ಚನ್ನಪಟ್ಟಣ:ಏ/೨೨/೨೦/ಬುಧವಾರ. ನಗರದ ಗಾಂಧಿ ಸ್ಮಾರಕ ಭವನದಲ್ಲಿ ನೆನ್ನೆ ಅಪಘಾತದಲ್ಲಿ ನಿಧನ ಹೊಂದಿದ ಪಬ್ಲಿಕ್ ಟಿ.ವಿ ಯ ವರದಿಗಾರ ಟಿ.ಹನುಮಂತು (೩೩) ಇವರ ಸಾವಿಗೆ ತಾಲ್ಲೂಕಿನ ವಿದ್ಯುನ್ಮಾನ ಹಾಗೂ ಮುದ್ರಣ ಮಾಧ್ಯಮದ ಪತ್ರಕರ್ತರು ಸೇರಿ ಶ್ರದ್ಧಾಂಜಲಿ ಕಾರ್ಯಕ್ರಮ ಏರ್ಪಡಿಸಿದ್ದರು.

ಈ ಸಂದರ್ಭದಲ್ಲಿ ಎಲ್ಲಾ ಪತ್ರಕರ್ತರೂ ೨ ನಿಮಿಷ ಮೌನ ಆಚರಿಸಿ ಮೃತ ಹನುಮಂತು ಅವರ ಭಾವ ಚಿತ್ರಕ್ಕೆ ಪುಷ್ಪಾಂಜಲಿಯನ್ನು ಸಲ್ಲಿಸಿದರು.

ಸಂದರ್ಭದಲ್ಲಿ ನುಡಿ ನಮನ ಸಲ್ಲಿಸಿದ ಪತ್ರಕರ್ತ ರಮೇಶ್ ಗೌಡ ಅವರು ಕೆ. ಹನುಮಂತು ಕ್ರಿಯಾ ಶೀಲಯುವಕ, ಉತ್ತಮವಾಗಿ ವರದಿ ಮಾಡಬೇಕು, ಸಮಸ್ಯೆಗಳಿಗೆ ಪರಿಹಾರ ಹುಡಕಬೇಕು, ಜನರ ನೋವಿಗೆ ಪರಿಹಾರ ಸಿಗಬೇಕು ಎಂಬ ಹಿನ್ನೆಲೆಯಲ್ಲಿ ಕೆಲಸ ಮಾಡುತ್ತಿದ್ದರು.

ಶ್ರೀಯುತರ ಸಾವಿನಿಂದ ಪತ್ರಿಕಾ ಕ್ಷೇತ್ರವು ಓರ್ವ ದಿಟ್ಟ ಪತ್ರಕರ್ತನನ್ನು ಕಳೆದು ಕೊಂಡಿದೆ.

ಸರ್ಕಾರ ಕೊರೊನಾ ನಿಮಿತ್ತ ಸತ್ತ ವೈದ್ಯಕೀಯ ಸಿಬ್ಬಂದಿಗೆ ೫೦ ಲಕ್ಷ ಪರಿ ಹಾರ ಕೊಡುವುದಾಗಿ ಘೋಷಿಸಿದೆ, ಕೋವಿಡ್ ಸಂಬಂಧದ ವರದಿ ಮಾಡಲು ಹೋಗಿ ಹಿಂದಿರುಗಿ ಬರುತ್ತಿದ್ದಾಗ ಆದ ಸಾವು ಇದಾಗಿದ್ದು, ಇಂತಹ ಪ್ರಕರಣದಲ್ಲಿಯೂ ೫೦ ಲಕ್ಷ ಪರಿಹಾರ ಘೋಷಿಸಬೇಕು ಎಂದರು. ಹನುಮಂತು ಮಗು ವಿಕಲಚೇತನವಾಗಿದ್ದು, ಅದರ ಪೂರ್ಣ ನಿರ್ವಹಣೆಯನ್ನು ಚನ್ನಪಟ್ಟಣ ಕ್ಷೇತ್ರದ ಶಾಸಕ ಎಚ್.ಡಿ ಕುಮಾರಸ್ವಾಮಿ ಯವರು ವಹಿಸಿಕೊಂಡಿರುವುದು ಶ್ಲಾಘನೀಯವಾದದ್ದು ಎಂದು ಹೇಳಿದರು. ಬೇರೆಯವರು ವೈಯಕ್ತಿಕವಾಗಿ ಘೋಷಿಸಿ ರುವ ಸಹಾಯ ಧನವನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದು ಇದೇ ವೇಳೆ ಕಿವಿಮಾತು ಹೇಳಿದರು.

