ಚನ್ನಪಟ್ಟಣ:ಏ/೦೫/೨೦/ಭಾನುವಾರ. ಭಿಕ್ಷೆ ಕೇಳಿ ಬಂದವರಿಗೆ ಒಂದೊತ್ತಿನ ಊಟ ಅಥವಾ ಒಂದೆರಡು ರೂಪಾಯಿ ನೀಡುವುದೇ ದೊಡ್ಡದು, ಆದರೆ ಕೊರೊನಾ (ಕೋವಿಡ್-೧೯) ವಕ್ಕರಿಸಿದ ನಂತರ ಇಡೀ ಕರ್ನಾಟಕವನ್ನೇ ಸರ್ಕಾರ ಲಾಕ್ ಡೌನ್ ಮಾಡಲಾಯಿತು.

ಇದರಿಂದ ಬಹುತೇಕ ನಿರ್ಗತಿಕರು, ಭಿಕ್ಷುಕರು, ದಿನಗೂಲಿ ಕಾರ್ಮಿಕರು ಮತ್ತು ವಲಸಿಗರಿಗೆ ಅನ್ನದ ಆಹಾಕರವೇ ಎದ್ದು ನಿಂತಿತ್ತು. ಇದನ್ನು ಅರ್ಥೈಸಿಕೊಂಡ ನಗರದ ಹಲವಾರು ಸಂಘಸಂಸ್ಥೆಗಳು, ಮತ್ತು ಯುವಕರು ಅನ್ನದಾಸೋಹವನ್ನು ಏರ್ಪಡಿಸಿದರು. ಕೆಲವರು ಒಂದು ಹೊತ್ತು, ಒಂದು ದಿನ ಅಥವಾ ಒಂದು ವಾರಕ್ಕೆ ಸೀಮಿತವಾದರೆ ಕೆಲ ಯುವಕ ಮಿತ್ರರು ಮಾತ್ರ ಲಾಕ್ ಡೌನ್ ಮುಗಿಯುವವರೆಗೂ ಎರಡು ಹೊತ್ತು ಊಟ ನೀಡುವಲ್ಲಿ ಮಗ್ನರಾಗಿರುವುದು ಶ್ಲಾಘನೀಯ.

ನಗರದ ಜೈನ್ ಸಂಘ, ಆಸರೇ ಸೇವಾ ಟ್ರಸ್ಟ್ ಮತ್ತು ಸಿಂಚನ ಹೋಟೆಲ್ ನ ಮಾಲೀಕ ಸೇರಿಕೊಂಡು ಮಧ್ಯಾಹ್ನ ಮತ್ತು ರಾತ್ರಿ ಸಮಯದಲ್ಲಿ ಪ್ರತಿನಿತ್ಯ ಇನ್ನೂರು ಮಂದಿಗೆ ಊಟ ವಿತರಿಸುತ್ತಿದ್ದಾರೆ. ಮೊದಲಿಗೆ ಮುನ್ನೂರಕ್ಕೂ ಹೆಚ್ಚು ಮಂದಿಗೆ ಊಟ ವಿತರಿಸುತ್ತಿದ್ದು, ಹಲವಾರು ಸಂಘಸಂಸ್ಥೆಗಳು ಊಟ ನೀಡಲು ಮುಂದಾದ ನಂತರ ಎರಡು ನೂರು ಮಂದಿಗೆ ಸೀಮಿತಗೊಳಿಸಿಕೊಂಡಿದ್ದಾರೆ.

ಈ ತಂಡದಲ್ಲಿ ದಾನಿಗಳಾದ ಕೆ ಕೆ ಎಲೆಕ್ಟ್ರಿಕಲ್ ನ ಮಾಲೀಕ ಕಸ್ತೂರಿ ಚಂದ್, ನಿರ್ಮಲ್,

ಆನಂದ್, ಎಂ ಕೆ ಮಂಜು ಹರೂರು. ಸತೀಶ್ ಮಹದೇಶ್ವರ ನಗರ, ಮೈತ್ರಿ ಗೌಡ, ಯೂನಿಯನ್ ಬ್ಯಾಂಕ್ ಸುಮಲತಾ, ಶಿಕ್ಷಕ ಪ್ರಶಾಂತ್ ಶರ್ಮ, ಮಧು ದೀಕ್ಷಿತ್, ಹಾಗೂ ಅಡುಗೆ ಸಿದ್ದತೆ ಪಡಿಸುತ್ತಿರುವ ಲೋಕೇಶ್, ದಶರಥ್, ನಿಖಿಲ್, ಪ್ರಕಾಶ್. ಕೋಮನಹಳ್ಳಿ ವೆಂಕಟೇಶ್ ರವರು ಈ ತಂಡದ ಮುಂಚೂಣಿಯಲ್ಲಿದ್ದಾರೆ.

