ಚನ್ನಪಟ್ಟಣ:ನ: ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು ನಿರ್ಮಿಸುತ್ತಿರುವ ಬೆಂಗಳೂರು ಮೈಸೂರು ಹೆದ್ದಾರಿಯ ರಸ್ತೆಯ ವಿಳಂಬದಿಂದ ಹಾಗೂ ರಸ್ತೆ ಕಾಮಗಾರಿ ನಡೆಯುತ್ತಿರುವುದರಿಂದ ಏನೂ ಮಾಡಲಾಗದು ಎಂದು ಕೈಚೆಲ್ಲಿದ ನಗರಸಭೆಯ ಅಧಿಕಾರಿಗಳಿಂದ ಮಾರುತಿ ಮತ್ತು ಅನ್ನಪೂರ್ಣೇಶ್ವರಿ ಬಡಾವಣೆಯೊಳಗೆ ಮತ್ತು ಇಪ್ಪತ್ತು ಮೀಟರ್ ನಷ್ಟು ಉದ್ದದ ಹೆದ್ದಾರಿಯಲ್ಲಿ ಹರಿಯುತ್ತಿದ್ದರೆ, ಮಾರುತಿ ಬಡಾವಣೆ ಯಲ್ಲಿ ಮನೆಗಳಿಗೆ ನೀರು ಹರಿಯುತ್ತಿದೆ ಎಂದು ಸ್ಥಳೀಯ ನಿವಾಸಿಗಳು ದೂರಿದರು. ಪಾದಚಾರಿ ಪ್ರಯಾಣಿಕರು ಸಂಚರಿಸಲು ಸಾಧ್ಯವಾಗದೇ ರೋಗರುಜಿನ ಬರುವುದೆಂದು ಹೆದರಿ ಕೂರುವ ಸ್ಥಿತಿ ನಿರ್ಮಾಣವಾಗಿದೆ.

ರಾಷ್ಟ್ರೀಯ ಹೆದ್ದಾರಿಯಲ್ಲಿರುವ ಸ್ಪನ್ ಸಿಲ್ಕ್ ಮಿಲ್ ಪಕ್ಕದಲ್ಲಿರುವ ಕೊಳ ದ ಬಲಭಾಗದಿಂದ ಇಪ್ಪತ್ತು ಮೀಟರ್ ನಷ್ಟು ಉದ್ದದ ವರೆಗೂ ನಗರದಿಂದ ಮೋರಿಯಲ್ಲಿ ಹರಿದು ಬರುವ ನೀರಿನ ಜೊತೆಗೆ ಮಾರುತಿ ಬಡಾವಣೆ ಯ ನೀರು ಸಹ ಸೇರಿಕೊಂಡು ರಸ್ತೆಯ ಮೇಲ್ಭಾಗದಲ್ಲಿ ಹರಿಯುತ್ತಿದೆ. ನ್ಯಾಯಾಲಯದ ಆವರಣದ ಮುಂದಿನ ರಸ್ತೆಯ ಮೋರಿಯಲ್ಲಿ ನೀರು ನಿಂತು ಗಬ್ಬುನಾರುತ್ತಿದೆ. ಬಸ್ಸಿಗಾಗಿ ಕಾಯುವ ಪ್ರಯಾಣಿಕರು, ವಾಣಿಜ್ಯ ಮಳಿಗೆಗಳ ಮಾಲೀಕರು ಹಾಗೂ ನಿವಾಸಿಗಳು ನಗರಸಭೆ ಮತ್ತು ಪ್ರಾಧಿಕಾರಕ್ಕೆ ಹಿಡಿಶಾಪ ಹಾಕುತ್ತಿದ್ದಾರೆ.

