಳಿ ನಗರದ ರಾಮರೂಢ ಮಠದ ಸ್ವಾಮಿಗಳಾದ ಶ್ರೀ ಬಸವಾನಂದಸ್ವಾಮೀಜಿ ತಮ್ಮ ಆಶೀರ್ವಚನದಲ್ಲಿ ತಿಳಿಸಿದರು.

ಅವರು ತಾಲ್ಲೂಕಿನ ಮುನಿಯಪ್ಪನದೊಡ್ಡಿ ಗ್ರಾಮದಲ್ಲಿನ ಶ್ರೀ ಕೊತ್ತನಹಳ್ಳಿ ಮಾರಮ್ಮ ದೇವಸ್ಥಾನದ ಆವರಣದಲ್ಲಿ ಆಯೋಜಿಸಲಾಗಿದ್ದ, ತಾಲ್ಲೂಕು ಕೊತ್ತನಹಳ್ಳಿ ಗ್ರಾಮದ ಮೂಲನಿವಾಸಿಗಳಾದ ಬೆಸ್ತರ ಸಂಘ ಹಾಗೂ ೩೯ ಉಪಜಾತಿಗಳ ಕ್ಷೇಮಾಭಿವೃದ್ದಿ ಸಂಘದ  ಸಂಯುಕ್ತಾಶ್ರಯದಲ್ಲಿ ನಿಜಶರಣ ಶ್ರೀ ಅಂಬಿಗರ ಚೌಡಯ್ಯ ನವರ ೯೦೦ ನೇ ಜಯಂತೋತ್ಸವ ಸಮಾರಂಭದಲ್ಲಿ, ಜ್ಯೋತಿ ಬೆಳಗಿಸುವುದರ ಮೂಲಕ ಉದ್ಘಾಟನೆ ಮಾಡಿ ಆಶೀರ್ವಚನ ನೀಡಿದರು.

 ೧೨ ನೇ ಶತಮಾನದಲ್ಲಿದ್ದ ಅಂದಿನ ನಿಜಶರಣ ಸಮಾಜದಲ್ಲಿ ಬೇರೂರಿದ್ದ ಜಾತಿವ್ಯವಸ್ಥೆಯ ವಿರುಧ್ದ ಹೋರಾಡಿದ ಬಸವಣ್ಣರವರ ಸಮಾಕಾಲಿನವರಾದ ನಿಜಶರಣ ಅಂಬಿಗರ ಚೌಡಯ್ಯರವರವರು ಬಸವಣ್ಣರವರಂತೆಯೇ ಜಾತಿಯತೆಯನ್ನು ಹೋಗಲಾಡಿಸಲು ಶ್ರಮಿಸಿದವರು ಎಂದರು.

ಶತಮಾನಗಳು ಕಳೆದಂತೆ ಜಾತಿಯತೆಯು ಅವನತಿ ಹಿಡಿಯುತ್ತಿದ್ದರೂ ಸಮುದಾಯಗಳು ಈಗಲೂ ಕೂಡ ಅಭಿವೃದ್ದಿಯತ್ತಾ ನಡೆಯದಿರುವುದು ಅತಂಕಕಾರಿ ಬೆಳವಣಿಗೆಯಾಗಿದ್ದು, ಸರ್ಕಾರಗಳು ಹಲವಾರು ರೀತಿಯ ಯೋಜನೆಗಳನ್ನು ಜಾರಿಗೆ ತಂದಿದೆ, ಈ ಯೋಜನೆಗಳ ಸದುಪಯೋಗವಾಗಬೇಕಿದೆ ಎಂದು ತಿಳಿಸಿದರು.

ಜಿಲ್ಲೆಯಲ್ಲಿಯೇ ತಾಲ್ಲೂಕಿನಲ್ಲಿ ಸಮುದಾಯದ ಸಂಘಟನೆಯನ್ನು  ಕಟ್ಟಿಕೊಂಡು, ಸಮುದಾಯದ ಅಭಿವೃದ್ದಿಗೆ  ತಮ್ಮನ್ನು ತಾನು ತೊಡಗಿಸಿಕೊಳ್ಳುತ್ತಿರುವ ಸಮುದಾಯದ ಸಂಘಟನೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಸ್ವಾಮೀಜಿಗಳು ಯಾವುದೇ ಕೆಳ ಸಮುದಾಯಗಳು ತಮ್ಮ ಹಕ್ಕನ್ನು ಕೇಳಿ ಪಡೆಯಬೇಕು‌ ನೀಡದಿದ್ದರೆ ಹೋರಾಟ ಮಾಡುವ ಸಂಘಟನೆ ಗುಣವನ್ನು ಮೈಗೂಡಿಸಿಕೊಳ್ಳಬೇಕೆಂದರು.

