ಚನ್ನಪಟ್ಟಣ: ನಗರದ ಮಂಡಿಪೇಟೆಯ ಗರುಡಗಂಭದ ಬೀದಿಯಲ್ಲಿರುವ ಶ್ರೀ ಲಕ್ಷ್ಮಿ ನಾರಾಯಣ ಸ್ವಾಮಿ ದೇವಾಲಯದ ಮುಂಭಾಗ ಪುರಾಣ ಪ್ರಸಿದ್ಧ ರತಿ ಮನ್ಮಥ ರ ಹೋಳಿ ಹಬ್ಬವನ್ನು ಅಮಾವಾಸ್ಯೆ ಯಿಂದ ಹುಣ್ಣಿಮೆಯ (ಪೌರ್ಣಿಮೆ) ವರೆಗೆ ಅಂದರೆ ಹದಿನೈದು ದಿನಗಳ ಕಾಲ ಉತ್ಸವ ಸಮಿತಿಯಿಂದ ಅತಿ ವಿಜೃಂಭಣೆಯಿಂದ ನೆರವೇರಿಸಲಾಗುತ್ತಿದೆ.

ಗಿರಿಜಾ ಕಲ್ಯಾಣ ನಂತರ ದಕ್ಷಬ್ರಹ್ಮ ಮಾಡುವ ಯಜ್ಞ ನಂತರ ಅದೇ ಯಜ್ಞದ ಕೊಂಡಕ್ಕೆ ಬಿದ್ದು ಪ್ರಾಣಾರ್ಪಣೆ ಮಾಡುವ ಗಿರಿಜೆ, ಶಿವನ ರುದ್ರನರ್ತನ, ಬೆವರಿನಿಂದ ಹುಟ್ಟಿದ ವೀರಭದ್ರ, ಶಿವನ ಕೋಪ ತಣಿಸಲು ಮನ್ಮಥ ಹೂಡುವ ಹೂಬಾಣ, ರತಿಯ ಕೋರಿಕೆ ಮೇರೆಗೆ ಪ್ರಾಣಭಿಕ್ಷೆ ಇವೆಲ್ಲಾ ಪುರಾಣಕಾಲದ ಕಥೆಗಳ ಪಾತ್ರಗಳೇ ಇಂದಿನ ಕಾಮನ ಹಬ್ಬವಾಗಿ ಆಚರಣೆಯಲ್ಲಿವೆ. ಶತ ಶತಮಾನಗಳಿಂದಲೂ ಸಮಿತಿಯ ಮೂಲಕ ಅತಿ ವಿಜೃಂಭಣೆಯಿಂದ ಈ ಹಬ್ಬವನ್ನು ಆಚರಿಸುತ್ತಾ ಬಂದಿರುವುದು ಚನ್ನಪಟ್ಟಣದ ಇತಿಹಾಸದ ಕುರುಹುಗಳಲ್ಲಿ ಒಂದಾಗಿ ಬೆರೆತುಹೋಗಿದೆ.

ಕಳೆದ ಫೆಬ್ರವರಿ ತಿಂಗಳ ೨೬ ರ ಬುಧವಾರ ಸಂಜೆ ೦೭:೦೦ ಗಂಟೆಯ ಶುಭ ಗಳಿಗೆಯಲ್ಲಿ ರತಿಮನ್ಮಥ ರನ್ನು ಪ್ರತಿಸ್ಠಾಪಿಸಿ ಈ ತಿಂಗಳ ೦೯ ನೇ ತಾರೀಖಿನ ಸೋಮವಾರ ಕಾಮನನ್ನು ದಹನ ಮಾಡಲಿದ್ದಾರೆ. ಒಟ್ಟು ಹದಿನೈದು ದಿನಗಳ ಕಾಲ ನಡೆಯಲಿದೆ. ಈ  ಕಾಮ ನ ಪ್ರತಿರೂಪವನ್ನು ಪ್ರತಿಷ್ಠಾಪಿಸಿ, ಕೊನೆಯ ದಿನದವರೆಗೂ ಪ್ರತಿದಿನವೂ ವಿಶೇಷ ಅಲಂಕಾರ ಮಾಡಿಕೊಂಡು ಬರಲಾಗುತ್ತದೆ.

ಇಂದ್ರನ ವಾಹನ ಎನಿಸಿಕೊಂಡ ಐರಾವತ ದ ತದ್ರೂಪ ಕೃತಕ ಆನೆಯ ಅಂಬಾರಿ ಸಾರೋಟುಸಮೇತ ವಿಶೇಷ ಅಲಂಕಾರಗೊಂಡ ವಿವಿಧ ರೀತಿಯ ಗಾಡಿಗಳು ಮೆರವಣಿಗೆ ನಡೆಸುತ್ತವೆ.

ಕಾಮ ನನ್ನು ದಹಿಸಿದ ನಂತರ ಸಂಜೆ ಏಳು ಗಂಟೆಗೆ ರತಿ ಯನ್ನು ಮೆರವಣಿಗೆ ಮಾಡಲಾಗುತ್ತದೆ.

