ಚನ್ನಪಟ್ಟಣ: ಸಾಮಾಜಿಕ ಜಾಲತಾಣಗಳಲ್ಲಿ ಒಂದಾದ ಮುಖಪುಸ್ತಕ (Facebook) ದಲ್ಲಿ ನಾಲ್ಕೈದು ವರ್ಷಗಳಿಂದ ಹಿಂದೂ ಮಹಿಳೆಯರು, ಹಿಂದುಪರ ಸಂಘಟನೆಗಳು, ಮುಖ್ಯವಾಗಿ ಮುಂದುವರೆದ ಜಾತಿ ಜನಗಳಿಗೆ ಒಟ್ಟಾರೆ ಹಿಂದೂಗಳ ವಿರುದ್ಧ ಸೊಂಟದ ಕೆಳಗಿನ ಭಾಷೆ ಬಳಸಿ, ಅವಹೇಳನಕಾರಿಯಾಗಿ ಬರೆಯುತ್ತಿದ್ದ ನಿವೃತ್ತ ಉಪನ್ಯಾಸಕ ಭೂಹಳ್ಳಿ ಪುಟ್ಟಸ್ವಾಮಿ ವಿರುದ್ಧ ರಾಜ್ಯವಲ್ಲದೆ ಪರ ರಾಜ್ಯವಾದ ಆಂಧ್ರಪ್ರದೇಶ ವೂ ಸೇರಿದಂತೆ ಹದಿಮೂರಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದ್ದು ಆರೋಪಿಗಾಗಿ ಪೋಲಿಸರು ಹುಡುಕುತ್ತಿರುವುದಾಗಿ ಬಲ್ಲ ಮೂಲಗಳು ತಿಳಿಸಿವೆ.

ಧರ್ಮ ಪ್ರಚಾರಕ ಬೃಹತ್ ಮಠದ ಸ್ವಾಮೀಜಿಗಳೊಬ್ಬರ ವಿರುದ್ದ ಈ ಹಿಂದೆ ಲೇಖನ ಬರೆದ ಸಂದರ್ಭದಲ್ಲಿಯೇ ದೂರು ದಾಖಲಿಸಲು ಹಲವಾರು ಮುಖಂಡರು ಮುಂದೆ ಬಂದಿದ್ದರಾದರು ಘನತೆವೆತ್ತ ಹಿರಿಯ ಮತ್ತು ಕಿರಿಯ ಸ್ವಾಮೀಜಿಗಳು ಅವರ ವಿರುದ್ದ ಯಾವುದೇ ರೀತಿಯ ದೂರನ್ನು ನೀಡಬಾರದು ಹಾಗೂ ಯಾರೂ ಅವರನ್ನು ದೂಷಿಸಬಾರದು ಎಂದು ತಿಳಿ ಹೇಳಿದ್ದರಿಂದ ಅದು ಅಲ್ಲಿಗೆ ನಿಂತಿದ್ದನ್ನು ಸ್ಮರಿಸಬಹುದು.

ಇಷ್ಟಾದರೂ ಎಚ್ಚೆತ್ತುಕೊಳ್ಳದ ಭೂಹಳ್ಳಿ ಆನೆ ನಡೆದದ್ದೇ ದಾರಿ ಎಂಬಂತೆ ಅಸಹ್ಯ ಪದಗಳನ್ನು ಬಳಸಿ ಪ್ರಕಟಿಸುತ್ತಲೇ ಇದ್ದರು.

ಇತ್ತೀಚೆಗೆ ನಡೆದ ಪಶುವೈದ್ಯೆ ಪ್ರಿಯಾಂಕರೆಡ್ಡಿ ಅತ್ಯಾಚಾರ ಮತ್ತು ಕೊಲೆ ವಿರುದ್ದ ಆಕೆಯ ಜಾತಿ ಕೆಟ್ಟ ಜಾತಿ ಎಂಬ ಅರ್ಥ ಬರುವಂತೆ ಅತಿ ಕೆಟ್ಟದಾಗಿ ಪೋಸ್ಟ್ ಮಾಡಿದ್ದು ಅದಕ್ಕೆ ಕೆಲವರು ಸಾಥ್ ನೀಡಿದರೆ ಹಲವಾರು ಮಂದಿ ಅವರ ವಿರುದ್ದ ತಿರುಗಿ ಬಿದ್ದಿದ್ದರು. ರೆಡ್ಡಿ ಜನಾಂಗದ ಮುಖಂಡರು ಒಂದು ಹೆಜ್ಜೆ ಮುಂದು ಹೋಗಿ ಆಂಧ್ರಪ್ರದೇಶ ಸೇರಿದಂತೆ ಹದಿಮೂರಕ್ಕೂ ಹೆಚ್ಚು ಕಡೆ ಪ್ರಕರಣ ದಾಖಲಿಸಿದ್ದಾರೆ. ಇವರ ಜೊತೆಗೆ ಇಂದು ಮಂಡ್ಯ ಮತ್ತು ಚನ್ನಪಟ್ಟಣ ದಲ್ಲಿ ಮಹಿಳಾ ಸಂಘಟನೆಗಳು ಸಹ ಇಂದು ದೂರು ದಾಖಲಿಸುವುದಾಗಿ ತಿಳಿದು ಬಂದಿದೆ.

ಪರಿಸರ ಪ್ರೇಮಿ ಎಂದು ಹೇಳಿಕೊಳ್ಳುವ ಈತ ಗಿಡ ಬೆಳೆಸಿರುವ ಕಡೆ, ಅವರು ವಾಸವಿರುವ ಮನೆ ಹಾಗೂ ಭೂಹಳ್ಳಿ ಗ್ರಾಮದಲ್ಲಿ ಪೋಲೀಸರು ಹುಡುಕಾಟ ನಡೆಸಿದ್ದಾರೆ, ತನ್ನ ಮೊಬೈಲ್ ಸಂಖ್ಯೆಯನ್ನು ಬದಲಿಸಿಕೊಂಡಿರುವುದರಿಂದ ಸುಳಿವು ಸಿಕ್ಕಿಲ್ಲ ಎಂದು ಬಲ್ಲ ಮೂಲಗಳಿಂದ ತಿಳಿದುಬಂದಿದೆ.

ಗೋ ರಾ ಶ್ರೀನಿವಾಸ...

ಮೊ:9845856139.