ಚನ್ನಪಟ್ಟಣ: ತಾಲ್ಲೂಕು ಪಂಚಾಯತಿ ವ್ಯಾಪ್ತಿಯ ಮೈಲನಾಯಕನಹಳ್ಳಿ ಗ್ರಾಮ ಪಂಚಾಯತಿ ಗೆ ಸೇರಿದ ಮೈಲನಾಯಕನಹಳ್ಳಿ ಹೊಸಹಳ್ಳಿ ಗ್ರಾಮದ ರಮೇಶ್ ಎಂಬುವವರು ಬಾಲ್ ವೈಂಡಿಂಗ್ (ದಾರದ ಉಂಡೆ) ಕಾರ್ಖಾನೆ ನಡೆಸಲು ಪರವಾನಗಿ ಕೋರಿ ಆಗಸ್ಟ್ ೧೦ ರಂದು ಅರ್ಜಿ ಸಲ್ಲಿಸಿದ್ದು ಪರವಾನಗಿ ನೀಡದಿರುವುದಲ್ಲದೆ ದೂರುದಾರರ ವಿರುದ್ಧ ಪಂಚಾಯತಿ ಅಭಿವೃದ್ಧಿ ಅಧಿಕಾರಿ ಮತ್ತು ಗ್ರಾಮ ಪಂಚಾಯತಿ ಮಾಜಿ ಅಧ್ಯಕ್ಷ ರಾಜಣ್ಣ ಪೋಲೀಸರಿಗೆ ದೂರು ನೀಡಿದ್ದು ಪೋಲಿಸರು ಹಾಗೂ ಪಂಚಾಯತಿ ಕಾರ್ಯದರ್ಶಿಗಳು ಜಂಟಿಯಾಗಿ ಮಹಜರು ನಡೆಸಿದ್ದು ಹಾಲಿ ಥರ್ಮಾಕೋಲ್ ಉತ್ಪಾದನೆ ಮಾಡುತ್ತಿಲ್ಲ ಎಂದಿದ್ದರೂ ಸಹ ಪರವಾನಗಿ ನೀಡದೆ ಸತಾಯಿಸುತ್ತಿದ್ದುದರಿಂದ ಬೇಸತ್ತ ರಮೇಶ್ ಮತ್ತು ಕುಟುಂಬ ನಿನ್ನೆಯಿಂದ ಆಹೋರಾತ್ರಿ ಧರಣಿ ಸತ್ಯಾಗ್ರಹ ನಡೆಸುತಿದ್ದು ಇಂದೂ ಸಹ ಮುಂದುವರೆದಿದೆ.

ಇದರ ನಡುವೆ ಪಿಡಿಓ ಶಿಬಾ ರವರು ತಹಶಿಲ್ದಾರ್ ರವರಿಗೂ ದೂರು ನೀಡಿದ್ದು ಇಂದು ಬೆಳಗಿನ ಜಾವ ೭:೩೦ ಗಂಟೆಗೆ ಗ್ರಾಮ ಸೇವಕ ನ ಮೂಲಕ ತಿಳುವಳಿಕೆ ನೋಟೀಸ್ ಜಾರಿ ಮಾಡಿರುವುದು ಅನುಮಾನಕ್ಕೆಡೆ ಮಾಡಿದೆ ಎಂದು ಧರಣಿ ನಿರತ ರಮೇಶ್ ಆಪಾದಿಸಿದ್ದಾರೆ.