ಹಿಂದುಳಿದ ವರ್ಗಗಳ ಪದವಿ ಪೂರ್ವ ಪುರುಷರ ವಿದ್ಯಾರ್ಥಿ ನಿಲಯ ಮತ್ತು ಇಂಡಿಯನ್ ಆಕ್ಸ್‌ಫರ್ಡ್ ಖಾಸಗಿ ಶಾಲೆಯು ಅನ್ನಪೂರ್ಣೇಶ್ವರಿ ಬಡಾವಣೆಯಲ್ಲಿದ್ದು ವಿದ್ಯಾನಿಕೇತನ ಶಾಲೆ ಮಾರುತಿ ಬಡಾವಣೆಯಲ್ಲಿದ್ದು ಮಕ್ಕಳಿಗೆ ಉಸಿರುಗಟ್ಟುವ ವಾತಾವರಣ ನಿರ್ಮಾಣವಾಗಿದೆ. ಮೋರಿ ನೀರು ಮೇಲ್ಭಾಗದಲ್ಲೇ ಹರಿಯುತ್ತಿರುವುದರಿಂದ ಮನೆಗಳಲ್ಲಿ ವಾಸ ಮಾಡಲಾಗುತ್ತಿಲ್ಲ. ದಯಮಾಡಿ ಸಂಬಂಧಿಸಿದ ಅಧಿಕಾರಿಗಳು ಶೀಘ್ರವಾಗಿ ಒಳಚರಂಡಿಯಲ್ಲಿ ನೀರು ಹರಿಸಲು ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ನಿವಾಸಿಗಳು ಆಗ್ರಹಿಸಿದ್ದಾರೆ.

ದೂರುಗಳ ಹಿನ್ನೆಲೆಯಲ್ಲಿ ಸ್ಥಳಕ್ಕಾಗಮಿಸಿದ ಪೌರಾಯುಕ್ತ ಶಿವನಂಕಾರಿಗೌಡ, ಆರೋಗ್ಯ ಅಧಿಕಾರಿ ವರಲಕ್ಷ್ಮಿ, ಶಿವಕುಮಾರ್, ಎಇಇ ಭಗವಾನ್ ಮತ್ತು ಸ್ಥಳೀಯರಾದ ನಾಗರಾಜು ಎಂ.ಪಿ. ಸುಚೀಂದ್ರಕುಮಾರ್, ಜಯಲಿಂಗಣ್ಣ ಮತ್ತಿತರಿದ್ದರು.

*ಚನ್ನಪಟ್ಟಣ ದಲ್ಲಿ ಸಂಪೂರ್ಣ ರಾಜಕಾಲುವೆ ಮುಚ್ಚಿಹೋಗಿದ್ದು ಕಳೆದ ಬಾರಿ ಮೂವತ್ತೊಂದೂವರೆ ಕೋಟಿ ರೂಪಾಯಿಗಳಿಗೆ ಅನುಮೋದನೆ ದೊರೆತಿರುವುದಾಗಿ ಮಾಹಿತಿ ಇದೆ. ನಾಳೆ ಜಾಗ ಪರಿಶೀಲನೆ ನಡೆಸಿ ಕ್ರಮಕೈಗೊಳ್ಳುತ್ತೇವೆ.*

*ಜಯಕುಮಾರ್ ಹೈವೇ ಎಇಇ*

*ಈಗತಾನೇ ಜಾಗವನ್ನು ಪರಿಶೀಲಿಸಿದ್ದೇನೆ, ಹೆದ್ದಾರಿ ಪ್ರಾಧಿಕಾರಕ್ಕೂ ಪತ್ರ ಬರೆದಿದ್ದೇನೆ, ನಮ್ಮ ಇಲಾಖೆ ಅಧಿಕಾರಿಗಳು ಮತ್ತು ಮತ್ತು ಸಂಬಂಧಿಸಿದ ಇತರೆ ಇಲಾಖೆಗಳ ಅಧಿಕಾರಿಗಳ ಸಭೆ ನಡೆಸಿ ಸೂಕ್ತ ಕ್ರಮ ಕೈಗೊಳ್ಳುತ್ತೇನೆ.*

*ಶಿವನಂಕಾರಿಗೌಡ. ಪೌರಾಯುಕ್ತರು. ಚನ್ನಪಟ್ಟಣ.*

*ನಾನು ಅಧಿಕಾರ ವಹಿಸಿಕೊಂಡು ಎರಡುವಾರ ಆಗಿದೆ, ಸಂಪೂರ್ಣ ಮಾಹಿತಿ ಇಲ್ಲ. ನಾಳೆ ಬೆಳಿಗ್ಗೆ ಎಲ್ಲಾ ಇಲಾಖೆಗಳ ಅಧಿಕಾರಿಗಳು ಒಗ್ಗೂಡಿ ತೀರ್ಮಾನ ಕೈಗೊಳ್ಳುತ್ತೇವೆ.*

*ಸದಾಶಿವೇಗೌಡ. ಕಣ್ವ ಎಇಇ.*

ಗೋ ರಾ ಶ್ರೀನಿವಾಸ...

ಮೊ:9845856139.