ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ

ಸೋಮವಾರ ಮತ್ತು ಶುಕ್ರವಾರ ಸ್ತ್ರೀಯರು ಉಪವಾಸ ದೀಕ್ಷೆ ಏಕೆ ಪಾಲಿಸಬೇಕು ?

ಉಪವಾಸವನ್ನು ಯಾವ ದಿನವಾದರೂ ಇರಬಹುದು. ಆದರೆ ಸೋಮವಾರ ಮತ್ತು ಶುಕ್ರವಾರದ ದಿನಗಳಲ್ಲಿ ಸ್ತ್ರೀಯರು ಉಪವಾಸ ಮಾಡುವುದಕ್ಕೆ ಬಹಳ ಒಳ್ಳೆಯ ದಿನಗಳಾಗಿವೆ.

ಸೋಮವಾರದ ವ್ರತವು ವಿವಾಹಕ್ಕೆ ಅನುಕೂಲವಾದ ಸಂಬಂಧವನ್ನು ತೆಗೆದುಕೊಂಡು ಬರುವುದಲ್ಲದೆ ಕುಟುಂಬ ಕ್ಷೇಮಕ್ಕೆ ಮಕ್ಕಳ ಅಭಿವೃದ್ಧಿಗೆ ಸಹಾಯಕವಾಗುತ್ತದೆ. ಈ ದಿನ ಆರಾಧನೆಯ ಕೇಂದ್ರೀಕರಣ ವೆಲ್ಲವು ಉಮಾಶಂಕರ ಮೇಲೆಯೇ ಇರಬೇಕು. ಉಮಾಶಂಕರ )ಅಥವಾ ದಂಪತಿಗಳು ಆಗಿರುವ ಯಾವುದೇ ದೇವರುಗಳ) ಆರಾಧನೆ, ಭೌತಿಕವಾದ ಸಿರಿ ಸಂಪತ್ತುಗಳು, ಸೌಖ್ಯಕ್ಕಾಗಿ ಹಂಬಲಿಸುವವರ ಕುಟುಂಬದ ಕ್ಷೇಮಕ್ಕಾಗಿ ಮತ್ತು ಅಭಿವೃದ್ಧಿಗಾಗಿ ಆಚರಿಸುವರು. ಉಮಾ ಶಂಕರರ ಪೂಜೆಯನ್ನು ನಿಯಮ ನಿಷ್ಠೆಗಳಿಂದ ಅಚಂಚಲ ಭಕ್ತಿ ವಿಶ್ವಾಸಗಳಿಂದ ಸ್ಥಿರವಾದ ಬುದ್ಧಿಯಿಂದ ಮಾಡುವವರಿಗೆ ಮಾನಸಿಕ ಮತ್ತು ಭೌತಿಕವಾದ ಕ್ಷೇಮ ಲಾಭಗಳು ಉಂಟಾಗುವವು.

ಹೀಗೆ ಶ್ರದ್ಧೆಯಿಂದ ಪೂಜೆಯನ್ನು ಮಾಡುವವರನ್ನು ಈಶ್ವರನು ಆಶೀರ್ವದಿಸುವ ಎಂಬ ಮಧುರ ಭಾವನೆಯಲ್ಲಿ ಮುಳುಗಿದ್ದು ಬಹಳ ಆನಂದ ಮತ್ತು ತೃಪ್ತಿಯನ್ನು ಹೊಂದುತ್ತಾರೆ. ಶುಕ್ರವಾರ ಮಾಡುವ ಉಪವಾಸ ಅಮ್ಮನವರನ್ನು ಪ್ರಸನ್ನ ಮಾಡುವುದಕ್ಕೆ ಮಾಡಲಾಗುತ್ತದೆ ಮಹಾಗೌರಿ, ಲಕ್ಷ್ಮೀದೇವಿ, ಸರಸ್ವತಿದೇವಿ, ಸಂತೋಷಿಮಾತಾ ಮುಂತಾದ ದೇವತೆಗಳನ್ನು ಪ್ರಸನ್ನ ಮಾಡುವುದಕ್ಕಾಗಿ ಈ ದಿನ ಪೂಜಾ ಕಾರ್ಯಗಳನ್ನು ಮಾಡಲ್ಪಡುತ್ತದೆ.

ಸೋಮವಾರ ಮತ್ತು ಶುಕ್ರವಾರ ಗಳ ದಿನಗಳಲ್ಲಿ ಮಾಡುವ ಉಪವಾಸದ ಪೂಜೆ-ಪುನಸ್ಕಾರಗಳು ಭಕ್ತರಿಗೆ ಕ್ರಮ ಶಿಕ್ಷಣ ಮತ್ತು ಆತ್ಮ ಸ್ಥೈರ್ಯವನ್ನು ನೀಡುತ್ತವೆ. ಮಾನಸಿಕ ಚಿಂತೆಗಳು ದೂರವಾಗಿ ಪ್ರಸನ್ನತೆಯನ್ನು ಹೊಂದುತ್ತಾರೆ. ಈ ರೀತಿಯಾದ ದೈವ ಕಾರ್ಯಗಳಿಂದ ಕುಟುಂಬದಲ್ಲಿ ಆನಂದ ಸಂತೃಪ್ತಿ ಮತ್ತು ಶಾಂತಿ ತಾಂಡವಾಡುತ್ತದೆ.

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*