ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

*ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ*

ಆರೋಗ್ಯಕರವಾದ ಜೀವನವನ್ನು ಸಾಗಿಸುವುದಕ್ಕೆ ಎಂತಹ ನಿಯಮಗಳನ್ನು ಅನುಸರಿಸಬೇಕು ?

೧). ಪ್ರಯಾಣಿಸುವಾಗ ಓದುವುದರಿಂದ ಕಣ್ಣುಗಳಿಗೆ ತೊಂದರೆ ಉಂಟಾಗುತ್ತದೆ. ಆದ್ದರಿಂದ ಅದು ಕೂಡದು. ಹಾಗೆಯೇ ಬೆಳಕು ಕಡಿಮೆ ಅಥವಾ ಹೆಚ್ಚಿದ್ದರೂ ಓದಬಾರದು. 

೨). ನಿದ್ರಿಸುವಾಗ ಪಶ್ಚಿಮ ಅಥವಾ ಪೂರ್ವ ದಿಕ್ಕುಗಳಿಗೆ ತಲೆ ಇಟ್ಟು ನಿದ್ರಿಸುವುದು ಶುಭವು. ಉತ್ತರ, ಈಶಾನ್ಯ, ವಾಯುವ್ಯ, ಆಗ್ನೇಯ ಹಾಗೂ ನೈರುತ್ಯ ದಿಕ್ಕುಗಳಿಗೂ ತಲೆ ಇಟ್ಟು ಮಲಗುವುದು ಸರಿಯಾದುದಲ್ಲವೆಂದೂ ಹೇಳಲಾಗಿದೆ. 

೩). ಕೊಳೆತ ಅಥವಾ ಒಣಗಿದ ಹಣ್ಣುಗಳನ್ನು ತಿನ್ನುವುದು ಆರೋಗ್ಯ ವಾದುದಲ್ಲ.ಹಾಗೆಯೇ ಒಂದೇ ಸಾರಿ ವಿವಿಧ ಫಲಗಳನ್ನು ತಿನ್ನುವುದು ಸರಿಯಲ್ಲ. 

೪). ಊಟ ಮಾಡಿದ ತಕ್ಷಣ ಸ್ನಾನ ಮಾಡಬಾರದು. 

೫). ಅತಿಯಾಗಿ ಸಂಭೋಗಿಸುವುದು ಸರಿಯಲ್ಲ.

೬). ರಾತ್ರಿಯಲ್ಲಿ ನಿದ್ದೆ ಹೋಗದಿರುವಿಕೆ ಹಾಗೂ ಬೆಳಗ್ಗೆ ಬೇಗನೇ ನಿದ್ದೆಗೆ ಜಾರುವುದು ಸರಿಯಲ್ಲ.

೭). ಸದಾ ಏನಾದರೂ ತಿನ್ನುತ್ತಿರುವುದು ಸರಿಯಲ್ಲ. 

೮). ಅತಿಯಾಗಿ ಟೀ, ಕಾಫಿ ಇಲ್ಲವೇ ನಿಂಬೆ ರಸ ಕುಡಿಯುವುದು ಸಲ್ಲದು. ಅದು ಅತಿ ಮೂರ್ಖ ಲಕ್ಷಣ. 

೯). ಇತರರನ್ನು ಕಠಿಣ ಪದಗಳಿಂದ ಕೆಟ್ಟ ಮಾತು ಗಳಿಂದ ನಿಂದಿಸಬಾರದು. 

೧೦). ಇತರರಿಗೆ ಆಗುವ ಕೆಡಕನ್ನು ನೋಡಿ ಆನಂದ ಪಡಬಾರದು.ಇದು ರಾಕ್ಷಸ ಗುಣ. ಇತರರಿಗೆ ನಡೆದ ಕೆಟ್ಟ ಘಟನೆಗಳನ್ನು ಸಂಗ್ರಹಿಸುವುದು ತಕ್ಕದಲ್ಲ.

೧೧). ನಿನ್ನನ್ನು ನೀನು ನಿಂದಿಸಿ, ಹೀಯಾಳಿಸಿಕೊಳ್ಳಬಾರದು. ಹಾಗೆಯೇ ಅಹಂಭಾವದಲ್ಲಿ ನಿನ್ನ ಹೆಚ್ಚುಗಾರಿಕೆಯನ್ನು ಹೇಳಿಕೊಳ್ಳಬಾರದು.

