ಗ್ರಾಮಾಂತರ ಪೋಲಿಸರು ಬಂಧಿಸಿರುವ ಹೈನಾತಿ ಕಳ್ಳ

*ಹೈನಾತಿ ಕಳ್ಳನ ಬಂಧನ*

ಚನ್ನಪಟ್ಟಣ:ಜ/೩೦/೨೦೨೦/ಗುರುವಾರ.

ಮನೆಗೆ ನುಗ್ಗಿ ಲಕ್ಷಂತರರೂ ಮೌಲ್ಯದ ಚಿನ್ನಾಭರಣಗಳನ್ನು ಕಳವು ಮಾಡಿ ಪರಾರಿಯಾಗಿದ್ದ ಹೈನಾತಿ ಹಳೆ ಕಳ್ಳನನ್ನು ಗ್ರಾಮಾಂತರ ವೃತ್ತ ನಿರೀಕ್ಷಕರ ತಂಡ ಬಂಧಿಸುವಲ್ಲಿ ಯಶಸ್ವಿಯಾಗಿದೆ.

ಪೊಲೀಸರ ಬಂಧನಕ್ಕೊಳಗಾಗಿರುವ ಹೈನಾತಿ ಕಳ್ಳ ಯೋಗಾನಂದ ಆಲಿಯಾಸ್ ಯೋಗ(೩೦) ಎಂದು ಹೇಳಲಾಗಿದ್ದು, ಬೆಂಗಳೂರಿನ ಕದೀರನಹಳ್ಳಿ ಗ್ರಾಮದ ಈತ, ಕೆಲ ದಿನಗಳ ಹಿಂದೆ ಕೆಂಗಲ್ ಬಳಿಯ ತಿಮ್ಮಮ್ಮ ಎಂಬುವರ ಮನೆಗೆ ನುಗ್ಗಿ ೪೧ ಗ್ರಾಂ ಚಿನ್ನಾಭರಣ ಹಾಗೂ ೪೦ ಸಾವಿರ ನಗದು ಕಳವು ಮಾಡಿ ಪರಾರಿಯಾಗಿದ್ದನು.

ಈ ಪ್ರಕರಣದ ಬಗ್ಗೆ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು,ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅನೂಪ್ ಎ ಶೆಟ್ಟಿ ಹಾಗೂ ಸಹಾಯಕ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ರಾಮರಾಜನ್ ಮಾರ್ಗದರ್ಶನದಲ್ಲಿ ಗ್ರಾಮಾಂತರ ವೃತ್ತ ನಿರೀಕ್ಷಕ ವಸಂತ್, ಗ್ರಾಮಾಂತರ ಪೊಲೀಸ್ ಠಾಣೆಯ ಪಿ.ಎಸ್.ಐ. ಪ್ರಕಾಶ್ ಹಾಗೂ ಎ.ಎಸ್.ಐ.ರಾಜು, ಸಿಬ್ಬಂದಿಗಳಾದ ನಾಗರಾಜು, ಸಿದ್ದಗಂಗ, ಶಿವರಾಜು ಹಾಗೂ ಇತರೆ ಸಿಬ್ಬಂದಿ ಕಳ್ಳನ ಬೇಟೆಗೆ ಬಲೆ ಬೀಸಿದ್ದರು.

ಕೆಲ ದಿನಗಳ ಹಿಂದೆ ತನ್ನ ಮಗನ ಮನೆಯಲ್ಲಿ ಮಲಗಿದ ಸಂದರ್ಭದಲ್ಲಿ ಬೀಗ ಹಾಕಿದ ಮನೆಯ ಬಾಗಿಲು ಹೊಡೆದು ಬೀರುವಿನಲ್ಲಿದ್ದ ಚಿನ್ನಾಭರಣ ಹಾಗೂ ಸಾವಿರಾರು ನಗದನ್ನು ಕಳವು ಮಾಡಿದ ಆರೋಪಿಯ ಬಗ್ಗೆ ಮಾಹಿತಿ ಕಲೆ ಹಾಕಿದ ಗ್ರಾಮಾಂತರ ವೃತ್ತ ನಿರೀಕ್ಷರ ತಂಡ ಆರೋಪಿಯನ್ನು ಬಂಧಿಸಿದ್ದಾರೆ.

ಬಂಧಿತ ಆರೋಪಿಯಿಂದ ೦೭ ಲಕ್ಷ ರೂಗಳ ಮೌಲ್ಯದ ಚಿನ್ನಾಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ, ಆರೋಪಿ  ಹಳೆಯ ಕಳ್ಳನಾಗಿದ್ದು, ಕನಕಪುರದಲ್ಲಿ ಮೂರು ಪ್ರಕರಣ, ಮಂಡ್ಯದಲ್ಲಿ ಎರಡು ಪ್ರಕರಣ ಬೆಂಗಳೂರು ಹಾಗೂ ಗ್ರಾಮಾಂತರ ಪ್ರದೇಶಗಳಲ್ಲಿ  ಹಲವಾರು ರೀತಿಯ ಪ್ರಕರಣಗಳಲ್ಲಿ ಪೊಲೀಸರಿಗೆ ಬೇಕಾದ ಆರೋಪಿಯಾಗಿದ್ದಾನೆ.

ಈ ಪ್ರಕರಣದ ಬಗ್ಗೆ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಬಂಧಿತ ಕಳ್ಳನನ್ನು ನಗರದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ವೈದ್ಯಕೀಯ ತಪಾಸಣೆ ನಡೆಸಿ, ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೆ ನೀಡಿದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.