      

ಮುಖ್ಯ ಅತಿಥಿಗಳಾಗಿ ಮಾತನಾಡಿದ ರಾಜ್ಯ ಗಂಗಮತಸ್ಥರ ಸಂಘದ  ಪ್ರಭಾರ ರಾಜ್ಯಾಧ್ಯಕ್ಷ ಚಿನ್ನಸ್ವಾಮಿ , ನಂಬಿಕೆಗೆ ಮತ್ತೊಂದು ಹೆಸರೇ ನಿಜ ಶರಣ ಅಂಬಿಗರ ಚೌಡಯ್ಯರವರಾಗಿದ್ದು, ತಮ್ಮ ಜೀವಿತ ಅವಧಿಯಲ್ಲಿ ಸಮಾಜ ಹಾಗೂ ಸಮುದಾಯಕ್ಕೆ ತನ್ನದೇ ಆದ ಕೊಡುಗೆಗಳನ್ನು ನೀಡಿದ್ದಾರೆಂದು ನಿಜಶರಣರ  ಸೇವಾಕಾರ್ಯದ ಬಗ್ಗೆ ತಿಳಿಸಿದರು.

ಮಾಜಿ ಶಾಸಕ ದಿವಂಗತ ಡಿ.ಟಿ.ರಾಮುರವರ ಪುತ್ರ ಡಾ|| ಭಗತ್‍ರಾಮ್ ಮಾತನಾಡಿ ಸಮುದಾಯವು ಸಂಘಟಿತರಾಗಬೇಕು ಅಲ್ಲದೆ ಸ್ಪರ್ಧಾತ್ಮಕಯುಗದಲ್ಲಿ ಸಮುದಾಯಕ್ಕೆ ವಿದ್ಯೆ ಎಂಬುದು ಆಧಾರವಾಗಿದ್ದು, ಕುಲಕಸುಬಿನ ಜೊತೆಗೆ ತಮ್ಮ ಮಕ್ಕಳಿಗೆ ಗುಣಮಟ್ಟದ ವಿದ್ಯಾಭ್ಯಾಸವನ್ನು ನೀಡಬೇಕು ಎಂದು ಸಮುದಾಯಕ್ಕೆ ಕೆರೆ  ನೀಡಿದರು.

ಈ ಸಂದರ್ಭದಲ್ಲಿ ಕೊತ್ತನಹಳ್ಳಿ ಗ್ರಾಮದ ಮೂಲನಿವಾಸಿಗಳ ಬೆಸ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ನಗರಸಭೆ ನೀವೃತ್ತ ನೌಕರ ಈಶ್ವರ್ ಮಾತನಾಡಿ ಸಮುದಾಯಗಳು ಸಂಘಟನೆಯನ್ನು ಮೈಗೂಡಿಸಿಕೊಂಡಾಗ ಮಾತ್ರ ಸಮಾಜದಲ್ಲಿ ಬೆಳೆಯಲು ಸಾದ್ಯ ಎಂದು ತಿಳಿಸಿದರು.

ನಗರದ ಕೊಲ್ಲಾಪುರದಮ್ಮ ಮಹಾಲಕ್ಷ್ಮೀದೇವಾಲಯದಿಂದ ಬೆಳ್ಳಿ ರಥದಲ್ಲಿ ನಿಜಶರಣ ಅಂಬಿಗರ ಚೌಡಯ್ಯರವರ ಭಾವಚಿತ್ರವನ್ನು ಇರಿಸಿ ವಿವಿಧ ಸಾಂಸ್ಕøತಿಕ ಮನರಂಜನೆಗಳ ಮುಖಾಂತರ ಮೆರವಣಿಗೆಯಲ್ಲಿ ಗ್ರಾಮದವರೆವಿಗೂ ಕರೆತರಲಾಯಿತು.

ಈ ಸಂದರ್ಭದಲ್ಲಿ ಗ್ರಾಮದಲ್ಲಿ ಸಾಂಸ್ಕøತಿಕ ಮನರಂಜನೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು, ಜೂನಿಯರ್ ರಾಜಕುಮಾರ್ ಆಶೋಕ್ ಬಸ್ತಿ ರಸಮಂಜರಿ ಕಾರ್ಯಕ್ರಮ ನಡೆಸಿಕೊಟ್ಟರು.

ವೇದಿಕೆಯ ಮೇಲೆ ಸಮುದಾಯದ ಅಧ್ಯಕ್ಷ ರಾಜಣ್ಣ, ಜನಮೆಚ್ಚಿದ ಅತ್ಯುತ್ತಮ ಶಿಕ್ಷಕ ರಾಮು, ಮುಖಂಡರುಗಳಾದ ತಾರಕೇಶ್, ದೊಡ್ಡಯ್ಯ, ಮಲ್ಲಯ್ಯ, ಚಿಕ್ಕಯ್ಯ, ಕೆ.ಇ.ಬಿ.ಈಶ್ವರ್, ನೇತ್ರಾವತಿ, ಟಿ.ಮಲ್ಲಯ್ಯ, ಸಿದ್ದಲಿಂಗಯ್ಯ, ಬೋರಪ್ಪ, ರೇವಣ್ಣ, ಚೌಡಪ್ಪ ಹಾಗೂ ಹಲವಾರು ಮಂದಿ ಹಾಜರಿದ್ದರು.

ಗೋ ರಾ ಶ್ರೀನಿವಾಸ...

ಮೊ:9845856139.