೧೨). ಪುರುಷರು ತನಗಿಂತ ಹೆಚ್ಚು  ವಯಸ್ಸಿನ ಸ್ತ್ರೀಯನ್ನು ಮದುವೆ ಮಾಡಿಕೊಳ್ಳುವುದು. ಮತ್ತು ಸಂಭೋಗಿಸುವುದು ಸಲ್ಲದು. ತನಗಿಂತ ಶರೀರ ಪ್ರಮಾಣದಲ್ಲಿ (ಎತ್ತರ ಹಾಗೂ ಭಾರದಲ್ಲಿ) ಹೆಚ್ಚಿರುವ ಪುರುಷ, ಸ್ತ್ರೀ ಯೊಂದಿಗೆ ದೈಹಿಕ ಸಂಪರ್ಕ ಸಲ್ಲದು. 

೧೩). ಉಗುರು, ತಲೆಗೂದಲು ಹಾಗೂ ಬಟ್ಟೆಗಳನ್ನು ಕಚ್ಚುವುದು ಒಳ್ಳೆಯದಲ್ಲ. 

೧೪). ರಾತ್ರಿಯಲ್ಲಿ ಭೂಮಿಯನ್ನು  ಉಳುಮೆ ಮಾಡಬಾರದು. 

೧೫). ಗರ್ಭಿಣಿಯರು ಗ್ರಹದ ಸಮಯದಲ್ಲಿ  ಹೊರಗೆ ಹೋಗಬಾರದು.

೧೬). ಹತ್ತಿರದ ಬಂಧುಗಳು ಮರಣ ಹೊಂದಿದಾಗ ಮನೆಯಲ್ಲಿ ಶಿಶುವಿನ ಜನ್ಮ ಕಾಲದಲ್ಲಿ ನಿನಗೆ ಅನಾನುಕೂಲವುಂಟಾದಾಗ , ದೇವಾಲಯದ ಪ್ರವೇಶವನ್ನು ಹಿರಿಯರು ನಿಷೇದಿಸಿದಾಗ ದೇವಾಲಯಕ್ಕೆ ಹೋಗಬಾರದು.

೧೭). ಯಾವ ಮನೆಯಲ್ಲಿ ಸ್ತ್ರೀ ನಿರಂತರವೂ ಬಾದೆಪಡುತ್ತಾ ಅಳುವಳೋ ಹಾಗೆಯೇ ತಲೆ ಕೂದಲನ್ನು ಬಾಚಣಿಗೆಯಲ್ಲಿ ಅಲ್ಲದೆ ಎರಡೂ ಕೈಗಳಿಂದ ಬಾಚಿಕೊಳ್ಳುವಳೋ ಅಂತಹ ಮನೆಯಲ್ಲಿ ದರಿದ್ರವು ತಾಂಡವವಾಡುತ್ತದೆ.

೧೮). ಯಾರಾದರೂ ಪ್ರಯಾಣ ಮಾಡಿ ಹೋಗುತ್ತಿರುವಾಗ ಹಿಂದಿನಿಂದ ಕರೆಯಬಾರದು. ೧೯). ದೇವಾಲಯದ ಗಂಟೆಯಲ್ಲಿನ ಮಧ್ಯದ ಕಡ್ಡಿ, ಶಂಖದ ಹೊರಭಾಗವು, ಆಧ್ಯಾತ್ಮಿಕ ಗ್ರಂಥವು ಹಾಗೂ ಸ್ತ್ರೀಯ ಸ್ತನಗಳು ನೆಲವನ್ನು ತಾಕಬಾರದು. ೨೦). ಮಕ್ಕಳ ಮುಂದೆ ಜಗಳ ಮಾಡುವುದು ಅಸಭ್ಯಕರವಾದ ಮಾತುಗಳನ್ನು ಮಾತನಾಡುವುದು ಸಲ್ಲದು. ಅವರು ನೈತಿಕವಾಗಿ ಕೆಡುವ ಹಾಗೆ ಮಾಡುವ ಕೆಲಸಗಳನ್ನು ಮಕ್ಕಳು ಕೇಳುವುದು ಅಥವಾ ನೋಡುವುದು ಸಲ್ಲದು. ಮಕ್ಕಳಲ್ಲಿ ನ್ಯೂನತಾ ಭಾವವನ್ನು ಉಂಟು ಮಾಡುವ ಕೆಲಸಗಳನ್ನು ಮಾಡಬಾರದು.

