ರಾಮನಗರ: ಬೀದಿಬದಿ, ಶಾಲಾಕಾಲೇಜು ಮತ್ತಿತರೆಡೆ ನಿಂತು ಹುಡುಗಿಯರನ್ನು ಚುಡಾಯಿಸುವ ಬೀದಿ ಕಾಮಣ್ಣ ರನ್ನು ಎಡೆಮುರಿ ಕಟ್ಟಲು ಜಿಲ್ಲೆಯಲ್ಲಿ ಸಜ್ಜಾಗಿದೆ *ಓಬವ್ವ ಪಡೆ* ಎಂಬ ಮಹಿಳಾ ಪೋಲಿಸ್ ಪಡೆ.

ಮಹಿಳೆಯರ ಮೇಲಿನ ದೌರ್ಜನ್ಯಗಳನ್ನು ನಿಯಂತ್ರಿಸುವ ಜೊತೆಗೆ ಅವರಿಗೆ ಸೂಕ್ತ ರಕ್ಷಣೆ ಒದಗಿಸುವ ಸಲುವಾಗಿ ಜಿಲ್ಲೆಯ ಪೋಲೀಸರು *,ಓಬವ್ವ ಪಡೆ* ರಚಿಸಿಕೊಂಡಿದ್ದು, ಈಗಾಗಲೇ ಈ ತಂಡ ಸದ್ದಿಲ್ಲದೆ ಕಾರ್ಯಾಚರಣೆಗೆ ಇಳಿದಿದೆ. ಈಗಾಗಲೇ ಒಂದಿಬ್ಬರು ಪುಂಡರನ್ನು ವಶಕ್ಕೆ ಪಡೆದು ತಕ್ಕ ಪಾಠವನ್ನು ಕಲಿಸಿದೆ.

ಒಬ್ಬರು ಮಹಿಳಾ ಸಬ್ ಇನ್ಸ್‌ಪೆಕ್ಟರ್ ತಂಡದ ಸಾರಥ್ಯ ವಹಿಸಿದ್ದು ಹತ್ತು ಮಹಿಳಾ ಕಾನ್ ಸ್ಟೇಬಲ್ ಗಳು ಇವರ ಜೊತೆಗಿರುತ್ತಾರೆ. ಇವರಿಗೆಂದೇ ಪ್ರತ್ಯೇಕ ಸೌಲಭ್ಯ ಒದಗಿಸುವ ಪ್ರಕ್ರಿಯೆಯೂ ಹಂತಹಂತವಾಗಿ ನಡೆದಿದೆ. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಈಗಾಗಲೇ ಇಂತಹ ಅನೇಕ ತಂಡಗಳು ರಚನೆ ಆಗಿದ್ದು ಕಾರ್ಯಾಚರಣೆ ನಡೆಸುತ್ತಿವೆ.

ರಾಮನಗರ ಜಿಲ್ಲೆಯಲ್ಲೂ ಇಂತಹ ತಂಡವೊಂದು ಬೇಕು ಎನ್ನುವ ಕೂಗು ಕೇಳಿ ಬಂದಿತ್ತು. ಈ ಹಿನ್ನೆಲೆಯಲ್ಲಿ ರಾಮನಗರ ಜಿಲ್ಲಾ ಪೋಲಿಸ್ ವರುಷ್ಠಾಧಿಕಾರಿ ಡಾ ಅನೂಪ್ ಎ ಶೆಟ್ಟಿ ಯವರು ಮಹಿಳಾ ಅಧಿಕಾರಿ ನೇತೃತ್ವದಲ್ಲಿ ತಂಡವನ್ನು ರಚನೆ ಮಾಡಿದ್ದಾರೆ.

*ಅರಿವಿನ ಯತ್ನ*

ಮೊದಲಿಗೆ ಈ ತಂಡವು ಶಾಲಾ ಕಾಲೇಜುಗಳಿಗೆ ತೆರಳಿ ಮಹಿಳೆಯರ ಸುರಕ್ಷತೆಯ ಬಗ್ಗೆ ಅರಿವು ಮೂಡಿಸುವ ಕಾರ್ಯವನ್ನು ಮಾಡಲಿದೆ. ವಿದ್ಯಾರ್ಥಿನಿಯರಿಗೆ ಸ್ವ ರಕ್ಷಣೆಯ ಪಾಠವನ್ನು ಹೇಳಿಕೊಡಲಿದೆ.

