ಭಾರತೀಯ ಆಚಾರ ವ್ಯವಹಾರಗಳಲ್ಲಿ ಅಡಗಿರುವ ಶಾಸ್ತ್ರೀಯತೆ ಶಾಸ್ತ್ರೀಯ ದೃಷ್ಟಿಯಿಂದ ವಿಶ್ಲೇಷಿಸಿರುವ ಗ್ರಂಥ

*ಇಂಗ್ಲಿಷ್ ಮೂಲ ಲೇಖಕ: ಡಾ ವೆಂಗನೂರು ಬಾಲಕೃಷ್ಣನ್.

ಕನಡಕ್ಕೆ: ಊರುಕುಂಟೆ ನರಸಿಂಹ ಮೂರ್ತಿ*

ಒಬ್ಬ ಹಿಂದೂ ಪೂಜಾರಿಗೆ ಇರಬೇಕಾದ ಗುಣ ಲಕ್ಷಣಗಳು ಯಾವುವು ?

ಹಿಂದೂ ದೇವಾಲಯಗಳಲ್ಲಿ ಪೂಜಾರಿ ಯಾಗಿ ಇರುವುದಕ್ಕೆ ಕೆಲವು ಮುಖ್ಯ ಅರ್ಹತೆಗಳು ಇರಬೇಕು. ಮೊದಲು ಆತನಿಗೆ, ಆತನು ಪೂಜೆ ಮಾಡುತ್ತಿರುವ ದೇವರ ಬಗ್ಗೆ ಪರಿಜ್ಞಾನವಿರಬೇಕು. ನಂತರ ಆತನಿಗೆ ಪೂಜಾತಂತು, ಮಂತ್ರಗಳು ಮತ್ತು ಶ್ರದ್ಧಾಶಕ್ತಿಗಳು ಗೊತ್ತಿರಬೇಕು.

ಯಾವುದೋ ಕೆಲಸದ ಹಾಗೆ ಬೇಗ ಬೇಗ ಪೂಜೆಯನ್ನು ಮುಗಿಸದೆ, ಪೂಜೆ ಮಾಡುವ ಅಂಕಿತ ಭಾವದಿಂದ ಇದ್ದು, ಹೆಚ್ಚಿನ ಸಮಯವನ್ನು ಪೂಜೆಯಲ್ಲಿಯೇ ಕಳೆಯಬೇಕು. ಆತನು ತನ್ನ ಮನೋ ದೇಹಗಳನ್ನು ಶುದ್ಧವಾಗಿ ಇಟ್ಟುಕೊಳ್ಳಬೇಕು.

ಹಾಗೆಯೇ ದೇವಾಲಯವನ್ನು ಅತಿ ಶುಭ್ರವಾಗಿ ಇಟ್ಟುಕೊಳ್ಳಬೇಕು. ಗರ್ಭಗುಡಿಯ ಪವಿತ್ರತೆಯನ್ನು ಕಾಪಾಡಬೇಕು. ಆತನು ಪೂಜೆ ಮಾಡುತ್ತಿರುವ ದೇವರ ಆರಾಧಾನಾಂಶಗಳನ್ನು ನಿರಂತರವಾಗಿ ತಿಳಿದುಕೊಳ್ಳುತ್ತಾ ತನ್ನ ಪೂಜೆಯನ್ನು ಇನ್ನೂ ಶ್ರೇಷ್ಠವಾದುದಾಗಿ ಮಾಡಿಕೊಳ್ಳಬೇಕು.

ಇಂತಹ ಪೂಜಾರಿ ದಿನಕ್ಕೆರಡು ಬಾರಿ ಸಂಧ್ಯಾವಂದನೆಯನ್ನು ಆಚರಿಸಬೇಕು. ಜನ್ಮತ: ಬ್ರಾಹ್ಮಣರಿಗೆ ಮಾತ್ರವೇ ಪೂಜಾರಿಯಾಗಿ ಹೆಚ್ಚಿನ ಮನ್ನಣೆ ಇರುವುದರಿಂದ ಬ್ರಾಹ್ಮಣನಾದಂತಹ ಪೂಜಾರಿಯು ಲೋಕ ವಿಶ್ವಾಸಕ್ಕೆ ಭಂಗವನ್ನುಂಟುಮಾಡದೆ ಎಚ್ಚರಿಕೆಯಿಂದ ಪೂಜೆಗಳನ್ನು ಮಾಡಬೇಕು. ಕುಲದೈವವನ್ನಲ್ಲದೆ ಅನ್ಯ ದೇವರಿಗೆ ಪೂಜೆ ಮಾಡುತ್ತಿದ್ದರೆ, ಮೊದಲು ಕುಲ ದೇವತೆಗೆ ತಾನು ಮಾಡುವ ಆರಾಧನೆಯನ್ನು ತಿಳಿಸಿ, ಅನುಮತಿಯನ್ನು ಹೊಂದಬೇಕು. ಪೂಜಾರಿಯು ಜ್ಯೋತಿಷ್ಯ ಹಾಗೂ ಮಂತ್ರಶಾಸ್ತ್ರವನ್ನು ತನ್ನ ಗುರುವಿನ ಹತ್ತಿರ ಅಭ್ಯಸಿಸಬೇಕು. ಗುರುವಿನ ಆಜ್ಞಾನುಸಾರವೇ ಇವುಗಳನ್ನು ವಿನಿಯೋಗಿಸಿಕೊಳ್ಳಬೇಕು.

ಪೂಜಾರಿಗೆ ವಿಸ್ತಾರವಾಗಿ ಆಧ್ಯಾತ್ಮಿಕ ಸಾಹಿತ್ಯದಲ್ಲಿ ಪರಿಚಯ ಇರಬೇಕು. ಸಾಧು ಸಂತರೊಂದಿಗೆ ಸಾಂಗತ್ಯವನ್ನು ಹೊಂದಿರಬೇಕು. ತನ್ನ ಆಧ್ಯಾತ್ಮಿಕ ಜ್ಞಾನವನ್ನು ವಿಸ್ತರಿಸಿಕೊಳ್ಳುತ್ತಾ, ಸಮಾಜಕ್ಕೆ ಸಮಾಜಕ್ಕೆ ತಕ್ಕ ಸಮಾಚಾರವನ್ನು ತಿಳಿಸುತ್ತಿರಬೇಕು. ಹಾಗೆಯೇ ದೇವರಿಗೆ ವಿವಿಧ ನೈವೇದ್ಯಗಳನ್ನು ಮಾಡುವ ನೈಪುಣ್ಯತೆಯನ್ನು ಸಾಧಿಸಬೇಕು.

*ಸಂಗ್ರಹ ಮತ್ತು ಪ್ರಚಾರ;*

*ಗೋ ರಾ ಶ್ರೀನಿವಾಸ...*

*ಮೊ:9845856139.*