ಈ ಹಿಂದೆ ಥರ್ಮಾಕೋಲ್ ಕಾರ್ಖಾನೆ ನಡೆಸಲು ಇದೇ ಗ್ರಾಮ ಪಂಚಾಯತಿ ಯು ದಿನಾಂಕ ೦೩/೦೬/೨೦೧೪ ರಂದು ಪರವಾನಗಿ ನೀಡಿದ್ದು ಸರ್ಕಾರ ಪ್ಲಾಸ್ಟಿಕ್ ನಿರ್ಬಂಧಿಸಿದ ನಂತರ ನಾವು ಥರ್ಮಾಕೋಲ್ ಘಟಕವನ್ನು ತೆರವುಗೊಳಿಸಿ ದಾರದ ಉಂಡೆ ಕಾರ್ಖಾನೆ ನಡೆಸಲು ಪರವಾನಗಿ ನೀಡುವಂತೆ ಅರ್ಜಿ ಸಲ್ಲಿಸಿದ ನಂತರ ಇಲ್ಲದ ಸಬೂಬು ಹೇಳಿ ನಿರಾಕರಿಸಿರುವುದಲ್ಲದೆ ದೂರು ನೀಡಿದ್ದಾರೆ, ಎಂದು ಮತ್ತೊಬ್ಬ ಧರಣಿ ನಿರತ ಮತ್ತೀಕೆರೆ ಅಶೋಕ್ ದೂರುತ್ತಾರೆ.

*ಎಂ ಕೆ ದೊಡ್ಡಿ ಪೋಲಿಸರು ಮತ್ತು ಗ್ರಾಮ ಪಂಚಾಯತಿ ಕಾರ್ಯದರ್ಶಿ ಯವರು ಜಂಟಿಯಾಗಿ ಮಹಜರು ಮಾಡಿದಾಗ ಥರ್ಮಾಕೋಲ್ ನ ಒಂದು ತುಂಡು ಸಹ ಸಿಕ್ಕಿಲ್ಲ, ಇದಕ್ಕೆ ನಾನೇ ಸಾಕ್ಷಿ, ನಾನು ಸಹ ಮಹಜರು ವೇಳೆ ಹಾಜರಿದ್ದೆ, ಉದ್ದೇಶಪೂರ್ವಕವಾಗಿ ಒಕ್ಕಲೆಬ್ಬಿಸುವ ಕೆಲಸ ಮಾಡುತ್ತಿರುವ ಅಧಿಕಾರಿಗಳ ತಲೆದಂಡವಾಗಬೇಕು, ನಮ್ಮ ಮಹಿಳಾ ಹೋರಾಟಗಾರರ ಬೆಂಬಲವು ಇದೆ.*

* ಸುಕನ್ಯ ಮಹಿಳಾ ಪರ ಹೋರಾಟಗಾರ್ತಿ*

*ಪಿಡಿಓ ರವರೇ ನೇರ ದೂರು ನೀಡಿದ್ದರಿಂದ ನಾನು ತಿಳುವಳಿಕೆ ನೋಟೀಸ್ ನೀಡಿದ್ದು ದಾಖಲೆ ಸಮೇತ ಉತ್ತರಿಸಲಿ, ಸಾಧ್ಯವಾದರೆ ಇಂದು ಎರಡು ಕಡೆ ಭೇಟಿ ನೀಡಿ ಪರಿಶೀಲಿಸಿ ಬಗೆಹರಿಸುತ್ತೇನೆ.*

*ಸುದರ್ಶನ್, ತಹಶಿಲ್ದಾರ್.*

*ನಿನ್ನೆ ಭೇಟಿ ನೀಡಿ ಬಗೆಹರಿಸಲು ಪ್ರಯತ್ನಿಸಿದೆ, ಅವರು ಈಗಲೇ ಪರಿಹರಿಸಿ ಎನ್ನುತ್ತಾರೆ, ಪರಿಶೀಲನೆ ಗೆ ಸಮಯ ಬೇಕಾಗುತ್ತದೆ, ದಾಖಲೆ ಮತ್ತು ಸ್ಥಳ ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತೇನೆ.*

*ಶ್ರೀಚಂದ್ರ, ತಾಲ್ಲೂಕು ಪಂಚಾಯತಿ ಕಾರ್ಯನಿರ್ವಾಹಣಾಧಿಕಾರಿ.*

ಗೋ ರಾ ಶ್ರೀನಿವಾಸ...

ಮೊ:9845856139.