ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

*ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ*

ಕಾಮವನ್ನು, ಕ್ರೋಧವನ್ನು ಹಾಗೂ ಅಜ್ಞಾನವನ್ನು ಏಕೆ ಹೋಗಲಾಡಿಸಬೇಕು ?

ಹುಟ್ಟಿದವನು ನಾನಾ ರೀತಿಯ ಕಷ್ಟಗಳನ್ನು ಗತ ಜನ್ಮಗಳ ಪಾಪ ಫಲವಾಗಿ ಅನುಭವಿಸದೆ ತಪ್ಪದು. ಜನ್ಮಕ್ಕೆ ಮೂಲ ಕಾರಣ ಕೋರಿಕೆ ( ಕಾಮ ). ಕೋರಿಕೆಗಳು ತಾನು ಆಶಿಸಿದ ವಿಧವಾಗಿ ಫಲಿಸದೆ ಹೋಗುವುದರಿಂದ ಕ್ರೋಧ ( ಕೋಪ, ಅಸೂಯೆ, ದ್ವೇಷ ಮುಂತಾದುವು ) ಉಂಟಾಗುವುದು. ಹೀಗೆ ಕಾಮ ಕ್ರೋಧಗಳಿಂದ ಅಜ್ಞಾನವು ಬೆಳೆದು ಜ್ಞಾನ ದೃಷ್ಟಿ ಕಡಿಮೆಯಾಗುವುದು. ಆದ್ದರಿಂದ ಮಾನವರು ಕಾಮ ಕೋಧಗಳನ್ನು ಜಯಿಸಿದ ಹಾಗಾದರೆ ಭಕ್ತಿ ಶ್ರದ್ದೆಗಳು ಬೆಳೆದು ಈಶ್ವರ ಕಟಾಕ್ಷದಿಂದ ಬ್ರಹ್ಮ ಜ್ಞಾನವು ಉದಯಿಸುತ್ತದೆ. ಹೀಗೆ ಒಂದು ಜೀವಾತ್ಮ ಪರಮಾತ್ಮವಾಗಿ ಶಾಶ್ವತನಾಗಿ ಪರಮ ಗಮ್ಯವನ್ನು ಸೇರುವನು.

ಭೌತಿಕ ದೃಷ್ಟಿಯಲ್ಲಿ ನೋಡಿದಾಗ ಕಾಮವು ( ಸೆಕ್ಸ್ ಕೋರಿಕೆಗಳು ಹಾಗೂ ಇತರೆ ಕೋರಿಕೆಗಳು ) ಕೋರಿಕೆಗಳೇ ಕುದುರೆಗಳಾದರೆ ಧನದ ಹಿಂದೆ ಮನುಷ್ಯ ಬೆಂಬತ್ತಿ, ಅಂತಹ ಧನದಿಂದ ಕಂಠಪೂರ್ತಿ ಮದ್ಯವನ್ನು ಕುಡಿದು ಕಸಮಿಸಿದವರನ್ನು ಕಾಮಿಸಿ, ಶೀಲವನ್ನು ನಾಶ ಮಾಡಿ ಕೊಂಡು ಸರ್ವ ವಿಧಗಳಾಗಿ ಪತನವಾಗುವನುು. ಇಂತಹ ಮನುಜನು ತನ್ನ ಸರ್ವ ಧರ್ಮವನ್ನು ಮರೆತು ತನ್ನ ಭಾರ ಬಾಧ್ಯತೆಗಳನ್ನು ಮರೆತು, ತನ್ನ ಮೇಲೆ ಆಧಾರ ಬಿದ್ದವರಿಗೆ ಕಣ್ಣೀರನ್ನು ಉಳಿಸುವನು.

ಕ್ರೋಧದಿಂದ ಎಲ್ಲರಿಗೂ ಶತೃವಾಗುವನು ಹಾಗೂ ಅಪಕೀರ್ತಿ ಹೊಂದುವನು. ಇಂತಹ ಅಲ್ಪ ಗುಣಗಳಿಂದ ತಾತ್ಕಾಲಿಕ ಆವೇಶದಿಂದ ಎಷ್ಟೋ ಕಾಲದಿಂದ ಬಚ್ಚಿಟ್ಟ ಪುಣ್ಯವು ಭಸ್ಮವಾಗುವುದು. ಅವನನ್ನು ಅಜ್ಞಾನವು ಆವರಿಸಿ ಬ್ರಹ್ಮ ಜ್ಞಾನಕ್ಕೆ ದೂರ ಮಾಡಿ ನೀಚಯೋನಿಗಳಲ್ಲಿ ಜನ್ಮ ತಾಳಿಸುವುದು. ಆದ್ದರಿಂದ ಎಷ್ಟೋ ಜ್ಞಾನವಂತರಾದ ನಮ್ಮ ಪೂರ್ವಿಕರು ಕಾಮ ಕೋಧಗಳನ್ನು ಹತ್ತಿರ ಸೇರಿಸಬಾರದೆಂದು ನಮಗೆ ಸುಬೋಧೆ ಮಾಡಿರುವರು. ಮಾನವ ಜೀವನ ಪರಮಾರ್ಥವಾದ ಮೋಕ್ಷಕ್ಕೆ (ಆತ್ಮೋನ್ನತಿ) ಅಡ್ಡವಾಗುತ್ತಿರುವ ಸರ್ವ ದುರ್ಗುಣಗಳನ್ನು ನಾಶಪಡಿಸಿ ಶಾಶ್ವತ ಆನಂದವನ್ನು ಹೊಂದಬೇಕು.

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*