ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ

ತಲೆಯ ಮೇಲೆ ಒಂದು ತೆಂಗಿನಕಾಯಿಯನ್ನು ಏಕೆ ಹೊತ್ತುಕೊಂಡು ಹೋಗಬಾರದು ?

ಭಾರಗಳನ್ನು ಸಾಮಾನ್ಯವಾಗಿ ತಲೆಯ ಮೇಲೆ ಇಟ್ಟುಕೊಂಡು ಹೊತ್ತುಕೊಂಡು ಹೋಗುವ ಅಭ್ಯಾಸವು ಹಿಂದಿನ ಕಾಲದಲ್ಲಿತ್ತು. ತೆಂಗಿನ ತೋಟ ಇರುವವರು ಬಹುಶಃ ಇಂತಹ ನಿಯಮವನ್ನು ಇಟ್ಟಿರುತ್ತಾರೆ.

*ಮನೆಯ ಕೆಲಸಗಳನ್ನು ಮಾಡುವುದು ಮಕ್ಕಳಿಗೆ ದಿನಾಚರ್ಯೆಯ ಒಂದು ಭಾಗವಾಗಿತ್ತು. ಈ ರೀತಿಯಾದ ಮನೆಯ ಕೆಲಸಗಳನ್ನು ಮಾಡುವ ಮುಖಾಂತರ ಅವರಿಗೆ ವಿವಿಧ ಕೆಲಸಗಳನ್ನು ಮಾಡುವುದರಿಂದ ಅನುಭವ ಉಂಟಾಗಿ ಭವಿಷ್ಯತ್ತಿನಲ್ಲಿ ಸಮರ್ಥರಾಗಿ ಅವರ ಕೆಲಸಗಳನ್ನು ಅವರೇ ಮಾಡಿಕೊಳ್ಳುವರೆಂದು ಈ ರೀತಿಯಾದ ಶಿಕ್ಷಣವನ್ನು ಮಕ್ಕಳಿಗೆ ಕೊಡುತ್ತಿದ್ದರು.*

ತಲೆಯ ಮೇಲೆ ಒಂದು ತೆಂಗಿನಕಾಯಿಯನ್ನು ಹೊತ್ತುಕೊಂಡು ಹೋಗಬಾರದು ಎನ್ನುವುದಕ್ಕೆ ಎರಡು ಕಾರಣಗಳಿವೆ. ಒಂದು ಸಿಪ್ಪೆ ತೆಗೆಯದ ತೆಂಗಿನಕಾಯಿ ಬಹಳ ನುಣ್ಣಗಿದ್ದು ಕೈಯಿಂದ ಜಾರಿ ಕಾಲಿನ ಮೇಲೆ ಬೀಳಬಹುದು ಅಥವಾ ಬೇರೆಯವರ ಮೇಲೆ ಬೀಳಬಹುದು. ಒಂದಕ್ಕಿಂತ ಹೆಚ್ಚಾಗಿದ್ದರೆ ಅದನ್ನು ಗೊನೆಯೊಂದಿಗೆ ಅಥವಾ ಒಂದಕ್ಕೊಂದು ಕಟ್ಟಿ ಎತ್ತಿಕೊಂಡು ಹೋಗಬಹುದು. ತಲೆಯ ಮೇಲೆ ಕಾಯಿಗಳನ್ನು ಇಟ್ಟುಕೊಳ್ಳುವುದರಿಂದ ಮಕ್ಕಳು ಭಾರವನ್ನು ಭರಿಸಲಾಗದೆ ಹೋಗಬಹುದು. ಆದ್ದರಿಂದ ಒಂದು ಬುಟ್ಟಿಯನ್ನು ಉಪಯೋಗಿಸಿದರೆ ಒಳ್ಳೆಯದೆಂದು ಅವರ ಭಾವನೆ ಆಗಿರಬಹುದು.

ಎರಡನೆಯ ಕಾರಣವೇನೆಂದರೆ ಸಮಯದ ಅಭಾವ. ಹೀಗೆ ಒಂದೊಂದೇ ಹೊತ್ತುಕೊಂಡು ಹೋಗುವುದರಿಂದ ಬಹಳ ಸಮಯ ತೆಗೆದುಕೊಳ್ಳುತ್ತದೆ. ಬುಟ್ಟಿಯನ್ನು ಉಪಯೋಗಿಸುವುದರಿಂದ ಒಂದರ ಬದಲು ಕನಿಷ್ಠ ನಾಲ್ಕು ಕಾಯಿಗಳನ್ನು ಅನಾಯಾಸವಾಗಿ ಯಾವುದೇ ತೊಂದರೆ ಇಲ್ಲದೆ ಹೊತ್ತುಕೊಂಡು ಹೋಗಬಹುದು.

*ಹೀಗೆ ಅನೇಕ ಮರ್ಮಗಳು ಇಲ್ಲದೇ ನಮ್ಮ ಪೂರ್ವಿಕರು ಅಂತಹ ನಿಯಮಗಳನ್ನು ಮಾಡಿಲ್ಲವೆಂದು ನಾವು ಸದಾ ನೆನಪಿನಲ್ಲಿಟ್ಟುಕೊಳ್ಳಬೇಕು. ಮೂಢನಂಬಿಕೆಗಳೆಂದು ಮೇಲೆ ಮೇಲೆ ಅರ್ಥಮಾಡಿಕೊಂಡು ನಿರ್ಲಕ್ಷ್ಯ ಮಾಡದೆ ಅದರಲ್ಲಿನ ಪರಮಾರ್ಥವನ್ನು ಗ್ರಹಿಸಿ ಸೂಕ್ಷ್ಮ ದೃಷ್ಟಿಯಿಂದ ಅರ್ಥ ಮಾಡಿಕೊಳ್ಳಬೇಕು.*

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*