ನಾವು ಸಹ ಬಡ ಮತ್ತು ಮಧ್ಯಮ ವರ್ಗದ ಜನರೇ, ಆದರೆ ಶಾಶ್ವತವಾಗಿ ಸಾವಿರಗಟ್ಟಲೆ ಸಂಬಳ ಇಲ್ಲದ, ವಾಸಿಸಲು ಮನೆಯೂ ಇಲ್ಲದ ಭಿಕ್ಷುಕರು, ನಿರ್ಗತಿಕರು ಮತ್ತು ವಲಸೆ ಬಂದಿರುವ ಕೂಲಿ ಕಾರ್ಮಿಕರು ನಮ್ಮಲ್ಲಿದ್ದು ಅವರಿಗೆ ನೆರವಾಗಬೇಕಿದ್ದು ಮನುಷ್ಯ ಧರ್ಮ. ಅದನ್ನು ನಾವು ಮಾಡುತ್ತಿದ್ದೇವೆ ಎಂದು *ವನಿತಾ ಸ್ಯಾರಿ ಸೆಲೆಕ್ಷನ್ ಮಾಲೀಕ ವಿಜಯಕುಮಾರ್ ಗುಲೇಚಾ (ರಾಜು)* ರವರ ಮಾನವೀಯ ನುಡಿ.

ಹಸಿದವರಿಗೆ ಊಟ ನೀಡುವುದು ಮನುಷ್ಯ ಧರ್ಮ. ಅದರಲ್ಲೂ ಇಂತಹ ವಿಷಮ ಪರಿಸ್ಥಿತಿಯಲ್ಲಿ ಬೀದಿಗೆ ಬಿದ್ದವರಿಗೆ ಅನ್ನ ಹಾಕಬೇಲೇಬೇಕು. ಅಂತಹ ಒಂದು ಸಣ್ಣ ಕೆಲಸವನ್ನು ಆತ್ಮಪೂರ್ವಕವಾಗಿ ನಮ್ಮ ಸಮಾನ ಮನಸ್ಕರ ತಂಡದವರು ಮಾಡುತ್ತಿದ್ದೇವೆ.

*ಶಿವಶಂಕರ್. ವಕೀಲರು ಮತ್ತು ತಂಡದ ಸದಸ್ಯರು.*

ನಾನು ಹೋಟೆಲ್ ಮಾಲೀಕನಾಗಿ ಇಲ್ಲಿ ಊಟ ಬಂದು ಊಟ ಮಾಡುವವರನ್ನು ಗಮನಿಸುತ್ತಿದೆ. ಕೆಲವರು ಊಟ ಮಾಡುವ ಆಸೆ ಎಷ್ಟೇ ಇದ್ದರೂ ಜೇಬು ನೋಡಿಕೊಂಡೇ ಊಟ ಆರ್ಡರ್ ಮಾಡುತ್ತಿದ್ದರು. ಎಲ್ಲವೂ ಸರಿಯಿದ್ದಾಗಲೇ ಜೇಬು‌ ನೋಡಿ ಊಟ ಮಾಡುತ್ತಿದ್ದ ಕೂಲಿ ಕಾರ್ಮಿಕರ ಗತಿ ಈಗ ಹೇಗಿರಬೇಡ ಎಂದು ಆಲೋಚಿಸಿಯೇ ಅನ್ನದಾಸೋಹಕ್ಕೆ ಚಾಲನೆ ನೀಡಿದ್ದೇವೆ. ೭೭ ಮಂದಿ ಭಿಕ್ಷುಕರು ಸೇರಿದಂತೆ ನಗರದ ಒಳ ಮತ್ತು ಹೊರಭಾಗದಲ್ಲಿರುವ ೧೩೦ ಕ್ಕೂ ಹೆಚ್ಚು ಮಂದಿಗೆ ಎರಡು ವೇಳೆ ಊಟ ನೀಡುತ್ತಿದ್ದೇವೆ.