ಮತ್ತೋರ್ವ ಹಿರಿಯ ಪತ್ರಕರ್ತ ಸು.ತ ರಾಮೇಗೌಡ ಅವರು ಮಾತನಾಡಿ ಹನುಮಂತು ಅವರು ಮಾನವೀಯ ಹೃದಯವುಳ್ಳವರು ಇಷ್ಟು ಚಿಕ್ಕವಯಸ್ಸಿನಲ್ಲಿ ಅವರ ಸಾವು ಪತ್ರಿಕಾ ಕ್ಷೇತ್ರಕ್ಕೆ, ಅವರ ಕುಟುಂಬಕ್ಕೆ ತುಂಬಲಾರದ ನಷ್ಟವಾಗಿದೆ ಎಂದು ಹೇಳಿದರು.

ಕೆಲವು ಪ್ರಮುಖರು ವೈಯಕ್ತಿಕವಾಗಿ ಕೊಡುತ್ತಿರುವ ಪರಿಹಾರದ ಜೊತೆಗೆ ಸರ್ಕಾರ ಗಣನೀಯ ಪ್ರಮಾ ಣದಲ್ಲಿ ಪರಿಹಾರ ಒದಗಿಸಿ ಕೊಡಬೇಕು ಅದಕ್ಕೆ ನಾವೆಲ್ಲರೂ ಒತ್ತಾಯ ಹೇರೋಣಾ ಎಂದು ಹೇಳಿದರು.

ಹನುಮಂತು ಸಾಹಿತ್ಯ, ಸಾಂಸ್ಕೃತಿಕ ಹಾಗೂ ರಾಜ ಕೀಯ ವರದಿಗಳನ್ನು ಸಮನ್ವಯಗೊಳಿಸಿಕೊಂಡು ಸಮತೋಲನ ವರದಿ ಮಾಡುತ್ತಿದ್ದರು ಎಂದರು.

ಕಾರ್ಯಕ್ರಮ ನಿರೂಪಣೆ ಮಾಡಿದ ಪತ್ರಕರ್ತ ಲಕ್ಷ್ಮಿಪತಿ, ಹನಮಂತು ಮಾನವೀಯ ಹೃದಯವುಳ್ಳ ಗೆಳೆಯ, ಬೇರೆಯವರು ನೀಡುವ ಸಹಾಯದ ಜೊತೆಗೆ ಜಿಲ್ಲೆಯ ಪತ್ರಕರ್ತರೂ ಸಹ ಸಹಾಯ ಹಸ್ತ ನೀಡಬೇಕು ಎಂದರು.

ಶ್ರದ್ಧಾಂಜಲ ಸಭೆಯಲ್ಲಿ ಪತ್ರಕರ್ತರಾದ ಬಿ.ಟಿ ನಾಗೇಶ್, ಗುರುಮೂರ್ತಿ, ಮಂಜುನಾಥ್, ಕರೀಂ, ಚೇತನ್‌ಕುಮಾರ್ ಸೇರಿ ದಂತೆ ತಾಲ್ಲೂಕಿನ ಬಹುಪಾಲು ಎಲ್ಲಾ ವಿದ್ಯುನ್ಮಾನ ಹಾಗೂ ಮುದ್ರಣ ಮಾಧ್ಯಮದ ಪತ್ರಕರ್ತರು ಪಾಲ್ಗೊಂಡಿದ್ದರು.

ಶ್ರದ್ಧಾಂಜಲ ಸಭೆಯಲ್ಲಿ ಪ್ರತಿಯೊಬ್ಬರೂ ಸಹ ಸಾಮಾಜಿಕ ಅಂತರ ಕಾಯ್ದು ಕೊಳ್ಳುವುದರ ಜೊತೆಗೆ ಮಾಸ್ಕ್ ಬಳಸಿ ಶಿಸ್ತು ಮೆರೆದು ಮಾದರಿಯಾಗಿದ್ದು ವಿಶೇಷವಾಗಿತ್ತು.

ಗೋ ರಾ ಶ್ರೀನಿವಾಸ...

ಮೊ:9845856139.