ನಗರದೊಳಗಿನ ಬಹುತೇಕ ರಸ್ತೆಗಳ ಕಾಮಗಾರಿಗಳು ನಡೆಯುತ್ತಿದ್ದು ಮೊದಲ ಹಂತವಾಗಿ ಕಾಂಕ್ರೀಟ್ ಬಾಕ್ಸ್ ಮೋರಿ (ಚರಂಡಿ) ಗಳನ್ನು ನಿರ್ಮಾಣ ಮಾಡುತ್ತಿದ್ದು ಚರಂಡಿಗೆ ಹರಿದು ಬರುವ ನೀರಿಗೆ ಬದಲಿ ವ್ಯವಸ್ಥೆ ಮಾಡದೆ ರಸ್ತೆಯಲ್ಲಿ ಹರಿಯುವಂತೆ ಮಾಡಿರುವುದು ಬೊಂಬೆಗಳ ನಗರಿ ಹೋಗಿ ಕಸದ ಕೊಂಪೆ ನಗರವಾಗಿರುವ ಚನ್ನಪಟ್ಟಣಕ್ಕೆ ಮೋರಿ ನೀರು ಸೇರ್ಪಡೆಯಾಗಿ ಸಾರ್ವಜನಿಕರು ರಸ್ತೆಯಲ್ಲಿ ಓಡಾಡದ ಸ್ಥಿತಿ ನಿರ್ಮಾಣವಾಗಿರುವುದು ನಗರಸಭೆಯ ಸ್ವಚ್ಚತಾ ಅಭಿವೃದ್ಧಿಗೆ ಹಿಡಿದ ಕನ್ನಡಿಯಾಗಿದೆ.

ಸದ್ಯ ಮಹಾತ್ಮ ಗಾಂಧಿ (ಎಂಜಿ) ರಸ್ತೆಯಲ್ಲಿ ಕೆಲಸ ಸಾಗುತ್ತಿದ್ದು ಎಲ್ಲೆಂದರಲ್ಲಿ ಬಗೆದು ಬಿಟ್ಟಿರುವುದರಿಂದ ಬಹುತೇಕ ಕೊಳವೆಗಳು ಹೊಡೆದು ಸೋರುತ್ತಿರುವ ನೀರು ಒಂದುಕಡೆಯಾದರೆ ಮೋರಿ ನಿರ್ಮಾಣ ಮಾಡುತ್ತಿರುವುದರಿಂದ ಮನೆಯಿಂದ ಬರುವ ನೀರಿಗೆ ಬದಲಿ ವ್ಯವಸ್ಥೆ ಮಾಡದೆ, ಅಲ್ಲಲ್ಲಿ ಕಟ್ಟೆಯ ರೀತಿಯಲ್ಲಿ ನೀರು ತುಂಬಿ ರಸ್ತೆಯ ತುಂಬೆಲ್ಲಾ ಹರಿದಾಡುತ್ತಿದೆ.

ಕಟ್ಟುತ್ತಿರುವ ಬಾಕ್ಸ್ ಮೋರಿಗಳನ್ನು ನಿರ್ಮಾಣ ಮಾಡಿದ ನಂತರ ನೀರು (ಕ್ಯೂರಿಂಗ್) ಹಾಕದೆ ಅವುಗಳ ಆಯಸ್ಸು ಕಡಿಮೆಯಾಗುತ್ತಿದೆ, ಕಟ್ಟಿದ ನಂತರ ಯಾವ ಮೋರಿಗಳು ಸಹ ನೀರು ಕಂಡಿಲ್ಲ, ಇದರಿಂದ ಸಿಮೆಂಟ್ ಕಟ್ಟಡಗಳೆಲ್ಲವೂ ಬಿರುಕುಬಿಟ್ಟು ಶೀಘ್ರ ಹಾಳಾಗುವುದರಲ್ಲಿ ಅನುಮಾನವೇ ಇಲ್ಲ.

ಚರಂಡಿ ನಿರ್ಮಾಣ ಮಾಡುವಾಗ ರಸ್ತೆ ಬದಿಯಲ್ಲಿ ಇರುವ ವಿದ್ಯುತ್ ಕಂಬಗಳನ್ನು ಬದಲಿಸದೆ ಚರಂಡಿ ಮಧ್ಯಕ್ಕೆ ಸೇರಿಸಿಕೊಂಡು ನಿರ್ಮಾಣ ಮಾಡಿರುವುದು ನಗರಸಭೆಯ ಕಾಟಚಾರದ ಕೆಲಸಕ್ಕೆ ಹಿಡಿದ ಕೈಗನ್ನಡಿಯಾಗಿದ್ದು ಅಧಿಕಾರಿಗಳ ಮತ್ತು ಗುತ್ತಿಗೆದಾರರ ಒಳಮರ್ಮವೇನಿದಿಯೋ !?.

(ಇನ್ನೊಂದು ವಾರದಲ್ಲಿ ಚರಂಡಿಗಳು ಸಂಪೂರ್ಣವಾಗಿ ನಿರ್ಮಾಣವಾಗಲಿದ್ದು ಹರಿಯುವ ನೀರಿನ ಕೊಳವೆಗಳನ್ನು ಚರಂಡಿಗಳಿಗೆ ಸೇರಿಸಲು ಕ್ರಮ ಕೈಗೊಳ್ಳುವಂತೆ ಸೂಚಿಸಲಾಗಿದೆ, ಕ್ಯೂರಿಂಗ್ ಗೆ ಸಂಬಂಧಿಸಿದಂತೆ ನನಗೆ ಮಾಹಿತಿ ಇಲ್ಲಾ, ಅದರ ಬಗ್ಗೆ ಗುತ್ತಿಗೆದಾರರಿಗೆ ಕ್ರಮ ತೆಗೆದುಕೊಳ್ಳುವಂತೆ ಸೂಚಿಸುತ್ತೇನೆ ಎಂದು *ಪೌರಾಯುಕ್ತ ಸಿ ಪುಟ್ಟಸ್ವಾಮಿ* ತಿಳಿಸಿದರು.)

ಗೋ ರಾ ಶ್ರೀನಿವಾಸ...

ಮೊ:9845856139.