*ಸತೀಶ್ ಕೆಲಗೆರೆ. ಸಿಂಚನ ಮಿಲ್ಟ್ರಿ ಹೋಟೆಲ್ ಮಾಲೀಕರು.*

 ಪ್ರತಿನಿತ್ಯ ಬಡವರು, ನಿರ್ಗತಿಕರು, ಭಿಕ್ಷುಕರನ್ನು ಹುಡುಕಿ ಅವರಿದ್ದಲ್ಲಿಗೇ ಊಟ ಮತ್ತು ನೀರನ್ನು ಸರಬರಾಜು ಮಾಡುತ್ತಿದ್ದೇವೆ. ಹಸಿದು ಕಾಲ್ನಡಿಗೆಯಲ್ಲೇ ತಮ್ಮ ಊರಿಗೆ ಹೋಗುತ್ತಿರುವ ವಲಸೆ ಕಾರ್ಮಿಕರಿಗೂ ಸಹ ಊಟದ ಜೊತೆಗೆ ವಿಶ್ರಾಂತಿಗೂ ವ್ಯವಸ್ಥೆ ಮಾಡುತ್ತಿದ್ದೇವೆ. ಹಸಿದವರಿಗೆ ಊಟ ನೀಡಿದಾಗ ಸಿಗುವ ಆನಂದವನ್ನು ವರ್ಣಿಸಲಸಾಧ್ಯ.

*ಯೋಗೇಶ್ ಕುಮಾರ್, ದೊಡ್ಡಮಳೂರು. ಆಸರೆ ಸೇವಾ ಟ್ರಸ್ಟ್ ನ ಅಧ್ಯಕ್ಷರು.*

ಅತ್ಯಂತ ಆತ್ಮ ತೃಪ್ತಿ ತಂದುಕೊಟ್ಟ ಕೆಲಸವೆಂದರೆ ಹಸಿದ ಹೊಟ್ಟೆಗೆ ಅನ್ನ ನೀಡಿದ್ದು. ಅಂತರ ಕಾಯ್ದುಕೊಳ್ಳಿ, ಮಾಸ್ಕ್ ಧರಿಸಿ ಎನ್ನುವುದರ ಜೊತೆಗೆ ಹಸಿದ ಹೊಟ್ಟೆ ತುಂಬಿಸುವುದು ಸಹ ಮಾನವ ಧರ್ಮ. ಅದರಲ್ಲೂ ಪ್ರತಿದಿನವೂ ಒಂದೊಂದು ರೀತಿಯ (ಇಡ್ಲಿ, ಪೂರಿ, ರೈಸ್ ಬಾತ್) ಊಟ ನೀಡುತ್ತಿದ್ದೇವೆ. ಇಂತಹ ಟೀಂ ನಲ್ಲಿ ನಾನು ಒಬ್ಬಳಾಗಿ‌ ಕೆಲಸ ನಿರ್ವಹಿಸುತ್ತಿರುವುದು ಸಂತೋಷ ತಂದಿದೆ. *ಮೈತ್ರಿ ಗೌಡ. ತಂಡದ ಸದಸ್ಯೆ*

ಕೇವಲ ಬಡವರು ನಿರ್ಗತಿಕರಿಗೆ ಅಷ್ಟೇ ಅಲ್ಲದೇ ಬೆಳಿಗ್ಗೆ ಯಿಂದ ಸಂಜೆಯವರೆಗೂ ನಮಗಾಗಿ‌ ಬಿಸಿಲಿನಲ್ಲಿ ನಿಂತು ಕೆಲಸ ನಿರ್ವಹಿಸುತ್ತಿರುವ ಕೆಲ ಪೋಲಿಸರಿಗೂ ಸಹ ಊಟ ನೀಡುತ್ತಿದ್ದೇವೆ. ಇದು ನಮ್ಮ ಸೌಭಾಗ್ಯ ಎಂದೇ ಭಾವಿಸುತ್ತೇವೆ.

*ನವೀನ್ ಕುಮಾರ್. ಡೂಂಲೈಟ್ ಸರ್ಕಲ್.*

ಗೋ ರಾ ಶ್ರೀನಿವಾಸ...

ಮೊ:9845856139.