ಓಬವ್ವ ಪಡೆಯಲ್ಲಿರುವ ಬಹುತೇಕ ಬಹುತೇಕ *ಸಿಬ್ಬಂದಿಗಳು ಮಫ್ತಿಯಲ್ಲಿಯೇ ಇರುತ್ತಾರೆ.* ಪ್ರತಿ ದಿನ ಗಸ್ತು ತಿರುಗುವ ಈ ಸಿಬ್ಬಂದಿಗಳು ಬಸ್ ಮತ್ತು ರೈಲು ನಿಲ್ದಾಣ, ಪ್ರಮುಖ ವೃತ್ತಗಳು, ಕಾಲೇಜುಗಳ ಆವರಣಗಳಲ್ಲಿ ವಿದ್ಯಾರ್ಥಿನಿಯರಿಗೆ, ರಸ್ತೆಯಲ್ಲಿ ಓಡಾಡುವ ಮಹಿಳೆಯರನ್ನು ಚುಡಾಯಿಸುವವರಿಗೆ, ಅವರೊಟ್ಟಿಗೆ ಅಸಭ್ಯವಾಗಿ ವರ್ತಿಸುವ ಪುಂಡರ ಮೇಲೆ ಹದ್ದಿನ ಕಣ್ಣಿಡಲಿದೆ. ದುರ್ವರ್ತನೆ ತೋರುವವರನ್ನು ವಶಕ್ಕೆ ಪಡೆದು ಪೋಲಿಸ್ ಭಾಷೆಯಲ್ಲಿ ತಕ್ಕ ಪಾಠ ಕಲಿಸಲಿದೆ.

*ಪ್ರೇಮಿಗಳ ಮೇಲೂ ಕಣ್ಣು*

ಕೇವಲ ಪುಂಡರ ಮೇಲಷ್ಟೇ ಓಬವ್ವ ಪಡೆ ಗಮನ ಕೇಂದ್ರೀಕರಿಸಿಲ್ಲ. ಪ್ರೇಮದ ಹೆಸರಿನಲ್ಲಿ ಯುವತಿಯರನ್ನು ಕಾಡುವ, ದೌರ್ಜನ್ಯ ನಡೆಸುವವರ ಮೇಲೂ ಚಾಟಿ ಬೀಸಲು ಸಜ್ಜಾಗಿದೆ. *ಅಪರಾತ್ರಿಯಲ್ಲಿ ಪ್ರೇಮಿಯ ಜೊತೆ ಪ್ರಯಾಣಿಸುವ ಯುವತಿಯರನ್ನೂ ವಿಚಾರಣೆ ಮಾಡಲಿದೆ.* ಅಂತಹವರು ಸಿಕ್ಕಿಬಿದ್ದಲ್ಲಿ *ಪೋಷಕರಿಗೆ ವಿಷಯ ತಿಳಿಸಿ* ಆಕೆಯನ್ನು ರಕ್ಷಿಸುವ ಜೊತೆಗೆ *ಯುವಕರನ್ನು ಶಿಕ್ಷಿಸುವ* ಕೆಲಸವನ್ನೂ ಈ ತಂಡ ಮಾಡಲಿದೆ.

*ಮಹಿಳೆಯರ ರಕ್ಷಣೆಗಾಗಿ ಮಹಿಳಾ ಪೋಲಿಸ್ ತಂಡವೊಂದನ್ನು ರಚಿಸಿದ್ದು ತರಬೇತಿ ನೀಡಬೇಕಿದೆ. ಬಳಿಕ ಪೂರ್ಣ ಪ್ರಮಾಣದಲ್ಲಿ ಈ ತಂಡ ಕಾರ್ಯಾಚರಣೆ ನಡೆಸಲಿದೆ.

ಡಾ ಅನೂಪ್ ಎ ಶೆಟ್ಟಿ. ಜಿಲ್ಲಾ ಪೋಲಿಸ್ ವರಿಷ್ಠಾಧಿಕಾರಿ.*

ಗೋ ರಾ ಶ್ರೀನಿವಾಸ...

ಮೊ:9845856139.