ಚನ್ನಪಟ್ಟಣ: ನಗರದ ಹೃದಯ ಭಾಗದಲ್ಲಿರುವ ಶಿಥಿಲವಾದ ಗಾಂಧಿ ಭವನ ಕಟ್ಟಡವನ್ನು ತೆರವುಗೊಳಿಸಿ ಎರಡಂತಸ್ತಿನ ಸುಸಜ್ಜಿತ ಕಟ್ಟಡವನ್ನು ಮೂರು ಕೋಟಿ ರೂಪಾಯಿಗಳ ವೆಚ್ಚದಲ್ಲಿ ನಿರ್ಮಾಣ ಮಾಡಲು ಮಾನ್ಯ ಮುಖ್ಯಮಂತ್ರಿಗಳು ನಿರ್ದೇಶನ ನೀಡಿದ್ದಾರೆ ಎಂದು ವಾರ್ತಾ ಮತ್ತು ಪ್ರಸಾರ ಇಲಾಖೆಯ ಹಿರಿಯ ಉಪ ನಿರ್ದೇಶಕ ಶಂಕರಪ್ಪ ತಿಳಿಸಿದ್ದಾರೆ.

ಅಧಿಕಾರಿ ಶಂಕರಪ್ಪ ರವರು ಚನ್ನಪಟ್ಟಣ ದ ಗಾಂಧಿಭವನದ ವಿವರಗಳನ್ನು ಪಡೆದು ಗ್ರಂಥಾಲಯ ಇಲಾಖೆಯ ಅಧಿಕಾರಿಗಳನ್ನು ಸಂಪರ್ಕಿಸಿ ಗ್ರಂಥಾಲಯ ಮತ್ತು ವಾಚನಾಲಯದ ಬಗ್ಗೆ ಮಾಹಿತಿ ಪಡೆದ ನಂತರ ವಾಸ್ತುಶಿಲ್ಪ ಕಛೇರಿಗೂ ಪತ್ರ ಬರೆದು‌ ಉದ್ದೇಶಿತ ಕಟ್ಟಡಕ್ಕೆ ಮೀಸಲಿಟ್ಟಿರುವ ನಿವೇಶನದ ಟೋಟಲ್ ಸ್ಟೇಷನ್ ಸರ್ವೇ ನೀಲನಕ್ಷೆಯ ಸಾಪ್ಟ್ ಪ್ರತಿ (AutoCAD Format ನಲ್ಲಿ) ಹಾಡ್೯ ಪ್ರತಿ ಹಾಗೂ ಹಾಲಿ ಇರುವ ಗ್ರಂಥಾಲಯ ಕಟ್ಟಡದ ಛಾಯಾ ಚಿತ್ರಗಳನ್ನು ಕಾರ್ಯಪಾಲಕ ಅಭಿಯಂತರರು ಲೋಕೋಪಯೋಗಿ ವಿಶೇಷ ವಿಭಾಗಕ್ಕೆ ಸಲ್ಲಿಸಿ ಅಂದಾಜು ಪಟ್ಟಿ ತಯಾರಿಸಿಕೊಡುವಂತೆ ಪತ್ರ ಬರೆದಿರುವುದಾಗಿ ಅವರು ತಿಳಿಸಿದರು.

ಇಲಾಖೆಯ ಕಟ್ಟಡಕ್ಕೆ ಮೂರು ಕೋಟಿ ರೂಪಾಯಿಗಳ ಅನುದಾನದ ಅವಶ್ಯಕತೆ ಇದ್ದು ದಿನಾಂಕ ೨೧/೧೦ ರಂದು ಉಪಮುಖ್ಯಮಂತ್ರಿ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಡಾ ಅಶ್ವಥ್ ನಾರಾಯಣ ರವರು ಸಭೆಯಲ್ಲಿ ಚರ್ಚಿಸಿ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ ವತಿಯಿಂದ ಗಾಂಧಿ ಸ್ಮಾರಕ ಭವನ ಮತ್ತು ಗ್ರಂಥಾಲಯವನ್ನು ನಿರ್ಮಿಸಿಕೊಡಲು ಮುಖ್ಯ ಗ್ರಂಥಾಲಯ ಕಛೇರಿಯ ಅಧಿಕಾರಿ ಚನ್ನಕೇಶವ ರವರು ಪತ್ರ ಬರೆದು ಮನವಿ ಮಾಡಿದ್ದಾರೆ.

*ಸು ತ ರಾಮೇಗೌಡ, ಗೋ ರಾ ಶ್ರೀನಿವಾಸ ಮತ್ತಿತರರ ಸತ್ಯಾಗ್ರಹ ದ ಫಲಶೃತಿ*

ಇದೇ ತಿಂಗಳ ಗಾಂಧಿ ಜಯಂತಿ ಯಂದು ಹಿರಿಯ ಪತ್ರಕರ್ತ ಸು ತ ರಾಮೇಗೌಡ ರ ನೇತೃತ್ವದಲ್ಲಿ *ಗಾಂಧಿ ೧೫೦* ಎಂಬ ಘೋಷಣೆಯೊಂದಿಗೆ *ಸತ್ಯಾಗ್ರಹ* ಕುಳಿತಿದ್ದು ಸರ್ಕಾರದ ಗಮನ ಸೆಳೆಯುವ ಕೆಲಸ ಮಾಡಲಾಗಿತ್ತು. ಸತ್ಯಾಗ್ರಹ ದ ಮಾಹಿತಿ ಪಡೆದ ವಾರ್ತಾಧಿಕಾರಿ ಶಂಕರಪ್ಪ ರವರು ಆಶ್ವಾಸನೆ ನೀಡಿದರು. ಅದರಂತೆ ನಡೆದುಕೊಂಡಿರುವ ಶಂಕರಪ್ಪ ರವರಿಗೆ ಅಂದು ಸತ್ಯಾಗ್ರಹ ಕುಳಿತಿದ್ದ ಸು ತ ರಾಮೇಗೌಡ ಮತ್ತು ಗೋ ರಾ ಶ್ರೀನಿವಾಸ ರವರು ಸೇರಿದಂತೆ ಭಾಗವಹಿಸಿದ್ದ ಅನೇಕ ಸತ್ಯಾಗ್ರಹಿಗಳ ಪರವಾಗಿ ಅಭಿನಂದನೆಗಳನ್ನು‌ ತಿಳಿಸಲಾಯಿತು.

ಗೋ ರಾ ಶ್ರೀನಿವಾಸ...

ಮೊ:9845856139.a