ಮಾರನೆ ದಿನ ಅಂದರೆ ಇಪ್ಪತ್ತೊಂದನೇ ತಾರೀಖಿನ ಹೋಳಿ ಹುಣ್ಣಿಮೆಯ ದಿನ ಬೆಳಿಗ್ಗೆ ಹತ್ತು ಗಂಟೆಗೆ ರತಿ ಮನ್ಮಥ ರ ಮೆರವಣಿಗೆಯನ್ನು ದೇವಾಲಯದ ಸನ್ನಿಧಿಯಿಂದ ಡೂಮ್ ಲೈಟ್ ಸರ್ಕಲ್, ಮಂಡಿಪೇಟೆ, ಮದೀನಚೌಕ, ಎಂಜಿ ರಸ್ತೆ, ಕೋಟೆ, ಕಾಳಮ್ಮ ಮತ್ತು ಮಾರಮ್ಮ ದೇವಾಲಯದ ಮುಂಭಾಗದ ಮೂಲಕ ಕರಬಲ ಮೈದಾನ, ಜೆಸಿ ರಸ್ತೆ ಮೂಲಕ ಹಾದು ಮತ್ತೆ ಎಂಜಿ ರಸ್ತೆಗೆ ಬಂದು ದೇವಾಲಯದಲ್ಲಿ ಅಂತ್ಯಗೊಳಿಸಲಾಗುತ್ತದೆ.

ಕೊನೆಯ ದಿನ ಅಂದರೆ ೧೦/೦೩/೨೦೨೯ ರ ಮಂಗಳವಾರ ತಂಪು ಆಚರಿಸುವ ಮೂಲಕ ವಿದ್ಯುಕ್ತವಾಗಿ ತೆರೆ ಎಳೆಯಲಾಗುತ್ತದೆ.

ಮಂಗಳವಾರ ಬೆಳಿಗ್ಗೆಯಿಂದಲೇ ಎಲ್ಲರೂ ಒಗ್ಗೂಡಿ ಬಣ್ಣ ಹಚ್ಚಿ ಹೋಳಿ ಆಚರಿಸುತ್ತಾರೆ, ವಿಶೇಷ ವೆಂದರೆ ಮಂಡಿಪೇಟೆ ಸುತ್ತಲೂ ಮುಸ್ಲಿಂ ಜನಾಂಗದವರು ಇದ್ದು ಆಸಕ್ತ ಹಿರಿಯ ಮುಖಂಡರು ಮತ್ತು ಯುವಕರು ಪಾಲ್ಗೊಂಡು ಹೋಳಿ ಆಚರಿಸುವುದು ಸೌಹಾರ್ದತೆಯ ಸಂಕೇತವಾಗಿದೆ.

ಕಾಮ ನ ತಲೆ ಗೆ ಮಾತ್ರ ಹಬ್ಬದಲ್ಲಷ್ಟೇ ಅಲ್ಲದೆ ಪ್ರತಿ ಅಮವಾಸ್ಯೆ ಮತ್ತು ಹುಣ್ಣಿಮೆಯ ದಿನ ಪಂಡಿತ ಗಂಗಾಧರ ರವರ ಮನೆಯಲ್ಲಿ ವಿಶೇಷ ಪೂಜೆ ಮಾಡಲಾಗುತ್ತದೆ.

*ಮಂಡಿಪೇಟೆಯ ಹಿರಿಯರಾದ ಸಿ ಎನ್ ಮಹಾದೇವಯ್ಯನವರ ನೆನಪಿನಂತೆ ಸಾಹಿತಿ ಮತ್ತು ಸಂಗೀತ ವಿದ್ವಾನ್ ಪಿ ಕಾಳಿಂಗರಾಯರು ಮತ್ತು ಹರಿಕಥಾ ವಿದ್ವಾಂಸ ಗುರುರಾಜುಲು ನಾಯ್ಡು ರವರು ಸಂಗೀತ ಕಛೇರಿಯನ್ನು ನಡೆಸಿಕೊಟ್ಟಿದ್ದರು ಎಂದು ನೆನಪಿಸಿಕೊಳ್ಳುತ್ತಾರೆ.*

*ಮತ್ತೊಬ್ಬ ಹಿರಿಯ ಬೇವೂರು ನಾಗರಾಜಯ್ಯ ನವರ ನೆನಪಿನ ಬುತ್ತಿಯಂತೆ ಒಮ್ಮೆ ಹಿರಿಯ ನಟರಾದ ಡಾ ವಿಷ್ಣುವರ್ಧನ್ ಮತ್ತು ದ್ವಾರಕೀಶ್ ಬಂದಿದ್ದು ಯಾವುದೋ ಗಲಾಟೆಯ ಕಾರಣ ಭಾಗವಹಿಸದೇ ಹೊರಟುಹೋದರು. ಆರ್ಕೆಸ್ಟ್ರಾ ಮತ್ತು ಜಾನಪದ ಮೇಳಗಳು ನಡೆಯುತ್ತಿದ್ದು ಇತ್ತೀಚೆಗೆ ಅತಿ ವಿಜೃಂಭಣೆಯಿಂದ ಕಾಮನ ಹಬ್ಬ ನಡೆಯುತ್ತಿದೆ ಎಂದರು.

ಕಾಮನ ಹಬ್ಬದ ಆಚರಣೆಗಾಗಿಯೇ ಸಮಿತಿಯನ್ನು ರಚಿಸಿಕೊಂಡಿದ್ದು, ಸಮಿತಿಯಲ್ಲಿ ಬಿ ಗಂಗಾಧರಯ್ಯ, ದೇವರಾಜು, ಲೋಕೇಶ್, ಮಹೇಶ್, ನಾಗೇಂದ್ರ (ಕಾಮಣ್ಣ) ನಾಗೇಶ್, ಸಿ ಎ ರಾಜು, ಬಾಬು ಸೇರಿದಂತೆ ಅನೇಕ ಹಿರಿಯರು ಇದ್ದಾರೆ.

ಗೋ ರಾ ಶ್ರೀನಿವಾಸ...

ಮೊ:9845856139.