೨೧). ಇತರರ ವಿಷಯಗಳಲ್ಲಿ ಅನಾವಶ್ಯಕವಾಗಿ ತಲೆ ಹಾಕುವುದು ಸಲ್ಲದು. ಅಸೂಯೆ, ದ್ವೇಷಗಳು ಹಾಗೂ ಮತ್ಸರಗಳ ಚರ್ಯೆಗಳು ವ್ಯಕ್ತಿಯೊಬ್ಬನ ಜೀವನವನ್ನು ನಾಶಪಡಿಸುತ್ತದೆ.

೨೨). ಪಿತೃ ದೇವತೆಗಳಿಗೆ ಪೂಜಾಧಿ ಕಾರ್ಯಕ್ರಮಗಳನ್ನು ಮಾಡುವಾಗ ತಲೆಗೆ ಎಣ್ಣೆಯನ್ನು ಹಚ್ಚಿಕೊಳ್ಳಬಾರದು.

೨೩). ಪೂಜೆಗೆ ಬಳಸುವ ವಸ್ತುಗಳು ಸ್ಟೀಲ್ ನದ್ದಾಗಿರಬಾರದು. ಉತ್ತರ ದಿಕ್ಕಿಗೆ ದೇವರ ವಿಗ್ರಹಗಳು ಹಾಗೂ ದೇವರ ಪಟಗಳನ್ನು ಇಟ್ಟು ಪುರ್ವ ಅಥವಾ ಪಶ್ಚಿಮ ದಿಕ್ಕಿಗೆ ಕುಳಿತುಕೊಂಡು ಪೂಜೆ ಹಾಗೂ ನಮಸ್ಕಾರವನ್ನು ಮಾಡಬೇಕು. ದಕ್ಷಿಣ ದಿಕ್ಕಿಗೆ ಮುಖ ಮಾಡಿ ಪೂಜಿಸುವುದು ಸಲ್ಲದು . ಅದಕ್ಕಾಗಿ ದೇವರ ಮುಖ ಉತ್ತರಕ್ಕಿದರೆ ಈ ಸಮಸ್ಯೆ ಇರುವುದಿಲ್ಲ.

೨೪). ಯುದ್ಧಕ್ಕಾಗಿ ಶಂಖವನ್ನು ಊದುತ್ತಿರುವ ಶ್ರೀಕೃಷ್ಣನ ಹಾಗೂ ವೇಣುವನ್ನು ಊದುತ್ತಾ ಒಬ್ಬನೇ ನಿಂತಿರುವ ಶ್ರೀಕೃಷ್ಣನ ಪಟಗಳನ್ನಾಗಲೀ ವಿಗ್ರಹಗಳನ್ನಾಗಲೀ ಮನೆಯಲ್ಲಿಡಬಾರದು. ವೇಣುವನ್ನೂ ದುತ್ತಾ ಶ್ರೀಕೃಷ್ಣನು ಹಸುವಿನೊಂದಿ - ಗಾಗಲೀ ಇಲ್ಲವೇ ರಾಧೆಯ ಜೊತೆಗಾಗಲಿ ಇದ್ದರೆ ಅದನ್ನು ಪೂಜಿಸಬಹುದು.

೨೫). ಲಕ್ಷ್ಮೀದೇವಿ ಕುಳಿತುಕೊಂಡಿರುವ ಪಟವನ್ನೋ ಅಥವಾ ವಿಗ್ರಹವನ್ನೋ ಪೂಜಿಸಬಹುದು. ಆದರೆ ನಿಂತಿರುವ ಲಕ್ಷ್ಮೀ ದೇವಿಗೆ ಸಲ್ಲದೆಂದು ಹೇಳುವರು. ಕುಳಿತಿರುವ ಲಕ್ಷ್ಮಿದೇವಿಗೆ ಪೂಜೆ ಮಾಡಿದರೆ ಧನವು ಭಕ್ತನ ಮನೆಯಲ್ಲಿ ಸದಾ ಇರುವುದೆಂಬ ನಂಬಿಕೆ.

ಇವುಗಳು ನಮ್ಮ ಸಂಪ್ರದಾಯದಲ್ಲಿ ಹಾಸುಹೊಕ್ಕಾಗಿವೆ. 

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*