ಚನ್ನಪಟ್ಟಣ: ಬೇವೂರು ಜಿಲ್ಲಾ ಪಂಚಾಯತಿ ಭಾಗ ೨

ಅಂದಿನ ಜಿಲ್ಲಾ ಪಂಚಾಯತಿ ಪರಿಕ್ಷಾರ್ಥ *ಇಂಜಿನಿಯರ್ ಶಂಕರ್* ತಾಲ್ಲೂಕಿನ ಎಲ್ಲಾ ಜಿಲ್ಲಾ ಪಂಚಾಯತಿ ಕ್ಷೇತ್ರದಲ್ಲೂ ತುಂಡು ಗುತ್ತಿಗೆ ಕಾಮಗಾರಿಗಳ ಹೆಸರಿನಲ್ಲಿ ಒಂದೊಂದು ಕಾಮಗಾರಿಯಲ್ಲೂ ಆರಂಕಿಯ ಹಣ ನುಂಗಿದ್ದು *ನೂತನ ಬಕಾಸುರ* ನಾಗಿ ಹೊರಹೊಮ್ಮಿದ್ದಾನೆ.

*ಹೊಂಗನೂರು, ಮಳೂರು ಮತ್ತು ಕೋಡಂಬಳ್ಳಿ* ಜಿಲ್ಲಾ ಪಂಚಾಯತಿ ವ್ಯಾಪ್ತಿಯಲ್ಲಿ ಕನಿಷ್ಠ *ಏಳು ಅಂಕಿ* ಯ ಹಣವನ್ನು ನುಂಗಿದ್ದು *ಬೇವೂರು* ಜಿಲ್ಲಾ ಪಂಚಾಯತಿ ವ್ಯಾಪ್ತಿಯಲ್ಲಿಯೂ *ಹತ್ತು ಲಕ್ಷ* ರೂ  ಆಜೂಬಾಜೂ ನುಂಗಿರುವ ಕಾಮಗಾರಿಗಳ ದಾಖಲೆಗಳಿವೆ, ಅಂದಿನ ಪ್ರಭಾರ ಸಹಾಯಕ ಕಾರ್ಯಪಾಲಕ ಅಭಿಯಂತರ *ಕುಮಾರಸ್ವಾಮಿ, ಪರೀಕ್ಷಾರ್ಥ ಇಂಜಿನಿಯರ್ ಶಂಕರ್, ಆಯಾಯ ಕಾಮಗಾರಿಗೆ ಸಂಬಂಧಿಸಿದ ಗುತ್ತಿಗಾದರರ ಜೊತೆಗೆ ಸಂಬಂಧಿಸಿದ ಜಿಲ್ಲಾ ಪಂಚಾಯತಿ ಸದಸ್ಯರನ್ನು* ಹೊಣೆಗಾರರನ್ನಾಗಿಸಬೇಕೆಂದು ಮಾಹಿತಿ ಹಕ್ಕು ಕಾರ್ಯಕರ್ತ ವಿ ಜಿ ಕೃಷ್ಣೇಗೌಡ ಒತ್ತಾಯಿಸಿದ್ದಾರೆ.

ಬೇವೂರು ಜಿಲ್ಲಾ ಪಂಚಾಯತಿ ಯ *ತಿಟ್ಟಮಾರನಹಳ್ಳಿ ಗ್ರಾಮ ಘಟಾನುಘಟಿ ರಾಜಕಾರಣಿಗಳ ತವರೂರು*. ಈ ಗ್ರಾಮ ಪಂಚಾಯತಿ ವ್ಯಾಪ್ತಿಯಲ್ಲೇ ಅರ್ಧಂಬರ್ಧ ಕಳಪೆ ಕಾಮಗಾರಿ ಮಾಡಿ ಹಣ ದೋಚಿರುವುದು ಬೆಳಕಿಗೆ ಬಂದಿದೆ.

ತಿಟ್ಟಮಾರನಹಳ್ಳಿ ಗ್ರಾಮದ ಹೊಸ ಬೀದಿಯ ಪುಟ್ಟಯ್ಯರ ಕೃಷ್ಣ ನ ಮನೆಯಿಂದ ಕೆಂಪಮ್ಮನ ಮನೆಯವರೆಗೆ ೨೦೧೬/೧೭ ನೇ ಸಾಲಿನ *ರಾಜ್ಯ ಸಭಾ ಸದಸ್ಯ ಎಂ ವಿ ರಾಜೀವ್ ಗೌಡ* ರವರ ಅನುದಾನದಲ್ಲಿ *ಗುತ್ತಿಗೆದಾರ ಎಸ್ ಕೆ ಸತೀಶ್*  ಮಿಷನರಿ ಚರಂಡಿ ನಿರ್ಮಾಣ ಮಾಡಿದ್ದು ಕನಿಷ್ಠ *೩,೩೦.೦೦೦* ರೂಪಾಯಿಗಳು ನಷ್ಟವಾಗಿದೆ ಎಂದು ದಾಖಲೆಗಳ ಸಮೇತ ನಿರೂಪಿಸಿದ್ದಾರೆ.

