ಚನ್ನಪಟ್ಟಣ:ಏ/೨೪/೨೦/ಶುಕ್ರವಾರ. ನಿನ್ನೆ ರಾತ್ರಿ ಸುರಿದ ಗಾಳಿ ಮಳೆಗೆ ತಾಲ್ಲೂಕಿನಾದ್ಯಂತ ಹಲವಾರು ರೈತರು ತೋಟಗಳಲ್ಲಿ ಬೆಳೆದಿದ್ದ ವಾರ್ಷಿಕ ಬೆಳೆಯಾದ ಬಾಳೆಯು ನೆಲಕ್ಕಚ್ಚಿದ್ದು, ರೈತರು ಸಂಕಷ್ಟಕ್ಕೀಡಾಗಿದ್ದಾರೆ.

ರಾಷ್ಟ್ರದ ಹವಾಮಾನ ಇಲಾಖೆಯು ರಾಜ್ಯದ ಯಾವ ಯಾವ ಭಾಗಗಳಲ್ಲಿ ಮಳೆ, ಗುಡುಗು ಸಹಿತ ಮಳೆ, ಬಿರುಗಾಳಿ ಸಹಿತ ಮಳೆ ಬರುವ ಬಗ್ಗೆ ಭವಿಷ್ಯ ನುಡಿದಿತ್ತು.

ಅದರ ಪ್ರಕಾರ ರಾಮನಗರ ಜಿಲ್ಲೆಯಲ್ಲಿಯೂ ಸಹ ಸಿಡಿಲು ಗುಡುಗು ಸಹಿತ ಮಳೆಯಾಗುತ್ತದೆ, ಆದರೆ ಅದು ೨೫ ಹಾಗೂ ೨೬ ರಂದು ಆಗುವ ಸೂಚನೆಯನ್ನು ನೀಡಿತ್ತು.

ಆದರೆ ೨ ದಿವಸ ಮುಂಚಿತವಾಗಿಯೇ ರಾಮನಗರ ಜಿಲ್ಲೆಯ ರಾಮನಗರ, ಚನ್ನಪಟ್ಟಣ, ಕನಕಪುರ ಹಾಗೂ ಮಾಗಡಿ ತಾಲ್ಲೂಕುಗಳಲ್ಲಿ ಅದರ ಪ್ರಭಾವವನ್ನು ಬೀರಿರುವುದು ಕಂಡು ಬರುತ್ತಿದೆ.

ಹವಾಮಾನ ಇಲಾಖೆಯು ಅಂದಾಜಿಸಿದ್ದಕ್ಕಿಂತ ೨ ದಿವಸ ಮೊದಲೇ ಮಳೆಯು ಬಂದಿದೆ. ಬರೀ ಮಳೆಯಷ್ಟೇ ಬಂದಿಲ್ಲ ದೊಡ್ಡ ಗಾಳಿ ಸಮೇತ ಮಳೆಯು ಬಿದ್ದಿದೆ.

ಕೆಲವು ಕಡೆ ರೈತರ ಬೆಳೆಗಳು ಸಹ ನಷ್ಟವಾಗಿರುವ ವರದಿಗಳು ಬಂದಿದೆ. ರೈತನ ಪಾಲಿಗೆ ಈಗಾಗಲೇ ಕ ಕೋವಿಡ್-೧೯ ರ ಕಾಟ ಬಂದು ಬೆಳೆದ ಬೆಳೆಗೆ ಬೆಲೆಯೂ ಸಿಗದೆ ಆತ ಪರಿತಪಿಸಿ ಮಣ್ಣಲ್ಲಿ ಮಣ್ಣಾಗಿ ಹೋಗಿದ್ದಾನೆ.

ಅಂತಿಮವಾಗಿ ರಾಜಕೀಯದವರು, ಸಂಘ ಸಂಸ್ಥೆಗಳವರು ಕೊಟ್ಟ ಕನಿಷ್ಠ ಬೆಲೆಯಿಂದಲೇ ತೃಪ್ತಿ ಪಟ್ಟುಕೊಂಡಿದ್ದಾರೆ ಎಂಬುದು ಗಮನಾ ರ್ಹವಾದ ಸಂಗತಿಯಾಗಿದೆ.