*೪,೯೯,೦೦೦* ರೂಪಾಯಿಗಳ ಅನುದಾನದ ಈ ಕಾಮಗಾರಿಯಲ್ಲಿ ಅದರ ಪೋಟೋ ಲಗತ್ತಿಸದೆ ಮಾಜಿ ಸಚಿವ *ವಿ ವೆಂಕಟಪ್ಪ* ನವರ ಮನೆಯ ಪಕ್ಕದ ಚರಂಡಿ ಪೋಟೋ ಲಗತ್ತಿಸಿದ್ದಾರೆ. ಕಾಮಗಾರಿಯ ಉದ್ದ ಕೇವಲ *೩೫ ರಿಂದ ೩೮ ಅಡಿ ಇದ್ದು ಬಿಲ್ ನಲ್ಲಿ ೧೩೭ ಮೀಟರ್ ತೋರಿಸಿದ್ದಾರೆ*. ಕಾಮಗಾರಿ ಪೋಟೋ ತೋರಿಸಿರುವುದೇ ಒಂದು ಕಡೆಯಾದದರೆ ಕೆಲಸದ ಹೆಸರನ್ನು ತಿಟ್ಟಮಾರನಹಳ್ಳಿ ಗ್ರಾಮದ ಹೊಸಬೀದಿಯ *ಮಹಾತ್ಮ ಗಾಂಧಿ ಖಾತರಿ ಯೋಜನೆ* ಎಂದು ತೋರಿಸಿದ್ದಾರೆ. ಸರ್ಕಾರ ಮೂರನೇ ವ್ಯಕ್ತಿಯಿಂದ ಸ್ಥಳ ಮತ್ತು ಅಳತೆ ಪರಿಶೀಲನೆಗೆ ನಿಯೋಜಿಸಿದ್ದ ರಾಮನಗರ *ಗೌಸಿಯಾ ಇಂಜಿನಿಯರಿಂಗ್ ಕಾಲೇಜಿನ ಇಂಜಿನಿಯರ್ ಗಳು* ಕಾಮಗಾರಿಯ ಜಾಗ ಮತ್ತು ಅಳತೆಯನ್ನು ಪರಿಶೀಲಿಸದೆ ಅಳತೆ ಪರಿಶೀಲನೆ ವರದಿ ಕೊಟ್ಟಿರುವುದು ಮೇಲ್ನೋಟಕ್ಕೆ ಸಾಬೀತಾಗಿದೆ.

*ರಾಜ್ಯಸಭಾ ಸದಸ್ಯರ* ಅನುದಾನ ದ ಈ‌ ಕಾಮಗಾರಿಯನ್ನು ತಮ್ಮ ವರದಿಯಲ್ಲಿ ಉಲ್ಲೇಖಿಸುವಾಗ *ವಿಧಾನ ಪರಿಷತ್ ಸದಸ್ಯರ* ಅನುದಾನವೆಂದು ಹೆಸರಿಸಿದ್ದು ಮೂರನೇ ವ್ಯಕ್ತಿಯ ಅಳತೆ ಪರಿಶೀಲನೆ ಯ ಬಗ್ಗೆ ಅನುಮಾನ ಉಂಟಾಗಿದ್ದು *ಗೌಸಿಯಾ ಕಾಲೇಜಿನ ಇಂಜಿನಿಯರ್ ಗಳ ಅನುಮತಿಯನ್ನು ರದ್ದುಪಡಿಸಿ ಕಪ್ಪು ಪಟ್ಟಿಗೆ ಸೇರಿಸಲು ಶಿಫಾರಸ್ಸು* ಮಾಡಬೇಕೆಂದು ದೂರಿನಲ್ಲಿ‌ ತಿಳಿಸಿರುವುದಾಗಿ ಉಲ್ಲೇಖಿಸಿದ್ದಾರೆ.

ಈ ಮೇಲಿನ ಇಂಜಿನಿಯರ್ ಗಳು ಅಭಿವೃದ್ಧಿ ಮಾಡದೇ ಹಣ ದೋಚುವುದನ್ನೇ ಕಾಯಕ ಮಾಡಿಕೊಂಡಿದ್ದು ತನಿಖೆ ನಡೆಸಿ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಅವರು ಜಿಲ್ಲಾ ಪಂಚಾಯತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಿಗೆ ದೂರು ನೀಡಿರುವುದಾಗಿ ತಿಳಿಸಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.