*ಚನ್ನಪಟ್ಟಣ ತಾಲ್ಲೂಕಿನಲ್ಲಿ ಆದ ನಷ್ಟ*

ತಾಲ್ಲೂಕಿನ ಮೆಂಗಳ್ಳಿ ಗ್ರಾಮದ ಪಾಪಣ್ಣನವರು ೨ ಎಕರೆ ಪ್ರದೇಶದಲ್ಲಿ ಬೆಳೆದಿದ್ದ ಏಲಕ್ಕಿ ಬಾಳೆ ಬೆಳೆಯು ನಾಶವಾಗಿದೆ.

ಪರಿಶ್ರಮವಹಿ ಬೆಳೆದಿದ್ದ ಬಾಳೆಯು ಕೈಗೆ ಬಂದಿತ್ತು, ಅದು ಬಾಯಿಗೆ ಬರದ ರೀತಿಯಲ್ಲಿ ನಾಶವಾಗಿದೆ ಎಂದು ರೈತ ಪಾಪಣ್ಣ ಅವಲತ್ತುಗೊಂಡಿದ್ದಾರೆ.

ಅದೇ ರೀತಿಯಲ್ಲಿ ಪಕ್ಕದ ಅಗ್ರಹಾರವರಗೇರಹಳ್ಳಿಯ ಮೇಲಿಗೌಡನ ಮಗ ತಿಮ್ಮೇಗೌಡರಿಗೆ ಸೇರಿದ ೨೦೦ ಬಾಳೆ ಗಿಡಗಳು ನೆಲ ಕಚ್ಚಿವೆ.

ಇದೇ ತಾಲ್ಲೂಕಿನ ಚಿಕ್ಕಬೋರೇಗೌಡನ ದೊಡ್ಡಿ (ಇಗ್ಗಲೂರು ಬಳಿ) ಸಿದ್ದೇಶ್ ಎಂಬುವವರ ೨೦೦ ಬಾಳೆ ಗಿಡಗಳು ನೆನ್ನೆ ರಾತ್ರಿ ಬೀಸಿದ ಬಿರುಗಾಳಿಯಿಂದ ನಾಶವಾಗಿವೆ.

ಇಗ್ಗಲೂರು ಗ್ರಾಮದ ದೇವರಾಜು ಅವರು ಬೆಳೆದಿದ್ದ ೫೦೦ ಬಾಳೆಗಿಡಗಳು ನಾಶವಾಗಿವೆ.

ಗರಕಹಳ್ಳಿ ಸುತ್ತಮುತ್ತ ಬಾಳೆ, ಮಾವು ಹಾಗೂ ಇತರೆ ಬೆಳೆಗಳು ಹಾಳಾಗಿ ರುವ ಬಗ್ಗೆ ಮಾಹಿತಿ ಇದ್ದು, ನಿಖರವಾದ ಮಾಹಿತಿ ಲಭ್ಯವಾಗಿಲ್ಲ.

ರೈತನ ಪಾಲಿಗೆ ಬರ ಬರಲಿ, ನೆರೆ ಬರಲಿ, ಬರಬಾರದ ಖಾಯಿಲೆ ಬರಲಿ ಏನೇ ಬಂದರೂ ಸಹ ಆತನ ಪಾಲಿಗೆ ನಷ್ಟವಂತೂ ಉಂಟಾಗುತ್ತಿದೆ.

ಆದರೆ ಆತ ಕಳೆದು ಕೊಂಡ ಬೆಳೆಗೆ ಸರ್ಕಾರ ಸೂಕ್ತ ಪರಿಹಾರ ಕೊಡುವ ಮಾತನ್ನು ಆಡುತ್ತದೆ, ಆದರೆ ವೈಜ್ಞಾನಿಕ ಪರಿಹಾರವಂತೂ ಸಿಗುವುದಿಲ್ಲ ಎಂಬುದು ಇಲ್ಲಿ ಗಮನಾರ್ಹ.

ಗೋ ರಾ ಶ್ರೀನಿವಾಸ...

ಮೊ:9845856139.